حضرت امام حسین رضی اللہ عنہ   کی ولادت 5 شعبان المعظم 4 ہجری کو حضرت علی رضی اللہ عنہ اور حضرت فاطمہ رضی اللہ عنہاکے گھر مدینہ منورہ میں ہوئی۔ آپ کا اسم مبارک شبیر یعنی حسین رکھا گیا آپ کا نام بھی آپ کے بڑے بھائی حضرت امام حسن رضی اللہ عنہ کی طرح اللہ کی طرف سے نازل کیا گیا ۔ سبط رسول اللہ اور ریحانتہ الرسول (رسول اللہ کے پھول) آپ کے القابات ہیں ۔ آپ کی کنیت ابو عبداللہ ہے۔ آپ نے دس محرم الحرام 60 ہجری کو میدان کربلا میں باطل کو خاک میں ملا کر جام شہادت نوش فرمایا۔ امام عالی مقام بے شمار خصوصیات کے حامل ہیں ،آپ کی تمام خصوصیات کا احاطہ کرنا قدرِ مشکل ہے۔ان میں سے چندیہ ہیں ۔

(1) انسانوں کی مدتِ حمل عموماً 9 ماہ ہوتی ہے یہ اللہ پاک کی قدرت ہے اور اس میں کیا حکمتیں پوشیدہ ہیں وہی علیم و خبیر بہتر جانتا ہے ۔اگر کسی بچے کی پیدائش وقت سے پہلے ہوجائے تو وہ مردہ پیدا ہوتا ہے اور زندہ بھی ہوتو کچھ دن کی اذیت و تکلیف کے بعد دم توڑ جاتا ہے مگر امام عالی مقام کی شان و خصوصیت کے کیا کہنے ! اس بارے میں حضرت عارِف بِاللّٰہ نورُالدّین عبدُ الرّحمٰن جامی رحمۃ اللہ علیہ فرماتے ہیں :منقول ہے کہ امامِ پاک رضی اللہ عنہ کی مدّتِ حَمْل چھ ماہ ہے۔ حضرتِ سیِّدُنا یحییٰ علیہ السلام اور امامِ عالی مقام امامِ حسین رضی اللہ عنہ کے علاوہ کوئی ایسا بچّہ زندہ نہ رہا جس کی مدّتِ حَمْل چھ ماہ ہوئی ہو ۔( شواہد النبوۃ ، ص۲۲۸ )

(2)پیدائش کے بعد نبی پاک کی کرم نوازیاں : امام حسین رضی اللہ تعالی عنہ کی پیدائش کے بعد بڑی خصوصیت یہ ہے کہ جب سردار انبیاء ،حبیب کبریا حضرت محمد مصطفےٰ ﷺ نے اپنے چھوٹے نواسے کی ولادت کی خبر سنی تو آپ سیدہ خاتونِ جنت حضرت فاطمۃ الزہراء رضی اللہ عنہ کے گھر تشریف لائے اور امام حسین رضی اللہ عنہ کو اپنی آغوشِ رحمت میں لے کر اپنے لعابِ دہن سے گھٹی دی۔ (البدايۃ والنہایہ، 5/519) آپ صلی اللہ علیہ وآلہ وسلم نے دائیں کان میں اذان دی اور بائیں کان میں اقامت کہی اور آپ کا نام شبیر یعنی حسین رکھا۔

(3)نورانی پیشانی و رخسار :آپ کی ایک خصوصیت بیان کرتے ہوئے حضرت علّامہ جامی رحمۃ اللہ علیہ فرماتے ہیں : حضرت امامِ عالی مقام سیِّدُنا امامِ حُسین رضی اللہ عنہ کی شان یہ تھی کہ جب اندھیرے میں تشریف فرما ہوتے توآپ رضی اللہ عنہ کی مبارَک پیشانی اور دونوں مقدَّس رُخسار (یعنی گال ) سے انوار نکلتے اور قرب و جوارضِیا بار (یعنی اطراف روشن ) ہو جاتے۔ (شواہد النبوۃ ، ص۲۲۸ )

تیری نسلِ پاک میں ہے بچّہ بچّہ نور کا

تُو ہے عینِ نور تیرا سب گھرانہ نور کا

(حدائقِ بخشش، ص۲۴۶ )

(4)رنگ و جسامت میں نبی پاک سے مشابہت:آپ رضی اللہ عنہ نبی پاک ﷺ کے مشابہ تھے جیساکہ حضرت علی المرتضیٰ شیرِ خدا کرم اللہ تعالیٰ وجہہ الکریم فرماتے ہیں:جس کی یہ خواہش ہو کہ وہ ایسی ہستی کو دیکھے جو چہرے سے گردن تک سرکار ﷺ کے سب سے زیادہ مُشابہ ہو وہ حَسن بن علی رضی اللہ عنہما کو دیکھ لے اور جس کی یہ خواہش ہو کہ ایسی ہستی کو دیکھے جو گردن سے ٹَخْنے تک رنگ و جِسامت میں نبیِ کریم ﷺ کے سب سے زِیادہ مُشابہ ہو وہ حُسین بن علی رضی اللہ عنہما کو دیکھ لے۔(معجم کبیر، ۳/۹۵، حديث:۲۷۶۸)

(5)یوم عاشورہ کا آپ سے منسوب ہونا : اسلام میں یوم عاشورہ یعنی 10 محرم الحرام کو بہت اہمیت حاصل ہے اس دن بہت سے واقعات رونما ہوئے مثلا اسی دن حضرتِ سیِّدُنا نوح علیہ السلام کی کشتی کوہِ جودی پر ٹھہری (2) اِسی دن حضرتِ سیِّدُنا آدم علیہ السلام کی توبہ قبول ہوئی (3)اِسی دن حضرتِ سیِّدُنا یونس علیہ السلام کی قوم کی توبہ قبول ہوئی (4)اِسی دن حضرتِ سیِّدُنا ابراہیم علیہ السلام پیدا ہوئے (5)اِسی دن حضرتِ سیِّدُنا عیسیٰ علیہ السلام پیدا ہوئے (الفردوس ج۱ ص۲۲۳ حدیث ۸۵۶) (6)اِسی دن حضرتِ سیِّدُنا موسیٰ علیہ السلام اور اُن کی قوم کو نجات ملی اور فرعون اپنی قوم سمیت (دریائے نیل میں ) غرق ہوا(بخاری ج۲ ص۴۳۸ حدیث ۳۳۹۷۔۳۳۹۸) (7) اِسی دن حضرتِ سیِّدُنا یوسف علیہ السلام کو قید سے رہائی ملی (8)اِسی دن حضرتِ سیِّدُنا یونس علیہ السلام مچھلی کے پیٹ سے نکالے گئے(فیض القدیر ج۵ص۲۸۸تحت الحدیث۷۰۷۵) (9)سیِّدُنا امامِ حسین رضی اللہ عنہ اور آپ کے خاندان اور رفقاء کو ا بھوکا پیا سارکھنے کے بعد اِسی عاشوراء کے دن میدانِ کربلا میں نہایت بے رحمی کے ساتھ شہید کیا گیا۔لیکن جب 10 محرم الحرام کو آپ رضی اللہ عنہ کی شہادت ہوئی تو آپ کی شہادت کو اتنی عظیم شہرت حاصل ہوئی کہ محرم الحرام کا مہینہ بالخصوص 10 محرم الحرام آپ کی ذات سے منسوب ہوگیا۔

دعوت اسلامی کے عالمی مدنی مرکز فیضان مدینہ کراچی میں 8 اگست 2021ء کو مدنی مشورہ ہوا جس میں مدنی چینل کے مبلغین نے شرکت کی۔

مرکزی مجلس شوریٰ کے نگران حاجی مولانا محمد عمران عطاری مَدَّظِلُّہُ الْعَالِی نے شرکا کی تربیت کی اور مدنی چینل کے پروگرام اور اس میں ہونے والے بیانات کے متعلق مدنی پھول بیان فرمائے۔ (Content: Mohammad Hussain Attari)

مدنی مرکز فیضان مدینہ فیصل آباد مدینہ ٹاؤن میں دعوت اسلامی کے شعبہ فیضان مرشد کا مدنی مشورہ ہوا جس میں نگران شعبہ، ریجن، زون اور دیگر ذمہ داران نے شرکت کی۔

رکن شوریٰ و نگران پاکستان مشاورت حاجی محمد شاہد عطاری نے شعبے کی موجودہ کارکردگی کا جائزہ لیا اور گزشتہ تین ماہ کی کارکردگی کا تقابلی جائزہ فرمایا۔ رکن شوریٰ نے شعبہ کی تقرری اور فیڈبک کے حوالے سے مدنی پھول بیان کرتے ہوئے آئندہ کے اہداف دیئے۔ (Content: Mohammad Hussain Attari)

دعوت اسلامی کے زیر اہتمام مدنی مرکز فیضان مدینہ فیصل آباد میں شعبہ مدنی کورسز کے ذمہ داران کا مدنی مشورہ ہوا جس میں نگران شعبہ مدنی کورسز محمد طارق عطاری، ریجن ، زون اور دیگر ذمہ داران نے شرکت کی۔

نگران پاکستان مشاورت حاجی محمد شاہد عطاری نے شعبے کی موجودہ کارکردگی کا جائزہ لیا اور گزشتہ 3 ماہ کی کارکردگی کا تقابلی جائزہ فرمایا۔ نگران پاکستان مشاورت نے شعبہ کی تقرری اور فیڈبک کے حوالے سے مدنی پھول بیان کئے اور آئندہ کے اہداف دیئے۔

مدنی مشورے میں نگران پاکستان مشاورت نے آزادیٔ پاکستان کی تحریکوں میں علماء اہلسنت کی کوششیں اور ان کی استقامت کے موضوع پر گفتگو فرمائی۔

اس موقع پر رکن شوریٰ حاجی فضیل رضاعطاری بھی موجود تھے۔ (Content: Mohammad Hussain Attari)

ڈی جی رینجرز جنرل افتخار حسن چودھری  اور دیگر ٹیم ممبران نے سرگرمی میں حصہ لیا

پاکستان کے74ویں یومِ آزادی کےموقع پر دعوتِ اسلامی کے فلاحی شعبے FGRF کی جانب سے پاکستان رینجرز ہیڈ کوارٹر سندھ میں شجرکاری کاسلسلہ ہوا۔ ڈی جی رینجرز میجر جنرل افتخار حسن چودھری ، دعوت اسلامی رابطہ کمیٹی کراچی کے سربراہ ، ایگزیکٹو ڈائریکٹر ایف جی آر ایف ، ڈائریکٹر ماحولیات ایف جی آر ایف ، جنرل منیجر پلانٹیشن آپریشنز پاکستان اور دیگر ٹیم ممبران نے اس سرگرمی میں حصہ لیا۔

واضح رہے کہ FGRF نے GreenPakistan مہم شروع کی ہوئی ہے جس کےتحت ملک بھرمیں پودےلگانے کاسلسلہ جاری ہے۔ ذارائع کے مطابق دعوتِ اسلامی اب تک ملک بھر میں 1.4 ملین سے زائد پودے لگاچکی ہے۔ 

مسلمانوں کے دلوں میں جہاں صحابۂ کرام علیہمُ الرِّضوان کی محبت دین اسلام کے لئے ضروری ہے، وہیں حضور صلَّی اللہ علیہ واٰلہٖ وسلَّم کے گھرانے اہلِ بیت اطہار رضی اللہ عنہم سے محبت و عقیدت بھی دین اسلام کا حصہ ہے۔آقا صلَّی اللہ علیہ واٰلہٖ وسلَّم نے جہاں اپنے اصحاب کے فرمایا کہ ” میرے صحابہ ستاروں کی مانند ہیں ان میں سے جس کی اقتدا کروگے ہدایت پاؤگے“وہیں اپنے آل کےلئے بھی فرمایا ” میرے اہل ِ بیت کی مثال کشتی نوح کی طرح ہے ،جو اس میں سوار ہوا ،وہ نجات پاگیا اور جو پیچھے رہاوہ ہلاک ہوگیا “۔

امیر اہلِ سنت دَامَتْ بَرَکَاتُہُمُ الْعَالِیَہ نے عاشقان رسول کے دلوں میں اہلِ بیت اطہار رضی اللہ تعالٰی عنہم کی محبت اُجاگر کرنے کے لئے اس ہفتے رسالہ ”فیضان اہلِ بیت“پڑھنے/ سننے کی ترغیب دلائی ہے اور رسالہ پڑھنے سننے والوں کو اپنی دعاؤں سے بھی نوازا ہے۔

دعائے عطار

یااللہ پاک! جو کوئی 35 صفحات کا رسالہ ”فیضان اہل بیت“ پڑھ یا سُن لے اُسے اور اُس کی آنے والی نسلوں کو اہلِ بیت کرام کی سچی غلامی نصیب فرما اور اس کی بے حساب مغفرت کر۔ اٰمِیْن بِجَاہِ خَاتم ِالنَّبِیّین صلَّی اللہ علیہ واٰلہٖ وسلَّم

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

رسالہ آڈیو میں سننے کے لئے کلک کریں

پچھلے دنو ں دعوتِ اسلامی کے تحت فیصل آباد میں  قائم مدنی مرکز فیضان مدینہ میں گوجرانوالہ قلعہ دیدار سنگھ سے صاحبزادہ پیر قاری محمد طیب رشید کیلانی کی مرکزی مجلسِ شوریٰ کے رکن ونگرانِ پاکستان مشاورت حاجی شاہد عطاری سے ملاقات کا سلسلہ ہوا۔

رکنِ شوریٰ نے مسجد اور مدرسے کی تعمیرات کے موضوع پر بیان کرتے ہوئے قراٰن و حدیث سے ان کی اہمیت بتائی ،ساتھ ہی دعوتِ اسلامی کی مسجد و مدرسے کے حوالے سے خدمات کو بیان فرمایا اور دعوتِ اسلامی کے چند شعبے جات کا تعارف بھی کروایا۔

رکنِ شوریٰ نے مکتبۃالمدینہ سے شائع کردہ سیرت الانبیاء کتاب انہیں تحفے میں دی۔اس موقع پر دعوتِ اسلامی کی مرکزی مجلسِ شوریٰ کے رکن حاجی جنیدعطاری بھی موجود تھے۔ (کانٹینٹ:غیاث الدین عطاری مدنی)

پچھلے دنوں فیصل آباد  میں دعوتِ اسلامی کے شعبہ اصلاحِ اعمال کا مدنی مشورہ ہوا جس میں نگرانِ شعبہ سمیت دیگر ذمہ داران نے شرکت کی۔ اس موقع پر مرکزی مجلسِ شوری ٰکے رکن ونگرانِ پاکستان مشاورت حاجی شاہدعطاری نے اسلامی بھائیوں کی تربیت کرتے ہوئے شعبے کا فالو اپ لیا ۔ ساتھ ہی مزید اہداف دیئے نیزنمایاں کارکر دگی والے اسلامی بھائیوں کو تحائف بھی عطا فرمائے اور ان کی حوصلہ افزائی کی ۔ اس موقع پر رکنِ شوریٰ حاجی فضیل رضا عطاری بھی مشورے میں موجود تھے۔( کانٹینٹ:غیاث الدین عطاری مدنی)

دعوت اسلامی کے مدنی مرکز فیضانِ مدینہ فیصل آباد  مدینہ ٹاؤن میں دعوت اسلامی کے شعبہ مزارات اولیاء کے اسلامی بھائیوں کا مدنی مشورہ ہوا۔

اس سلسلےمیں مرکزی مجلسِ شوری ٰکے رکن ونگرانِ پاکستان مشاورت حاجی شاہدعطاری نے نگران شعبہ ریجن و زون سمیت دیگر ذمہ داران کی تربیت و رہنمائی فرمائی۔ اس موقع پر رکنِ شوریٰ حاجی جنید رضا عطاری بھی موجود تھے ۔ رکنِ شوریٰ نے شعبے کی بہتری کے لئے مدنی پھول دیتے ہوئے اسلامی بھائیوں کی ذہن سازی کی۔( کانٹینٹ:غیاث الدین عطاری مدنی)

پچھلے دنوں دعوتِ اسلامی کے تحت فیصل آباد مدینہ ٹاؤن میں قائم مدنی مرکز فیضانِ مدینہ میں شعبہ رابطہ برائے اسپورٹس کا مدنی مشورہ ہوا۔ ا س موقع پر نگرانِ شعبہ ریجن ذمہ دارسمیت دیگر ذمہ داران نے شرکت کی جس میں مرکزی مجلسِ شوریٰ کے رکن ونگرانِ پاکستان مشاورت حاجی شاہد عطاری نے شعبے کی موجودہ کارکردگی کا پچھلے تین ماہ کی کارکردگی سے تقابلی جائزہ لیتے ہوئے شعبے کے کام میں مزید بہتری لانےکے لئے مدنی پھول دیئےاور مزید اہداف دیئے۔( کانٹینٹ:غیاث الدین عطاری مدنی)

دعوت اسلامی کے تحت مدنی مرکز فیضان مدینہ فیصل آباد  مدینہ ٹاؤن میں شعبہ اسپیشل پرسنز ڈیپارٹمنٹ کے مدنی مشورےکا سلسلہ ہوا جس میں نگران شعبہ ریجن وزون اور دیگر ذمہ داران نے شرکت کی ۔

اس موقع پر مرکزی مجلسِ شوریٰ کے رکن ونگرانِ پاکستان مشاورت حاجی شاہدعطاری نے شعبے کا مو جودہ جائزہ لیتے ہوئے تین ماہ کی کارکردگی کا تقابلی جائزہ لیا ساتھ ہی شعبے،تقرری اور فیڈبیک کے حوالے سے مدنی پھول عطاکئے نیز مزید اہداف بھی دیئے۔ واضح رہے اس مدنی مشورے میں رکنِ شوریٰ حاجی فضیل رضا عطاری بھی مشورے میں موجود تھے۔(کانٹینٹ:غیاث الدین عطاری مدنی)

عالمی مدنی مرکز فیضان ِمدینہ کراچی میں قائم دعوتِ اسلامی کے شعبے اسلامک ریسرچ سینٹر المدینۃ العلمیہ کی ایک شاخ دعوت اسلامی کے مدنی مرکز فیضانِ مدینہ فیصل آباد مدینہ ٹاؤن میں  بھی واقع ہے۔

پچھلے دنوں مرکزی مجلسِ شوریٰ کے رکن ونگرانِ پاکستان مشاورت حاجی شاہد عطاری نےرکن شوریٰ حاجی جنید عطاری کے ہمراہ فیصل آباد میں قائم اسلامک ریسرچ سینٹر المدینۃ العلمیہ کے اسلامی بھائیوں کا مدنی مشورہ فرماتے ہوئے شعبے میں تنظیمی اور اسلامی بہنوں کے حوالے سے لکھی جانے والی کتابوں کا جائزہ لیاساتھ ہی اس کام میں مزید بہتری لانے کے لئے مدنی پھول عطا فرمائے۔(کانٹینٹ:غیاث الدین عطاری مدنی)