کتابیں انسان کی بہترین دوست ہیں۔ یہ معاشرے کو تعلیم یافتہ ،مہذب اور تحمل مزاج بنانے میں اہم کردار ادا کرتی ہیں، ان کی بدولت اسلاف کے افکار اور ان کے کارناموں سے واقفیت پیدا ہوتی ہے۔

دورِ جدید میں اگرچہ مطالعہ کے نئے ذرائع متعارف ہو چکے ہیں مگر کتاب کی اہمیت اور افادیت اپنی جگہ برقرار ہے۔ دنیا بھر میں کُتُب بینی کی اہمیت اور اس کا ذوق پروان چڑھانے کے لئے کُتُب میلوں کا انعقاد کیا جاتا ہے۔

گزشتہ روزکراچی عالمی کُتُب میلے )کراچی انٹرنیشنل بک فیئر) کا انعقاد ہوا، جس میں ڈیڑھ سو سے زائد اسٹال لگائے گئے تھے، ان اسٹالز میں دارالمدینہ انٹرنیشنل یونیورسٹی پریس اور مکتبۃ المدینہ کے اسٹالز بھی موجود تھے۔

اس موقع پر نگرانِ شعبہ دارالمدینہ و مرکزی مجلسِ شوریٰ کے رکن حاجی محمد اطہر عطاری،نگران شرعی ایڈوائزر مولانا کفیل عطاری مدنی،دارالمدینہ انٹرنیشنل یونیورسٹی کے وائس چانسلر ڈاکٹر دانش گوڈیل، ڈائریکٹراوورسیزاینڈ اسٹرٹیجک بورڈ ممبرعرفان حسن، نگرانِ پنجاب زبیر عطاری مدنی اور نگرانِ سندھ مدنی رضا عطاری نے خصوصی طور پر دارالمدینہ کے اسٹال کا دورہ کیا جہاں دارالمدینہ انٹرنیشنل یونیورسٹی پریس کے ڈائریکٹر سیّد فاروق شاہ صاحب نے انہیں خوش آمدید کہا۔

اس کتاب میلے میں دارالمدینہ انٹرنیشنل یونیورسٹی پریس کی سو سے زائد پری پرائمری، پرائمری اور سیکنڈری کی کتابیں موجود تھیں جن میں ”اسلامیات کا راہ اسلام سلسلہ“، ”روشن سفر اردو سلسلہ“، ”ڈائنامک انگلش“، ”یونیک پرائمری Mathematics“ شامل تھیں۔

واضح رہے کہ دارالمدینہ نےطلبہ کی اردو اور انگریزی لکھائی بہتر بنانے کے لئے پیاری اردو خوش خطی اور انگلش کرسیو رائٹنگ بھی ترتیب دی ہیں۔ (رپورٹ:غلام محی الدین ترک، اردو کانٹینٹ رائٹر سوشل میڈیا ڈیپارٹمنٹ دارالمدینہ، ہیڈ آفس کراچی، ویب ڈیسک رائٹر:غیاث الدین عطاری)

تعلیمی دورے نہ صرف سیکھنے کے مواقع فراہم کرتے ہیں  بلکہ ان کے ذریعے طلبہ کمرہ ٔ جماعت میں سکھائے گئے کام کا عملی مشاہدہ بھی کرسکتے ہیں۔

تعلیمی دوروں میں طلبہ نہ صرف سفر سے لطف اندوز ہوتے ہیں بلکہ دنیا کو دیکھنے کے نئے طریقوں سے روشناس بھی ہو تے ہیں۔ بلاشبہ یہ دورے طلبہ کی تفہیم میں اضافہ کرتے ہیں۔

دارالمدینہ بوائز ہائی اسکول سیالکوٹ کے طلبہ نے گزشتہ روز ہرن مینار شیخوپورہ کا تعلیمی دورہ کیا۔تعلیمی دورے سے قبل ٹیچرز اور طلبہ نے مشہور بزرگ بابا ملک شاہ ولی سرکار رحمۃ اللہ علیہ کے مزار پر فاتحہ خوانی کی۔

بعدازاں وہاں سے ہرن مینار شیخوپورہ روانہ ہوئے۔طلبہ کو ہرن مینار کی مختصر تاریخ سے آگاہ کیا گیا۔ ہرن مینار انسان اور جانور دوستی کا لازوال نمونہ ہےجو ایک ہرن کی یاد میں تعمیر کیا گیا ہے۔

ہرن مینار ایک عظیم یادگار اور مغلیہ فن تعمیر کا نادر شاہکار ہے۔طلبہ کو ہرن مینار کا تفصیلی دورہ کروانے کے ساتھ ساتھ وہاں موجود ہرن بھی دکھائے گئے۔ مناسب وقت پر طلبہ کی ضیافت کا بھی سلسلہ ہوا جبکہ طلبہ کے لئے نماز ظہر اور اور نماز عصر ادا کرنے کا بھی اہتمام کیا گیا تھا۔(رپورٹ:غلام محی الدین ترک، اردو کانٹینٹ رائٹر سوشل میڈیا ڈیپارٹمنٹ دارالمدینہ، ہیڈ آفس کراچی، ویب ڈیسک رائٹر:غیاث الدین عطاری)

دعوت ِ اسلامی کی مرکزی مجلسِ شوری ٰ کے رکن قاری محمد ایاز عطاری اور دارالمدینہ کے صوبائی نگران مدنی رضا عطاری نے دیگر ذمہ داران کے ہمراہ میمن سوسائٹی ، حیدرآباد میں دارالمدینہ کے لئے حاصل کی گئی عمارت کا تفصیلی دورہ کیا۔

اس موقع پر رکنِ شوری ٰ نے وہاں موجود عملے اور تنظیمی ذمہ داران کی تربیت کرتے ہوئے کہا کہ دعوتِ اسلامی دنیا بھر میں نیکی کی دعوت عام کررہی ہےجس کا ایک شعبہ دارالمدینہ ہے جہاں دینی و دنیاوی تعلیم فراہم کی جارہی ہے۔ دُنیا بھر میں ہزاروں بچے دارالمدینہ سے فیضیاب ہورہے ہیں، اس سال ہمارے درجنوں طلبہ نے میٹرک کے امتحانات میں شاندار نتائج حاصل کئے۔

علاوہ ازیں رکنِ شوریٰ نے وہاں موجود شخصیات کو اپنے بچے دارالمدینہ انٹر نیشنل اسلامک اسکول سسٹم میں داخل کروانے کی ترغیب دلائی۔

اس دورے کے دوران دارالمدینہ انٹرنیشنل اسلامک اسکول سسٹم کے صوبائی نگران مدنی رضا عطاری نے دارالمدینہ کے پری پرائمری کیمپس 1 اور سٹی بوائز کیمپس کا دورہ کیا جہاں انہوں نے طلبہ و اساتذہ کی کارکردگی نیز انتظامی امور کا جائزہ لیا اور کارکردگی میں نکھار پیداکرنے والے عوامل پر روشنی ڈالی۔

تعلیمی دورے طالب علموں کو کمرہ ٔ جماعت میں سکھائے گئے اسباق  کی عملی تفہیم، بہتر طریقے سے یاد رکھنے اور انہیں سمجھنے میں مدد کرتے ہیں۔

طلبہ کے ان تعلیمی دوروں کی بدولت نثری اسباق کو تقویت اوراس موضوع پر ان کے علم و مشاہدےکو وسعت ملتی ہے، یوں تعلیمی عمل میں ان کی دلچسپی میں اضافہ ہوتا ہے۔

دارالمدینہ کالج فیصل آبادکے طلبہ نے گزشتہ روز مشہور تفریحی مقام کلر کہاراور نمک کے شہر ’’کھیوڑہ‘‘ کے تعلیمی دورے کئے۔ تاریخی مقام کھیوڑہ میں نمک کے وسیع ذخائر موجود ہیں۔یہ مشہور کان صوبۂ پنجاب پاکستان کے ضلع جہلم میں واقع ہے۔

تعلیمی دورے طلبہ کی ذہنی نشوونما، گروہی سرگرمیوں، دوستانہ تعلقات اور سماجی رویوں میں بہتری کا سبب ہیں۔یہ تعلیمی دورے ایک طرف تو انہیں ذمہ دار شہری بننے کے لئے تیار کرتے ہیں تو دوسری طرف طلبہ ان علاقوں کی روایات سے بھی آگاہ ہوتے ہیں۔

دارالمدینہ بوائزہائی اسکول ، مدینہ ٹاؤن ، فیصل آباد کے طلبہ نے گزشتہ روز مشہور تفریحی مقام ”کلر کہار“اور ’’کھیوڑہ ‘‘کے تعلیمی دورے کئے۔ کھیوڑہ ایک تاریخی مقام ہے جہاں نمک کے وسیع ذخائر موجود ہیں جس کی بنا پر اسے نمک کا شہر بھی کہاجاتا ہے۔

یہ مشہور کان صوبہ ٔپنجاب پاکستان کے تاریخی شہر جہلم میں واقع ہے، اس کان کی تاریخ ہزاروں برس پرانی ہے،اس کان کے اندرموجود چند ایسی عمارتیں بھی واقع ہیں جنہیں دیکھ کر عقل حیران رہ جاتی ہے۔

واضح رہے اس تعلیمی دورے کے دوران طلبہ نہ صرف پاکستان کے ایک قیمتی اثاثے سے واقف ہوئے بلکہ ان کی معلومات و مشاہدے میں بھی اضافہ ہوا۔ 

لوگوں کو دینی  تعلیم کے ساتھ دنیاوی تعلیم سے آراستہ کرنے والی عاشقانِ رسول کی دینی تحریک دعوتِ اسلامی میمن سوسائٹی حیدر آباد میں دارالمدینہ انٹرنیشنل اسلامک اسکول سسٹم کھولنے جارہی ہے جس کے سلسلے میں ایک مدنی مشورے کا انعقاد کیا گیا۔

معلومات کے مطابق اس مدنی مشورے میں دارالمدینہ انٹرنیشنل اسلامک اسکول سسٹم حیدر آباد کے بی ایچ ایس کیمپس کے تمام پرنسپلز ،اساتذہ، حیدرآبادکے تمام ایڈمن اسٹاف، ریجن اسٹاف (کلسٹر ایڈمن، ایجوکیشن منیجر، دینیات منیجر، آئی ٹی منیجر اور ریجن آفس اسسٹنٹ) موجود تھے۔

مدنی مشورے کا آغاز تلاوتِ قراٰنِ پاک سے کیا گیا اور نعت خواں اسلامی بھائی نے حضور صلی اللہ علیہ و سلم کی بارگاہ میں نعت شریف کا نذرانہ پیش کیا۔

مرکزی مجلسِ شوریٰ کے رکن حاجی قاری محمد ایاز عطاری نے شرکا کی تربیت کرتے ہوئے انہیں مدنی پھولوں سے نوازا جبکہ دارالمدینہ کے صوبائی ذمہ دار مدنی رضا عطاری نے تمام اسٹاف کو دارلمدینہ انٹرنیشنل اسلامک اسکول سسٹم کی ایجوکیشن پالیسی کے حوالے سے آگاہ کیانیز اساتذہ سے سوال و جواب کا بھی سیشن ہوا۔

اس موقع پر دارالمدینہ کے ذمہ داران و اسٹاف کے علاوہ دیگر شخصیات بھی موجود تھیں جن میں میمن سوسائٹی نگران حاجی سہیل عطاری ، میمن سوسائٹی ورکنگ کمیٹی ممبرشہزاد عطاری اوربورڈ آف ڈائریکٹر عامر شامل تھے۔بعدازاں رکنِ شوریٰ حاجی قاری محمد ایاز عطاری نے اختتامی دعا کروائی۔(کانٹینٹ:غیاث الدین عطاری)

اللہ پاک کے محبوب بندوں سے محبت و عقیدت کا تعلق رکھتے ہوئے ان کے نقش قدم پر چلنابہت بڑی سعادت ہے۔ان محبوب بندوں کی صحبت اختیار کرنا، ان کی خدمت کرنااور ان کی یاد میں محافل منعقد کرنا یقیناً سعادت عظمیٰ ہے۔سلطانُ  الاولیا حضرت شیخ عبدالقادر جیلانی رحمۃُ اللہِ علیہ نے مسلمانوں کو اپنے علم، عمل، مال اور اپنی جان سے فائدہ پہنچایا ۔ آپ رحمۃُ اللہِ علیہ کی یاد میں عاشقان ِ رسول کی ایک کثیر تعداد گیارہویں شریف کی محافل کا انعقاد کرتی ہے۔ جہاں آپ رحمۃُ اللہِ علیہ کا ذکر ِخیر کیا جاتا ہے اور آپ رحمۃُ اللہِ علیہ کی علمیت، اخلاق و کردار ، جد و جہد اور خدمتِ خلق کے بارے میں بیان کیا جاتا ہے ۔

عرس ِغوث اعظم رحمۃُ اللہِ علیہ کے موقع پر دعوت ِ اسلامی کے عالمی مدنی مرکز فیضان مدینہ میں گیارہویں شریف کی محفل منعقد ہوئی جس میں دارالمدینہ ہیڈ آفس سے وابستہ اسلامی بھائیوں نے خصوصی طورپر شرکت کی۔

اس پُروقار محفل میں دعوتِ اسلامی کی مرکزی مجلس ِ شوریٰ کے رُکن مولاناحاجی امین عطاری نے اپنے بیان میں فرمایاکہ ہم اپنی زندگی سے حقیقی لطف نہیں اُٹھارہے۔ہم نے کتنی ہی خوشیوں کو خود سےدُور رکھا ہوا ہے۔ ہم اپنی الجھنوں میں پریشان ہوکر اپنی زندگی کا ایک حصہ ضائع کررہے ہیں۔جیسے موٹر سائیکل والا اس بات سے ناخوش ہے کہ اس کے پاس کارموجود نہیں۔ہم بہتر سے بہتر کی خواہش میں اپنے پاس موجود نعمتوں کی قدر بھی نہیں کرتے۔ہر انسان کو اپنے پاس موجود نعمتوں کا شکر ادا کرنا چاہیے۔ہمیں پیارے نبی صلَّی اللہ علیہ واٰلہٖ وسلَّمکی سیرت سے رہنمائی حاصل کرنی چاہیے۔ ہمارے دین نے زندگی کے جو طریقے بتائے ہیں،ان کی مدد سے اپنی اصلاح کا سامان پیداکرنا چاہیے۔

مزید حاجی امین عطاری نےحضرت شیخ عبدالقادر جیلانی رحمۃُ اللہِ علیہ کی ایک نصیحت بیان کرتے ہوئے فرمایا: ہرمسلمان پر ہر حال میں 3 باتیں لازِم ہیں :شريعت کا حکم کہ اس پر عمل کرے ،شريعت کی منع کی ہوئی باتیں کہ اِن سے بچتا رہے ،تقدیر کہ اس پر ہمیشہ راضی رہے۔آپ نے ترغیب دلاتے ہوئے کہا کہ ہمیں اپنی زندگی میں خدمت ِ دین کے لیے کوشاں رہنا چاہیے۔وہ نیک اعمال جو جنت دلائیں گے،قبر کی گرمی سے بچائیں گے، قیامت کی رسوائی سے بچائیں گے، ان نیک اعمال کو سیکھنا چاہیے۔

حاجی امین عطاری نے دارالمدینہ کی طرف سے گھر درس مہم پر خوشی کا اظہار کیا۔ آخر میں نگران فیضان اسلامک اسکول سسٹم مولانازبیر عطاری مدنی نے دینی محافل کی اہمیت اور ضرورت پر روشنی ڈالی اور دعوت ِاسلامی کے ٹیلی تھون عطیات مہم میں اپنا حصہ ملانے کی ترغیب بھی دلائی۔ (رپورٹ:غلام محی الدین ترک، اردو کانٹینٹ رائٹر سوشل میڈیا ڈیپارٹمنٹ دارالمدینہ، ہیڈ آفس کراچی، ویب ڈیسک رائٹر:رمضان رضا عطاری)

5 نومبر 2022ء کو دعوتِ اسلامی کی جانب سے کراچی سٹی شعبہ دارُالمدینہ ہیڈ آفس اسٹاف کے سنتوں بھرا اجتماع کا انعقاد ہوا جس میں  پرنسپل،اساتذہ اور دیگر مدنی عملے نے شرکت کی۔

اس موقع پر رکنِ شوریٰ حاجی محمد امین عطاری نے سنتوں بھرا بیان کیا اور دعوتِ اسلامی کے تحت ہونے والی ٹیلی تھون مہم میں چندہ جمع کروانے اور دیگر عاشقانِ رسول کو ترغیب دینے کے بارے میں ذہن دیا جس پر شرکا نے اچھی اچھی نیتوں کا اظہار کیا۔( کانٹینٹ:رمضان رضا عطاری)

تعلیمی اداروں سے وابستہ اسلامی بہنوں میں بذریعہ زوم محفل میلاد شریف کا سلسلہ ہوا، جس میں تعلیمی اداروں کی سربراہان،پرنسپلز ، ٹیچر ز اور طالبات شامل تھیں۔ محفل میلاد شریف میں رکن شوری اور نگر ان مجلس دارالمد ینہ حاجی اطہر علی عطاری نے اپنے بیان میں ارشاد فرمایا کہ آپ ﷺ کی ولادت کے وقت لوگ اخلاقی برائیوں میں مبتلا تھے ، وہ اپنی بیٹیوں کوزندہ در گور کرتے تھے ، پھر جب اسلام آیا تو سب انسان رحمت کے سائے میں آگئے۔ آپ ﷺ نے عورتوں کو عزت و عظمت عطا فرمائی، انہیں بے شمار حقوق عطا فرمائے۔ رکن شوری نے بیٹیوں کی فضیلت بیان کرتے ہوئےکہا کہ آپ ﷺ نے بھی بیٹیوں کی عزت فرمائی ہے ، حضرت فاطمہ رضی اللہ عنہا جب آتیں تو آپ ﷺ کھڑے ہو جاتے ۔ رکن شوری نے عورتوں کی اہمیت بیان کرتے ہوئے کہا کہ عورت ماں ، بیوی ، بیٹی خالہ، نانی، دادی، پھوپھو، نواسی ، پوتی الغرض ہر روپ میں وہ عظیم ہے ۔ رکن شوری نے خواتین کو یاد دلایا کہ آنے والی نسل کی پہلی تربیت گاہ ماں کی گود ہے، آپ اپنی عظمت اور اپنے منصب کو پہچانیں ، ایسے لوگوں کی باتوں میں آکر کھلونا نہ بنیں ، جو آپ کو بے حیا بنائیں، بے حیائی کے راستے پر چلنے سے آپ کی قدر کم ہورہی ہے ، دوسری طرف سوشل میڈ یا پر آپ کی عزت، پاکیزگی اور خاندانی شرافت کا قتل عام ہو رہا ہے ۔ یادرکھیے ، ہمیں سب کچھ اللہ نے عطا کیا ہے ، جب سب کچھ اللہ کا ہے تو مرضی بھی اسی کی ہونی چاہیے۔ وہی بہتر جانتا ہے کہ ہمیں کیا کرنا چاہیے۔رکن شوری نے مکتبۃ المدینہ کی شائع کر وہ کتب ”شان خاتون جنت ، فیضان عائشہ صدیقہ اور فیضان بی بی مریم “وغیرہ پڑھنے کی خصوصی ترغیب دلائی۔ انھوں نے کہا کہ یہ پڑھنے لکھنے اور سمجھنے کے دن ہیں ، آخر میں انہوں نے پانچوں نمازوں کی پابندی کرنے ، ماں باپ کا ادب کرنے ، شوہر سےحسن سلوک کرنے ، بہن بھائیوں ، رحم کے رشتوں اور اپنے استاد کا احترام کرنے ، روزانہ کم از کم ۱۲منٹ قرآن کی تلاوت ، ترجمہ و تفسیر کرنے ، دوستیاں اور سہیلیاں صرف ماں باپ کی اجازت سے کرنے ،کسی بھی شخص کے ساتھ تنہائی اختیار نہ کرنے ، سوشل میڈیا کا استعمال کم کرنے، اپنی صحت کا خوب خیال رکھنے ،اپنی ذات میں نظم و ضبط پیدا کرنے ، گھر گرستی کی طرف توجہ دینے ، حصول علم دین پر توجہ دینے ، دعوت اسلامی کے مدنی ماحول کو اختیار کرنے ، ہفتہ وار اجتماعات میں شرکت کرنے اور دعوت اسلامی کے تحت مختلف شارٹ کورسز کرنے اور باپردہ رہنے کی بھی تلقین کی۔ (رپورٹ: غلام محی الدین ترک ، اردو کانٹینٹ رائٹر ، کانٹینٹ: محمد مصطفی انیس) 

محافل ِ میلاد میں اللہ پاک کی رحمتیں اور برکتیں نازل ہوتی ہیں۔میلاد منانے والوں سے سرکار ﷺ خُوش ہوتے ہیں۔

دارالمدینہ ہیڈ آفس کے اسلامی بھائیوں، دارالمدینہ بوائز ہائی اسکول کے طلبہ، ٹیچرز اور ان کے سرپرستوں کا اجتماع ِ میلاد دعوت ِ اسلامی کے عالمی مدنی مرکز فیضان مدینہ کراچی میں منعقد ہوا۔

اجتماع پاک کا آغاز تلاوت ِ قراٰنِ پاک سے ہوا جبکہ دارالمدینہ کے مختلف کیمپسزکے طلبہ نے نبی کریم ﷺکی بارگاہ میں نعتوں کے نذرانے پیش کئے اور اردو و انگریزی میں سنتوں بھرے بیانات کئے۔

اس موقع پرطلبہ نے جشن ِ ولادت سے متعلق مختلف چارٹس بھی ہاتھوں میں اٹھارکھے تھے۔اس کے بعد مرکزی مجلسِ شوریٰ کے رکن و نگرانِ شعبہ دارالمدینہ حاجی محمد اطہر عطاری نے اپنے سنتوں بھرے بیان میں بتایا کہ آپ ﷺسے محبت کاتقاضاہے کہ ہماری کوئی نمازقضا نہیں ہونی چاہیے۔

ان دنوں دارالمدینہ نے خصوصی طور پر درودپاک پڑھنے کی ترغیب دلائی ہے۔اب تک دارالمدینہ کے طلبہ اوراسٹاف کم و بیش 50کروڑ درود پاک پڑھ چکے ہیں۔

مزید رکنِ شوریٰ کا کہنا تھا یہ عزم کیجیے کہ درودپاک نہ صرف ربیع الاول میں بلکہ زندگی کی آخری سانس تک پڑھتے رہنا ہے۔

رکن شوری نے طلبہ کوتربیت کے مدنی پھول دیتے ہوئے اُنہیں پانچوں وقت باجماعت مسجدمیں نمازاداکرنے، ماں، باپ، استاد ، مرشدِ کریم، بہن بھائیوں، پڑوسیوں اوررشتے داروں کا احترام کرنے، روزانہ تلاوت قراٰن کرنے، پڑھائی پر بھرپور توجہ دینے، صحت کاخیال رکھنے اور نظم وضبط پیدا کرنے کی تاکید کی۔اسی طرح رکنِ شوریٰ نے دعوتِ اسلامی کے دینی ماحول سے جڑے رہنے اور مدنی قافلوں کا مسافر بننے کی ترغیب بھی دلائی۔

شرعی ایڈوائز ر دارالمدینہ مولانا کفیل رضا عطاری مدنی نے شرکا کی تربیت کرتے ہوئے کہا کہ ہمیں سب سے زیادہ محبت نبی کریم ﷺ سے ہونی چاہیے۔ذکرِ رسول اور دُرود و سلام کی محفلیں سجانےسے ہمارا گھر بھی روشن ہوگا نیز  ہمارا اور ہمارے بچّوں کا مستقبل (دُنیا وآخرت) بھی روشن ہوگا۔

مولانا کفیل رضا عطاری مدنی نے نماز کی پابندی اوروالدین کی اطاعت پر طلبہ کی ذہن سازی کی۔اس موقع پر اجتماع میں والدین کی ایک تعدادبھی موجودتھی۔آخر میں تلاوت، نعت اور بیانات کے مقابلوں میں ریجن سطح پر پہلی پوزیشن حاصل کرنے والے طلبہ میں انعامات بھی تقسیم کئے گئے۔(رپورٹ:غلام محی الدین ترک، اردو کانٹینٹ رائٹر سوشل میڈیا ڈیپارٹمنٹ دارالمدینہ، ہیڈ آفس کراچی، ویب ڈیسک رائٹر:غیاث الدین عطاری)

تین عشروں سے زائد عرصے میں متعدد اعلی ٰ سرکاری اور نجی  عہدوں پراپنی خدمات سرانجام دینے والے پاکستان کے معروف ماہر تعلیم محمد اقبال الرحمٰن نے دارالمدینہ انٹرنیشنل ایجوکیشن سسٹم کے ہیڈ آفس کا دورہ کیا۔

اس دوران انہوں نے اراکینِ مجلس اور چیف آپریٹنگ آفیسر سے ملاقات کی جبکہ اراکینِ مجلس نے اُنہیں دارالمدینہ سے متعلق بریفنگ دی اورہیڈ آفس کے مختلف شعبہ جات کا تفصیلی دورہ کروایا۔

مزید اراکینِ مجلس نے انہیں 3 براعظموں، 7ممالک اور 59شہروں پر پھیلے دارالمدینہ انٹرنیشنل ایجوکیشن سسٹم کے وسیع اور منظم نیٹ ورک کی خصوصیات بتائیں اور دارالمدینہ کے نصاب نیز نظام تعلیم کی خصوصیات سے آگاہ کیا ۔

دارالمدینہ ایجوکیشن سسٹم کے ہیڈ آفس میں عرسِ اعلیٰ حضرت کے موقع پر دعوت ِ اسلامی کی مرکزی مجلس ِ شوریٰ کے رُکن حاجی محمدامین عطاری نے سنتوں بھرا بیان کیا۔

تفصیلات کے مطابق رکنِ شوریٰ نے دورانِ بیان روزانہ ایک مخصوص تعداد میں دُرود شریف پڑھنے کی ترغیب دلائی اورکہا کہ دُرود شریف پڑھنے سے مشکل کام بھی آسان ہوجاتے ہیں۔

رکنِ شوریٰ نے اعلی ٰ حضرت رحمۃاللہ علیہ کی سیرت کے مختلف گوشوں پر روشنی ڈالتے ہوئے بدنگاہی سے بچنے کی تلقین کی کہ بدنگاہی سے حافظہ کمزور ہوجاتا ہے۔

رکنِ شوریٰ نےدعوتِ اسلامی کی اہمیت واضح کرتے ہوئے فرمایا کہ اس وقت دُنیا بھر میں بُرائیاں عام ہورہی ہیں، ان برائیوں کو روکنے کے لئے دعوتِ اسلامی اپنے حصے کا کام کررہی ہے۔

دعوتِ اسلامی کڈز مدنی چینل، سوشل میڈیا، مدنی چینل اور دیگر اپنے دینی کاموں کے ذریعے ان برائیوں کے آگے بند باندھ رہی ہے۔اسی طرح رکنِ شوریٰ کا یہ بھی کہنا تھا کہ ہمیں دعوتِ اسلامی کے دینی ماحول سے وابستہ رہنا چاہیئے نیز دعوتِ اسلامی کے 12 دینی کاموں جیسے ہفتہ وار سنتوں بھرے اجتماع اور مدنی مذاکروں سمیت دیگر دینی کاموں میں شریک ہونا چاہیئے۔(رپورٹ:غلام محی الدین ترک، اردو کانٹینٹ رائٹر سوشل میڈیا ڈیپارٹمنٹ دارالمدینہ، ہیڈ آفس کراچی، ویب ڈیسک رائٹر:غیاث الدین عطاری)