دینی تعلیم کے ساتھ ساتھ دنیاوی تعلیم دینے والی عاشقانِ رسول کی دینی تحریک دعوتِ اسلامی کے تحت  مرکزی مجلسِ شوریٰ کے رکن حاجی یعفور رضا عطاری کی دورۂ UK کے دوران ایسٹن برمنگھم UK میں قائم دارالمدینہ انٹرنیشنل اسلامک اسکول سسٹم کی چوتھی برانچ میں آمد ہوئی۔

اس موقع پر رکنِ شوریٰ حاجی یعفور رضا عطاری نے دارالمدینہ کی عمارت اور اسٹوڈنٹس کو دی جانے والی سہولیات کا جائزہ لیا جبکہ وہاں موجود ذمہ دار اسلامی بھائیوں نے دارالمدینہ کے موجودہ نصاب اور فراہم کی جانے والی تعلیم کے بارے میں رکنِ شوریٰ کو بریفنگ دی۔

اشاعتِ دین کا جذبہ رکھنے والی عاشقانِ رسول کی دینی تحریک دعوتِ اسلامی کے تحت دینی کاموں کے سلسلے میں یوکے سفر پر موجود رکنِ مرکزی مجلسِ شوریٰ حاجی یعفور رضا عطاری کی ایسٹن برمنگھم UK میں واقع جامعۃالمدینہ گرلز کیمپس میں آمد ہوئی۔

اس دوران رکنِ شوریٰ حاجی یعفور رضا عطاری نے وہاں موجود ذمہ داران کے ہمراہ جامعۃالمدینہ گرلز کی عمارت، کلاس رومز اور طالبات کو دی جانے والی سہولیات کا جائزہ لیا۔

بعدازاں رکنِ شوریٰ نے ذمہ داران سمیت مقامی اسلامی بھائیوں کو دعوتِ اسلامی کے دینی کاموں میں اپنا حصہ ملانےکا ذہن دیا اور دینی کاموں میں ترقی کے لئے دعا کروائی۔

23 مئی 2023ء بروز منگل ڈربی یوکے (Derby UK)میں قائم مدنی مرکز فیضانِ مدینہ میں دعوتِ اسلامی کے تحت ایک تربیتی سیشن منعقد ہوا جس میں ذمہ دار اسلامی بھائیوں کی کثیر تعداد نے شرکت کی۔

معلومات کے مطابق اس تربیتی سیشن میں رکنِ مرکزی مجلسِ شوریٰ حاجی یعفور رضا عطاری نے 12 دینی کاموں کے حوالے سے کلام کرتے ہوئے ایسٹ مڈلینڈز یوکے میں ہونے والے دینی کاموں کے متعلق ذمہ داران سے مشاورت کی۔

دینِ اسلام کی تبلیغ کرنے اور لوگوں کو علمِ دین سکھانے کے لئے دعوتِ اسلامی کے زیرِا ہتمام 22 مئی 2023ء بروز پیر انگلینڈ یوکے کے شہر لیسٹر میں قائم مدنی مرکز فیضانِ مدینہ میں سنتوں بھرے اجتماع کا انعقاد کیا گیا۔

تلاوتِ کلامِ پاک سے اجتماع کا آغاز ہوا اور نعت خواں اسلامی بھائی نے حضور پُر نور حضرت محمد صلی اللہ علیہ و سلم کی بارگاہِ اقدس میں نعت شریف کا نذرانہ پیش کیا۔

دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے پیارے آقا صلی اللہ علیہ و سلم کی خصوصیت کے بارے میں بیان کیا جس میں انہوں نے شرکا کو حضور صلی اللہ علیہ و سلم کی تعلیمات کے مطابق اپنی زندگی گزارنے کا ذہن دیا۔

22 مئی 2023ء بروز پیر عاشقانِ رسول کی دینی تحریک دعوتِ اسلامی کے تحت رکنِ مرکزی مجلسِ شوریٰ حاجی یعفور رضا عطاری نے انگلینڈ UK کے شہر لیسٹر (Leicester)میں واقع مدرسۃالمدینہ بوائز کیمپس کا دورہ کیا۔

اس موقع پر مدرسۃالمدینہ بوائز کے بچوں، اسٹاف اور انتظامیہ کے لئے ایک تربیتی سیشن منعقد کیا گیا جس میں رکنِ شوریٰ حاجی یعفور رضا عطاری نے سنتوں بھرا بیان کیا اور شرکا کی تربیت و رہنمائی کرتے ہوئے انہیں مختلف مدنی پھولوں سے نوازا۔

رکنِ شوریٰ نے اسٹاف اور انتظامیہ کے اسلامی بھائیوں کو دعوتِ اسلامی کے دینی کاموں میں عملی طور پر خود بھی حصہ لینے نیز دوسروں کو اس کی ترغیب دلانے کا ذہن دیا۔(کانٹینٹ:غیاث الدین عطاری)

دعوتِ اسلامی کے دینی کاموں کے سلسلے میں یوکے سفر پر موجود مرکزی مجلسِ شوریٰ کے رکن حاجی یعفور رضا عطاری انگلینڈ UK کے شہر لیسٹر (Leicester)میں قائم مدنی مرکز فیضانِ مدینہ پہنچے۔

اس دوران رکنِ شوریٰ حاجی یعفور رضا عطاری نے مقامی اسلامی بھائیوں سمیت ذمہ داران سے ملاقات کی اور انہیں لیسٹر یوکے میں دعوتِ اسلامی کے دینی کام بھرپور انداز میں کرنے کی ترغیب دلائی۔

ان  دنوں دعوتِ اسلامی کی مرکزی مجلس شوریٰ کے رکن حاجی یعفور رضا عطاری دینی کاموں کے سلسلے میں لندن کے دورے پر ہیں۔ دورانِ سفر رکنِ شوریٰ نے لندن میں ترکی کے سفیر عثمان کورائے ارتاش سے ملاقات کی۔

اس موقع پر حاجی یعفور رضا عطاری نے سفیر کو دعوت اسلامی کے دینی کاموں کا تعارف کرواتے ہوئے ترکی میں حالیہ تباہ کن زلزلے میں FGRF کے تحت ہونے والے امدادی کاموں کے بارے میں بتایا ۔

ایف جی آر ایف کی جانب سے امدادی کاموں اور مسلسل تعاون کے بارے میں جان کر سفیر کافی متاثر اور خوش ہوئےاس پر انھوں نے دعوت اسلامی کے ساتھ دینی کاموں میں ساتھ دینے کی نیک خواہش کا اظہار کیا۔(رپورٹ: تعلقات عامہ لندن دعوت اسلامی ،کانٹینٹ:رمضان رضا عطاری)

لوگوں کی دینی و اخلاقی تربیت کرنے والی عاشقانِ رسول کی دینی تحریک دعوتِ اسلامی کے تحت گزشتہ روزکولمبو سری لنکا میں سیکھنے سکھانے کا حلقہ لگایا گیا جس میں بزنس کمیونٹی نے شرکت کی۔

دعوتِ اسلامی کی مرکزی مجلسِ شوریٰ کے رکن حاجی محمد امین عطاری نے حلقے میں شریک اسلامی بھائیوں کو دینی ماحول سے منسلک ہونے اور دینی کاموں میں اپنا حصہ ملانے کی ترغیب دلائی جس پر انہوں نے اچھی اچھی نیتوں کا اظہار کیا۔( کانٹینٹ:غیاث الدین عطاری) 

عاشقانِ رسول کی دینی تحریک دعوتِ اسلامی کے زیرِا ہتمام پچھلے دنوں کولمبو سری لنکا کے علاقے ڈیماٹاگوڈا میں مقامی اسلامی بھائی کی رہائش گاہ پر سیکھنے سکھانے کا حلقہ منعقد کیا گیا۔

حلقے کی ابتداء میں تلاوتِ کلامِ پاک اور نعت شریف پڑھی گئی جبکہ دینی کاموں کے سلسلے میں سری لنکا آئے ہوئے مرکزی مجلسِ شوریٰ کے رکن حاجی محمد امین عطاری نے سنتوں بھرا بیان کیا۔

کولمبو سری لنکا کے مدنی مرکز فیضانِ مدینہ میں گزشتہ روز دعوتِ اسلامی کے زیرِا ہتمام ایک میٹنگ ہوئی جس میں کولمبو مشاورت کے ذمہ دار اسلامی بھائیوں نے شرکت کی۔

عاشقانِ رسول کی دینی تحریک دعوتِ اسلامی کے تحت سری لنکا کے شہر کولمبو میں واقع مدنی مرکز فیضانِ مدینہ میں ایک مدنی مشورہ ہوا جس میں مدرسۃالمدینہ بوائز کے ذمہ دار اسلامی بھائیوں نے شرکت کی۔

معلومات کے مطابق اس مدنی مشورے میں مرکزی مجلسِ شوریٰ کے رکن حاجی محمد امین عطاری نے ذمہ داران کی تربیت و رہنمائی کرتے ہوئے انہیں دینی کاموں میں مزید بہتری لانے کا ذہن دیا۔

بعدازاں مدنی مشورے میں شریک اسلامی بھائیوں نے دعوتِ اسلامی کے دینی کاموں میں ترقی کے لئے اپنی اپنی رائے پیش کی۔( کانٹینٹ:غیاث الدین عطاری)

دعوتِ اسلامی کے تحت مدنی مرکز فیضانِ مدینہ نیوپورٹ ویلز یوکے میں منعقد کئے گئے تربیتی سیشن کے بعد ایک مختصر میٹنگ ہوئی جس میں پیشہ ور افراد اور ڈاکٹروں کی شرکت رہی۔

اس میٹنگ میں رکنِ مرکزی مجلسِ شوریٰ حاجی یعفور رضا عطاری نے نیوپورٹ ویلز سمیت دنیا بھر میں دعوتِ اسلامی کی دینی و فلاحی سرگرمیوں کے بارے میں حاضرین کو بریفنگ دی جس پر ڈاکٹر حضرات نے دیگر ڈاکٹروں کو دعوتِ اسلامی کے دینی ماحول سے منسلک کرنے اور انہیں دعوتِ اسلامی کا تعارف پیش کرنے کی اچھی اچھی نیتوں کا اظہار کیا۔(کانٹینٹ:غیاث الدین عطاری)