دعوتِ اسلامی کے تحت  9 دسمبر بروز پیر 2019 ء کو دھنوٹ میں سنتوں بھرا اجتماع ہواجس میں علاقے کی سیاسی و سماجی شخصیات اور شہر کے تاجر حضرات سمیت کثیر تعداد میں عاشقان رسول نے شرکت کی ۔اس موقع پر نگرانِ کابینہ بہاولپور نےسنتوں بھرا بیان کیا جس میں پیارے آقا ﷺکے معجزات اور پیاری پیاری اداؤں کے متعلق نکات ذکر کرتے ہوئے شرکائے اجتماع کوسیرت مصطفیٰﷺ کو اپنانے، نمازوں کی پابندی کرنےاور 13دسمبر کو راہِ خدا میں سفر کرنے والے قافلے کےہمراہ سفر کرنے کی ترغیب دلائی۔(رمضان عطاری، مجلس مدنی قافلہ رضوی ریجن)

دعوتِ اسلامی کے تحت8 دسمبر بروز اتوار بڑی گیارہویں شب کے سلسلے میں ہونے والے مدنی مذاکرے کو دنیا بھر میں مدنی چینل کے ذریعے براہ راست دنیا بھر میں نشر کیا گیا جسے مختلف مقامات پر اسلامی بھائیوں نے جمع ہوکر دیکھنے کا اہتمام کیا۔  اسی سلسلے میں حیدرآباد آمنہ لان میں بھی اجتماعی طور پر مدنی مذاکرہ دیکھنے کا سلسلہ ہوا جس میں رکن شوریٰ حاجی محمد فاروق جیلانی عطاری سمیت کثیر تعداد میں عاشقانِ رسول نے شرکت کی۔ (محمد شان عطاری، ڈویژن مشاورت حیدرآباد)

دعوتِ اسلامی کی مجلس کورسز  کے تحت 11 دسمبر 2019ء بروز بدھ سے فاطمہ مسجد بلدیہ ٹاؤن ساڑھے 5 نمبر میں سات دن کا ”فیضانِ نماز کورس“ شروع ہونے جارہا ہے۔ اس کورس میں نماز کا عملی طریقہ، وضو کے مسائل، غسل کے مسائل، نماز کے اذکار اور دیگر بنیادی مسائل سکھائے جائیں۔

مزید معلومات کے لئے رابطہ کیجئے:

0313-2672210

0311-1021226

پچھلےدنوں دعوتِ اسلامی کے تحت رکن شوریٰ حاجی محمد فاروق جیلانی عطاری نگران حیدرآباد ریجن نے اپنے ریجن کے نگران زون اور نگران کابینہ کا مدنی مشورہ عالمی مدنی مرکز فیضانِ مدینہ میں فرمایا جس میں انہوں نےمدنی کاموں کی موجودہ کارکردگی کا جائزہ لیا اور مدنی کاموں کو مزید منظم اور ترقی دینے کے حوالے سے نکات ارشاد فرمائے اور ذمہ داران سے اس معاملے میں مشورہ بھی فرمایا۔

5 دسمبر بروز جمعرات کی صبح بلوچستان کے شہر اوتھل کے علاقے موضع چھب مانڈڑہ میں مقیم مدرسۃالمدینہ اوتھل کے خود کفالت ذمہ  دار عبدالحکیم عطاری کی والدہ انتقال کرگئیں تھیں۔ ذمہ دار اسلامی بھائی نے خوداپنی والدہ کی نمازِ جنازہ پڑھائی۔ اس موقع پر ڈویژن نگران و دیگر ذمہ داران سمیت متعدد شخصیات نے بھی شرکت کی۔ چند شخصیات کے نام یہ ہیں: ٭ سردار غلام فاروق شیخ (چیف ٹرائیل)٭سید حیدر شاہ بخاری٭ وڈیرہ رحیم بخش جاموٹ ٭وڈیرہ حاجی حسین جاموٹ ٭ لاکھڑا فلک شیر(S.H.O) ٭اعجاز علی (P.S) ٭وڈیرہ میراں مانڈڑہ ٭قاری شکراللہ عطاری ومدرسین وعملہ ٭رفیق تبسم ٭قاضی یاسر ٭محمد حنیف چنا اور دیگر افراد نے شرکت کی۔ مرحومہ کو سپرد خاک کرنے کے بعد اسلامی بھائیوں نے نعت خوانی اور دعائےمغفرت کی۔ (جہاں زیب عطاری، نشرواشاعت لسبیلہ کابینہ اوتھل ڈویژن بلوچستان) 

دعوتِ اسلامی کے عالمی مدنی مرکز فیضانِ مدینہ کراچی میں 7دسمبر2019ء کو گوادر زون کے ذمہ داران اور کچھ شعبہ جات کے اراکین ریجن اسلامی بھائیوں کا مدنی مشورہ  ہوا جس میں رکن شوریٰ حاجی محمد امین عطاری نے شرکا کی کارکردگی کا جائزہ لیتے ہوئے ان کی تربیت کی اور گوادر زون میں مدنی کاموں کی ترقی کے لئے مختلف پہلووں پر نکات دئیے۔

ایکسپو سینٹر کراچی میں 15واں کراچی  انٹرنیشنل کتب میلہ 5دسمبر2019ء سے شروع ہوچکا ہے جس میں دنیا بھر سے مختلف موضوعات پر لائی گئی کتب کی نمائش کی جارہی ہے۔ اس موقع پر دعوتِ اسلامی کے اشاعتی ادارے مکتبۃ المدینہ کا اسٹال بھی لگایا گیا ہے جس میں مکتبۃ المدینہ کی شائع کردہ کتابیں اور رسائل رکھے گئے ہیں۔نمائش کے موقع پر دعوتِ اسلامی کی جانب سے کتابوں پر 55 فیصد ڈسکاؤنٹ بھی رکھا گیا ہے۔

ایکسپو سینٹر آنے والے افراد سے گزارش ہے کہ ہال نمبر3 میں اسٹال نمبر109 اور 110 پر ضرور تشریف لائیں اور مکتبۃ المدینہ کی مطبوعات  مناسب قیمت پر حاصل کریں۔

یاد رہے! یہ کتب میلہ 9 دسمبر بروز اتوار تک جاری رہے گا۔

دعوت اسلامی کے تحت 3دسمبر 2019ء کوڈویژن ٹول پلازہ دنبہ گوٹھ  کی جامع مسجد فیضانِ مدینہ میں مدنی مشورہ ہو ا جس میں ڈویژن ٹول پلازہ کےذمہ داران نے شرکت کی۔ نگران کابینہ گڈاپ ٹاؤن نے شرکا کی تربیت کی اور کارکردگی کا جائزہ لیتے ہوئے گیارہویں شریف کے حوالے سے اہداف طے کئے۔ نگرانِ کابینہ نے ذمّہ داران کو ایک ماہ کے مدنی قافلے میں سفر کرنے کے لئے تیار بھی کیا۔(رپورٹ:محمد خالد عطاری، نگران کابینہ گڈاب ٹاؤن)

دعوت اسلامی کے تحت 5دسمبر2019ء کو مدنی مرکز فیضانِ مدینہ ملتان میں مدنی مشورہ ہوا جس میں تمام اراکینِ زون نے شرکت کی۔ ریجن ذمّہ دار ملتان نے شرکا کی تربیت کی اور مختلف امور پر بات چیت کی۔(رپورٹ:محمد مامون رضا عطاری مدنی، رکن مجلس مجلس تاجران )

دعوت اسلامی کی مجلس کارکر دگی کے تحت 4دسمبر2019ء کو نیوکراچی سندھی ہوٹل ڈویژن میں مدنی مشورہ ہوا جس میں علاقہ مشاورت کے اسلامی بھائیوں نے شر کت کی ۔نگرانِ ڈویژن سندھی ہوٹل نے شرکا کی تربیت کی اورآئندہ 12ماہ کے اہداف طے کرتے ہوئے جدول اور کارکردگی پر کلام کیا۔(رپورٹ:محمد راحیل عطاری، رکن کابینہ مجلس کارکردگی)

دعوت اسلامی کے تحت ہر سال دنیا بھر میں گیارہویں شریف  نہایت عقیدت و احترام اور مذہبی جوش وجذبے کے ساتھ منائی جاتی ہے۔

اس سال بھی 8دسمبر 2019ء بمطابق گیارہویں 1441ھ بروز اتوار اور پیر کی درمیانی شب پاکستان بھر میں اجتماعات گیارہویں شریف کا انعقاد کیا جائیگا جن میں تلاوت قراٰن پاک، نعت ومنقبت خوانی، بیانات، ذکرو دعا اور صلٰوۃ وسلام کا سلسلہ ہوگا جبکہ جن مقامات پر مدنی چینل براہِ راست دکھانے کی ترکیب ممکن ہوسکےگی وہاں براہِ راست مدنی چینل دکھایا جائیگا۔

کراچی(اسٹاف رپورٹر) دعوتِ اسلامی کے زیر اہتمام  ہر جمعرات کو بعد نمازِ مغرب ہفتہ وار سنتوں بھرے اجتماعات کا انعقاد کیا جاتا ہے۔ اسی سلسلے میں آج5دسمبر2019ءکو بھی دنیا بھر میں ہفتہ وار اجتماعات منعقد کئے جائیں گے۔ تفصیلات کے مطابق عالمی مدنی مرکز فیضانِ مدینہ کراچی میں نگرانِ شوریٰ مولانامحمد عمران عطاری مَدَّظِلُّہُ الْعَالِی، فیض مدینہ مسجد نارتھ کراچی میں رکنِ شوریٰ حاجی محمد عقیل عطاری مدنی، غوثیہ مسجد بلدیہ ٹاؤن کراچی میں رکنِ شوریٰ حاجی محمد فضیل رضا عطاری، میمن مسجد میمن نگرکراچی میں رکنِ شوریٰ حاجی ابو ماجد محمد شاہد عطاری مدنی اور صحرائے مدینہ ٹول پلازہ کراچی میں رکنِ شوریٰ حاجی محمد اطہر عطاری سنّتوں بھرا بیان فرمائیں گے۔

یادرہے! عالمی مدنی مرکز فیضانِ مدینہ کراچی میں ہونے والاسنّتوں بھرا اجتماع مدنی چینل پر براہِ راست نشر کیا جائے گا۔

تمام عاشقانِ رسول سے گزارش کی جاتی ہے کہ آپ بھی اپنے شہر میں ہونے والے سنتوں بھرے اجتماع میں ضرور شرکت فرمائیں۔ آپ کے قریب میں ہفتہ وار سنتوں بھرا اجتماع کہاں ہوتا ہے یہ جاننے کے لئے درج ذیل لنک پر کلک کیجئے۔

https://www.dawateislami.net/map/ijtema