دارالمدینہ انٹرنیشنل اسلامک اسکول سسٹم کے ہیڈآفس میں مختلف شعبہ ہائے زندگی سے تعلق رکھنے والی وطن ِعزیز کی نمایاں شخصیات کے دوروں کا سلسلہ جاری رہتا ہے۔گزشتہ دنوں معروف ٹرینر، لائف کوچ اورInsight کے CEOیاسر عرفات نے دارالمدینہ ہیڈ آفس کراچی کا دورہ کیا۔

اس دورے میں یاسرعرفات کو دارالمدینہ سے متعلق تعارفی بریفنگ دی گئی اور ادارے کے مختلف شعبوں ریسرچ اینڈ ڈیولپمنٹ، ایجوکیشن مینجمنٹ ڈیپارٹمنٹ ، ٹریننگ اینڈ انسپکشن اوردینیات ڈیپارٹمنٹ کا دورہ بھی کروایا گیا۔ساتھ ہی ان ڈیپارٹمنٹس کے تعارف اور مقاصد سے بھی آگاہ کیا گیا۔

علاوہ ازیں انہیں دارالمدینہ کے تعلیمی اورتربیتی نظام اور نصاب تعلیم سے متعلق بھی آگاہی دی گئی جس پر یاسر عرفات نے دارالمدینہ کے اچھےتعلیمی و تربیتی نظام پر شعبہ دارالمدینہ کی کاوشوں پر حوصلہ افزائی کرنے کے ساتھ ایجوکیشن انڈسٹری میں دارالمدینہ کے کردار کو سراہتے ہوئے کمنٹ بک میں اپنے تاثرات دیتے ہوئے لکھا کہ دارالمدینہ نہ صرف اکیسویں صدی کے تقاضوں کو پورا کررہا ہےبلکہ اس کے ساتھ ہماری نوجوان نسل کو اسلامک فریم ورک کے مطابق زندگی بسر کرنے کےلئے پلیٹ فارم بھی فراہم کررہا ہے۔(رپورٹ:غلام محی الدین ترک اردو کونٹینٹ رائٹر سوشل میڈیا ڈیپارٹمنٹ دارالمدینہ ،ہیڈ آفس کراچی ، ویب ڈیسک رائٹر:غیاث الدین عطاری)

نئے تعلیمی سال کے آغاز پر دارالمدینہ انٹرنیشنل اسلامک اسکول سسٹم پاکستان کے 13مختلف شہروں میں اپنے نئے کیمپسز کا آغازکرچکا ہے۔ان میں فیصل آباد ریجن کے شہر ساہیوال، سمندری، اوکاڑہ، پاک پتن اورعارف والابھی شامل ہیں۔

ان کیمپسز میں ان دنوں داخلے جاری ہیں۔ اعلیٰ تعلیم یافتہ اساتذہ، قرآنی ایجوکیشن اور بنیادی اسلامی تعلیمات جیسی خصوصیات دارالمدینہ انٹرنیشنل اسلامک اسکول سسٹم کی نمایاں خوبیاں ہیں۔ اسی طرح دینی ماحول میں معیاری تعلیم کے ذریعے نہ صرف طلبہ کی صلاحیتوں میں اضافہ کیا جاتا ہے بلکہ اخلاق اور کردار سنوارنے والی بہت سی سرگرمیاں دارالمدینہ کے نصاب میں شامل ہیں

اس کے علاوہ طلبہ کو روزانہ ہی اسلامی اقدار سے آگاہی فراہم کرتے ہوئے اُن کی کردار سازی کے لئے ہفتہ وار تربیہ تھیم پر بھی کامیابی سےعمل کیا جارہا ہے۔ گزشتہ دنوں دارالمدینہ کے تحت مختلف شہروں میں awareness سیمینارز کا سلسلہ ہواجس میں لوگوں کی ایک تعداد نے شرکت کی۔

اس موقع پر دعوت اسلامی کی مرکزی مجلس شورٰی کے اراکین حاجی فضیل رضاعطاری اور حاجی اسلم عطاری سمیت دیگر ذمہ داران حاجی منیر عطاری، حاجی سرفراز عطاری، عبدالوہاب عطاری نے اپنے بیانات کے ذریعے دعوت اسلامی کے دینی کاموں کی اہمیت اور دارالمدینہ کے مقاصد پر روشنی ڈالی۔بعدازاں دارالمدینہ کے ذمہ داران نے دارالمدینہ کے نظام تعلیم ،طریقہ تعلیم اور نصاب کے بارے میں اسلامی بھائیوں کو آگاہی دی ۔(رپورٹ:غلام محی الدین ترک اردو کونٹینٹ رائٹر سوشل میڈیا ڈیپارٹمنٹ دارالمدینہ ،ہیڈ آفس کراچی ، ویب ڈیسک رائٹر:غیاث الدین عطاری)

ماہ ِ رمضان المبارک والدین کے لئے بچّوں کی تربیت کے حوالے سے ایک بہترین موقع ہے۔رمضان المبارک کی مناسبت سے دارالمدینہ انٹرنیشنل اسلامک اسکول سسٹم نے بچّوں کی تربیت کے لئے رمضان تربیہ ہوم ورک ترتیب دیا ہے۔

اس تربیہ ہوم ورک کو بچّوں کی ذہنی سطح اور سیکھنے کی استعداد کو ملحوظ رکھتے ہوئےنماز، قراٰنِ پاک، دُرودِ پاک، مدنی مذاکرہ، دُعاؤں، نماز کے اذکار، اخلاق و آداب، بزرگان دین کے اعراس اور نیکیاں بڑھانے والی دیگر باتوں سے مزین کیا گیا ہے۔

اس تربیہ ہوم ورک کے ذریعے بچوں میں مثبت تبدیلیاں پیداہوں گی۔ان شاء اللہ عزوجل اس تربیہ ہوم ورک کو www.darulmadinah.net پربھی رکھا گیا ہے تاکہ دارالمدینہ کے علاوہ دوسرے اسکولز میں پڑھنے والے بچّوں کے والدین بھی اس سے استفادہ کرسکیں اور اپنے بچوں کی بہترین تربیت کرسکیں۔(رپورٹ:غلام محی الدین ترک اردو کونٹینٹ رائٹر سوشل میڈیا ڈیپارٹمنٹ دارالمدینہ ،ہیڈ آفس کراچی ، ویب ڈیسک رائٹر: غیاث الدین عطاری) 

سمجھدار انسان وہ ہے جو اپنی خوبیوں پر نظر رکھنے کے ساتھ ساتھ اُن میں مزید بہتری کی کوشش کرتارہے۔رُکنِ مرکزی مجلسِ شورٰی حاجی محمد اطہر عطاری نے گزشتہ دنوں دارالمدینہ انٹرنیشنل اسلامک اسکول سسٹم کے ہیڈ آفس میں ریجنل ڈائریکٹرز اور ہیڈ آف ڈیپارٹمنٹس کی تربیت کرتے ہوئے انہیں پیشہ ورانہ زندگی میں بہتری پیدا کرنے کے حوالے سے مفید مشورے دیئے۔

رکنِ شوریٰ کا کہنا تھا کہ دارالمدینہ سے وابستہ ہر شخص کو مہربان اور بااخلاق ہونا چاہیے۔وہ جہاں بھی ہو، مسکراتا رہے تاکہ اُس کے بارے میں اچھا تاثر قائم کیا جاسکے نیز ان دنوں دارالمدینہ میں داخلے شروع ہوچکے ہیں۔ہمیں خود بھی والدین تک پہنچنے کی بھرپور کوشش کرنی چاہیے تاکہ اُمت محبوب ﷺ کا کوئی بھی نونہال دارالمدینہ میں داخلے سے محروم نہ رہ جائے۔

اس کے علاوہ رکنِ شوریٰ نے مختلف شعبہ جات کی سہ ماہی کارکردگی کا جائزہ لیا اور اچھی کارکردگی کو سراہتے ہوئے مشورہ دیاکہ ذمہ داران اپنی بہتری کے لئے مسلسل کوشاں رہیں، اپنا جذبہ ہمیشہ جوان رکھیں، اپنے مقاصد کو حاصل کرنے کی بھرپور کوشش کریں۔

مزید رُکنِ شورٰی نے بڑے چیلنجز سے نمٹنے کے لئے آپس میں مزید مشاورت کرنے کی ہدایات جاری کیں اور مستقبل کے اہداف بھی طے کئے۔اس میٹنگ میں قرآنی سرگرمیاں تیار کرنے، رمضان المبارک میں مدنی عطیات جمع کرنے اور رزلٹ ڈے کو appreciation dayمنانے کی تاکید بھی کی گئی۔(رپورٹ:غلام محی الدین ترک اردو کونٹینٹ رائٹر سوشل میڈیا ڈیپارٹمنٹ دارالمدینہ ،ہیڈ آفس کراچی ، ویب ڈیسک رائٹر:غیاث الدین عطاری)

دعوتِ اسلامی کے شعبہ دارالمدینہ انٹر نیشنل اسلامک اسکول سسٹم میں والدین اور سرپرستوں کی آراء و تجاویز کا احترام کرتے ہوئے مختلف مواقع پر پیرنٹس مینجمنٹ میٹنگز کا اہتمام کیا جاتا ہے۔

اسی سلسلے میں پچھلے دنوں لطیف آباد حیدرآباد میں پیرنٹس میٹنگ کا انعقاد کیا گیا جس میں انہیں شعبے کی طرف سے آنے والے پراجیکٹس اور سرگرمیوں سے متعلق آگاہی فراہم کی گئی نیز والدین و سرپرستوں کا فیڈبیک بھی لیا گیا تاکہ شعبے میں مزید بہتری کے اقدامات کئے جاسکیں۔ (رپورٹ:محمد امین حفیظ میڈیا کوآرڈینیٹر سوشل میڈیا ڈیپارٹمنٹ دارالمدینہ، ہیڈ آفس کراچی، ویب ڈیسک رائٹر:غیاث الدین عطاری)

دُنیاوی ماحول میں دینی تعلیم فراہم کرنا دارالمدینہ انٹرنیشنل اسلامک اسکول سسٹم کا اہم وصف ہے۔ الحمدللہ عزوجل والدین دارالمدینہ کے نظام ِتعلیم کو پسند کرتے ہیں اور اپنی اولاد کی پاکیزہ دینی ماحول میں تربیت کے خواہش مند ہیں۔

دعوت اسلامی کے ذمہ داران کے تعاون سے مختلف شہروں میں دارالمدینہ کے نئے کیمپسز قائم ہورہے ہیں تاکہ نئی نسل کو معیاری دینی اور دُنیاوی تعلیم فراہم کی جاسکے۔

گزشتہ دنوں شریعہ ایڈوائزر دارالمدینہ مولانا کفیل عطاری مدنی اور نگرانِ پنجاب دارالمدینہ مولانا زبیر عطاری مدنی نے پاکستان کے مختلف شہروں میں قائم ہونے والے دارالمدینہ کے نئے کیمپسز کا دورہ کیا اوران میں دستیاب سہولتوں کا جائزہ لیا۔

اسٹاف کو بروقت کام مکمل کرنے کے لئے مفید مشورے بھی دیئے۔ جن شہروں اور علاقوں میں دارالمدینہ کے نئے کیمپسز قائم کئے گئے ہیں اُن میں بہاولپور،ملتان، پاک پتن، عارف والا، ساہیوال، اوکاڑہ، کنجا،لالہ موسی ، کھاریاں، سمندری، اٹک، ڈیرہ غازی خان، ڈنگا، جاتلاں اورمیرپور (آزاد کشمیر)شامل ہیں۔ علاوہ ازیں مولانا کفیل عطاری مدنی نے فیصل آباد، ملتان اور راوالپنڈی میں کلاس نہم دہم کے طلبہ کی تربیت بھی فرمائی۔ (رپورٹ: غلام محی الدین ترک اردو کونٹینٹ رائٹر سوشل میڈیا ڈیپارٹمنٹ دارالمدینہ ،ہیڈ آفس کراچی ، ویب ڈیسک رائٹر:غیاث الدین عطاری)

جس طرح کسی بھی بیج کے فصل یا تناو ردرخت بننے کے لئے مسلسل محنت و نگہبانی کرنی پڑتی ہے، اسی طرح بچے کومعاشرے کا کامیاب انسان بنانے کے لئے مستقل مزاجی سےاچھے ماحو ل میں بہتر ین تعلیم و تربیت کی ضرورت رہتی ہے۔

ابتدائی سالوں میں گھر کےاند راپنی شفقت او رمحبت کے زیر ِسایہ زندگی گزارنے کی بنیادی تربیت کے بعد سمجھدارودیندار والدین بچوں کے لئے ایک ایسے تعلیمی ادارے کی تلا ش کاعمل شروع کردیتے ہیں جہاں ان کے بچے عملی دنیا میں قدم رکھنے کی تیاری کے ساتھ بنیادی اسلامی شعائر کی صحیح تعلیم حا صل کر کےایک کامیاب زندگی گزار نے کے قابل بنیں اور ملک و قوم کی تعمیروتر قی میں بھی مثبت کردارادا کرسکیں۔

اسی سلسلے میں 5 مارچ 2022ء سے دارالمدینہ انٹرنیشنل اسلا مک اسکول سسٹم کے کراچی کیمپسز میں داخلوں کا سلسلہ جاری ہے، آپ بھی اپنے بچوں کی بہترین تعلیم و تربیت کے لئے دارالمدینہ کا انتخاب کیجیے۔(رپورٹ:محمد نبیل شیخ میڈیا کوآرڈینیٹر دارالمدینہ، ویب ڈیسک رائٹر:غیاث الدین عطاری)

تعلیمی اداروں میں وقتاً فوقتاً اساتذہ کی کارکردگی کی جانچ اور تدریسی مہارتوں کو مزید بہتر بنانے کے لئے ان کی تربیت کرناان اداروں کی ترقی کا باعث بنتا ہے اور اساتذہ نئی نسل کی تربیت مزید بہترانداز میں کرتے ہیں۔

الحمدللہ عزوجل دارالمدینہ انٹرنیشنل اسلامک اسکول سسٹم میں عملے کی کارکردگی کا جائزہ لینے کے لئے ذمہ داروں کے دوروں کا سلسلہ جاری رہتا ہے۔گزشتہ دنوں نگرانِ دارالمدینہ سندھ مدنی رضاعطاری نے بوائز ہائی اسکول، سرفراز کالونی اور لطیف آباد کے کیمپسز کا دورہ کیا۔

اس موقع پر مدنی رضا عطاری نے اساتذہ کی تربیت کرتے ہوئے کہا کہ سیکنڈری اسکول کے طلبہ عنقریب ہم سے رخصت ہورہے ہیں۔انہیں فرض علوم سکھانے اور بورڈ کے امتحان میں اُن کی کامیابی کو یقینی بنایا جائے۔

اس کے علاوہ انہوں نے اساتذہ پرزور دیا کہ وہ اپنی تدریس میں لیسن پلاننگ کو لازمی حصہ بنائیں۔تعلیمی جائزوں اور دیگر تعلیمی سہولیات کا استعمال کریں۔(رپورٹ:غلام محی الدین ترک اردو کانٹینٹ رائٹر سوشل میڈیا ڈیپارٹمنٹ دارالمدینہ ،ہیڈ آفس کراچی، ویب ڈیسک رائٹر:غیاث الدین عطاری)

اللہ پاک نے ہمیں بے شمار نعمتیں عطا فرمائی ہیں ان میں سے ایک نعمت سواری ہے۔ ٹریفک قوانین پر عمل کرنے سے ہم اس نعمت کا درست استعمال کرسکتے ہیں۔یہ قوانین ہماری سہولت اورحفاظت کےلئے بنائے گئے ہیں۔

ایک ذمہ دارشہری اور اچھے مسلمان کی حیثیت سے ہماری ذمہ داری ہے کہ ہم سڑکوں پر پیارے آقا ﷺکی سنت مبارکہ ’’صبر‘‘ پر عمل کر کے ثواب کے حقدار ٹھہریں اور امت ِمصطفی ﷺ کی بھلائی کی خاطر نظم و ضبط قائم کریں تاکہ ہمارا سفر آسان بن سکے۔

گزشتہ دنوں دارالمدینہ انٹرنیشنل اسلامک اسکول سسٹم پاکستان کے تمام کیمپسزمیں ٹریفک قوانین سے متعلق آگاہی فراہم کی گئی جس میں ٹریفک پولیس کے اہلکاروں نے طلبہ کی تربیت بھی کی۔اس موقع پر طلبہ نے ٹریفک قوانین سے متعلق اپنی پریزنٹیشنز (Presentations ) دیں اور پوسٹرزبنائے۔آخر میں طلبہ کی حوصلہ افزائی کے لئے سرٹیفکیٹ تقسیم کئے گئے۔(رپورٹ:محمد امین حفیظ میڈیا کوآرڈینیٹر سوشل میڈیا ڈیپارٹمنٹ دارالمدینہ، ہیڈ آفس کراچی، ویب ڈیسک رائٹر:غیاث الدین عطاری)

بزرگان ِ دین سے عقیدت اور محبت ایمان کی مضبوطی کا ذریعہ ہے۔والدین کو چاہیئے کہ اپنے بچوں کے دِلوں میں بزرگان دین کی عقیدت پیدا کریں، ان کی سیرت سے آگاہ کریں، ان کا ادب سکھائیں اور ان کی پیروی کا ذہن بنائیں۔

حضرت امام جعفر صادق رحمۃ اللہ علیہ کا شمار بھی ایسے ہی بزرگوں میں ہوتا ہے۔آپ رحمۃاللہ علیہ کی عبادت اور ریاضت مثالی تھی۔الحمد للہ عزوجل گزشتہ دنوں دارالمدینہ انٹرنیشنل اسلامک اسکول سسٹم کے مختلف کیمپسزمیں حضرت امام جعفر صادق رحمۃ اللہ علیہ کا یومِ عرس منایا گیا جس میں طلبہ نے تلاوتِ قراٰن ِپاک اور نعت شریف کے علاوہ آپ کی سیرت کے مختلف پہلوؤں پر روشنی ڈالی۔آخر میں نیاز کا اہتمام بھی کیا گیا۔(رپورٹ:محمد امین حفیظ میڈیا کوآرڈینیٹر سوشل میڈیا ڈیپارٹمنٹ دارالمدینہ، ہیڈ آفس کراچی، ویب ڈیسک رائٹر:غیاث الدین عطاری)

حضرت سیدنا امام جعفر صادق رحمۃ اللہ علیہ ظاہری اور باطنی علوم کے جامع تھے۔آپ رحمۃ اللہ علیہ حضرت امام حسین رضی اللہ عنہ کی اولاد میں سے ہیں اور ان کے پڑپوتے تھے۔آپ رحمۃ اللہ علیہ بہت اہتمام سے اللہ پاک کی عبادت کرتے تھے لہٰذاہمیں بھی آپ کی سیرت پر عمل کرناچاہیے۔

دنیا بھر کے مسلمان رجب المرجب کی 15تاریخ کو خصوصیت کے ساتھ حضرت امام جعفر صادق رحمۃ اللہ علیہ کاعرس مناتے ہیں۔اسی سلسلے میں17 فروری 2022ء بروز جمعرات اُن کے ایصالِ ثواب کے لئے دارالمدینہ ہیڈ آفس کراچی میں رکن ِ مرکزی مجلسِ شوریٰ حاجی محمدامین عطاری نے سنتوں بھرا بیان کیا اور بیان کے اختتام پر خصوصی دعا کروائی نیز کھیر پوری کی نیاز کا بھی اہتمام کیا گیا۔بعدازاں رکن ِ شوری نے دارالمدینہ ہیڈآفس کا دورہ کرتے ہوئے اپنے تاثرات دیئے۔ (رپورٹ:محمد امین حفیظ میڈیا کوآرڈینیٹر سوشل میڈیا ڈیپارٹمنٹ دارالمدینہ ،ہیڈ آفس کراچی، ویب ڈیسک رائٹر:غیاث الدین عطاری)

جس طرح کسی بھی بیج کے فصل یا تناو ردرخت بننے کے لئے مسلسل محنت و نگہبانی کرنی پڑتی ہے، اسی طرح بچے کومعاشرے کاکامیاب انسان بنانے کے لئے مستقل مزاجی سےاچھے ماحو ل میں بہتر ین تعلیم و تربیت کی ضرورت رہتی ہے۔

ابتدائی سالو ں میں گھر کےاند راپنی شفقت او رمحبت کے زیر ِسایہ زندگی گزارنے کی بنیادی تربیت کے بعد سمجھدارودیندار والدین بچوں کے لئے ایک ایسے تعلیمی ادارے کی تلا ش کاعمل شرو ع کردیتے ہیں جہا ں ان کے بچے عملی دنیا دمیں قدم رکھنے کی تیاری کے ساتھ بنیادی اسلامی شعائر کی صحیح تعلیم حا صل کر کےایک کامیاب زندگی گزار نےکے قابل بنیں او رملک و قوم کی تعمیروتر قی میں بھی مثبت کردا رادا کرسکیں۔

اس سلسلے میں دارالمدینہ انٹرنیشن اسلا مک اسکول سسٹم معاشرے کے لئے با مقصداو رکارآ مدافراد تیارکرنے کے لئے کوشاں ہے۔آپ بھی اپنے بچوں کی بہترین تعلیم و تربیت کے لئے دارالمدینہ کاانتخاب کیجیے۔(رپورٹ:محمد نبیل شیخ میڈیا کوآرڈینیٹر دارالمدینہ، ویب ڈیسک رائٹر:غیاث الدین عطاری)