شیخ طریقت امیر اہل سنت دَامَتْ بَرَکَاتُہُمُ الْعَالِیَہ نے جسم کے مختلف اعضاء بالخصوص زبان اور نگاہ کو گناہوں اور فضولیات سے بچانے کے عظیم جذبے کے تحت یوم قفل مدینہ کی مدنی تحریک کا آغاز فرمایا چنانچہ ماه ذوالقعدۃ الحرام 1441ھ کی پہلی پیر شریف کو نیوزی لینڈ میں یوم قفل منایا گیا جس میں اَلْحَمْدُ لِلّٰہِ عَزَّ وَجَلَّ!پانچ اسلامی بہنوں نے ”رسالہ خاموش شہزادہ “کا مطالعہ کیا اور دو اسلامی بہنوں نے کم و بیش 25 گھنٹے قفل مدینہ لگانے کی سعادت حاصل کی۔

اسلامی بہنوں کی مجلس مدنی انعامات کے زیر اہتمام یکم جولائی 2020ء کوعرب شریف  رضوی کابینہ ڈویژن فیضان فاطمہ رضی اللہ عنہا میں بذریعہ اسکائپ مدنی انعامات اجتماع کا انعقاد کیا گیا جس میں تقریبا11اسلامی بہنوں نے شرکت کی۔ مبلغۂ دعوتِ اسلامی نے اسکائپ کے ذریعے سنتوں بھرا بیان کیا اوراجتماع میں شریک اسلامی بہنوں کو مدنی انعامات کے ذریعے روزانہ محاسبہ کرنے اور رسالہ جمع کروانے کی ترغیب دلائی۔

دعوت اسلامی کے زیر اہتمام یکم جولائی 2020ءبروز بدھ سینٹرل افریقہ ریجن کے ملک یوگنڈا میں بذریعہ اسکائپ سنتوں بھرے اجتماع کا انعقاد کیا گیا جس میں 23اسلامی بہنوں نے شرکت کی ۔مبلغہ دعوت اسلامی نے ناچاقیوں کے اسباب وعلاج کے موضوع پر   بیان کیا اور اجتماعِ پاک میں شریک اسلامی بہنوں کو دعوت اسلامی کے ماحول سے وابستہ رہنے اور مدنی انعامات پر عمل کرنے کا ذہن دیا۔ اجتماعِ پاک کے اختتام پر رقت انگیز دعابھی کی گئی ۔

دعوت اسلامی کے تحت ملک و بیرون ملک میں جہاں اسلامی بھائیوں کے ہفتہ وار سنتوں بھرے اجتماعات کا انعقاد کیا جاتا ہے وہیں اسلامی بہنوں کے بھی ہفتہ وار سنتوں بھرے اجتماعات کا سلسلہ ہوتا ہے۔موجودہ حالات میں نیٹ اور کال کے ذریعے اجتماعات کا سلسلہ ہے۔

اس ہفتے ملنے والی رپورٹ کے مطابق سینٹرل افریقہ میں ہونے والے ہفتہ وار اجتماعات کی تفصیلات درج ذیل ہے:

ملک کینیا میں دو مقامات پر ہفتہ وار سنتوں بھرے اجتماعات منعقدکئے گئےجن میں تقریباً30 اسلامی بہنوں نے شرکت کی۔

اسلامی بہنوں کی مجلس مدنی انعامات کے زیراہتمام یکم جولائی 2020 ءکو یوکےہیکنی(Hackney) اور چنگ فورڈ(Chingford )میں مدنی انعامات اجتماعات کا انعقاد کیا گیا جن میں 18 اسلامی بہنوں نے شرکت کی۔ مبلغاتِ دعوت اسلامی نے اسکائپ کے ذریعے سنتوں بھرے بیانات کئے اور اجتماعات میں شریک اسلامی بہنوں کو مدنی انعامات سے متعلق تفصیلاً بریف کرتے ہوئے آسانی کے ساتھ مدنی انعامات پر عمل کرنے کے طریقے بیان کئے نیز عاملات مدنی انعامات بننے کا ذہن دیا۔

اسلامی بہنوں کی مجلس  کفن دفن کے زیرِ اہتمام یکم جولائی 2020ء کو بنگلہ دیش ریجن کے شہر سلہٹ میں کابینہ ذمہ دار اسلامی بہنوں کا اجلاس ہوا جس میں تین کابینہ مشاورت کی اسلامی بہنوں نے شرکت کی۔ بنگلہ دیش ریجن کفن دفن ذمہ دار اسلامی بہن نے اجلاس میں شریک اسلامی بہنوں کی کارکردگی کاجائزہ لیتے ہوئے ان کی تربیت کی اور مدنی کاموں کو مزید بڑھانے اور اس میں بہتری لانے کے حوالے سے نکات دئیے۔

اسلامی بہنوں کی مجلس شارٹ کورسز کےزیر ِ اہتمام6جولائی2020ء سے بریڈ فورڈ ریجن میں اسلامی بہنوں کے لئے”طہارت کورس“ شروع ہونے جارہا ہے ۔ اس کورس کی مدت پانچ دن جبکہ دورانیہ ایک گھنٹہ12 منٹس ہوگا۔

اس آن لائن شارٹ کورس میں ایڈمیشن کے لئے اس میل آئی ڈی پر رابطہ کرسکتے ہیں۔

اسلامی بہنوں کی مجلس شارٹ کورسز کے زیرِ اہتمام پچھلے دنوں بریڈ فورڈ ریجن  میں ذمہ دار اسلامی بہنوں کا اجلاس ہوا جس میں کابینہ ذمہ دار اسلامی بہنوں نے شرکت کی۔ ریجن نگران اسلامی بہن نےطہارت کورس کے حوالے سے نکات پیش کئے نیز اپنے اپنے ڈویژنز میں ہر ہر علاقے میں انگلش اور اردو میں کورس کروانے کا بھر پور ذہن دیا۔

دعوتِ اسلامی کے زیرِ اہتمام یکم جولائی 2020ء  کو لندن ریجن ویسٹ لندن کابینہ کے علاقے (ٹوٹنگ ،سڈبری) ، اسکاٹ لینڈ ریجن( گلاسگو ) برمنگھم ریجن ایسٹ مڈلینڈز کابینہ کی ڈویژن (سینٹ آئیوس ، برٹن ، لیسٹر ، نوٹنگھم ، پیٹربورو ،ایسٹ برمنگھم ، کوونٹری) میں آن لائن سنتوں بھرے اجتماعات کا انعقاد کیا گیا جن میں 316 اسلامی بہنوں نے شرکت کی۔ مبلغاتِ دعوت اسلامی نے”ناچاقیوں کے اسباب و علاج“ کے موضوع پر بیانات کئے اور اجتماعات میں شریک اسلامی بہنوں کو چغلی ،غیبت ، گالی گلوچ اور جھوٹ کی تباہ کاریوں کے متعلق بتایانیز سچ بولنے اور صلح کرنے کے فضائل بیان کرتے ہوئے نیکیوں بھری زندگی گزارنے اور ہفتہ وار اجتماع میں باقاعدگی سے شرکت کرنے کی ترغیب دلائی ۔

دعوت اسلامی کے زیر اہتمام 25 جون 2020ء کو انڈونیشیاء میں ایس او پیز کا خیال رکھتے ہوئے  سنتوں بھرے اجتماع کاانعقاد کیا گیا جس میں کثیر تعداد میں عاشقانِ رسول نے شرکت کی۔ مبلغ دعوت اسلامی نے سنتوں بھرا بیان کیا۔ 

دعوت اسلامی کے زیر اہتمام 27 جون 2020ء کو انڈونیشیاء میں ایک اسلامی بھائی کے والد صاحب کے لئے ایصالِ ثواب اجتماع ہوا جس میں مقامی اسلامی بھائیوں نے شرکت کی۔ مبلغ دعوت اسلامی نعمت اللہ عطاری نے سنتوں بھرا بیان کیا۔ اس موقع پر مبلغِ دعوتِ اسلامی غلام یٰسین عطاری مدنی بھی موجود تھے۔ 

اسلامی بہنوں کی مجلس کفن دفن کے زیرِ اہتمام29جون2020ء کو یوکے بریڈ فورڈ ریجن کے ویسٹ یارکشائر میں بذریعہ انٹر نیٹ غسل میت کی تربیت لینے والی اسلامی بہنوں میں سے   2اسلامی بہنوں نے ٹیسٹ میں کامیابی حاصل کی۔ ان کا تعلق West Yorkshireویسٹ یارکشائر کابینہ کے شہر بریڈ فورڈ ہے۔ کامیاب ہونے والی اسلامی بہنوں نےنیت کی کہ وہ اللہ کی رضا کے لئے فی سبیل للہ میتوں کو غسل دیں گی۔