واجباتِ حج اور اہم مسائل و  احکام پر مشتمل کتاب

27 واجباتِ حج اور تفصیلی احکام

بقلم:استاذ الفقہ مفتی علی اصغر عطاری مدنی

پیشکش : دارُالافتاء اہلسنت، دعوتِ اسلامی

اِس کتاب کی چندخصوصیات:

٭ ہر واجب کے تحت دو حصو ں میں گفتگو کی گئی ہے۔ ابتداء ً پہلے حصے میں اس واجب کی ادائیگی کا طریقہ بتاتے ہوئے یہ بیان کیا گیا ہے کہ اس کی درست انداز میں ادائیگی کیسے ہوگی اور بعض جگہوں پر متعلقہ واجب کے حوالے سے ضروری معلومات بھی بیان کی گئی ہیں۔٭ہر واجب کے تحت دوسرے حصے میں اُن احکامات کو بیان کیا گیا ہے جن کا تعلق ازالہ یا تلافی سے ہے کہ اگر یہ واجب ترک ہو جائے یا ناقص انداز میں ادا کیا جائے تو کیا کیا صورتیں بنیں گی۔٭بہت عمدہ انداز میں ترتیب کے تحت مسائل بیان کیے گئے ہیں۔٭اس کتاب میں کتبِ فتاویٰ کا انداز اختیار نہیں کیا گیا کہ ایک مسئلہ بیان کرتے ہوئے ایک ہی بات پر کئی کتب سے حوالہ جات نقل کر دئیے جائیں بلکہ صرف اصلِ مسئلہ اور حکم بیان کیاگیا ہے تا کہ طوالت نہ ہو اور چونکہ ایک عام قاری کی ساری دلچسپی نفسِ جواب سے ہوتی ہے لہٰذا کتاب میں صرف مسئلہ بیان کرنے پر ہی اکتفاء کیا گیا ہے۔٭ ہر مسئلہ کے تحت حوالہ درج تو کرنا ہی تھا لہٰذا حاشیہ میں حوالہ درج کردیا گیا ہے جس کا انداز یہ ہے کہ اکثر جگہوں پر ایک اور جہاں ضرورت محسوس کی گئی وہاں ایک سے زائد کتب کی متعلقہ عبارات نقل کی گئی ہیں البتہ طوالت کے خوف سے ترجمہ درج نہیں کیا گیا۔ یہ عبارات دراصل اہلِ علم حضرات کے لئے ہیں اور ان کو درج کرنے کی دوبنیادی وجوہات ہیں:اول تو یہ کہ اصل تخریج حوالہ لکھ دینے کا نام نہیں ہوتا کہ ایسا کرنا تو محض ماخذ بتانا ہوتا ہے بلکہ تخریج اس چیز کا نام ہے کہ جو بات آپ نے بیان کی ہےآیا کتبِ معتبرہ میں اسی انداز پر لکھی ہوئی ہے یا نہیں ؟لہٰذا اہلِ علم حضرات کا اطمینان ہو اور کتاب کے مسئلہ بیان کرنے اور تخریج میں فرق تو نہیں اس کا فیصلہ کرنا آسان ہو اس لئے متعلقہ عبارات حاشیہ میں لکھ دی گئی ہیں ۔جبکہ دوسرا اور اصل مقصود یہ تھا کہ عربی عبارت میں بہت جامعیت ہے بعض اوقات ایک ہی مسئلہ پر مزید کئی سوالات قائم ہوتے ہیں لہٰذا عربی عبارت کی موجودگی سے اہلِ علم حضرات کے لئے دیگر سوالات کا جواب تلاش کرنا آسان رہے گا اور کتاب میں موجود مسئلے کے ساتھ ساتھ انہیں عربی عبارت میں دیگر کئی سوالات کا جواب بھی مل جائے گا۔٭کتاب کا مقصو دچونکہ ضروری صورتوں کا احاطہ کرنا تھا اس بنا پر صرف دو چار نہیں بلکہ100سے زائد کتبِ فقہ کی طرف مراجعت کرتے ہوئے ان سے مسائل اخذ کئے گئے۔ ان میں سے 40 کتبِ فقہ کی عبارات کتاب میں تحریر کی گئی ہیں۔٭تخریج میں درج کچھ کتب تو ایسی ہیں جو قلمی نسخے میں ہی دستیاب تھیں لیکن ان کے حصول کے بعد ان سے بھی مسائل اخذ کیے گئے اور ان کی عبارات کو بھی حاشیہ میں درج کیا گیا۔ ان کتب کی آگاہی ماخذ و مراجع کی فہرست میں ملاحظہ کی جاسکتی ہے۔٭تخریج کا انداز یہ رکھا گیا ہے کہ اوپر نمبر دے کر نیچے حاشیہ میں بھی نمبر لگا دئیے گئے ہیں اور یہ نمبر پوری کتاب میں ایک ہی سیریل سے چل رہے ہیں۔ یوں مجموعی طور پر 352مقامات وہ ہیں جہاں تخریجی عبارات ذکر کی گئی ہیں اور ان میں بھی کئی جگہوں پر ایک ہی نمبرکے تحت ایک سے زائد کتب کی عبارات نقل کی گئی ہیں ۔٭تخریجی عبارات میں اس بات کا خاص خیال رکھا گیا ہے کہ یہ انداز اختیار نہ کیا جائے کہ ایک پورا پیراگراف نقل کر دیا کہ قاری اس پیراگراف میں موضعِ استشہاد خود تلاش کرتارہے بلکہ صرف اتنی ہی عبارت لکھنے پر اکتفاء کیا گیا ہے جو مستدل ہو۔ بعض جگہوں پر زائد عبارات کو حذف کرتے ہوئے ڈاٹس ڈال کر محذوف عبارت کی نشان دہی کردی گئی ہے، بعض مقامات پر ملتقطاً یا ملخصا ً لکھ کر یہ بتایا گیا ہے کہ اس مقام پر خلاصے کی صورت میں عبارت لکھی گئی ہے تا کہ قاری کو مطلب سمجھنے میں کم سے کم وقت لگے۔٭ ایک سے زائد مقامات ایسے ہیں جہاں مسئلہ بیان کرنے کے بعد خلاصے کے طور پر چارٹ کی صورت میں اس مسئلے کی تقسیم بندی بیان کی گئی ہے تا کہ قاری کے لئے سمجھنا اور یاد کرنا آسان ہو۔٭ہر واجب کو نئے صفحے سے شروع کیا گیا ہے اور مختلف مقامات پر ہیڈنگز لگا کر ملتے جلتے مسائل کو اس کے تحت بیان کیا گیا ہے۔٭ایک بہت ہی عمدہ خصوصیت اس کتاب میں آپ کو ایسی بھی نظر آئے گی جو شاید اس سے پہلےکسی کتاب میں آپ کی نظر سے نہ گزری ہو۔ اگرچہ ایسا پہلی بار نہیں ہورہا لیکن پاکستان سے شائع ہونے والی مذہبی کتب میں ایسا عام طور سے دیکھا نہیں گیا۔ وہ خصوصیت یہ ہے کہ حج کے مسائل میں چونکہ بہت ساری چیزوں کا تعلق جغرافیائی معلومات سےہےلہٰذا ان معلومات کو حروف اور جملوں میں بیان کرنے کے ساتھ ساتھ یہ کیا گیا ہے کہ اگر کوئی ان مقامات کی تصویر یا نقشہ یا گوگل میپ کے لئے لوکیشن وغیرہ دیکھنا چاہے تو حسبِ موقع مختلف مقامات پر ان چیزوں تک رسائی کے لئے وہاں کیو آر کوڈ (QR Code) لگا دیا گیا ہے۔ اسمارٹ فون میں موجود ایپ اسٹور پر مختلف طرح کی ایپلی کیشنز (Applications) کیو آر کوڈ (QR Code)کو اسکین (Scan)کرنے کے لئے دستیاب ہیں۔ جب کتاب پڑھنے والا اپنے اسمارٹ فون سے اس ایپلی کیشن (Application) کا استعمال کرتے ہوئے کیو آر کوڈ (QR Code)کو اسکین (Scan) کرے گا تو وہ دعوتِ اسلامی کی ویب سائٹ پر موجود اس لنک پر چلا جائے گا جہاں متعلقہ معلومات یا تصاویر وغیرہ موجودہیں۔یوں اس کتاب میں ورچوئل(Virtual) طریقہ اپناتے ہوئے موضوع کو آسان کرنے کی بھی ایک منفرد کوشش کی گئی ہے۔٭کچھ مقامات ایسے ہیں جہاں عرق ریزی کے باوجود مفتی صاحب کسی نتیجے تک نہیں پہنچ سکے تو اس مقام سے پہلو تہی اختیار کرنے اور اس صورت کو بیان ہی نہ کرنے کے بجائے وہاں یہ لکھ دیا ہے کہ اس صورت پر کوئی حتمی رائے قائم نہیں ہوئی۔ تقریباً دو جگہ کتاب میں اردو ہی میں لکھ دیا گیا ہے جبکہ بعض مقامات پرمفتی صاحب نے عربی میں اپنے کلمات لکھ کر اعتذار پیش کیا ہے ۔٭زیرِ نظر کتاب کا مقدمہ بھی اہمیت کا حامل ہے جس میں مفتی صاحب نے بطورِ خاص واجباتِ حج کے مسائل کی وسعت پر تفصیل سے گفتگو فرمائی ہے۔٭حروفِ ابجد کے اعتبار سے کتاب کا تاریخی نام رکھنا بزرگوں کا طریقہ رہا ہے اس کتاب کا بھی ایک تاریخی نام نکالا گیا ہے جس کے اعداد کا مجموعہ 1439 بنتاہے جو کہ ہجری سن کے اعتبار سے اس کتاب کا سنِ تصنیف ہے۔ وہ نام یہ ہے ”ارشادُ الناسِک لحلِّ مطالبِ و واجباتِ المناسک“ یعنی مناسک کے واجبات اور مطالب کو حل کرنے میں نیک و پرہیز گار کی رہنمائی کرتی کتاب ۔٭تاریخی نام کچھ طویل تھا تو کتاب کا عربی نام الگ سے بھی رکھا گیا ہے:”تعلیمُ الناسِک واجباتِ المناسِک“یعنی نیک و پرہیز گار کو واجباتِ حج کی تعلیم دینا۔٭فہرست اس انداز میں مرتب کی گئی ہے کہ جہاں مسائل مختلف انداز میں ہیں یا ایک ہی مسئلے کی مختلف صورتیں بیان ہورہی ہیں وہاں صرف ایک ہی جملے سے نشاندہی کردی گئی ہے کہ فلاں مسئلہ یہاں پر ہے،ہر ہر صورت فہرست میں بیان نہیں کی گئی۔٭واجبات کوبیان کرتے ہوئے 27 واجبات کے عدد کو لے کر ان کی تفصیل بیان کرنے کے پیچھے بھی ایک پورا پس منظر ہے اگرچہ مختلف کتب میں یہ عدد کم زیادہ بیان ہوا ہے۔٭مذکورہ کتاب میں آفاق، حِل اور حَرَم سے متعلق ایک جغرافیائی نقشہ بھی دیا گیا ہے جس کی باؤنڈریز تقریبی ہیں بالکل انچ اور پیمائش کے مطابق ہوں ضروری نہیں لیکن یہ نقشہ بہت مفید ہے اس سے قارئین کو میقات وغیرہ کے تعلق سے جغرافیائی حدود سمجھنے میں مدد ملے گی۔اس کے ساتھ ساتھ کتاب کے آخر میں حاجی کے لئے ایامِ حج میں ادا کیے جانے والے 16 اہم مناسک ایک چارٹ کی صورت میں بیان کیے گئے ہیں جس کی مدد سے حاجی ایک نظر میں یہ دیکھ سکتا ہے کہ 8 ذو الحجہ سے لے کر 13 ذو الحجہ تک اسے کون کون سے کام کرنا ہوتے ہیں ۔

212 صفحات پر مشتمل یہ کتاب2018 ء سے لیکر 2 مختلف ایڈیشنز میں تقریباً12 ہزارکی تعداد میں پرنٹ ہو چکی ہے۔

اس رسالے کی PDF دعوتِ اسلامی کی ویب سائٹ سے مفت ڈاؤن لوڈ بھی کی جاسکتی ہے۔

Download Now

خوف کے لغوی معنی خطرہ ، ڈر ،ہیبت ، فکر ، خدشہ ،اصطلاح میں  خوف اسے کہتے ہیں کہ بندہ اپنے آپ کو امرِ مکروہ سے بچائے اور بجا آوریِ احکامِ حق میں عبودیت کے ساتھ سرگرم رہے۔خوف کی دو اقسام ہیں:(1)لوگوں کا خوف(2)اللہ پاک کا خوف۔اللہ پاک کے خوف کی تعریف یہ ہے کہ انسان تمام منہیات سے بچ کر خالص اللہ والے کاموں میں لگ جائے۔اللہ پاک کے خوف سے رونے کے بے شمار فضائل ہیں۔جب ان پر (خدائے) رحمن کی آیتوں کی تلاوت کی جاتی ہے وہ سجدہ کرتے ہوئے اور (زار و قطار) روتے ہوئے گر پڑتے ہیں۔سورۃ السجدہ۔خوفِ خدا اورعشقِ مصطَفٰے میں رونا ایک عظیم الشّان نیکیہے۔انبیائے کرام علیہم السلام بھی اللہ پاک کے خوف میں راتوں کو قیام کرتے اور آنسو بہاتے جیسا کہ ایک روایت کے مطابق حضرت یحیی علیہ السلام جب نَماز کے لئے کھڑے ہوتے تو ( خوفِ خدا سے ) اِس قدر روتے کہ درخت اور مٹی کے ڈھیلے بھی ساتھ رونے لگتے حتی کہ آپ کے والِدِ مُحترم حضرت زکر یا علیہ السلام بھی دیکھ کر رونے لگتے یہاں تک کہ بے ہوش ہوجاتے ۔ مسلسل بہنے والے آنسوؤں کے سبب حضرت یحیی علیہ السلام کے رُخسارِ مبارَک ( یعنی با بَرَکت گالوں ) پر زَخم ہوگئے تھے۔خوفِ خدا کے فضائل میں کئی احادیث مبارکہ ہیں ۔جیسا کہ فرمانِ مصطفٰے صلی اللہ علیہ واٰلہٖ وسلم ہے :جس مومن کی آنکھوں سے اللہ پاک کے خوف سے آنسو نکلتے ہیں اگرچہ مکھی کے سرکے برابر ہوں ،پھر وہ آنسو اُس کے چہرے کے ظاہِر ی حصّے کو پہنچیں تو اللہ پاک اُسے جہنم پر حرام کر دیتا ہے۔( 2 ) فرمانِ مصطفے ٰ صلی اللہ علیہ واٰلہٖ وسلم ہے:وہ شخص جہنم میں داخِل نہیں ہوگا جو اللہ پاک کے ڈر سے رویا ہو۔حضرت ابو ہریرہ رضی اللہُ عنہ سے روایت ہے،حضور نبی اکرم صلی اللہ علیہ واٰلہٖ وسلم نے فرمایا:اللہ پاک کے خوف سے رونے والا انسان دوزخ میں داخل نہیں ہو گا یہاں کہ دودھ،تھن میں واپس نہ چلا جائے اور اللہ پاک کی راہ میں پہنچنے والی گرد و غبار اور جہنم کا دھواں جمع نہیں ہو سکتے۔حضرت عبد اللہ بن عباس رضی اللہُ عنہما روایت کرتے ہیں،میں نے حضور نبی اکرم صلی اللہ علیہ واٰلہٖ وسلم کو فرماتے ہوئے سنا:دو آنکھوں کو آگ نہیں چھوئے گی:(ایک) وہ آنکھ جو اللہ پاک کے خوف سے روئی اور (دوسری) وہ آنکھ جس نے اللہ پاک کی راہ میں پہرہ دے کر رات گزاری۔ اللہ پاک ہمیں بھی اپنے خوف اور عشقِ رسول میں رونا نصیب فرمائے ۔

جی چاہتا ہے پھوٹ کے روؤں تِرے ڈر سے اللہ ! مگر دل سے قَساوَت نہیں جاتی

حضرت ابوبکر صدیق رضی اللہُ عنہ نے فرمایا:جو شخص رو سکتا ہے وہ روئے اور اگر رونا نہ آتا ہو تو رونے جیسی صورت بنا لے۔ حضرت امام ابوالفرج ابنِ جوزی رحمۃ اللہ علیہ فرماتے ہیں:خوفِ الٰہی ہی ایسی آگ ہے، جو شہوات کو جلا دیتی ہے، اس کی فضیلت اتنی ہی زیادہ ہوگی، جتنا زیادہ یہ شہوات کو جلائے اور جس قدر یہ اللہ پاک کی نافرمانی سے روکے، اطاعت کی ترغیب دے اور کیوں نہ ہو کہ اس کے ذریعےپاکیزگی، ورع ،تقویٰ اور مجاہدہ، نیز اللہ پاک کا قرب عطا کرنے والے اعمال حاصل ہوتے ہیں۔آخرت میں امن:دنیا میں اپنے خالق و مالک کا خوف رکھنے والے آخرت میں امن کی جگہ پائیں گے، جیسا کہ ارشاد ہوتا ہے:اِنَّ الْمُتَّقِیْنَ فِیْ مَقَامِ امین۔ ترجمہ ٔکنزالایمان:بے شک ڈر والے امان کی جگہ میں ہیں۔(پ 25، الدخان:51)اعمال کی قبولیت:خوفِ الٰہی اعمال کی قبولیت کا ایک سبب ہے، جیسا کہ ارشاد ہوتا ہے:اِنَّمَا یَتَقَبَّلُ اللہُ مِنَ الْمُتَّقِیْنَ۔ترجمۂ کنزالایمان:اللہ اسی سے قبول کرتا ہے جسے ڈر ہے۔(پ 6، مائدہ:27)حضرت زکریا علیہ السلام کے بیٹے حضرت یحییٰ علیہ السلام ایک مرتبہ کہیں کھو گئے تھے، تین دن کے بعد ان کی تلاش میں نکلے تو دیکھا یحییٰ علیہ السلام نے ایک قبر کھود رکھی اور اس میں کھڑے ہو کر رو رہے ہیں، آپ نے ارشاد فرمایا:اے میرے بیٹے!میں تمہیں تین دن سے ڈھونڈ رہا ہوں اور تم یہاں قبر پر کھڑے آنسو بہا رہے ہو! تو انہوں نے عرض کی:ابَّا جان!کیا آپ نے مجھے نہیں بتایا کہ جنت اور دوزخ کے درمیان ایک خوش وادی ہے، جس سے رونے والے کے آنسو بھی بُجھا سکتے ہیں؟ آپ نے فرمایا:ضرور میرے بیٹے اور وہ بھی ان کے ساتھ مل کر رونے لگے۔اللہ پاک کی ان پر رحمت ہو اور ان کے صدقے ہماری مغفرت ہو۔آمین

پچھلے دنوں دعوتِ اسلامی کے شعبہ مدنی کورسز کے زیرِ اہتمام قائد آباد کراچی میں جزوقتی فیضانِ نماز کورس منعقد کیا گیا جس میں کم وبیش 60 اسلامی بھائیوں نے شرکت کی۔

10دسمبر 2021ء بروز جمعہ اس کورس کے اختتام پر سنتوں بھرے اجتماع کا اہتمام ہوا جس میں نگرانِ زون سیّد فضیل عطاری، نگرانِ شعبہ ابو صادق محمد طارق عطاری ، ریجن ذمہ دار، رکنِ زون مدنی کورسز ،نگرانِ کابینہ اور ڈویژن ذمہ داران سمیت شرکائے کورس نے شرکت کی۔

دعوتِ اسلامی کے شعبہ شارٹ کورسز  کے تحت 9دسمبر 2021ء بروز جمعرات ملتان ریجن کی ذمہ دار اسلامی بہنوں کا بذریعہ کال مدنی مشورے کا انعقاد ہوا جس میں پاکستان سطح کی ذمہ دار اسلامی بہن نے اسلامی بہنوں کے سابقہ دینی کاموں کی کارکردگی کا جائزہ لیا اور ان سے آئندہ ہونے والے کورس کی اپڈیٹ لی ۔ 

دعوتِ  اسلامی کے شعبہ اصلاح اعمال کے تحت 9دسمبر 2021ء کو سکھر زون کی جیکب آباد کابینہ ڈویژن شکار پور میں اصلاح اعمال اجتماع ہواجس میں 50 اسلامی بہنوں نے شرکت کی۔

آغاز حمد اور نعت رسول ﷺ سے ہوا۔ اجتماعی جائزہ بھی کروایا گیا اور پھر کابینہ ذمہ دار اسلامی بہن نے ’’اشراق و چاشت نماز کے فضائل‘‘ کے موضوع پر سنتوں بھرا بیان کیا۔ مزید مدنی مذاکرے کی اہمیت بتاتے ہوئے سب کو پابندی سے مدنی مذاکرہ دیکھنے کی ترغیب دلائی۔

دعوتِ اسلامی کے  شعبہ روحانی علاج (اسلامی بہنیں)کے تحت 9 دسمبر 2021 ءبروز جمعرات حیدر آباد زون جامشورو کابینہ میں دعائے صحت اجتماع کا انعقاد کیا گیا جس میں 160 اسلامی بہنوں نے شرکت کی۔

اجتماع پاک کا آغاز تلاوت قراٰن پاک اور نعت رسول مقبول ﷺسے کیا گیا ،مبلغہ دعوت اسلامی نے’’ بیماری کے فضائل‘‘ کے موضوع پر سنتوں بھرا بیان کیااور اسلامی بہنوں کو مصیبت پر صبر کرنے کا ذہن دیا۔ رقت انگیز دعا اور صلوۃ و سلام پر اختتام ہوا۔ اس کے بعد روحانی علاج کا بستہ لگایا گیا جس پر اسلامی بہنوں نے 345 تعویذات عطاریہ اور اوراد و وظائف حاصل کئے ۔

دعوتِ اسلامی کے تحت مٹیاری کابینہ ڈویژن فضل سن سٹی میں ماہانہ اجتماع کا انعقاد کیا گیا  ۔اجتماع سے پہلے کابینہ نگران اسلامی بہن نے اسلامی بہنوں کے ساتھ ملکر مقامی اسلامی بہنوں کو اجتماع پاک میں آنے کی دعوت دی جس پر 20 اسلامی بہنوں نے شرکت کی ۔

اجتماع پاک کا آغاز تلاوت قراٰ ن پاک اور نعت رسول پاک ﷺ سے ہوا۔ اس کے بعد مبلغہ دعوت اسلامی نے سنتوں بھرا بیان کیا جس میں آخرت کی فکر کا ذہن دیا اور اسلامی بہنوں کو ہفتہ وار سنتوں بھرے اجتماع میں آنے کی دعوت دی ۔آخر میں ہفتہ وار ترغیب شدہ رسالے تقسیم کئے گئے ۔

دعوتِ اسلامی کے شعبہ رابطہ برائے شخصیات کے تحت نومبر 2021ء  میں حیدرآباد ریجن میں ہونے والے دینی کاموں کی کارکردگی ملاحظہ ہوں:

ہفتہ وار سنتوں بھرے اجتماعات میں شرکت کرنے والی شخصیات خواتین کی تعداد:530

سلسلہ عالیہ قادریہ عطاریہ میں بیعت ہونے والی شخصیات خواتین کی تعداد:8

رسالہ نیک اعمال جمع کروانے والی شخصیات خواتین کی تعداد:147

اس ماہ شخصیات تک پہنچائے گئے رسائل کی تعداد:346

شخصیات خواتین کے گھروں میں لگنے والے سیکھنے سکھانے کے حلقوں کی تعداد:14

ان میں شرکت کرنے والی اسلامی بہنوں کی تعداد:227

دعوتِ اسلامی کے شعبہ رابطہ برائے شخصیات کے تحت 7  دسمبر2021ء کو لطیف آباد نمبر 9 اور 10 میں نیز ٹنڈو محمد خان ڈویژن میں علاقائی دوروں کا سلسلہ ہوا ۔اس موقع پر کابینہ، ڈویژن اور علاقائی ذمہ دراسلامی بہنوں نے زندگی کے مختلف شعبوں سے تعلق رکھنے والی شخصیات خواتین جن میں بیوٹیشنز، پروفیشنلز اور اہل ثروت شخصیات کو اگلے دن ہونے والے سنتوں بھرے اجتماع میں شرکت کرنے کا ذہن دیا نیز ہفتہ وار رسالہ پڑھنے اور مدنی چینل دیکھنے کی دعوت بھی پیش کی۔ ساتھ ساتھ شخصیات کو ماہنامہ فیضان مدینہ اور مکتبۃ المدینہ کے رسائل بھی تحفے میں دئیے ۔

دعوتِ اسلامی کے تحت 8 نومبر2021ء  کو جمشید روڈ کابینہ میں ہفتہ وار سنتوں بھرے اجتماع کا انعقاد ہوا جس میں مقامی اسلامی بہنوں نے شرکت کی ۔

عالمی مجلس مشاورت کی نگران اسلامی بہن نے سنتوں بھرا بیان کیا اور اسلامی بہنوں کو دعوت اسلامی کے دینی کاموں کے بارے میں بتاتے ہوئےعملی طور پر دینی کاموں میں حصہ لینے کا ذہن دیا۔ اجتماع پاک کے بعد خود آگے بڑھ کر اسلامی بہنوں سے ملاقات و انفرادی کوشش کی ۔

٭دوسری جانب دعوت اسلامی کے تحت 8 نومبر2021ء کو عالمی مجلس مشاورت کی نگران اسلامی بہن نے پی آئی بی کے ذیلی حلقے میں اسلامی بہنوں کے ہمراہ ملکر گھر گھر جا کر مقامی اسلامی بہنوں پر انفرادی کوشش کرتے ہوئے انہیں ہفتہ وار سنتوں بھرے اجتماع میں شرکت کی دعوتیں دیں۔

٭اسی طرح دعوتِ اسلامی کے تحت 9 نومبر2021ء کو اورنگی ٹاؤن کابینہ میں ایجوکیشن ڈیپارٹمنٹ کے تحت اِبْنِ مصطفیٰ بینکویٹ میں محفلِ نعت کا انعقاد ہوا جس میں لیڈی ڈاکٹر ز، ٹیچرز اور میڈیکل ڈیپارٹ کی طالبات نے شرکت کی۔

عالمی مجلس مشاورت کی نگران اسلامی بہن نے ’’ آخرت کی تیاری‘‘ کے موضوع پر سنتوں بھرا بیان کرتے ہوئے اسلامی بہنوں کو مدنی مذاکرہ دیکھنے اور عاملات نیک اعمال بننے کی ترغیب دلائی ۔ 

دعوتِ اسلامی کے شعبہ مکتبۃ المدینہ کےتحت 10 دسمبر 2021ء بروز جمعہ عالمی مدنی مرکز فیضانِ مدینہ کراچی میں  مدنی مشورے کا انعقاد کیا گیا جس میں شعبہ ذمہ داراسلامی بھائیوں نے شرکت کی۔