دعوت اسلامی کی مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی نے نگران ویلز یوکے حاجی سید فضیل رضا عطاری اور دیگر ذمہ داران کے ہمراہ انڈونیشیا (Indonesia) کے سٹی بندہ آچے (Banda Aceh) میں ساحل سمندر پر واقع حضرت سیدنا شیخ عبد الرؤف بن علی الفانصوری شیہ کوالا رحمۃُ اللہِ علیہ کے مزار شریف پر حاضری دی۔

نگران شوریٰ نے صاحب مزار کے ایصالِ ثواب کے لئے فاتحہ خوانی کی اور دعا کا سلسلہ ہوا۔

8 فروری 2023ء کو نگران شوریٰ مولانا حاجی محمد عمران عطاری مُدَّ ظِلُّہُ العالی نے دورۂ انڈونیشیا (Indonesia) کے دوران بندہ آچے (Banda Aceh) میں قائم دار العلوم استقامۃ الدین دار المعارف کا وزٹ کیا جہاں حضرت مولانا شیخ ابو محمد بن زمزی رحمۃُ اللہِ علیہ کے عرس شریف میں شرکت کی اور مزار شریف پر حاضری دی۔ نگران شوریٰ نے صاحبِ مزارکے لئے فاتحہ خوانی اور دعائیں کیں۔

نگران شوریٰ نے دار العلوم میں صاحب مزار کے صاحبزادے مولانا ابو محمداً صاحب سے ملاقات کی اور مختلف امور پر تبادلۂ خیال ہوا۔ اس کے علاوہ نگران شوریٰ نے دار العلوم میں علمائے کرام، طلبہ اور دیگر عاشقان رسول سے ملاقات بھی کی۔

اس موقع پر نگران انڈونیشیا ریجن مولانا غلام یٰسین عطاری مدنی اور نگران ویلز یوکے حاجی سید فضیل رضا عطاری بھی موجود تھے۔

انڈونیشیا (Indonesia) کے سٹی بندہ آچے (Banda Aceh) میں 7 فروری 2023ء کو دعوت اسلامی کے پہلے مدنی مرکز فیضان مدینہ کے قیام کے لئے سنگ ِبنیاد رکھ دیا گیا۔ فیضان مدینہ کا سنگِ بنیاد پاکستان سے تشریف لائے ہوئے مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی اور مقامی ذمہ داران اور انڈونیشیا کے اسلامی بھائیوں نے درود وسلام کی صداؤں میں اینٹیں رکھ کر کیا۔

اس موقع پر ایک تقریب کا انعقاد کیا گیا جس میں انڈونیشیا کے علمائے کرام اور مختلف شعبہ ہائے زندگی سے وابستہ افراد و عاشقان رسول سمیت ذمہ داران دعوت اسلامی نے شرکت کی۔ تقریب کا آغاز تلاوت قرآن پاک سے کیا گیا اور عربی میں نعت شریف بھی پڑھی گئی۔ نگران شوریٰ مولانا حاجی محمد عمران عطاری مُدَّ ظِلُّہُ العالی نے سنتوں بھرا بیان کرتے ہوئے کہا کہ دنیا کا بدترین حصہ وہ ہے جہاں بازار ہوتے ہیں اور بہترین جگہ وہ ہے جہاں مسجد ہوتی ہے، بحیثیت مسلمان ہماری خواہش ہونی چاہیئے کہ ہمارا بچہ بچہ نمازی بن جائے۔

نگران انڈونیشیا ریجن مولانا غلام یٰسین عطاری مدنی نے مقامی زبان میں نگران شوریٰ کے بیان کا خلاصہ بتایا۔ اس کے علاوہ اس موقع پر نگران ویلز یوکے حاجی سید فضیل رضا عطاری بھی موجود تھے۔

اسی طرح نگران شوریٰ نے ذمہ داران دعوت اسلامی اور مقامی عاشقان رسول کے ہمراہ بندہ آچے (Banda Aceh) کی تاریخی اور سب سے بڑی مسجد بیت الرحمن میں بھی حاضری دی ۔

6 فروری 2023ء کو کنز المدارس بورڈ (دعوت اسلامی) کے تحت موزمبیق (افریقہ) میں میٹنگ ہوئی جس میں متعلقہ بورڈ کے اسلامی بھائیوں نے شرکت کی۔

صدر کنز المدارس و رکن شوریٰ مولانا حاجی محمد جنید عطاری مدنی نے کنز المدارس بورڈ سے متعلق بریفنگ دی اور دیگر امور پر گفتگو فرمائی۔

اَلْحَمْدُ لِلّٰہِ عَزَّ وَجَلَّ دعوتِ اسلامی دنیا بھر میں دینِ اسلام کی ترویج و اشاعت کے سلسلے میں اپنی بے مثال خدمات پیش کر تے ہوئے ترقی کی راہ پر گامزن ہے ۔ جہاں اس مدنی ماحول کی برکت سے کئی غیر مسلم اپنا مذہب چھوڑ کر دامنِ اسلام سے وابستہ ہو رہے ہیں اسی طرح کئی غیر مسلموں کی عبادت گاہیں خرید کر اسے مسجد و مدرسہ میں تبدیل کیا جارہا ہے ۔

اسی سلسلے میں پچھلے دنوں دعوت اسلامی کی جانب سے نیو پورٹ ویلز یو کے (Newport, Wales UK) میں 145 سال پرانا غیر مسلموں کی عبادت گاہ کو خریدا گیا جسے مسجد ، مدرسۃ المدینہ اور جامعۃ المدینہ میں بہت جلد تبدیل کیا جائے گا۔

اس موقع پر یو کے کے ذمہ داران سمیت مقامی باشندے بھی موجود تھے اور ایک دوسرے کو مبارک باد پیش کی ۔ (کانٹینٹ : محمد مصطفیٰ انیس) 

02فروری 2023ء کو آسٹریلیا کے شہر سڈنی میں دعوت اسلامی کے ذمہ دار اسلامی بھائیوں نے سیکھنے سکھانے کے مدنی حلقے کا اہتمام کیاجس میں  سڈنی کے اسٹوڈنٹس نے شرکت کی ۔

ذمہ دار اسلامی بھائی نے اسٹوڈنٹس کو دعوت اسلامی کا تعارف اور اسکی دینی خدمات بیان کرتے ہوئے نیکیاں کرنے اور گناہوں سے بچتے رہنے جبکہ دعوت اسلامی کے اجتماعات میں پابندی کیساتھ شرکت کرنے کا ذہن دیا ۔ (کانٹینٹ : محمد مصطفیٰ انیس) 

31 جنوری 2023ء بروز منگل دعوتِ اسلامی کے تحت اسپیشل پرسنز ڈیپارٹمنٹ کے ذمہ دار اسلامی بھائیوں نے دینی کاموں کے سلسلے میں نیروبی کینیا سفر کے دوران K.N.A.D (کینیا نیشنل ایسوسی ایشن آف ڈیف) کا وزٹ کیا۔

اس دوران نابینا افراد کے پاکستان سطح کے ذمہ دار محمد حنیف عطاری سمیت دیگر ذمہ داران نے K.N.A.D کے صدر اور دیگر اسٹاف سے ملاقات کی نیز انہیں دعوتِ اسلامی کے اسپیشل پرسنز ڈیپارٹمنٹ کا تعارف کروایا۔

ذمہ دار محمد حنیف عطاری نے اسپیشل پرسنز ڈیپارٹمنٹ دعوتِ اسلامی کے تحت دنیا بھر میں ہونے والے دینی کاموں کے بارے میں حاضرین کو بریفنگ دی۔

ان دنوں   دعوت ِاسلامی کی مرکزی مجلسِ شوریٰ کے رکن حاجی جنید عطاری مدنی دینی کاموں کے سلسلے میں افریقی ممالک کے دورے پر ہیں۔دورانِ سفر رکنِ شوریٰ نے ساؤ تھ افریقہ کے شہر پریٹوریا میں مفتی عبدُالنبی حمیدی صاحب اور دیگر ذمہ داران کے ہمراہ خلیفہ مفتی اعظم ہند مولانا احمد مقدم صاحب سے ان کی رہائش گاہ پر ملاقات کی۔

اس موقع پر ان کی والدہ کے انتقال پر ان سے تعزیت کی ا ور فاتحہ خوانی کرتے ہوئے مرحومہ کے لئے دعائے مغفرت کروائی ۔( کانٹینٹ: رمضان رضا عطاری) 

تبلیغِ دین و اشاعتِ دین  کا جذبہ رکھنے والی عاشقانِ رسول کی دینی تحریک دعوتِ اسلامی کے تحت پچھلے دنوں اسٹچفورڈ برمنگھم UK میں قائم مدنی مرکز فیضانِ مدینہ میں عمرہ کورس کا انعقاد کیا گیا جس میں برمنگھم اور ویسٹ مڈلینڈز سے کئی اسلامی بھائیوں نے شرکت کی جن میں وہ خوش نصیب عاشقانِ رسول شامل تھے جوعنقریب عمرہ کرنے جائیں گے۔

دورانِ کورس شعبہ مدنی کورسز UK کے نگران توقیر عطاری اور Dudley کے نگران مولانا اویس عطاری مدنی نے اسلامی بھائیوں کی تربیت کرتے ہوئے انہیں عمرہ کا عملی طریقہ سکھایا نیز اس کے چند ضروری احتیاطوں سے آگاہ کیا۔علاوہ ازیں ذمہ داران نے شرکائے کورس کو علمِ دین حاصل کرنے کا ذہن دیا جس پر انہوں نے اچھی اچھی نیتوں کا اظہار کیا۔(کانٹینٹ:غیاث الدین عطاری)

عالمی سطح پر علمِ دین کا فیضان عام کرنے اور اسلامی بھائیوں کی دینی و اخلاقی تربیت کرنے کے جذبے کے تحت اسٹچفورڈ برمنگھم یوکے میں دعوتِ اسلامی کے ذمہ دار اسلامی بھائیوں کی میٹنگ ہوئی جس میں شعبہ ہفتہ وار سنتوں بھرااجتماع ویسٹ مڈلینڈز یو کے ریجن  کے ذمہ داران، مبلغین، قاری صاحبان اور نعت خواں اسلامی بھائیوں نے شرکت کی۔

معلومات کے مطابق اس میٹنگ میں نگرانِ مڈلینڈز یوکے سیّد عمار عطاری، نگرانِ برمنگھم یوکے مولانا طارق عطاری مدنی اور نگرانِ ویلز یوکے سیّد فضیل رضا عطاری نے اسلامی بھائیوں سے مختلف امور پر گفتگو کرتے ہوئے ہفتہ وار اجتما ع میں ہونے والے دینی کاموں کے بارے میں مشاورت کی۔

ذمہ داران نے دورانِ میٹنگ سنتوں بھرے اجتماع میں تلاوتِ قراٰن، نعتِ رسولِ مقبول صلی اللہ علیہ و سلم، دعا صلوٰۃ و سلام سمیت دیگر شیڈول پر تبادلۂ خیال کیا۔

اس کے علاوہ میٹنگ میں شریک اسلامی بھائیوں کو ویسٹ مڈلینڈز یوکے ہفتہ وار سنتوں بھرے اجتماع میں تعاون کرنے اور شرکت کرنے والے عاشقانِ رسول سے ملاقات کرنے کا ذہن دیا گیا۔(رپورٹ:سمیر عطاری شعبہ مدنی چینل یوکے، کانٹینٹ:غیاث الدین عطاری)

پچھلے دنوں بورڈسلے گرین وارڈ برمنگھم (Bordesley Green Ward Birmingham) کے کونسلر رقیب عزیز نے اسٹچفورڈ برمنگھم میں واقع دعوتِ اسلامی کے مدنی مرکز فیضانِ مدینہ کا دورہ کیا۔

تفصیلات کے مطابق پبلک ریلیشنز ڈیپارٹمنٹ کے ذمہ دار اسلامی بھائیوں نے کونسلر کو بذریعہ پریزنٹیشن دعوتِ اسلامی کے مختلف ڈیپارٹمنٹس اور دینی و فلاحی کاموں کے بارے میں آگاہی دی۔

اس دوران ذمہ دار اسلامی بھائیوں نے کونسلر رقیب عزیز سے مختلف موضوعات پر گفتگو کرتے ہوئے چند اہم نکات پر تبادلۂ خیال کیا اور جاری نائٹرس آکسائیڈ (لافنگ گیس) منصوبے پر مشاورت کی جس پر کونسلر نے دعوتِ اسلامی کے حوالے سے اپنی نیک خواہشات کا اظہار کیا۔

واضح رہے دعوتِ اسلامی اب تک مڈلینڈز میں ہزاروں لوگوں کو لافنگ گیس لینے کے نقصانات پر آگاہی دے جاچکی ہے جبکہ آنے والے ورکشاپس کا منصوبہ بھی بنایا گیا ہے۔(کانٹینٹ:غیاث الدین عطاری)

دعوتِ اسلامی  کے اسپیشل پرسنز ڈیپارٹمنٹ کے تحت 14 جنوری 2023ء کو کینیا میں قائم جامعۃ ُالمدینہ بوائز ممباسا کے طلبۂ کرام میں 7 دن پر مشتمل اشاروں کی زبان کےرہائشی کورس کا آغاز کیا گیا۔

کورس میں شریک اسلامی بھائیوں کو محمد حنیف عطاری( نابینا افرادپاکستان ذمہ دار) نے ابتدائی طور پر ذکر ُاللہ اور دیگر نیکی کی دعوت پر مشتمل اشارے سکھائے نیز انہیں گونگے بہرے اسلامی بھائیوں سے گفتگو کرنے کےلئے اشارے بھی بتائے ۔(رپورٹ : محمد رضوان مدنی عطاری اسپیشل پرسنز ڈیپارٹمنٹ پاکستان آفس ذمہ دار، کانٹینٹ: رمضان رضا عطاری)