عاشقانِ رسول کی دینی تحریک دعوتِ اسلامی کے زیرِا ہتمام 29 نومبر 2022ء بروز بدھ عالمی مدنی مرکز فیضانِ مدینہ کراچی میں مدنی مشورہ ہوا جس میں شعبہ اصلاحِ اعمال، شعبہ مدنی کورسز اور شعبہ مدنی قافلہ کے ڈسٹرکٹ و ٹاؤن  ذمہ داران نے شرکت کی۔

اس موقع پر مرکزی مجلسِ شوریٰ کے اراکین حاجی محمد امین عطاری، حاجی محمد علی عطاری اور حاجی محمد امین قافلہ عطاری نے ذمہ دار اسلامی بھائیوں سے شعبہ جات کے دینی کاموں کے حوالے سے گفتگو کرتے ہوئے اُن کی تربیت کی۔

علاوہ ازیں اراکینِ شوریٰ نے ذمہ دار اسلامی بھائیوں کو اخلاص کے ساتھ دعوتِ اسلامی کے دینی کام کرنے کا ذہن دیا جس پر انہوں نے اچھی اچھی نیتیں کیں۔(کانٹینٹ:غیاث الدین عطاری)

30 نومبر 2022ء بروز بدھ عالمی مدنی مرکز فیضانِ مدینہ کراچی میں صوبۂ بلوچستان سے آئے ہوئے اسلامی بھائیوں کے لئے منعقد ہونے والے فیضانِ قراٰن و حدیث کورس کی آخری نشست کا انعقاد کیا گیا۔

اس اختتامی نشست میں مرکزی مجلسِ شوریٰ کے رکن مولانا ابوماجد حاجی محمد شاہد عطاری مدنی نے کورس کے شرکا کی تربیت کرتے ہوئے مختلف مدنی پھولوں سے نوازا اور انہیں مزید کورسز کرنے کی ترغیب دلائی۔

علاوہ ازیں رکنِ شوریٰ نے کورس کے اسلامی بھائیوں کو اپنے اپنے علاقوں میں دعوتِ اسلامی کے دینی کاموں کو بڑھانے کا ذہن دیاجس پر انہوں نے اچھی اچھی نیتیں کیں۔ (رپورٹ:محمد جہانزیب عطاری معاون رکن شوری ٰ مولانا ابوماجد حاجی محمد شاہد عطاری مدنی، کانٹینٹ:غیاث الدین عطاری)

29نومبر2022ء کو عالمی مدنی مرکز فیضانِ مدینہ کراچی میں بلوچستان سے  آئے ہوئے عاشقانِ رسول کے لئے ہونے والے ایک ماہ کے فیضانِ قراٰن و حدیث کورس کے اختتام پر رکنِ مرکزی مجلسِ شوریٰ حاجی محمد امین عطاری نے سنتوں بھرا بیان فرمایا۔

دورانِ بیان رکنِ شوریٰ نے اسلامی بھائیوں کو اپنی زندگی کے شب و روز نیک اعمال کرتے ہوئے گزارنے کا ذہن دیا نیز انہیں ہفتہ وار سنتوں بھرے اجتماع میں آنے اور ہر ہفتہ مدنی مذاکرہ دیکھنے کی ترغیب دلائی جس پر انہوں نے اچھی اچھی نیتوں کا اظہار کیا۔ ( کانٹینٹ: رمضان رضا عطاری )

گزشتہ روز انفارمیشن ڈیپارٹمنٹ کے ایڈیشنل سیکریٹری علی گل سنجرانی کی دیگر اسلامی بھائیوں کے ہمراہ دعوتِ اسلامی کے عالمی مدنی مرکز فیضانِ مدینہ کراچی میں آمد ہوئی۔

اس موقع پر ذمہ دار اسلامی بھائیوں نے انہیں فیضانِ مدینہ کراچی میں قائم دعوتِ اسلامی کے مختلف ڈیپارٹمنٹس کا وزٹ کروایا اور ان ڈیپارٹمنٹس کے ذریعے ہونے والے دینی کاموں کے بارے میں معلومات فراہم کیں۔

آخر میں سیکریٹری علی گل سنجرانی نے دعوتِ اسلامی کے ڈیپارٹمنٹس کے ذریعے دنیا بھر میں ہونے والے دینی و فلاحی کاموں کو سراہا اوراپنی نیک خواہشات کا اظہار کیا۔(کانٹینٹ:غیاث الدین عطاری)

دعوتِ اسلامی کی عالمی مدنی مرکز فیضانِ مدینہ کراچی میں 17 نومبر 2022ء بروز جمعرات تمام ڈیپارٹمنٹس کے ایچ او ڈیز کا مدنی مشورہ منعقد ہوا جس میں مرکزی مجلسِ شوریٰ کے رکن حاجی محمد امین عطاری نے اُن کی تربیت کی۔

17 نومبر 2022 ء کو  دعوتِ اسلامی کے عالمی مدنی مرکز فیضانِ مدینہ کراچی میں بعد نمازِ فجر امامت کورس کے عاشقانِ رسول میں سیکھنے سکھانے کا حلقہ ہوا ۔

اس موقع پر رکنِ شوریٰ حاجی محمد امین عطاری نے سنتوں بھرا بیان کیا جس میں رکنِ شوریٰ نے اسلامی بھائیوں کی دینی و اخلاقی اعتبار سے تربیت کرتے ہوئے انہیں اپنے علاقوں میں احسن انداز میں دعوت ِ اسلامی کے دینی کام کرنے کے حوالے سے نکات بتائے جس پر اسلامی بھائیوں نے نیک خواہشات کا اظہار کیا۔ ( کانٹینٹ: رمضان رضا عطاری)

12 نومبر 2022ء کو گورنر سندھ کامران خان ٹیسوری نے حکومتی وفد کے ساتھ عالمی مدنی مرکز فیضان مدینہ کراچی کا دورہ کیا جہاں دعوت اسلامی کی مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی ، رکن شوری مولانا حاجی عبد الحبیب عطاری اور دیگر ذمہ داران نے ان کا استقبال کیا۔ رکن شوریٰ حاجی عبد الحبیب عطاری نے گورنر سندھ کامران خان ٹیسوری کو فیضان مدینہ میں قائم مختلف شعبہ جات (دار الافتاء اہلسنت، اسلامک ریسرچ سینٹر (المدینۃ العلمیۃ)، مدنی چینل، فیضان آن لائن اکیڈمی، ٹرانسلیشن ڈیپارٹ،آئی ٹی) کا دورہ کروایا اور وہاں سے دنیا بھر میں ہونے والے علمی، دینی و فلاحی کاموں کے بارے میں بریفنگ دی۔ کامران خان ٹیسوری نے شعبہ جات کا وزٹ کرتے ہوئے دار الافتاء اہلسنت میں شیخ الحدیث والتفسیر مفتی محمد قاسم عطاری صاحب حفظہ اللہ اور مفتی محمد سجاد عطاری مدنی صاحب حفظہ اللہ سے ملاقات کی اور مختلف امور پر تبادلۂ خیال ہوا۔

گورنر سندھ کامران خان ٹیسوری کو بذریعہ ویڈیو دعوت اسلامی کی پریزنٹیشن دکھائی گئی جبکہ نگران شوریٰ مولانا حاجی عمران عطاری مُدَّ ظِلُّہُ العالی نے دعوت اسلامی کے شعبہ جات اور دنیا بھر میں ہونے والے دینی و فلاحی کاموں کے بارے میں بتایا۔آخر میں نگران شوریٰ نے گورنر سندھ کو ”فیضان قرآن ڈیجیٹل پین“، مکتبۃ المدینہ کی کتاب ”اے ایمان والو“ اور ”معرفۃ القرآن“ تحفے میں دی۔ اس موقع پر اراکین شوریٰ حاجی محمد امین عطاری اور حاجی محمد رفیع عطاری بھی موجود تھے۔

گورنر سندھ کامران خان ٹیسوری کا اس موقع پر کہنا تھا کہ الحمد اللہ عزوجل فیضان مدینہ کراچی کا وزٹ کرنے کا موقع ملا، بے شک دعوت اسلامی اپنے ہر شعبے میں بے مثال کام کررہی ہے، اس کے علاوہ مجھے خوشی اس بات کی ہے کہ یہاں سے بے سہارا لوگوں کی مدد بھی کی جارہی ہے۔ انہوں نے مزید کہا کہ دعوت اسلامی کا اپنے طالب علموں کو دینی علوم کے ساتھ ساتھ جدید علوم فراہم کرنا خوش آئند ہے۔ دعوت اسلامی ایک ایسا ادارہ ہے جو اپنے سے منسلک ایک ایک شخص کو مکمل ادارہ بنارہا ہے۔ کامران خان نے گفتگو کرتے ہوئے مزید کہا کہ انتہائی منظم انداز سے کام کرنے پر ہم دعوت اسلامی کو خراج تحسین پیش کرتے ہیں۔ گورنر سندھ نے اپنی گفتگو میں اس بات کا بھی اظہار کیا کہ ہم کوشش کررہے ہیں کہ صوبۂ سندھ کے تعلیمی اداروں (اسکول، کالجز) میں قرآن پاک کے ترجمہ کو نصاب میں شامل کیا جائے۔

9 نومبر 2022ء بروز بدھ ٹیلی تھون کے حوالے سے دعوتِ اسلامی کے عالمی مدنی مرکز فیضانِ مدینہ کراچی میں مدنی مشورے کا انعقاد ہوا جس میں فیضانِ مدینہ کراچی کے تمام اسٹاف نے شرکت کی۔

اس مدنی مشورے میں مرکزی مجلسِ شوریٰ کے رکن حاجی محمد امین عطاری نے اسٹاف کی تربیت و رہنمائی کرتے ہوئے انہیں مدنی پھولوں سے نوازا نیز دعوتِ اسلامی کے جملہ اخراجات کے حوالے سے شرکا کو آگاہ کیا ۔

رکنِ شوریٰ نے مختلف ڈیپارٹمنٹس کی ٹیلی تھون کے حوالے سے اب تک کی کارکردگی بیان کی اور دعوتِ اسلامی کے ذریعے دنیا بھر میں ہونے والے دینی کاموں میں مزید ترقی کے لئے تمام اسٹاف کو زیادہ سے زیادہ یونٹ جمع کرنے اور اپنے عزیز و اقاریب کو بھی اس کی ترغیب دلانےکا ذہن دیا۔

بعدازاں رکنِ شوریٰ نے تمام ڈیپارٹمنٹس کے ایچ او ڈیز کے ہمراہ مختلف اہم امور پر مشاورت کی۔واضح رہے اس موقع پر مرکزی مجلسِ شوریٰ کے رکن حاجی محمد علی عطاری موجود تھے۔(کانٹینٹ:غیاث الدین عطاری)

8نومبر 2022ء کو M.P.A غلام جیلانی نے اپنی ٹیم کے ساتھ اور K الیکٹرک کےریجنل ہیڈ عدنان نے اپنے عہدیداران کے ساتھ عالمی مدنی مرکز فیضان مدینہ کراچی کا دورہ کیا جہاں شعبہ رابطہ برائے شخصیات کے ذمہ داران نے انہیں خوش آمدید کہا۔

ان شخصیات کو فیضان مدینہ میں قائم مختلف شعبہ جات اسلامک ریسرچ سینٹر (المدینۃ العلمیہ)، ٹرانسلیشن ڈیپارٹ، مدنی چینل، فیضان آن لائن اکیڈمی اور دیگر ڈیپارٹمنٹس کا وزٹ کروایا اور وہاں ہونے والے دینی کاموں کی اپڈیٹس فراہم کیں۔

آخر میں مہمانوں نے دعوت اسلامی کے جملہ کاموں کو سراہا اور نیک خواہشات کا اظہار کیا۔

دعوت اسلامی کے تحت گزشتہ سالوں کی طرح اس سال بھی”یوم غوث اعظم رحمۃُ اللہِ علیہ“ کی مناسبت سے بڑی گیارہویں شریف نہایت عقیدت و احترام سے منائی گئی۔

اسی سلسلے میں 06 نومبر 2022ء کو کراچی سمیت پاکستان کے مختلف شہروں اور دنیا کے کئی ممالک میں عظیم الشان ”اجتماع غوثیہ“ کا انعقاد کیا گیا جس میں لاکھوں عاشقان اولیاء شریک ہوئے۔

گیارہویں شریف کا مرکزی اجتماع عالمی مدنی مرکز فیضان مدینہ کراچی میں ہوا جبکہ کراچی کے علاقے قائد آباد اور گلشن حدید میں بھی اجتماعات منعقد ہوئے ۔ فیضان مدینہ کراچی میں اجتماع سے قبل جلوس غوثیہ کا سلسلہ ہوا جس میں شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ کے ساتھ دیگر عاشقان رسول شریک ہوئے۔

اجتماع غوثیہ کا باقاعدہ آغاز تلاوت قرآن مجید سے ہوا جبکہ نعت خواں اسلامی بھائیوں نے شان غوث پاک رحمۃُ اللہِ علیہ میں منقبتیں پڑھیں جسے سن کر عاشقان اولیاء جھوم اٹھے۔گیارہویں شریف کی مناسبت سے ہونے والے مرکزی اجتماع سے امیر اہلسنت علامہ محمد الیاس عطار قادری دامت بَرَکَاتُہمُ العالیہ نے مدنی مذاکرے میں سیرت غوث الاعظم رحمۃُ اللہِ علیہ پر گفتگو کرنے کے ساتھ ساتھ عاشقان رسول کو نماز کی پابندی، داڑھی اور عمامہ شریف سجانے کی ترغیب دلائی۔

نگرا ن شوریٰ مولانا حاجی محمد عمران عطاری مُدَّ ظِلُّہُ العالی نے فیضان مدینہ کراچی میں گیارہویں شریف کی مناسبت سے منعقد ہونے والے اجتماع سے اپنے مخصوص انداز میں سیرت ”غوث الاعظم رحمۃُ اللہِ علیہ “پر بیان کرتے ہوئے شرکا کو نماز کی پابندی کرنے کے ساتھ ساتھ علم دین حاصل کرنے کی ترغیب دلاتے ہوئے فرمایا کہ کاش ہر گھر میں ایک عالم ہو اور عالم بننے کے لئے کوئی عمر نہیں ، آج ہم فکر دنیا میں آخرت کو بھول بیٹھے ہیں ، ہمیں روز مرہ کی چیزوں کی فکر تو رہتی ہے لیکن قبر کی فکر نہیں۔

صلوۃ و سلام اور دعا پر پُر رونق محفل کا اختتام ہوا۔

لوگوں کو بزرگانِ دین کی تعلیمات سے آگاہ کرنے والی عاشقانِ رسول کی دینی تحریک دعوتِ اسلامی کے زیرِا ہتمام گیارہویں شریف کے حوالے سے مدنی مذاکروں کا سلسلہ جاری ہے۔

ان مدنی مذاکروں میں وقتاً فوقتاً3 دن کے لئے عاشقانِ رسول پاکستان کے مختلف شہروں سے سفر کر کے عالمی مدنی مرکز فیضانِ مدینہ کراچی آرہے ہیں جہاں اُن کی تربیت کے لئے مبلغینِ دعوتِ اسلامی و اراکینِ مرکزی مجلسِ شوریٰ کے سنتوں بھرے بیانات بھی ہو رہے ہیں۔

معلومات کے مطابق 4 نومبر 2022ء بروز جمعہ 3 دن کے لئے کم و بیش 3 ہزار 400 عاشقانِ رسول مختلف شہروں سے سفر کرکے عالمی مدنی مرکز فیضانِ مدینہ کراچی پہنچے جس میں نواب شاہ ڈویژن کے 2 ہزار 500، لاڑکانہ ڈویژن کے 600 اور سکھر ڈویژن کے 300 اسلامی بھائی شامل ہیں۔(کانٹینٹ:غیاث الدین عطاری) 

3 نومبر 2022ء کو عالمی مدنی مرکز فیضان مدینہ کراچی میں ڈاکٹر جون کونکوروہاڈیننگراٹ (قونصل جنرل انڈونیشیا)، Mr. Arie poluzzi (قونصل برائے اطلاعات و سماجی و ثقافتی امور انڈونیشیا) اور علی نور (سیکرٹری برائے قونصل جنرل انڈونیشیا) کی آمد ہوئی جہاں انڈونیشیا کے اسلامی بھائی اور ذمہ داران دعوت اسلامی نے استقبال کیا اور خوش آمدید کہا۔

شخصیات نے عالمی مدنی مرکز میں دعوت اسلامی کی مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی اور رکن شوریٰ حاجی محمد اطہر عطاری سے ملاقات کی۔

مہمانوں کو فیضان مدینہ میں قائم اسلامک ریسرچ سینٹر (المدینۃ العلمیہ)، سوشل میڈیا ، مدنی چینل، ٹرانسلیشن اور مختلف ڈیپارٹمنٹ کا وزٹ کروایا گیا وہاں ہونے والے ایکٹیویز کے بارے میں بریفنگ دی گئی۔ اس کے علاوہ انہیں بذریعہ ویڈیو دعوت اسلامی کی پریزنٹیشن دکھائی گئی اور دنیا بھر میں ہونے والی دینی وفلاحی کاموں کے بارے میں معلومات فراہم کی گئی۔