شعبہ کفن دفن دعوت اسلامی کےتحت 06 اکتوبر  2023ء کو عالمی مدنی مرکز فیضانِ مدینہ کراچی میں کفن دفن کورس کا سلسلہ ہوا جس میں امامت کورس کے اسلامی بھائیوں نے شرکت کی۔

شعبہ کفن دفن ایسٹ ڈسٹرکٹ ذمہ دارعزیر عطاری نے اسلامی بھائیوں کو غسلِ میت دینے اورکفن کاٹنے/ پہنانے کا طریقہ سکھایا نیز تدفین سے متعلق دینِ اسلام کی تعلیمات سے آگاہ کیا جس پر انہوں نے اچھی اچھی نیتیں کیں۔ (رپورٹ: عزیر عطاری شعبہ کفن دفن،کانٹینٹ:رمضان رضا عطاری)

7اکتوبر 2023 بروز ہفتہ  فیضانِ مدینہ آفندی ٹاؤن میں آفسز کے اسلامی بھائیوں کا میٹ اپ ہوا جس میں دعوت اسلامی کی مرکزی مجلس شوریٰ کے رکن حاجی قاری محمد ایاز عطاری نے تربیت کی ۔

رکنِ شوریٰ نے اسلامی بھائیوں کو ماہ ربیع الاول میں امیر اہل سنت دامت برکاتہم العالیہ کے فرمان پر روزانہ 12سو مرتبہ درودِ پاک پڑھنے کا ذہن دیا، موجودہ حالات و مہنگائی پر پریشان ہونے کے بجائے صبرو شکر اور قناعت کی ترغیب دلائی جبکہ ٹائم مینجمنٹ پر تربیت بھی کی ۔ مزید 15اکتوبر 2023ء کوہونے والے ٹیلی تھون میں اپنا حصہ ملانے اور اپنے رشتے داروں کے یونٹس جمع کروانے کی ترغیب دلائی۔ (کانٹینٹ: رمضان رضا عطاری)

ساؤتھ کوریا کے شہر بوسان ساسنگ میں دعوت اسلامی   کے زیرِ اہتمام اجتماع میلاد کا انعقاد ہوا جس میں مختلف مقامات سے عاشقانِ رسول کی تشریف آوری ہوئی ۔

آغاز تلاوت و نعت شریف سے ہوا پھر مرکزی مجلسِ شوریٰ کے رکن حاجی محمد امین عطاری نے ’’سیرت ِ مصطفیٰ صلَّی اللہ علیہ واٰلہٖ وسلَّم‘‘ کے موضوع پر بیان کیاجس میں نبی کریم صلَّی اللہ علیہ واٰلہٖ وسلَّم کی سیرت کےمختلف پہلوؤں کے بارے میں بتایا نیز حاضرینِ محفل کو دعوت اسلامی کےدینی ماحول سے وابستہ ہونے کا ذہن دیا اور آخر میں دعا کروائی جبکہ شرکا نے دینی کام کرنے کی اچھی اچھی نیتوں کا اظہار بھی کیا۔ (کانٹینٹ:رمضان رضا عطاری)

دینِ اسلام کی تعلیمات پر عمل کرتے ہوئے زندگی گزارنے اور ضروریاتِ دین  سے لوگوں کو آگاہ کرنے والی عاشقانِ رسول کی دینی تحریک دعوتِ اسلامی کے تحت 21 ربیع الاول 1445ھ بمطابق 07 اکتوبر 2023ء بروز ہفتہ کی شب عالمی مدنی مرکز فیضانِ مدینہ کراچی میں مدنی مذاکرے کا انعقاد کیا گیا۔

مدنی مذاکرے کا آغاز معمول کے مطابق تلاوتِ قراٰن اور نعتِ رسولِ مقبول صلی اللہ علیہ و سلم سے کیا گیاجبکہ عاشقانِ رسول کی جانب سے مختلف سوالات کا بھی سلسلہ ہوا۔

اس دوران عاشقِ رسول و بانیِ دعوتِ اسلامی حضرت علامہ مولانا محمد الیاس عطار قادری رضوی ضیائی دامت بَرَکَاتُہمُ العالیہنے عاشقانِ رسول کے سوالات کے جوابات دیئے اور انہیں خوشگوار مدنی پھولوں سے نوازا جن میں سے بعض درج ذیل ہیں:

سوال: ملنساری اورخوش اخلاقی کی کیا اہمیّت ہے ؟

جواب: واقعی ملنساری اورخوش اخلاقی بہت بڑی چیز ہے ،اس سے لوگ جلدمانوس ہوجاتے ہیں ،ان کی دل جوئی ہوتی ہے،لوگ قریب آتے ہیں ،ملنسار بننا چاہیئے ،سلام کو عام کرنا چاہیئے اورمسکرا کر ملاقات کرنی چاہیئے ۔

سوال:محبت کی چابی(Key) کیا ہے ؟

جواب:ملاقات کے وقت سلام کرنا محبت کی چابی ہے ۔کسی ناراض سے مسکراکر سلام کریں گےتو ناراضی دورہوجائے گی یا بہتراثرات ضرورمرتب ہوں گے۔سلام میں سلامتی کی دعاہے، یہ کتنی پیاری اورجامع دعا ہے۔سلام کو عام کرنا چاہیئے۔ اگرگھرمیں بھی سلام سلام ہوتا رہے گا تو گھرامن کا گہورا بن جائے گا،سلامتی گھرمیں ڈیرے ڈال لے گی ،بےبرکتی دورہوجائے گی،جھگڑے دورہوجائیں گے ۔سلام بہت قدیم ہے ،حضرت آدَم علیہ السلام سے چلاآرہا ہے ۔

سوال :حضورسراپا نورصلی اللہ علیہ والہ وسلم کے والدمحترم اور دادا جان کا نام کیا تھا؟

جواب :داداجان کانام حضرت عبدالمطلب رضی اللہ عنہ اوروالدِگرامی کا نام حضرت عبد اللہ رضی اللہ عنہ تھا ۔

سوال: کیا قرآن کریم دیکھ کر پڑھنا بہترہےیا زبانی ؟

جواب:قرآنِ کریم دیکھ کر پڑھنا افضل ہے، اس میں دیکھنابھی عبادت،چُھونا بھی عبادت ہے۔

سوال:نبیِ پاک صلی اللہ علیہ والہ وسلم کی سیرت پڑھنے کے بارے میں آپ کیا فرماتے ہیں ؟

جواب:نبی پاک صلی اللہ علیہ والہ وسلم کی سیرت کی جتنی معلومات بڑھتی ہیں تو عشقِ نبی میں اضافہ ہوتاہے اورعشقِ نبی میں اضافہ ہی ہونا چاہیئے ۔مکتبۃ المدینہ نے سیرتِ مصطفی(صلی اللہ علیہ والہ وسلم) پر کتابیں شائع کی ہیں،ایک کتاب”آخری نبی کی پیاری سیرت“شائع ہوئی ہے، یہ کتاب ضرور پڑھیں ۔

سوال:کیا دینی کتاب خرید کرپڑھنی چاہیئے؟

جواب:دِینی کتابیں خریدکر پڑھیں ،اس سے زیادہ برکتیں ملیں گی۔ تحفے میں ملے تو اس جیسی کتاب خرید کر کسی کو تحفہ دے دیں۔

سوال :مفتی وقارالدین قادری رحمۃ اللہ علیہ سے آپ نے کتناعلم حاصل کیا ؟

جواب:مجھے مفتی وقارالدین قادری رحمۃ اللہ علیہ کی صحبت حاصل رہی ،ان کی خدمت میں آنا جانارہتاتھا،مَیں نے اِن سے وہ مسائل سیکھے جو عام طور پرکتابوں کے مطالعے سے حاصل نہیں ہوتے ،میں ان سے بہت مسائل پوچھتاتھا ،مجھے مسائل سیکھنے کی حرص تھی ،مفتی صاحب خود فرماتے ہیں کہ میں ان کے پاس تقریباً 22سال جاتارہا ہوں ۔

سوال: ٹینشن(Tension) دورہونے کا کوئی وظیفہ بتادیں ؟

جواب:اوّل وآخر دُرودشریف پڑھ کر’’یَابَاعِثُ یَانُوْرُ‘‘روزانہ 11 بار سوتے وقت دل پرسیدھا ہاتھ رکھ کر پڑھیں ،9فائدے حاصل ہوں گے جن میں سے ایک فائدہ ٹینشن دورہونا بھی ہے۔

سوال:اِس ہفتے کارِسالہ ”امیر اہلسنّت سے سائنس کے بارے میں 10 سوال جواب“ پڑھنے یاسُننے والوں کوجانشینِ امیراہل سنت نے کیا دُعا دی ؟

بوسان ساؤتھ کوریا میں  دعوت اسلامی کے زیرِ اہتمام میلادالنبی صلَّی اللہ علیہ واٰلہٖ وسلَّم کے سلسلے میں اجتما ع کا انعقاد ہوا جس میں دور و نزدیک سے اسلامی بھائیوں نے شرکت کی ۔

مرکزی مجلسِ شوریٰ کے رکن حاجی محمد امین عطاری نے ’’سیرت ِ مصطفی صلَّی اللہ علیہ واٰلہٖ وسلَّم‘‘ کے موضوع پر بیان کیاجس میں نبی کریم صلَّی اللہ علیہ واٰلہٖ وسلَّم کی سیرت کےمختلف پہلوؤں کے بارے میں بتایا نیز حاضرینِ محفل کو دعوت اسلامی کےدینی ماحول سے وابستہ ہونے کا ذہن دیا اور آخر میں دعا کروائی جبکہ شرکا نے دینی کام کرنے کی اچھی اچھی نیتوں کا اظہار بھی کیا۔ (کانٹینٹ:رمضان رضا عطاری)

5 اکتوبر 2023ء بروز جمعرات مدنی مرکز فیضان مدینہ ڈسٹرکٹ میرپورخاص جھڈو میں عشر اجتماع کا انعقاد ہوا  جس میں رکن شوری حاجی محمد فاروق جیلانی عطاری نے ’’عشر کےفضائل ‘‘ کے موضوع پر بیان کیا۔

دورانِ بیان رکنِ شوریٰ نے میرپورخاص ڈویژن کے کاشتکار اور گاؤں ذمہ داران کو دنیا بھر میں ہونے والے دعوت اسلامی کے دینی کاموں کے متعلق بتایا اور ٹیلی تھون کی مد د میں اپنے عشر دینےکا ذہن دیا جس پر انہوں نے اچھے خیالات کا اظہار کیا۔(کانٹینٹ:رمضان رضا عطاری)

کئی سالوں سے قراٰن و حدیث کی تعلیمات لوگوں تک پہچانے والی عاشقانِ رسول کی دینی تحریک دعوتِ اسلامی کے تحت 5 اکتوبر 2023ء بروز جمعرات فیصل آباد کے مدنی مرکز فیضانِ مدینہ میں مدرسۃ المدینہ بالغان کا مدنی مشورہ ہوا۔

معلومات کے مطابق مدنی مشورے میں مدرسین، شعبے کے ذویژن، ڈسٹرکٹ، تحصیل اور یوسی سطح کے ذمہ دار اسلامی بھائی شریک تھے۔

شعبے کے دینی کاموں کے حوالے سے گفتگو کرتے ہوئے مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے سابقہ کارکردگی کا جائزہ لیا اور ذمہ دار اسلامی بھائیوں کو ٹیلی تھون کے لئے عطیات جمع کرنے اور دیگر اسلامی بھائیوں کو اس کی ترغیب دلانے کا ذہن دیا۔

اس موقع پر ذمہ دار اسلامی بھائیوں نے ٹیلی تھون کے لئے زیادہ سے زیادہ عطیات جمع کروانے کے حوالے سے اپنی اپنی نیتوں کا اظہار کیا۔

ساؤتھ کوریا کے شہر سنگدو کے ایک ریسٹورنٹ  میں سیکھنے سکھانے کا حلقہ منعقد ہوا جس میں دعوت اسلامی کی مرکزمجلسِ شوریٰ کے رکن و نگرانِ آسٹریلیا حاجی محمد امین عطاری نے سنتوں بھرا بیان کیا۔

دورانِ بیان رکنِ شوریٰ نے شرکا کی دینی واخلاقی اعتبار سے تربیت کی اور انہیں نیکی کی دعوت پیش کرتے ہوئے نمازوں کی پابندی کرنے نیز مدنی مذاکرہ دیکھنے کی ترغیب دلائی جس پر انہوں نے نیک خیالات کا اظہار کیا۔(کانٹینٹ:رمضان رضا عطاری)

فیصل آباد میں عاشقانِ رسول کی دینی تحریک دعوتِ اسلامی کے تحت فیضان آن لائن اکیڈمی بوائز کا ٹریننگ سیشن منعقد ہوا جس میں فیصل آباد، سرگودھا اور جھنگ کے مفتشین و معاونین ، برانچ ناظمین، ڈویژن ذمہ داران اور ڈویژن تعلیمی امور ذمہ دار سمیت ٹرینر اسلامی بھائیوں کی شرکت رہی۔

تفصیلات کے مطابق اس ٹریننگ سیشن میں مختلف سطح کے ذمہ دار اسلامی بھائیوں نے شرکا کی تربیت و رہنمائی کی جن میں مجلس تفتیش ذمہ دار سیّد انس عطاری، رکنِ شعبہ مولانا عرفان عطاری مدنی، ڈویژن ذمہ دار فیصل آباد مولانا عرفان عطاری، ڈویژن تعلیمی امور ذمہ دار فیصل آباد محمد عباد رضا عطاری اور محمدابرار القمرعطاری مدنی (ٹرینر) شامل تھے۔

ذمہ دار اسلامی بھائیوں نے تجوید لیول پر کلام کرتے ہوئے اپنی Skills کو بڑھانے اور احساسِ ذمہ دار ی کے بارے میں شرکا اسلامی بھائیوں کی ذہن سازی کی نیز سوال و جواب کا بھی سلسلہ ہوا۔

ٹریننگ سیشن کے اختتام پر نمایاں کارکردگی کے حامل اسلامی بھائیوں کے درمیان تحائف تقسیم کئے گئے اور اُن کی حوصلہ افزائی کی گئی۔(رپورٹ: محمد وقار یعقوب عطاری مدنی برانچ ناظم فیضان آن لائن اکیڈمی گجرانوالہ ڈویژن تعلیمی امور ذمہ دار ، کانٹینٹ:غیاث الدین عطاری)

سرائے عالمگیر لاہور میں گزشتہ روز شعبہ فیضان آن لائن اکیڈمی بوائز دعوتِ اسلامی کے زیرِ اہتمام ٹریننگ سیشن کا انعقاد کیا گیا جس میں گجرانوالہ وراولپنڈی ڈویژن کے مفتشین،  معاونین ، ڈویژن ذمہ دار اور ڈویژن تعلیمی امور ذمہ دار سمیت ٹرینر اسلامی بھائیوں نے شرکت کی۔

مجلسِ تفتیش کی اچیومنٹ کے حوالے سے گفتگو کرتے ہوئے رکنِ شعبہ مولانا عرفان عطاری مدنی نے شرکا کی تربیت و رہنمائی کرتے ہوئے تجوید کے متعلق آگاہی دی جبکہ رکنِ شعبہ و صوبائی ذمہ دار مولانا عمار سلیم عطاری مدنی اور رکنِ شعبہ مولانا عبدالوحید عطاری مدنی نے مختلف امور پر اسلامی بھائیوں کی ذہن سازی کی۔

دنیا  بھر میں تعلیمات مصطفی صلَّی اللہ علیہ واٰلہٖ وسلَّم کوپھیلانے والی عاشقانِ رسول کی دینی تحریک دعوت اسلامی کے تحت ساؤتھ کوریا کے شہر چھانگ وان میں قائم اسلامک سینٹر میں اجتماع میلاد کا انعقاد ہوا جس میں مختلف شعبہ ہائے زندگی سے وابستہ افراد نے شرکت کی ۔

معلومات کے مطابق اجتماع پاک کا آغاز تلاوت و نعت سے ہوا اور رکنِ شوریٰ حاجی محمد امین عطاری نے میلاد مصطفی صلَّی اللہ علیہ واٰلہٖ وسلَّم کی مناسبت سے بیان کیا جس میں شرکا کو دعوت اسلامی کے دینی ماحول سے وابستہ ہوکر تعلیمات مصطفی علیہ السلام کی روشنی میں اپنی زندگی گزرنے کا ذہن دیا ۔(کانٹینٹ:رمضان رضا عطاری)

2 اکتوبر2023ء  بروز پیر حیدرآباد میں قائم مدنی مرکز فیضانِ مدینہ آفندی ٹاؤن میں ذہنی آزمائش سیزن 15 کے آڈیشن کا سلسلہ ہوا جس میں دعوتِ اسلامی کی مرکزی مجلسِ شوریٰ کے رکن حاجی قاری محمد ایاز عطاری نے مختلف مقامات سےآئے ہوئے شرکاسے سوالات کئے اور آڈیشن میں کامیاب ہونے والے طلبہ کو کراچی کے ٹکٹس پیش کئے۔(کانٹینٹ:رمضان رضا عطاری)