پچھلے دنوں عالمی مدنی مرکز فیضان مدینہ کراچی میں قائم مکتبۃ المدینہ العربیہ میں مفتی محمد اکمل قادری صاحب کی آمد ہوئی۔

شعبہ دار التراث العلمی کے نگران مولانا احمد رضا گھانچی مدنی نے انہیں خوش آمدید کہا اور مکتبے کا وزٹ کروایا۔ مولانا احمد رضا گھانچی نے مفتی صاحب کو ذیلی شعبہ دار تراث العلمی کا تعارف پیش کیا اور اس شعبے کی خدمات کے بارے میں بریفنگ دی۔

مفتی اکمل قادری صاحب نے مکتبۃ المدینہ کی خدمات کو سراہا اور دعوتِ اسلامی و امیرِ دعوتِ اسلامی کے لئے دعائیں کیں۔آخر میں انہیں بیروت سے شائع ہونے والی المدینۃالعلمیہ کی 9 کتابوں کا سیٹ بھی تحفے میں پیش کیا گیا۔

گزشتہ دنوں دعوتِ اسلامی کے زیرِ اہتمام عالمی مدنی مرکز فیضانِ مدینہ کراچی میں گلشن ٹاؤن اور جمشید ٹاؤن کے اسلامی بھائیوں کی تربیت کے لئے سیکھنے سکھانے کا حلقہ لگایا گیا جس میں کثیر اسلامی بھائیوں نے شرکت کی۔

تفصیلات کے مطابق رکنِ مرکزی مجلسِ شوریٰ حاجی محمد علی عطاری نے اسلامی بھائیوں کے ہمراہ رات اعتکاف کیا جس دوران صلاۃ التوبہ، وظائف، نیک اعمال کا جائزہ اور نئے اسلامی بھائیوں سے ملاقات کا سلسلہ رہا۔

بعدازاں رکنِ شوریٰ نےمدنی قافلے میں سفر کرنے والے اسلامی بھائیوں کی تربیت کرتے ہوئے انہیں دعوتِ اسلامی کے دینی کاموں میں بڑھ چڑھ کر حصہ لینےکا ذہن دیاجس پر انہوں نے اچھی اچھی نیتیں کیں۔(کانٹینٹ:غیاث الدین عطاری)

پچھلے دنوں عالمی مدنی مرکز فیضانِ مدینہ کراچی میں دعوتِ اسلامی کے زیرِ اہتمام فیضانِ مدینہ کراچی کے ایچ او ڈیز کا مدنی مشورہ ہوا جس میں مرکزی مجلسِ شوریٰ کے رکن حاجی محمدامین عطاری نے اسلامی بھائیوں کی تربیت کی۔

اس مدنی مشورے میں رکنِ شوریٰ نے فیضانِ مدینہ کی پارکنگ اور آفس کے ڈسپلن کے حوالے سے گفتگو کرتے ہوئے دیگر مختلف موضوعات پر کلام کیا نیز ایچ او ڈیز کو اپنے اپنے کے شعبے کی ترقی کے لئے مدنی پھول دیئے۔(کانٹینٹ:غیاث الدین عطاری)

پچھلے دنوں سائٹ ایریا میٹرو ویل علاقے کے چیئر مین اور جامع مسجد فیضانِ مصطفٰی کے کمیٹی ممبران کی عالمی مدنی مرکز فیضانِ مدینہ کراچی میں آمد ہوئی جہاں انہوں نے مرکزی مجلسِ شوریٰ کے رکن حاجی محمد امین عطاری سے ملاقات کی۔

اس دوران رکنِ شوریٰ نے اُن سے گفتگو کرتے ہوئے چند اہم نکات پر مشاورت کی اور علاقے میں موجود دعوتِ اسلامی کے جامعۃ المدینہ بوائز سمیت دیگر شعبہ جات کے ساتھ تعاون کی ترغیب دلائی جس پر انہوں نے اچھی اچھی نیتوں کا اظہار کیا۔ (کانٹینٹ:غیاث الدین عطاری)

گزشتہ دنوں دعوتِ اسلامی کے زیرِ اہتمام عالمی مدنی مرکز فیضانِ مدینہ کراچی میں پروفیشنل اجتماع کا انعقاد کیا گیا جس میں کافی تعداد میں عاشقانِ رسول نے شرکت کی۔

دورانِ اجتماع رکنِ مرکزی مجلسِ شوریٰ حاجی محمد امین عطاری نے سنتوں بھرا بیان کیا اور وہاں موجود اسلامی بھائیوں کی دینی و اخلاقی اعتبار سے تربیت فرمائی۔

بعدازاں رکنِ شوریٰ نے اسلامی بھائیوں کو دعوتِ اسلامی کے دینی ماحول سے وابستہ رہتے ہوئے 12 دینی کاموں میں حصہ لینے کی ترغیب دلائی جس پرانہوں نے اچھی اچھی نیتوں کا اظہار کیا۔(کانٹینٹ:غیاث الدین عطاری)

دعوت اسلامی کے شعبہ اسلامک ریسرچ سینٹر  بنام المدینۃ العلمیہ کے ذیلی شعبے ” ریسرچ اینڈ ڈیویلپمنٹ“ کے تحت مدنی اسلامی بھائیوں کی صلاحیتوں میں مزید اضافہ کرنے کے لئے 30 دن پر مشتمل ”فن تخریج حدیث“ کورس کا انعقاد کیا گیا۔کورس 12 جنوری 2022ء سے شروع ہوکر 7 فروری 2022ء کواپنے آخری لیکچر پر اختتام پذیر ہوا۔

اس کورس کو لانچ کرنے میں رکن شوریٰ حاجی ابو ماجد محمد شاہد عطاری مدنی اور ناظم المدینۃ العلمیہ مولانا محمد آصف خان عطاری مدنی کا خصوصی تعاون شامل رہا جبکہ کورس کی ڈیزائننگ اور ٹریننگ کی خدمات ایڈیٹر ماہنامہ فیضان مدینہ مولانا محمد راشد عطاری مدنی اور شعبہ فیضان حدیث کے ہیڈ مولانا ناصر جمال عطاری مدنی نے انجام دیں۔

کورس کا اصل مقصد تخریج حدیث کے سائنٹفک Scientific اور پروفیشنل Professional انداز کی تربیت اور کتب حدیث و تخریج سے گہری آگاہی اور علمائے کرام کو فن تخریج حدیث میں مضبوط اور تجربہ کار بنانا ہے۔اس کورس کے ہر سیشن میں المدینۃ العلمیہ کے 16 اسکالرز شریک ہورہے تھے۔

کورس کی خصوصیات:

٭تخریج حدیث کے 10 سے زائد پروفیشنل Professional اور ٹیکنیکل Technical طریقے سکھائے گئے ٭کئی کتب حدیث اور موسوعات و معاجم کا تعارف اور ان کے استعمال کا پریکٹیکل Practical کروایا گیا ٭احادیث کے مصادر اصلیہ و فرعیہ کی تفصیلی تقسیم کاری سمجھائی گئی ٭تمام لیکچرز کو سلائیڈزSlidesکے ذریعے آسان سے آسان بنانے کی کوشش کی گئی ٭پریکٹیکل کے طور پر 160 سے زائد احادیث مبارکہ کی تخریج کروائی گئی ٭کئی کتب حدیث اور موساعات کے اسالیب و مناہج پر تعارفی مقالات لکھوائے گئے جوکہ مقالہ نگاروں نے سیشن میں پڑھ کر سنائے٭تدریسی لیکچرز کے بعد اسکالرز سے بھی پریکٹیکل لیکچرز بھی دلوائے گئے۔

کورس کے اختتام پر اسکالرز نے تاثرات بھی دیئےجن میں سے چند ملاحظہ کریں:

مولانا سید فیضان علی عطاری مدنی(شعبہ بیانات،المدینۃ العلمیہ)

الحمد للہ فن تخریج حدیث کورس کرنے کی سعادت حاصل ہوئی جس میں مختلف ذرائع سے احادیث مبارکہ کو تلاش کرنے کا طریقہ معلوم ہوا۔ اس کورس میں کتب کے ذرائع اور موجود دور کے جدید ذرائع یعنی ایپلیکیشنز وغیرہ سے حدیث مبارکہ کو تلاش کرنے کے طریقہ سکھایا گیا اس کے ساتھ ساتھ کتب کو سمجھنے اور ان کو پَرکھنے کا طریقہ بھی بتایا گیا۔

اللہ پاک کورس کرنے اور کروانے والوں کو علم دین سیکھنے، اس کو یاد رکھنے، اس پر عمل کرنے اور دوسروں تک پہچانے کی توفیق عطا فرما اور حج و عمر کی سعادت نصیب فرما۔ اٰمین

مولانا حافظ محمد ارسلان عطاری مدنی بن محمد سعید (شعبہ تراجم، ڈیجیٹل لائبریری)

الحمد للہ کورس مجموعی طور پر بہت اچھا رہا، بہت ساری نئی چیزیں سیکھنے کو بھی ملیں اور کتاب سے حدیث تلاش کرنے کے نئے طریقے معلوم ہوئے اس کے علاوہ سافٹ ویئر یا ڈائیریکٹ کتاب سے کیسے استفادہ حاصل کیا جائے اس بات کو سیکھایا گیا۔

مولانامحمد حسان رضا عطاری مدنی (شعبہ ملفوظاتِ امیر اہل سنت، المدینۃ العلمیہ)

الحمد للہ میں نے المدینۃ العلمیہ کا ذیلی شعبہ ریسرچ اینڈ ڈویلپمنٹ کےتحت ہونے والے ” فن تخریج حدیث کورس“ میں شرکت کی۔ اس کورس کو ذاتی طور پر بہت مفید پایا۔ کورس کرنے کا سب بڑا فائدہ یہ ہوا کہ کتابوں سے براہ راست تخریج کا حوصلہ پیدا ہوا اور معلومات کا ڈھیروں ڈھیر خزانہ ہاتھ آیا۔ امید کرتا ہوں اس سلسلے کو آئندہ بھی رکھا جائیگا۔

مولاناغیاث الدین عطاری مدنی (شعبہ دعوتِ اسلامی کے شب و روز، المدینۃ العلمیہ)

اس کورس سے بہت کچھ سیکھنے کو ملا جبکہ اس کورس کے ذریعے حدیث تلاش کرنے کے حوالے سے کافی مدد حاصل کی جاسکتی ہے۔ یہ کورس طلبہ و علمائے کرام کے لئے بہت مفید ہے۔

مولانااحمد رضا عطاری مدنی بن عبد الحمید (شعبہ سیرتِ مصطفیٰ، المدینۃ العلمیہ)

الحمدللہ اس کورس میں حدیث پاک کی تخریج کرنے کے حوالے سے طرق کی معلومات ہوئی، حدیث پاک کی بہت سے کتابوں کا پتا چلا، تخریج کے نئے انداز اور نئے طریقے معلوم ہوئے۔ مزید اگر اس کورس میں حدیث پاک کے حکم کی معلومات شامل کرلی جائیں تو اور بھی اچھا ہوگا۔

مولانامحمد ندیم عطاری مدنی (شعبہ کتب اعلیٰ حضرت، المدینۃ العلمیہ)

اس کورس کے ذریعے کم مدت میں زیادہ کام کرنے کے طریقہ سیکھا اورکتب کی مدد سے احادیث کی تخریج کرنے کا طریقہ معلوم ہوا۔ یہ کورس طلبہ و علمائے اہلِ سنّت کو بھی کرنا چاہئے تاکہ وہ بھی کم وقت میں زیادہ سے زیادہ خدمتِ دین کرسکیں۔

مولانامحمد شاہ رخ عطاری مدنی بن کبیر خان (شعبہ ملفوظاتِ امیر اہل سنت، المدینۃ العلمیہ)

الحمد للہ فن تخریج حدیث کو رس کرنے کی سعادت حاصل ہوئی، بہت کچھ نیا سیکھنے کو ملا اور پچھلا بہت کچھ دوہرایا۔ المدینۃ العلمیہ کی طرف سے یہ بہت اچھا اقدام ہے ۔ کئی سہولتوں اور آسانیوں کے ساتھ الحمدللہ ہمارا کورس پایہ تکمیل کو پہنچا۔ اللہ پاک المدینۃ العلمیہ اور دعوتِ اسلامی کو مزید ترقیاں عطا فرمائے۔ اٰمین

مولانامحمد مصطفی انیس عطاری مدنی ( شعبہ دعوت اسلامی کے شب و روز، المدینۃ العلمیہ)

ماشاءاللہ مولانا راشد عطاری اور مولانا ناصر عطاری نے یہ کورس کروایا، بہت ہی اچھا رہا، کافی کچھ سیکھنے کا موقع ملا اور کافی معلومات حاصل ہوئیں ۔ جیسے حدیث کی کتاب کس طرح کی ہے، اس کے مصنف نے کس طرح کتاب لکھی، کس منہج پر احادیث کو جمع کیا وغیرہ۔ باقی اس کورس میں home work کا بھی سلسلہ رہا۔

اس کورس میں مزید بہتری اس طرح بھی ہو سکتی ہے کہ موجودہ دور میں علما نے حدیث پر جو کام کیا ہے اس کو بھی بیان کیا جائے تاکہ نئے اسکالرز کو اس کورس کی اہمیت کا اندازہ ہو اور وہ مزید تحقیق کا کام کریں۔ مزید اس شعبے کے تحت کورس کروانے چاہیے تاکہ اس کے ذریعے نئے اسکالرز میں skills پیدا ہوں۔

مولانامحمد حسین عطاری مدنی(شعبہ فیضان حدیث، المدینۃ العلمیہ )

مجھے شعبہ ریسرچ اینڈ ڈیویلپمنٹ کے تحت ہونے والے ”فن تخریج حدیث کورس“ میں شرکت کی سعادت ملی اور بحمدللہ تعالی علم کا وہ خزانہ ہاتھ آیا کہ بیان کے لیے الفاظ نہیں۔ پہلے کوئی حدیث سامنے آتی تو پریشانی ہوتی تھی کہ یہ کہاں سے ملے گی،اس کا حوالہ کیا ہوگا؟ مگر اب جب کوئی حدیث سامنے آتی ہے تو کورس میں بیان کیے گئے طریقوں میں اسے دیکھتے ہیں کہ کس طریقے کے تحت ملے گی پھر باآسانی اس طریقے کے ذریعے اصل کتاب سے تلاش کرنے میں کامیابی مل جاتی ہے۔ یوں وقت کی بھی بچت ہوتی ہے اور محنت بھی کم صرف ہوتی ہے۔وما توفیقی الا باللہ

مولاناسید دلدار شاہ عطاری مدنی بن سید خادم شاہ( شعبہ ملفوظات امیر اہلسنت ، المدینۃ العلمیہ)

الحمد للہ میں نے تخریج حدیث پاک کا کورس مکمل کیا اس سے مجھے بہت فائدہ ہوا۔ فائدہ یہ ہوا کہ کون سی حدیث کس موضوع ،کس باب کے تحت ہمیں کتابوں میں ملے گی ؟ نیز اس کورس میں تخریج حدیث کے مکمل طریقے سکھائے گئے،پریکٹیکل بھی کروایا گیا مزید یہ کہ بہت سی کتب کا تعارف بھی ہوا۔ مصنفین کے حالات کو بھی کئی کتب سے پڑھنے کا موقع ملا۔میری اپنی ذاتی کوشش ہوگی کہ اس کورس میں جو کچھ مجھے سکھایا گیا ہے اسے یاد رکھتے ہوئےمکمل پریکٹیکل بھی کرتا رہوں گا۔

میں ان کا شکر گزار ہوں جن کے سبب سے یہ کورس میں مکمل کر پایا اور ان کا بھی شکر گزار ہوں جنہوں نے یہ کورس کروایا۔ جزاک اللہ خیراً

مولاناعمران عطاری مدنی احمد بن محمد اقبال (شعبہ ہفتہ وار رسائل،المدینۃ العلمیہ)

الحمد للہ مجلس المدینۃ العلمیہ کی طرف سے کرم نوازی ہوئی اور یہ کورس کرنے کا موقع ملا۔ یہ کورس ہمارے شعبے کے لئے کافی مفید ہے۔

بعض باتیں ہمیں پہلے سے معلوم تو تھیں تخریج حدیث کے حوالے سے لیکن عملی طور پر ان کو نہ کرنے کی وجہ سے وہ باتیں مستحضر نہ تھیں ، کورس کی وجہ سے وہ باتیں دوبارہ تازہ ہوگئیں اور ان کو عملی طور پر کرنے کا موقع ملا۔

کئی چیزیں ہمارے لئے بالکل نئی تھیں، بعض ایپلیکیشنز،سوفٹ وئیرز اور ویب سائٹس کا پتا چلا جوکہ ہمارے کام میں کافی معاون ثابت ہوسکتی ہیں۔ کورس کروانے والوں کا انداز انتہائی قابل تحسین، مشفقانہ اور برادرانہ تھا۔

اللہ پاک ان کو برکتیں عطا فرمائے۔ دیگر علمی کام جیسے مضمون نگاری وغیرہ کے حوالے سے بھی اس طرح کے کورسز ہونے چاہیئے۔

مولانامحمد احمدعطاری مدنی بن امین الدین عطاری (المدینۃ العلمیہ)

الحمدللہ فن تخریج حدیث کورس میں شرکت کی اور اس کورس میں ہمیں بہت ساری چیزیں سیکھنے کو ملیں اور علمی اور منظم انداز میں تخریج حدیث کے طریقے بیان کئے گئے اور مختلف کتابوں اور ان کے مناہج سے بھی آگاہی ہوئی، اللہ پاک دعوتِ اسلامی کو خوب ترقی عطا فرمائے۔

مولانارمضان رضاعطاری مدنی(شعبہ دعوتِ اسلامی کے شب و روز، المدینۃ العلمیہ)

یہ کورس طلبہ و علمائے اہلِ سنّت کی صلاحیت میں نکھار کے لئے اور احادیث کریمہ کے اصل ماخذ تک پہنچنے کی رہنمائی کے حوالے سے انتہائی اہمیت کا حامل ہے، مجھے یہ فائدہ ہوا کہ جو چیزیں سیکھی تھیں ان کی دھرائی کا موقع ملا اور تلاش حدیث کے حوالے سے بعض نئی باتیں سیکھنے کو ملی۔

مولانامحمد رضاعطاری مدنی(Content Writer ، عربی ڈیپارٹ مدنی چینل)

الحمد للہ بہت بہترین کورس تھا اور اس طرح کے مزید کورسز المدینۃ العلمیہ ” ریسرچ اینڈ ڈیویلپمنٹ“ کے تحت ہونے چاہئیں جس سے نئے اسکالرز میں تحقیق و تخریج کا رجحان بڑھے۔

اس کورس میں اگر چند اور چیزوں کا اضافہ کردیا جائے تو بہت بہتر رہے گا۔

ہر لیکچر کے متعلق اردو میں سوال و جواب بنائے جائیں جس سے لیکچر Review ہو، تحقیق و تخریج کے حوالے سے علمائے اہل سنت کا علمی کام بھی بیان کیا جائے، عرب کے موجودہ محققین علمائے اہلسنت کے بارے میں بیان کیا جائے، اس پروگرام کے تحت علمائے اہلسنت کا کام بھی منظر عام پر لایا جائے جو انٹر نیٹ پر ہے۔

پروفیشنلز حضرات کے لئے خوشخبری

دعوت اسلامی کے شعبہ پروفیشنلز ڈیپارٹمنٹ کے زیر اہتمام دو دن پر مشتمل 12 اور 13 فروری بروز ہفتہ، اتوارعالمی مدنی مرکز فیضان مدینہ کراچی میں پروفیشنلز اجتماع منعقد ہونے جارہا ہے۔

اس پروگرام میں انجینئرز، فنانس آفیسرز، آئی ٹی پروفیشنلزاور کارپوریٹ پروفیشنلز کے ساتھ ساتھ دیگر شعبے سے وابستہ پروفیشنلز حضرات شرکت کرسکیں گے۔ پروفیشنلز اجتماع میں دعوت اسلامی کے مبلغین ، اراکین شوریٰ اور موٹیویشنل اسپیکرمحمد ثوبان عطاری شرکا کے درمیان دینی و دنیاوی موضوعات پر بیانات فرمائیں گے۔

تمام پروفیشنلز حضرات سے اس اجتماع میں شرکت کرنے کی درخواست ہے۔

دعوت اسلامی کی مرکزی مجلس شوریٰ کے نگران حاجی مولانا محمد عمران عطاری مُدَّ ظِلُّہُ العالی سے شعبہ چائنیز ڈیپارٹمنٹ کے اسلامی بھائیوں نے ملاقات کی۔

نگران شوریٰ کو شعبہ چائنیز ڈیپارٹمنٹ کے نگران اسلامی بھائی نے اب تک کی کارکردگی پیش کی اور آئندہ کے اہداف کے بارے میں بتایا۔ ملاقات میں ہفتہ وار اجتماع کا آغاز، دیگر ممالک کے ڈیپارٹمنٹ کے دینی کاموں کے اہداف پر مشورہ بھی ہوا جس پر اسلامی بھائیوں نے اچھی اچھی نیتوں کا اظہار کیا۔

گزشتہ دنوں دعوت اسلامی کے عالمی مدنی مرکز فیضان مدینہ کراچی میں شعبہ مارکیٹنگ ڈیپارٹمنٹ کا مدنی مشورہ ہواجس میں شعبہ مارکیٹنگ کے اسلامی بھائیوں نے شرکت کی۔

نگران شوریٰ حاجی مولانا محمد عمران عطاری مُدَّ ظِلُّہُ العالی نے شعبے کے کاموں کے حوالے سے شرکا کی رہنمائی فرمائی۔

اس موقع پر رکن شوریٰ حاجی محمد اطہر عطاری بھی موجود تھے۔

دعوت اسلامی کے شعبہ پروفیشنلز ڈیپارٹمنٹ کے زیر اہتمام 23 جنوری 2022ء کو عالمی مدنی مرکز فیضان مدینہ کراچی میں پروفیشنلز اجتماع کا انعقاد کیا گیا جس میں کارپوریٹ سیکٹر، آئی ٹی انڈسٹری، انجینئرنگ، فنانس اور دیگر شعبے سے وابستہ پروفیشنلز حضرات نے شرکت کی۔

نگران شعبہ پروفیشنلز محمد ثوبان عطاری نے ” Take charge of your life “ کے موضوع پر سنتوں بھرا بیان کیا اور شرکاکو اپنی زندگی سنت مصطفٰے ﷺ کے مطابق گزارنے کی ترغیب دلائی۔

23 جنوری 2022ء کو عالمی مدنی مرکز فیضان مدینہ کراچی میں قائم مرکزی جامعۃ المدینہ کے درجہ دورۃ الحدیث شریف میں ٹریننگ سیشن کا سلسلہ ہوا جس میں دورۃ الحدیث شریف کے طلبائے کرام نے شرکت کی۔

نگران شعبہ پروفیشنلز محمد ثوبان عطاری نے ” Confidence“ کے موضوع پر سنتوں بھرا بیان کیا اور شرکا کو اپنے اندر خود اعتمادی پیدا کرنےکا ذہن دیا۔

پچھلے دنوں عالمی مدنی مرکز فیضان مدینہ کراچی میں CSS کلاس کے طلبہ کی حاضری ہوئی۔ اس موقع پر شیخ الحدیث والتفسير مفتی محمد قاسم قادری عطاری مد ظلہ العالی نے طلبہ کی تربیت فرمائی۔

مفتی صاحب نے طلبہ کو مطالعہ کرنے،  اپنی تعلیمی استعداد کو بڑھانے اور دیگر مفید معلومات سے نوازانیز طلبہ کی جانب سے ہونے والے  مختلف سوالات کے تسلی بخش جوابات بھی ارشاد فرمائے۔اس دوران مرکزی مجلس شوریٰ کے رکن و صدر کنزالمدارس بورڈ حاجی جنید عطاری مدنی بھی موجود تھے۔(رپورٹ:حافظ ساجد سلیم عطاری مدنی، کانٹینٹ:غیاث الدین عطاری)