دعوت اسلامی کے زیر اہتمام 12 فروری 2023ء کو آسٹریلیا (Australia) کے سٹی میلبرن (Melbourne)، اسپرنگ ویل (Springvale) میں عظیم الشان سنتوں بھرے اجتماع کا انعقاد کیا گیا جس میں مختلف شعبوں سے وابستہ عاشقان رسول اور ذمہ داران دعوت اسلامی کی بڑی تعداد نے شرکت کی۔اس کے علاوہ اسلامی بہنوں کے لئے بھی پردے کا اہتمام کیا گیا تھا۔

مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی نے سنتوں بھرا بیان کیا اور نصیحت آمیز واقعہ بیان کرتے ہوئے شرکا کو اپنے والدین کے ساتھ حسنِ سلوک اور والدین کو اپنی اولادوں پر شفقت کرنے کی ترغیب دلائی۔ نگران شوریٰ نے حاضرین کو 13 فروری 2023ءسے میلبرن میں قائم ہونے والے جامعۃ المدینہ کی خوشخبری سنائی اور جامعۃ المدینہ کے متعلق بریفنگ دیتے ہوئے انہیں خود بھی اور اپنے ساتھ ساتھ بچوں اور خواتین کو دینی تعلیمات سے آراستہ کرنے کا ذہن دیا۔حاجی عمران عطاری نے اسلامی بھائیوں کو اپنی اور اپنی اولاد کی تربیت کے لئے ہر ماہ تین مدنی قافلے میں سفر کرنے کی ترغیب دلائی اور رسالہ ”نیک اعمال“ کے مطابق زندگی گزارنے کی ذہن سازی کی۔ آخر میں صلوۃ و سلام اور دعا کا سلسلہ ہوا۔

اس موقع پرنگران آسٹریلیا ریجن عبد الواحد عطاری اور نگران ویلز یوکے حاجی سید فضیل رضا عطاری بھی موجود تھے۔

دعوت اسلامی کے زیر اہتمام 11 فروری 2023ء بروز ہفتہ آسٹریلیا (Australia) کے سٹی ایڈیلیڈ (Adelaide)، پراسپیکٹس(Prospects) میں سنتوں بھرے اجتماع کا انعقاد کیا گیا جس میں مختلف شعبے سے وابستہ شخصیات نے شرکت کی۔

مرکزی مجلس شوریٰ کےنگران مولانا حاجی محمد عمران عطاری مُدَّ ظِلُّہُ العالی نے سنتوں بھرا بیان کیا اور شرکا کو نیکی کی دعوت پیش کرتے ہوئے انہیں دعوت اسلامی کے دینی و فلاحی کاموں میں جانی و مالی تعاون کرنے کا ذہن دیا۔

اس موقع نگران آسٹریلیا عبد الواحد عطاری اور نگران ویلز یوکے حاجی سید فضیل رضا عطاری بھی موجود تھے۔

دعوت اسلامی کے زیر اہتمام 10 فروری 2023ء کو ایڈیلیڈ (Adelaide) آسٹریلیا (Australia) کی قدیم و تاریخی مسجد میں سنتوں بھرے اجتماع کا انعقاد کیا گیا جس میں مختلف شعبے سے وابستہ کاروباری حضرات اور دیگر عاشقان رسول سمیت ذمہ داران دعوت اسلامی نے شرکت کی۔

مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی نے سنتوں بھرا بیان کیا۔ بیان کرتے ہوئے نگران شوریٰ نے حضرت رابعہ بصریہ رضی اللہُ عنہا کی عبادت کا ذکر کرتے ہوئے شرکا کو عبادت کرنے کی ترغیب دلائی۔ اسی دوران نگران شوریٰ نے شرکا کو یہ ذہن دیا کہ گناہوں سے بچتے ہوئے نیک اعمال بجا لائیں اور اللہ پاک کو راضی کرنے والے کام کریں، نگران شوریٰ نے یہ بھی بتایا کہ نماز اور نیک اعمال کے سبب کئی مواقع پر آنے والی مشکلات و پریشانیاں دور ہوجاتی ہیں۔ اجتماع میں انگلش زبان میں نگران شوریٰ کے بیان کا خلاصہ بھی پیش کیا گیا جبکہ اجتماع کا اختتام پر صلوۃ و سلام اور دعا پر ہوا۔

اس موقع نگران آسٹریلیا عبد الواحد عطاری اور نگران ویلز یوکے حاجی سید فضیل رضا عطاری بھی موجود تھے۔

دعوت اسلامی کی مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی نے نگران ویلز یوکے حاجی سید فضیل رضا عطاری اور دیگر ذمہ داران کے ہمراہ انڈونیشیا (Indonesia) کے سٹی بندہ آچے (Banda Aceh) میں ساحل سمندر پر واقع حضرت سیدنا شیخ عبد الرؤف بن علی الفانصوری شیہ کوالا رحمۃُ اللہِ علیہ کے مزار شریف پر حاضری دی۔

نگران شوریٰ نے صاحب مزار کے ایصالِ ثواب کے لئے فاتحہ خوانی کی اور دعا کا سلسلہ ہوا۔

8 فروری 2023ء کو نگران شوریٰ مولانا حاجی محمد عمران عطاری مُدَّ ظِلُّہُ العالی نے دورۂ انڈونیشیا (Indonesia) کے دوران بندہ آچے (Banda Aceh) میں قائم دار العلوم استقامۃ الدین دار المعارف کا وزٹ کیا جہاں حضرت مولانا شیخ ابو محمد بن زمزی رحمۃُ اللہِ علیہ کے عرس شریف میں شرکت کی اور مزار شریف پر حاضری دی۔ نگران شوریٰ نے صاحبِ مزارکے لئے فاتحہ خوانی اور دعائیں کیں۔

نگران شوریٰ نے دار العلوم میں صاحب مزار کے صاحبزادے مولانا ابو محمداً صاحب سے ملاقات کی اور مختلف امور پر تبادلۂ خیال ہوا۔ اس کے علاوہ نگران شوریٰ نے دار العلوم میں علمائے کرام، طلبہ اور دیگر عاشقان رسول سے ملاقات بھی کی۔

اس موقع پر نگران انڈونیشیا ریجن مولانا غلام یٰسین عطاری مدنی اور نگران ویلز یوکے حاجی سید فضیل رضا عطاری بھی موجود تھے۔

انڈونیشیا (Indonesia) کے سٹی بندہ آچے (Banda Aceh) میں 7 فروری 2023ء کو دعوت اسلامی کے پہلے مدنی مرکز فیضان مدینہ کے قیام کے لئے سنگ ِبنیاد رکھ دیا گیا۔ فیضان مدینہ کا سنگِ بنیاد پاکستان سے تشریف لائے ہوئے مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی اور مقامی ذمہ داران اور انڈونیشیا کے اسلامی بھائیوں نے درود وسلام کی صداؤں میں اینٹیں رکھ کر کیا۔

اس موقع پر ایک تقریب کا انعقاد کیا گیا جس میں انڈونیشیا کے علمائے کرام اور مختلف شعبہ ہائے زندگی سے وابستہ افراد و عاشقان رسول سمیت ذمہ داران دعوت اسلامی نے شرکت کی۔ تقریب کا آغاز تلاوت قرآن پاک سے کیا گیا اور عربی میں نعت شریف بھی پڑھی گئی۔ نگران شوریٰ مولانا حاجی محمد عمران عطاری مُدَّ ظِلُّہُ العالی نے سنتوں بھرا بیان کرتے ہوئے کہا کہ دنیا کا بدترین حصہ وہ ہے جہاں بازار ہوتے ہیں اور بہترین جگہ وہ ہے جہاں مسجد ہوتی ہے، بحیثیت مسلمان ہماری خواہش ہونی چاہیئے کہ ہمارا بچہ بچہ نمازی بن جائے۔

نگران انڈونیشیا ریجن مولانا غلام یٰسین عطاری مدنی نے مقامی زبان میں نگران شوریٰ کے بیان کا خلاصہ بتایا۔ اس کے علاوہ اس موقع پر نگران ویلز یوکے حاجی سید فضیل رضا عطاری بھی موجود تھے۔

اسی طرح نگران شوریٰ نے ذمہ داران دعوت اسلامی اور مقامی عاشقان رسول کے ہمراہ بندہ آچے (Banda Aceh) کی تاریخی اور سب سے بڑی مسجد بیت الرحمن میں بھی حاضری دی ۔

6 فروری 2023ء کو کنز المدارس بورڈ (دعوت اسلامی) کے تحت موزمبیق (افریقہ) میں میٹنگ ہوئی جس میں متعلقہ بورڈ کے اسلامی بھائیوں نے شرکت کی۔

صدر کنز المدارس و رکن شوریٰ مولانا حاجی محمد جنید عطاری مدنی نے کنز المدارس بورڈ سے متعلق بریفنگ دی اور دیگر امور پر گفتگو فرمائی۔

اَلْحَمْدُ لِلّٰہِ عَزَّ وَجَلَّ دعوتِ اسلامی دنیا بھر میں دینِ اسلام کی ترویج و اشاعت کے سلسلے میں اپنی بے مثال خدمات پیش کر تے ہوئے ترقی کی راہ پر گامزن ہے ۔ جہاں اس مدنی ماحول کی برکت سے کئی غیر مسلم اپنا مذہب چھوڑ کر دامنِ اسلام سے وابستہ ہو رہے ہیں اسی طرح کئی غیر مسلموں کی عبادت گاہیں خرید کر اسے مسجد و مدرسہ میں تبدیل کیا جارہا ہے ۔

اسی سلسلے میں پچھلے دنوں دعوت اسلامی کی جانب سے نیو پورٹ ویلز یو کے (Newport, Wales UK) میں 145 سال پرانا غیر مسلموں کی عبادت گاہ کو خریدا گیا جسے مسجد ، مدرسۃ المدینہ اور جامعۃ المدینہ میں بہت جلد تبدیل کیا جائے گا۔

اس موقع پر یو کے کے ذمہ داران سمیت مقامی باشندے بھی موجود تھے اور ایک دوسرے کو مبارک باد پیش کی ۔ (کانٹینٹ : محمد مصطفیٰ انیس) 

02فروری 2023ء کو آسٹریلیا کے شہر سڈنی میں دعوت اسلامی کے ذمہ دار اسلامی بھائیوں نے سیکھنے سکھانے کے مدنی حلقے کا اہتمام کیاجس میں  سڈنی کے اسٹوڈنٹس نے شرکت کی ۔

ذمہ دار اسلامی بھائی نے اسٹوڈنٹس کو دعوت اسلامی کا تعارف اور اسکی دینی خدمات بیان کرتے ہوئے نیکیاں کرنے اور گناہوں سے بچتے رہنے جبکہ دعوت اسلامی کے اجتماعات میں پابندی کیساتھ شرکت کرنے کا ذہن دیا ۔ (کانٹینٹ : محمد مصطفیٰ انیس) 

31 جنوری 2023ء بروز منگل دعوتِ اسلامی کے تحت اسپیشل پرسنز ڈیپارٹمنٹ کے ذمہ دار اسلامی بھائیوں نے دینی کاموں کے سلسلے میں نیروبی کینیا سفر کے دوران K.N.A.D (کینیا نیشنل ایسوسی ایشن آف ڈیف) کا وزٹ کیا۔

اس دوران نابینا افراد کے پاکستان سطح کے ذمہ دار محمد حنیف عطاری سمیت دیگر ذمہ داران نے K.N.A.D کے صدر اور دیگر اسٹاف سے ملاقات کی نیز انہیں دعوتِ اسلامی کے اسپیشل پرسنز ڈیپارٹمنٹ کا تعارف کروایا۔

ذمہ دار محمد حنیف عطاری نے اسپیشل پرسنز ڈیپارٹمنٹ دعوتِ اسلامی کے تحت دنیا بھر میں ہونے والے دینی کاموں کے بارے میں حاضرین کو بریفنگ دی۔

ان دنوں   دعوت ِاسلامی کی مرکزی مجلسِ شوریٰ کے رکن حاجی جنید عطاری مدنی دینی کاموں کے سلسلے میں افریقی ممالک کے دورے پر ہیں۔دورانِ سفر رکنِ شوریٰ نے ساؤ تھ افریقہ کے شہر پریٹوریا میں مفتی عبدُالنبی حمیدی صاحب اور دیگر ذمہ داران کے ہمراہ خلیفہ مفتی اعظم ہند مولانا احمد مقدم صاحب سے ان کی رہائش گاہ پر ملاقات کی۔

اس موقع پر ان کی والدہ کے انتقال پر ان سے تعزیت کی ا ور فاتحہ خوانی کرتے ہوئے مرحومہ کے لئے دعائے مغفرت کروائی ۔( کانٹینٹ: رمضان رضا عطاری) 

تبلیغِ دین و اشاعتِ دین  کا جذبہ رکھنے والی عاشقانِ رسول کی دینی تحریک دعوتِ اسلامی کے تحت پچھلے دنوں اسٹچفورڈ برمنگھم UK میں قائم مدنی مرکز فیضانِ مدینہ میں عمرہ کورس کا انعقاد کیا گیا جس میں برمنگھم اور ویسٹ مڈلینڈز سے کئی اسلامی بھائیوں نے شرکت کی جن میں وہ خوش نصیب عاشقانِ رسول شامل تھے جوعنقریب عمرہ کرنے جائیں گے۔

دورانِ کورس شعبہ مدنی کورسز UK کے نگران توقیر عطاری اور Dudley کے نگران مولانا اویس عطاری مدنی نے اسلامی بھائیوں کی تربیت کرتے ہوئے انہیں عمرہ کا عملی طریقہ سکھایا نیز اس کے چند ضروری احتیاطوں سے آگاہ کیا۔علاوہ ازیں ذمہ داران نے شرکائے کورس کو علمِ دین حاصل کرنے کا ذہن دیا جس پر انہوں نے اچھی اچھی نیتوں کا اظہار کیا۔(کانٹینٹ:غیاث الدین عطاری)