کراچی:(اسٹاف رپورٹر)دعوت اسلامی کے زیرِ اہتمام آج رات (27 نومبر 2019ء) بروزبدھ بعدنمازعشاء عظیم الشان سنتوں بھرا اجتماع ہاؤس نمبر 102 خیابان راحت لائن 6 کراچی میں منعقد کیا جائے گا جس میں دعوت اسلامی کی مرکزی مجلس شوریٰ کے رکن مولانا عبدالحبیب عطاری سنتوں بھرا بیان فرمائیں گے۔ قرب و جوار میں بسنے والے تمام عاشقان ِرسول سے گزارش ہے کہ اس اجتماع پاک میں شرکت فرما کر علم دین کا ڈھیروں ڈھیر خزانہ حاصل کریں۔

دعوتِ اسلامی جن ذرائع کا استعمال کرتے ہوئے دنیا بھر میں نیکی کی دعوت عام کرنےمیں مصروفِ عمل ہے ان میں ایک’’ماہنامہ فیضانِ مدینہ‘‘ بھی ہے۔ 35 سے زائد موضوعات پر مشتمل یہ جریدہ ہر ماہ نئے مواد کے ساتھ نہایت خوبصورت انداز میں شائع کیا جاتا ہے۔ اس کا سادہ شمارہ 40 اور رنگین شمارہ 65 روپے کی انتہائی مناسب قیمت پر مکتبۃ المدینہ کی کسی بھی شاخ سے حاصل کیا جاسکتا ہے۔

عاشقانِ رسول کے لئے زبردست خوشخبری! ماہ ربیع الآخر کا ماہنامہ فیضانِ مدینہ بہت جلد منظرِ عام پر آرہا ہے۔ اس شمارے میں آپ قرآن وحدیث،شرعی مسائل کا حل،اللہ والوں کا تعارف اور ان کے اقوال، بچوں کے لئے دلچسپ کہانیاں، اسلامی بہنوں کے لئے خاص مضامین، صحت و تندرستی سے متعلق رہنمائی،دعوتِ اسلامی کے مدنی کاموں کے احوال اور بہت سے پُرکشش مضامین ملاحظہ کر سکیں گے۔

مَہ نامہ فیضانِ مدینہ دُھوم مچائے گھر گھر

یا ربّ جا کر عشقِ نبی کے جام پلائے گھر گھر (از:امیر اہلِ سنت)

”ماہنامہ فیضانِ مدینہ“ کی سالانہ بکنگ کے لئے رابطہ کیجئے

+9221111252692

کراچی والوں کے لئے خوشخبری، مدنی چینل کے مقبول عام سلسلے ”ذہنی آزمائش سیزن 11“ کے لئے کراچی کی ٹیم کی سلیکشن کے سلسلے  میں 1 دسمبر 2019ء بروز اتوار دوپہر 2:00 بجے عالمی مدنی مرکز فیضانِ مدینہ کراچی میں آڈیشن ہوگا۔ خواہش مند اسلامی بھائی وقت کی پابند کا خیال رکھتے ہوئے آڈیشن میں حصہ لے سکتے ہیں۔

دعوت اسلامی کے تحت 22نومبر 2019ء کو شاہ پور صدر میں  مدنی مشورہ ہوا جس میں علاقائی ذمّہ داران نے شرکت کی۔ڈویژن نگران نے شرکا کی تربیت کی اور شرکا سے 12مدنی کاموں کی کارکردگی کا جائزہ لیا اور عالمی مدنی مرکز فیضانِ مدینہ کراچی روانگی کی تیاری کے حوالے سے کلام کیا۔(رپورٹ: محمد عامر عطاری،ڈویژن نگران مجلس مدنی انعامات)

دعوتِ اسلامی کے تحت 23نومبر2019ء کو بہاولپور پنجاب میں سنّتوں بھرے اجتماع کا انعقاد کیا گیا جس میں پنجاب کالج بہاولپور یزمان روڑ کے پروفیسر اور پرنسپل سمیت دیگر اسٹاف اور اسٹوڈنٹس نے شرکت کی۔ نگران بہاولپور کابینہ نے” سیرت مصطفٰی “ کے موضوع پر سنّتوں بھرا بیان کیا اور شرکا کو دعوتِ اسلامی کے تحت دنیابھر میں ہونے والے مدنی کاموں سے متعلق آگاہی فراہم کرتے ہوئے دعوتِ اسلامی کے مدنی ماحول سے وابستہ رہنے،ہفتہ وار اجتما ع میں شرکت کرنے اور قافلوں میں سفر کر نے کی ترغیب دلائی۔(رپورٹ،محمد رمضان عطاری، نگران بہاولپور کابینہ)

23نومبر2019ء کو دعوتِ اسلامی کے مدنی مرکز فیضانِ مدینہ ڈیرہ غازی خان میں مولانا سید عتیق الرحمان باروی صاحب کی آمد ہوئی۔ مجلس رابطہ بالعلماء و مزاراتِ اولیاء کے  ذمہ داران نے انہیں خوش آمدید کہا اور انہیں دعوتِ اسلامی کے مدنی کاموں سے متعلق بریفنگ دیتے ہوئے جامعۃ المدینہ اور چند شعبہ جات کا وزٹ کروایا۔ مولانا سید عتیق الرحمان باروی صاحب نے دعوت اسلامی کے جملہ مدنی کاموں اور دینی خدمات پر دلی مسرت کا اظہار فرمایا اور امیرِ اہلِ سنّت دَامَتْ بَرَکَاتُہُمُ الْعَالِیَہ کے لئے دعائیں کیں۔(رپورٹ،عمار عطاری،مجلسِ رابطہ با لعلماء)

دعوتِ اسلامی کے تحت 20نومبر2019ء کو ڈویژن شاہ پور صدر محلہ ڈپٹی والا اندر میں سنّتوں بھرے اجتماع  کا انعقاد کیا گیا جس میں اہلِ علاقہ سمیت کثیر عاشقانِ رسول نے شرکت کی۔مبلغِ دعوتِ اسلامی نے ”محبتِ مصطفیٰﷺ“ کے موضوع پر سنّتوں بھرا بیان کیا اور شرکا کو دعوتِ اسلامی کے مدنی کاموں سے متعلق آگاہی فراہم کرتے ہوئے دعوتِ اسلامی کے مدنی ماحول سے وابستہ ہونے ،ہفتہ وار اجتماع میں شرکت کرنے اور ٹیلی تھون میں اپنا حصہ شامل کرنے کا ذہن دیا۔ (رپورٹ، عامر عطاری،ڈویژن نگران و رکن کابینہ، مجلس مدنی انعامات )

گزشتہ دنوں دعوتِ اسلامی کے تحت شاہ پور میں محفل نعت  کا انعقاد کیا گیا جس میں مقامی اسلامی بھائیوں نے شرکت کی۔ رکن کابینہ نے ”عشق ِرسولﷺ“ کے موضوع پرسنّتوں بھرابیان کیا اور شرکا کو عشقِ رسول ﷺ کے تقاضوں کو سمجھنے اور اس کے مطابق زندگی گزارنے کا ذہن دیا۔(رپورٹ:ڈویژن نگران و رکن کابینہ مدنی انعامات عامر عطاری)