دارالمدینہ انٹرنیشنل اسلامک اسکول سسٹم دعوتِ اسلامی کے تحت ملتان ریجن میں پچھلے دنوں جشنِ عیدِ میلادُ النبی ﷺ کے سلسلے میں  محفلِ میلاد منعقد کی گئی، جس میں طلبۂ کرام اوراُن کےسرپرستوں نے کثیر تعداد میں شرکت کی۔

محفلِ میلاد میں دارالمدینہ ملتان کے مختلف کیمپسز کے طلبہ ٔ کرام نے قراءت،نعت خوانی،سنتوں بھرابیان ،کوئیزاور ذہنی آزمائش میں حصہ لیا۔

اس موقع پر مرکزی مجلسِ شوریٰ کےرکن حاجی محمد سلیم عطاری نے ’’نماز کی اہمیت اور عیدِ میلادُ النبیﷺ‘‘ کے موضوع پر سنتوں بھرا بیان کیا ۔بعدازاں مقابلے میں پوزیشن حاصل کرنے والے طلبۂ کرام میں تحائف بھی تقسیم کئےگئے۔مزید محفلِ میلاد کا اختتام صلوۃ و سلام اور دعا پر کیا گیا۔ (رپورٹ: محمد امین حفیظ میڈیا کوآرڈینیٹر سوشل میڈیا ڈیپارٹمنٹ دارالمدینہ ،ہیڈ آفس کراچی ، ویب ڈیسک رائٹر:غیاث الدین عطاری)

دارالمدینہ انٹرنیشنل اسلامک اسکول سسٹم دعوتِ اسلامی کے زیرِ اہتمام حیدر آبادریجن میں جشنِ عیدِمیلادالنبیﷺ کے سلسلے میں  محفلِ میلاد کاانعقاد کیاگیا جس میں طلبۂ کرام اوراُن کےسرپرستوں نے کثیر تعداد میں شرکت کی۔

اس محفلِ میلاد میں دارالمدینہ حیدرآباد کے مختلف کیمپسز کے طلبہ ٔ کرام نے قراءت،نعت خوانی،سنتوں بھرابیان ،کوئیزاور ذہنی آزمائش میں حصہ لیا۔اس دوران دارالمدینہ ریجنل ڈائریکٹر حیدرآباد عبدالحمید شیخ عطاری نےوہاں موجود عاشقانِ رسول میں دارالمدینہ کا تعارف پیش کیا جبکہ مرکزی مجلسِ شوریٰ کے رکن قاری ایاز عطاری نے سنتوں بھرابیان کیا۔

آخر میں مقابلےمیں پوزیشن حاصل کرنے والے طلبۂ کرام میں تحائف بھی تقسیم کئےگئے۔اس کے علاوہ محفل کے اختتام پرصلاۃ و سلام اور دعا کا سلسلہ رہا۔(رپورٹ: محمد نبیل شیخ میڈیا کوآرڈینیٹر دارالمدینہ ، ویب ڈیسک رائٹر:غیاث الدین عطاری)

قوم کی تعمیر و ترقی کے لیے  بہترین تعلیم کے ساتھ اسلامی تعلیمات کے مطابق تربیت اور کردار سازی بھی ناگزیر ہے۔

الحمدللہ عزوجل دارالمدینہ انٹرنیشنل اسلامک اسکول سسٹم میں طلبہ کی زندگیوں کو اسلامی سانچے میں ڈھالنے کے لئے مختلف سرگرمیوں کا اہتمام کیا جاتا ہے۔

اسی سلسلے میں پچھلے دنوں دارالمدینہ کے طلبۂ کرام کو تین دن کے مدنی قافلے میں سفر کروایا گیا،طلبہ ٔ کرام کے ساتھ اساتذۂ کرام نے بھی اس مدنی قافلے میں شرکت کی۔

قافلے میں شرکا کو مختلف آداب و سنتیں سکھائی گئیں نیزطلبۂ کرام نے اہل ِمحلہ کو نیکی کی دعوت دیتے ہوئےدعوتِ اسلامی کے تحت منعقدہونے والےسنتوں بھرے اجتماعات میں شرکت کرنےکی دعوت دی اور دعوتِ اسلامی کےدینی کاموں کو بڑھانے کی ترغیب دلائی ۔ (رپورٹ: محمد امین حفیظ میڈیا کوآرڈینیٹر سوشل میڈیا ڈیپارٹمنٹ دارالمدینہ ،ہیڈ آفس کراچی ، ویب ڈیسک رائٹر:غیاث الدین عطاری)

کسی بھی ادارے کے عہدہ داران کا وقتاًفوقتاً اپنے ادارے کےاسٹاف  کی کارکردگی کا جائزہ لینا اور ادارے کو مزید مضبوط کرنے کے لئے ان کی تربیت کرناادارے کو ترقی کی راہوں پر گامزن رکھنے میں اہم کردار ادا کرتا ہے۔

الحمدللہ عزوجل دارالمدینہ میں عملے کی کارکردگیوں کا جائزہ لینے کے لئے ذمہ داران کے دوروں کا سلسلہ جاری رہتاہے۔

گذشتہ دنوں دارالمدینہ انٹرنیشنل اسلامک اسکول سسٹم کے لاہور ریجنل ڈائیریکٹر زبیر عطاری مدنی نے دارالمدینہ لاہور کے مختلف کیمپسز کا دورہ کیاجس میں انہوں نےتعلیمی،تربیتی اور انتظامی امور کا جائزہ لیا، توجہ طلب امور پر اسٹاف کی تربیت بھی کی۔ (رپورٹ:محمد امین حفیظ میڈیا کوآرڈینیٹر سوشل میڈیا ڈیپارٹمنٹ دارالمدینہ ،ہیڈ آفس کراچی، ویب ڈیسک رائٹر:غیاث الدین عطاری)

تعلیمی اداروں کے ذمہ داران کا  تعلیمی نظام میں درپیش مسائل سے آگاہ رہنا اور نظام کو مزید بہتر بنانے کے لئے ضروری اقدامات کرنا تعلیمی مقاصد کے حصول کے لئے ضروری ہے۔الحمد للہ عزوجل دارالمدینہ انٹرنیشنل اسلامک اسکول سسٹم میں اعلیٰ ذمہ داران وقتاًفوقتاً دارالمدینہ کی کارکردگی کے حوالے سے جائزہ لیتے رہتے ہیں۔

پچھلے دنوں مدنی مرکز فیضانِ مدینہ جوہر ٹاؤن لاہور میں اراکینِ شوریٰ حاجی محمداطہر عطاری اور حاجی یعفور رضا عطاری کو دارالمدینہ لاہور ریجن کی گزشتہ تین ماہ کی کارکردگی پر بریفنگ دی گئی۔اس کے علاوہ لاہور ریجن میں نئے دارالمدینہ کیمپسز کھولنے کے حوالے سے اہم نکات پر گفتگو کی گئی۔

پچھلے دنوں دارالمدینہ انٹرنیشنل اسلامک اسکول سسٹم اکیڈمک ڈیپارٹمنٹ کے اسلامی بھائیوں نے یومِ دعوتِ اسلامی کے موقع پر 3دن کے مدنی قافلے میں سفر کیا جہاں اُنہیں معاشرے کی اصلاح میں دعوتِ اسلامی کے کردار ،تعلیم و تربیت کے میدان میں دعوتِ اسلامی کی کاوشوں اورسنتوں کو عام کرنے میں خدمات کو بیا ن کیا گیا۔

اس کے علاوہ دعوتِ اسلامی کی کامیابیوں میں امیراہل ِسنت علامہ محمد الیاس عطار قادری رضوی دامت برکاتہم العالیہ کے اخلاص،محنت ، عشقِ مصطفی ﷺ نیزآپ دامت برکاتہم العالیہ کی دین اسلام کی ترویج و اشاعت کےلئے کامیاب حکمت ِ عملی پر بھی بیان ہوا۔

بعدازاں شرکائےقافلہ کو دعوتِ اسلامی کے مدنی مقصد پر عمل کرتے ہوئے اپنی اصلاح کے لئے اجتماعات میں شرکت کرنے اور دوسروں کی اصلاح کے لئے مدنی قافلوں میں سفرکرنے کا بھی ذہن دیا گیا،ساتھ ہی دعوتِ اسلامی سے وابستگان کے لئےدعائیں بھی کی گئیں۔ (رپورٹ: محمد سعد موسانی اردو کانٹینٹ رائٹر سوشل میڈیا ڈیپارٹمنٹ دارالمدینہ ،ہیڈ آفس کراچی، ویب ڈیسک رائٹر:غیاث الدین عطاری)

کسی بھی ادارے  کی کامیابی میں افراد کے درمیان مثبت اور مضبوط تعلقات کلیدی کردار ادا کرتے ہیں۔دارالمدینہ میں اپنے عملے کے باہمی تعلقات کو مزید مضبوط کرنے کے لئےاور ان کی شخصیت میں نکھار پیدا کرنے کے لئے سنتوں بھرے اجتماعات کا انعقاد کیا جاتا ہے۔

شعبہ دارالمدینہ (دعوتِ اسلامی)کے تحت دارالمدینہ پاکستان کے ریجنل ڈائریکٹرز اور ایجوکیشن منیجرز کے لئے عالمی مدنی مرکزفیضانِ مدینہ کراچی میں تین دن کےسنتوں بھرے اجتماع کا اہتمام کیاگیاجس کے دوسرے اور تیسرے دن Effective Communicationکے حوالے سے شرکاکی تربیت کی گئی۔

دورانِ تربیت شخصیت میں نکھارلانےکےطریقے، Communicatio ModelاورKnowledge, Skills and Attitudesپر بھی کلام کیاگیا۔

اس کے علاوہ ادارے کی ترقی میں Team BuildingاورTeam Motivation کی ا ہمیت پر گفتگو کرتے ہوئے شرکاسےمختلف سرگرمیاں بھی کروائی گئیں۔

مزید تین دن کے سنتوں بھرے اجتماع میں شعبہ دارالمدینہ کی جانب سے یکساں قومی نصاب پر خصوصی تربیت کا ا ہتمام کیا گیا ۔ (رپورٹ: محمد سعد موسانی اردو کانٹینٹ رائٹر سوشل میڈیا ڈیپارٹمنٹ دارالمدینہ ،ہیڈ آفس کراچی، ویب ڈیسک رائٹر:غیاث الدین عطاری)

اسلامی ماحول میں  عصری تعلیم دورِ حاضر کی اہم ضرورت ہے۔اس سلسلے میں دارالمدینہ انٹرنیشنل اسلامک اسکول سسٹم میں دینی و دنیاوی تعلیم کا بہترین امتزاج پایاجاتا ہے۔

دارالمدینہ میں تعلیمی وتربیتی امور کا جائزہ لینے کے لئے مختلف ڈیپارٹمنٹس کے ذمہ داران کا کیمپسز میں وزٹس کا سلسلہ جاری رہتا ہے۔

20ستمبر2021ءبروزپیر شعبہ دینی کام کے ذمہ دار اسلامی بھائی نے دارالمدینہ حیدرآباد کیمپسز کا وزٹ کیاجہاں انہوں نےطلبہ اور اسکول اسٹاف کی مختلف امور پر تربیت کی نیز کیمپسز میں دینی کاموں پر عمل کا جائزہ بھی لیا ۔

دینی کاموں کو بڑھانے کے حوالے سے اساتذہ سے مشاورت کی گئی جس میں طلبہ کو مسجد درس، گھر درس، ہفتہ وارسنتوں بھرے اجتماعات ، مدنی مذاکروں میں شرکت کرنے اور کلاس نویں ،دسویں کے طلبہ کو مدنی قافلوں میں سفر کرنے کا ذہن دیا گیا۔

دوران ِوزٹ طلبہ کے سرپرستوں سے ملاقات کا بھی سلسلہ رہا جس میں سرپرستوں کو گھر میں دینی ماحول بنانے اوربچوں کی اسلامی تربیت کرنے کا ذہن دیا گیا۔ (رپورٹ: محمد سعد موسانی اردو کانٹینٹ رائٹر سوشل میڈیا ڈیپارٹمنٹ دارالمدینہ ،ہیڈ آفس کراچی، ویب ڈیسک رائٹر:غیاث الدین عطاری)

تعلیمی اداروں کا  اپنے افراد کو نئے اسٹینڈرڈز (Standards  )سے آگاہ کرنا اورادارے کو ان اسٹینڈرڈز (Standards )کے مطابق چلانے کے لئے افراد کی تربیت کرنا تعلیمی مقاصد کے حصول میں اہم کردار ادا کرتا ہے۔

الحمدللہ عزوجل دارالمدینہ میں پالیسی ساز افراد ،اسٹاف ممبرز کی تربیت اورمشاورت کا سلسلہ جاری رہتاہے۔گزشتہ دنوں شعبہ دارالمدینہ کے تحت عالمی مدنی مرکز فیضانِ مدینہ کراچی میں دارالمدینہ ریجنل ڈائریکٹرز(Regional Directors) اور ایجوکیشن منیجرز(Education managers) کے لئے 3دن کے سنتوں بھرےاجتماع کا اہتمام کیاگیا۔

اس موقع پر مولانامحمد کفیل عطاری مدنی نے سنتوں بھرا بیان کیا نیز دارالمدینہ کے ہیڈ آف ایجوکیشن مینجمنٹ ڈیپارٹمنٹ نے کیمپسز کی مانٹرینگ اور ای ویلیوایشن (Evaluation )کا جائزہ لینے کے حوالے سے شرکا کی تربیت کی ۔

بعد ازاں شرکا کو کیمپس کا وزٹ بھی کروایا گیا ساتھ ہی اجتماع کے دوسرے حصے میں دارالمدینہ ریسرچ اینڈ ڈویلپمنٹ ڈیپارٹمنٹ کی جانب سے یکساں قومی نصاب کی وضاحت ، اہمیت، مجموعی فوائد واثرات،فیچرز (Features )اور نفاذ کے طریقہ کار کےحوالے سے بھی شرکاکی تربیت کی گئی۔ (رپورٹ: محمد سعد موسانی اردو کانٹینٹ رائٹر سوشل میڈیا ڈیپارٹمنٹ دارالمدینہ ،ہیڈ آفس کراچی، ویب ڈیسک رائٹر:غیاث الدین عطاری)

معاشرے کی تعمیرو ترقی کے لئے افراد تیار کرنا کامیاب قوموں کی اولین ترجیحات میں شامل ہوتا ہے۔ دینی ماحول میں دنیاوی تعلیم فراہم کرنے والے ادارے دورِ حاضر کی اہم ضرورت ہیں۔

الحمدللہ عزوجل دارالمدینہ انٹرنیشنل اسلامک اسکول سسٹم کے کیمپسز میں مزید اضافہ کرنے کے لئے پچھلے دنوں مدنی مرکزفیضانِ مدینہ ملتان میں ایکسپینشنکانفرنس (Expansion Conference ) منعقد ہوئی جس میں مرکزی مجلسِ شوریٰ کے رکن حاجی محمد اسلم عطاری،مولانا محمد سرفراز عطاری ، نگران ِریجن وزون اور دیگر اہم ذمہ داران نے شرکت کی۔

اس کانفرنس میں شرکاکو بتایا گیا کہ دارالمدینہ انٹرنیشنل اسلامک اسکول سسٹم اسلامی اصولوں کی روشنی میں جدید تقاضوں کے مطابق دنیاوی تعلیم کے ساتھ ساتھ بچوں کی دینی ،اخلاقی و معاشرتی امور پر بھی تربیت کرتا ہے۔

اس کے علاوہ شرکا کو نئے کیمپسز کھولنے کے مراحل کی تفصیلات سے بھی آگاہ کیاگیاجس پر شرکانے اپنے شہروں میں دارالمدینہ انٹرنیشنل اسلامک اسکول سسٹم کے قیام کے لئے بھر پور کوشش کرنے کے لئے اچھی اچھی نیتوں کا اظہار کرتے ہوئے اپنے تاثرات بھی دیئے۔ (رپورٹ: محمد سعد موسانی اردو کانٹینٹ رائٹر سوشل میڈیا ڈیپارٹمنٹ دارالمدینہ ،ہیڈ آفس کراچی، ویب ڈیسک رائٹر:غیاث الدین عطاری)

ادارے کے ذمہ داران کااپنےعملے کی کارکردگیوں کا جائزہ لینا اور کام کو بہتر انداز سے سر انجام دینے کے لئےتجاویز دینا  اچھےنتائج کا سبب بنتا ہے۔الحمدللہ عزوجل دارالمدینہ انٹرنیشنل اسلامک اسکول سسٹم میں مختلف ڈیپارٹمنٹس کے ذمہ داران کا عملے کی کارکردگیوں کا جائزہ لینے کے لئے کیمپسز میں وزٹس کا سلسلہ جاری رہتا ہے۔

گزشتہ دنوں دارالمدینہ شعبہ دینی کام کے ذمہ دار اسلامی بھائی نے دارالمدینہ کراچی کیمپسز کا وزٹ کیا اور کیمپسز میں دینی کاموں پر عمل کا جائزہ لیا گیا ۔

پنجاب بھر میں قائم دارالمدینہ انٹرنیشنل اسلامک اسکول سسٹم دعوتِ اسلامی کے تمام کیمپسز میں تعلیمی سرگرمیوں کا  آغاز ہو چکاہے۔

اس سلسلے میں حکومتی اعلامیہ کی روشنی میں پنجاب بھر میں قائم دارالمدینہ انٹرنیشنل اسلامک اسکول سسٹم کے تمام کیمپسز میں پری نرسری تا میٹرک کلاسز کی تعلیمی سرگرمیوں کا باقاعدہ آغاز 16ستمبر2021 بروز جمعرات سے ہوا۔