دعوت ِ اسلامی کی مجلس ائمہ کے تحت  30 نومبر بروز ہفتہ کراچی آفس میں رُکن شوری و نگران کراچی ریجن حاجی محمد امین عطاری اور رکن شوریٰ مولاناعقیل مدنی نے مجلس ائمہ کے ذمہ داران اسلامی بھائیوں کا مشورہ فرمایا اور انہیں قیمتی نکات عطا فرمائے۔

دعوت اسلامی کے تحت 26نومبر 2019ء کو نیو کراچی کابینہ 5Gمیں مدنی مشورہ ہوا جس میں علاقہ سطح کے ذمّہ داران نے شرکت کی۔ڈویژن نگران نے شرکا کی تربیت کی اور کار کردگی کا جائزہ لیتے ہوئے مدنی کاموں کو مزید بڑھانے کا ذہن دیا۔(رپورٹ: محمد راحیل عطاری، رکنِ کابینہ مجلس کارکردگی)

کراچی(اسٹاف رپورٹر) دعوتِ اسلامی کے زیر اہتمام  ہر جمعرات کو بعد نمازِ مغرب ہفتہ وار سنتوں بھرے اجتماعات کا انعقاد کیا جاتا ہے۔ اسی سلسلے میں آج بھی دنیا بھر میں ہفتہ وار اجتماعات منعقد کئے جائیں گے۔ تفصیلات کے مطابق مدنی مرکز فیضانِ مدینہ فیصل آباد میں نگران پاکستان انتظامی کابینہ حاجی شاہد عطاری، مدنی مرکز فیضانِ مدینہ شہنشاہ کالونی سانگھڑ میں رکنِ شوریٰ مولانا عبدالحبیب عطاری، سبحانی مسجد اورنگی ٹاؤن کراچی میں رکن شوریٰ حاجی محمدعلی عطاری، فیضان اسلام ڈیفنس کراچی میں رکن شوریٰ حاجی برکت علی عطاری اور عالمی مدنی مرکز فیضانِ مدینہ کراچی میں مبلغِ دعوتِ اسلامی محمد راشد علی عطاری مدنی سنتوں بھرا بیان فرمائیں گے۔

تمام عاشقانِ رسول سے گزارش کی جاتی ہے کہ آپ بھی اپنے شہر میں ہونے والے سنتوں بھرے اجتماع میں ضرور شرکت فرمائیں۔ آپ کے قریب میں ہفتہ وار سنتوں بھرا اجتماع کہاں ہوتا ہے یہ جاننے کے لئے درج ذیل لنک پر کلک کیجئے۔

https://www.dawateislami.net/map/ijtema

دعوتِ اسلامی کی ٹیسٹ مجلس کے ذمہ دار  راؤشہزاد مدنی 26 نومبر2019 ء بروز منگل رضائے الٰہی سے انتقال کر گئے!اِنَّا لِلہِ وَاِنَّا اِلَیْہِ رٰجِعُوْن۔ مرحوم کی نمازِ جنازہ ان کے رہائشی علاقے کورنگی نمبر ½ 2 نزد بلال چورنگی کی جامع مسجد حسام الحرمین میں بعد نمازِ عشاء ادا کی گئی جس کی امامت مرکزی مجلس شوریٰ کے رکن حاجی محمد عقیل عطاری مدنی نے فرمائی۔ اس موقع پر رکن شوریٰ حاجی محمدعمادعطاری مدنی اور حاجی محمدعلی عطاری سمیت کثیر اسلامی بھائی بھی موجود تھے۔ جواں سالہ راؤشہزاد مدنی کے انتقالِ پُر ملال خبر کے ملنے پر رکن شوری حاجی عبد الحبیب عطاری اور نگرانِ پاکستان انتظامی کابینہ حاجی شاہد عطاری نے مرحوم کے لواحقین سے تعزیت کی اور انہیں صبر کی تلقین کی۔

رکن شوری حاجی عبد الحبیب عطاری نے اپنے پیغام میں کیا کہ “آج دوپہر کو جب یہ خبر ملی کہ راؤشہزاد مدنی اچانک دنیا سے چلے گئے تو تھوڑی دیر کےلئے سکتے میں آگیا۔ اتنی جوان موت آہ!!! جگہ جی لگانے کی دنیا نہیں ہے یہ عبرت کی جاہ ہے تماشہ نہیں ہے ۔اللہ مجھے اور آپ سب کو ایمان پر استقامت دےاور آخرت کی تیاری کی توفیق عطافرمائے۔اللہ پاک مرحوم کی مغفرت فرمائے اور درجات بلند فرمائے۔میری زندگی میں جو ٹوٹے پھوٹے نیک اعمال ہیں راؤشہزاد مدنی کو ایصال کرتا ہوں اللہ قبول کرے۔آج ان کی قبر کی پہلی رات اللہ پاک آسان فرمادے اور جنت الفردوس میں اعلیٰ مقام عطافرمائے۔”

رکن شوری حاجی شاہد عطاری مدنی کا کہنا تھاکہ “مجلس اجارہ کے سید اسد نے بتایا کہ راؤشہزاد مدنی انتقال کرگئے، اِنَّا لِلہِ وَاِنَّا اِلَیْہِ رٰجِعُوْن۔ میں ان کے والد محترم راؤ سلیم اور دو بھائی یوسف عطاری اور فراز عطاری سے تعزیت کرتا ہوں۔ اللہ مرحوم کو غریقِ رحمت فرمائے اور ہم غافلوں کو بھی موت کی تیاری توفیق عطا فرمائے۔ حوصلہ رکھیئے گا۔

زباں پر شکوۂ رنج و الم لایا نہیں کرتے

نبی کے نام لیوا غم سے گھبرایا نہیں کرتے

کراچی(اسٹاف رپورٹر) محفل نعت  اینڈ ایوارڈ ڈسٹری بیوشن میں دعوتِ اسلامی کو اعترافی شیلڈ دے دی گئی، اعترافی شیلڈ مجلس رابطہ کے محمد یوسف سلیم عطاری نے وصول کی۔ تفصیلات کے مطابق‫ ‫اہلسنت و جماعت کے تحت 26نومبر 2019ء بروز منگل کراچی کلب اینکسی (Karachi Club Annexe) میں محفل نعت اینڈ ایوارڈ ڈسٹری بیوشن کا انعقاد کیا گیا جس میں کئی علما و مفتیانِ کرام اور مختلف سرکا ری عہدیداران سمیت  دعوت اسلامی  کی مجلسِ رابطہ کے محمدیوسف سلیم عطاری  نے شرکت کی۔

تقریب کے دوران چیئرمین رؤیتِ ہلال کمیٹی مفتی منیب الرحمن صاحب، مفتی عابد مبارک صاحب، مولانا رفیق پردیسی صاحب اور حاجی رفیق سلیمان نے دعوت اسلامی کو خدمات اہلِ سنّت میں مثالی  کردار ادا کرنے پر اعترافی شیلڈ  بھی پیش کی گئی جسے محمدیوسف سلیم عطاری  نے وصول کیا۔