اسلامی بہنوں کی مجلس مدنی انعامات کے زیر ِ اہتمام06 مارچ 2020ء کو مدنی انعامات پر مقرر رکن عالمی مجلس مشاورت نے بذریعۂ انٹرنیٹ ایران کی مدنی انعامات ذمہ دار اسلامی بہن کے ہمراہ اجلاس کیا جس میں رکن عالمی مجلس مشاورت نے ان کی کارکردگی کا جائزہ لیتے ہوئے ان کی تربیت کی اور ہر ہر ہفتہ وار سنتوں بھرے اجتماع میں مدنی انعامات کے مکتب لگانے کی ترغیب دلائی نیز ”کورس جنت کا راستہ“ کروانے کے اہداف طے کئے۔ 

اسلامی بہنوں کی مجلس شارٹ کورسز  کے زیر ِ اہتمام اجمیر ریجن کے کچھ زون میں دو مقامات پر” فیضان زکوۃکورس “ کا انعقاد کیا گیا جن میں 10 ذمہ دار اسلامی بہنیں اور 11 شخصیات خواتین نے شرکت کی۔ مبلغاتِ دعوتِ اسلامی نے سنّتوں بھرے بیانات کئے اور کورس میں شریک اسلامی بہنوں کو قراٰن و حدیث کی روشنی میں زکوٰۃ کا بیان،چندہ کرنے کی شرعی حیثیت، کافر سے چندہ لینا اور چندے سے کسی کی مدد کرنا کیسا؟ نیز اہم تنظیمی نکات اور ڈونیشن کرنے کے حوالے سے تربیت وغیرہ جیسے مسائل سے متعلق آگاہی فراہم کی۔

اسلامی بہنوں کی مجلس شارٹ کورسز کے زیر ِ اہتمام اجمیر ریجن کے موڈاسا زون میں ”واقعۂ معراج کورس“ کا انعقاد کیا گیا جس میں تقریباً 40 اسلامی بہنوں نے شرکت کی۔ مبلغۂ دعوتِ اسلامی نے سنّتوں بھرا بیان کیا اور کورس میں شریک اسلامی بہنوں کو معراج کے حوالے سے مفید معلومات،معراج میں اللہ پاک کی طرف سے ملنے والے انعامات ،رجب المرجب کے فضائل مع عبادات وغیرہ سے متعلق آگاہی فراہم کی نیز انہیں دعوتِ اسلامی کے مدنی کاموں سے متعلق آگاہی فراہم کرتے ہوئے دعوتِ اسلامی کے مدنی ماحول سے وابستہ رہنے، کتاب فیضان نماز کا مطالعہ کرنے اور ہفتہ وار اجتماع میں شرکت کرنے کی ترغیب دلائی۔

اسلامی بہنوں کی مجلس شارٹ کورسز  کے زیر ِ اہتمام05 مارچ 2020ء کو آن لائن ” فیضان زکوۃ کورس“ کا انعقاد کیا گیا جس میں اراکینِ عالمی مجلس مشاورت سمیت مجلس بیرونِ ملک کی چھ اسلامی بہنوں نے شرکت کی۔کورس میں شریک اسلامی بہنوں کو قراٰن و حدیث کی روشنی میں زکوٰۃ کا بیان،چندہ کرنے کی شرعی حیثیت نیز ڈونیشن کرنے کے حوالے اہم تنظیمی نکات سیکھنے کا موقع فراہم کیا گیا۔

اسلامی بہنوں کی مجلس تجہیز و تکفین کے زیر ِ اہتمام اجمیر ریجن کے موڈا سا زون میں تجہیز وتکفین تربیتی اجتماع کا انعقاد کیا گیا جس میں 17 اسلامی بہنوں نے شرکت کی مبلغۂ دعوتِ اسلامی نے سنّتوں بھرا بیان کیا اور تربیتی اجتماع میں شریک اسلامی بہنوں کو غسل و کفن کا درست طریقہ سکھایا نیز ان اسلامی بہنوں کو دعوتِ اسلامی کے مدنی ماحول سے وابستہ رہنے اور ہفتہ وار اجتماع میں شرکت کرنے کی ترغیب دلائی۔

دعوتِ اسلامی کے زیر اہتمام گزشتہ دنوں كینیا نیروبی کابینہ کی  ذمہ دار اسلامی بہنوں کا اجلاس ہوا جس میں تمام شعبہ جات ذمہ داراسلامی بہنوں نے شرکت کی۔ کینیا کی ملک نگران اسلامی بہن نے اجلاس میں شریک اسلامی بہنوں کی کارکردگی کاجائزہ لیتے ہوئے ان کی تربیت کی اورنئے مقامات پر مدرسۃالمدينہ بالغات لگانے اور مجلس شعبہ تعلیم میں مدنی کاموں کو مزید بڑھانے کے اہداف دئیے۔

دعوتِ اسلامی کے زیر اہتمام 05 مارچ  2020ء کوسری لنکا ریجن ذمہ دار اسلامی بہن کا سری لنکا کی ضیائی ڈویژن ذمہ دار اسلامی بہن کے ہمراہ اجلاس کیا جس میں سری لنکا ریجن ذمہ دار اسلامی بہن نے ان کی کارکردگی کاجائزہ لیتے ہوئے ان کی تربیت کی اورآٹھ مدنی کاموں کو مزید بڑھانے اور اس میں بہتری لانے کے متعلق اہداف دئیے۔ 

دعوتِ اسلامی کے زیر اہتمام 06 مارچ  2020ء کو ایسٹ افریقہ ریجن نگران اسلامی بہن کا ملاوی کے شہر موزوزو کی ڈویژن نگران اسلامی بہن کے ہمراہ اجلاس کیا جس میں ایسٹ افریقہ ریجن نگران اسلامی بہن نے ان کی کارکردگی کاجائزہ لیتے ہوئے ان کی تربیت کی اورآٹھ مدنی کاموں کو مزید بڑھانے اور اس میں بہتری لانے کے متعلق اہداف دئیے۔

دعوتِ اسلامی کے زیر اہتمام05 مارچ  2020ء کو سڈنی آسٹریلیا کے علاقے(Auburn) میں ذمہ دار اسلامی بہنوں کا اجلاس ہوا جس میں کابینہ سطح کی ذمہ دار اسلامی بہنوں نے شرکت کی۔ اجلاس میں شریک اسلامی بہنوں کی کارکردگی کاجائزہ لیا گیا اور ان کی تربیت کی گئی نیز مدنی کامو ں کو مزید بڑھانے اور اس میں بہتری لانے کے متعلق اہداف دئیے گئے۔

دعوتِ اسلامی کے زیر اہتمام04 مارچ  2020ء کو سڈنی آسٹریلیاکے علاقے(Mount Druitt) میں سنتوں بھرےاجتماع کا انعقاد کیا گیا جس میں مقامی اسلامی بہنوں نے شرکت کی۔مبلغۂ دعوتِ اسلامی نے ”تحمل مزاجى كى فضيلت“ پر بیان کیا اور اجتماعِ پاک میں شریک اسلامی بہنوں کو دعوتِ اسلامی کے مدنی کاموں سے متعلق آگاہی فراہم کرتے ہوئے دعوتِ اسلامی کے مدنی ماحول سے وابستہ رہنے اور ہفتہ وار اجتماع میں باقاعدگی سے شرکت کرنے کی ترغیب دلائی۔