شیخ طریقت امیر اہل سنت دَامَتْ بَرَکَاتُہُمُ الْعَالِیَہ نے جسم کے مختلف اعضاء بالخصوص زبان اور نگاہ کو گناہوں اور فضولیات سے بچانے کے عظیم جذبے کے تحت یوم قفل مدینہ کی دینی تحریک کا آغاز فرمایاچنانچہ اسی سلسلے میں مئی 2021ء کی پہلی پیر شریف کو اسپین (Spain) کے ڈویژن بارسلونا (Barcelona) اور بادالونا (Badalona) کے مختلف شہروں میں یوم قفل منایا گیا جس میں اَلْحَمْدُ لِلّٰہِ عَزَّ وَجَلَّ! 141 اسلامی بہنوں نے رسالہ خاموش شہزادہ کا مطالعہ کیا اور 68 اسلامی بہنوں نے کم و بیش 25 گھنٹے کا قفل مدینہ لگانے کی سعادت حاصل کی جبکہ 9 اسلامی بہنوں نے ایام قفل منانے کی سعادت حاصل کی۔

دعوتِ اسلامی کے زیرِ اہتمام مئی 2021ء  کے دوسرے ہفتے اسپین کے ڈویژن بارسلونا (Barcelona) کے کئی علاقوں میں سنتوں بھرے اجتماعات کا انعقاد کیا گیا جن میں مونتقادہ (Montcada)، ترینیتات (Trinitat)، بئیر امات (Virrei Amaat) اور کورنییا (Cornella) وغیرہ شامل ہیں۔ان اجتماعات میں کم و بیش73 اسلامی بہنوں نے شرکت کی۔

مبلغاتِ دعوتِ اسلامی نے”علمِ دین کے فضائل“ کے موضوع پر بیانات کئے اور اجتماعات میں شریک اسلامی بہنوں کو دعوتِ اسلامی کے دینی کاموں سے متعلق آگاہی فراہم کرتے ہوئے دعوتِ اسلامی کے دینی ماحول سے وابستہ رہنے، ہفتہ وار اجتماع میں شرکت کرنے اور دینی کاموں میں حصہ لینے کی ترغیب دلائی۔

دعوتِ اسلامی کے زیرِ اہتمام گزشتہ دنوں ہالینڈ  میں بذریعہ اسکائپ سنتوں بھرے اجتماع کا انعقاد کیا گیا جس میں روٹرڈیم (Rotterdam) اور دينحگ (Den Haag) کی تقریبا 10 اسلامی بہنوں نے شرکت کی۔

مبلغۂ دعوت اسلامی نے مقامی زبان ڈچ (Dutch) میں ”قبر کا عذاب“ کے موضوع پر بیان کرتے ہوئے اجتماعِ پاک میں شریک اسلامی بہنوں آخرت کی تیاری کرنےکا ذہن دیا نیز ماہ رمضان کے آخری دنوں میں زیادہ سے زیادہ عبادت کرنے کی ترغیب دلائی۔

گزشتہ ہفتے دعوت اسلامی کے زیراہتمام یوکے برمنگھم ریجن ویسٹ مڈلینڈز (West Midlands) اور ایسٹ برمنگھم(East Birmingham) کابینہ میں سنتوں بھرے اجتماعات کا انعقاد کیا گیاجن میں کم وبیش 704 اسلامی بہنوں نے شرکت کی۔

مبلغاتِ دعوتِ اسلامی نے سنتوں بھرے بیانات کئے اور اجتماعات میں شریک اسلامی بہنوں کو دعوتِ اسلامی کے دینی کاموں سے متعلق آگاہی فراہم کرتے ہوئے دعوتِ اسلامی کے دینی ماحول سے وابستہ رہنے، ہفتہ وار اجتماع میں شرکت کرنے اور دینی کاموں میں حصہ لینے کی ترغیب دلائی۔

 دعوتِ اسلامی کے شعبہ شارٹ کورسز کے زیرِ اہتمام ماہِ رمضان المبارک1442ھ میں یوکے برمنگھم ریجن ویسٹ مڈلینڈز(West Midlands ) میں 5 مقامات پر کورس ”فیضانِ تلاوت قراٰن “ کا انعقاد کیا گیاجن میں کم و بیش 226 اسلامی بہنوں نے شرکت کی۔

اس کورس میں اسلامی بہنوں کےلئے رمضان المبارک کی برکتوں کو حاصل کرنے کےلئے 20 دن میں مکمل قراٰن پاک سننے کی سعادت حاصل ہوئی۔ اس کورس کا روازانہ کا دورانیہ 1 گھنٹہ 30 منٹ تھا۔

کورس میں روزانہ ڈیڑھ پارے کی تلاوت سننے کے ساتھ ساتھ قراٰنی واقعات، صراط الجنان سے متفرق سورتوں کا تعارف اور رمضان المبارک میں پڑھے جانے والے مخصوص اذکار و دعائیں وغیرہ سیکھنے کا سلسلہ ہوا۔ 

دعوت اسلامی کے شعبہ علاقائی دورہ کے زیر اہتمام گزشتہ دنوں یوکے لندن ریجن  کے علاقے ٹوٹنگ(Tooting) میں فون کے ذریعے نیکی کی دعوت کا سلسلہ ہوا جس میں 4اسلامی بہنوں نے شرکت کی۔

شرکت کرنے والی ذمہ دار اسلامی بہنوں نے مقامی اسلامی بہنوں کو نیکی کی دعوت پیش کی اور دعوتِ اسلامی کے دینی کاموں سے متعلق آگاہی فراہم کرتے ہوئے دعوتِ اسلامی کے دینی ماحول سے وابستہ ہونے، ہفتہ وار اجتماع میں شرکت کرنے اور دینی کاموں میں حصہ لینے کی ترغیب دلائی۔

دعوتِ اسلامی کے شعبہ اصلاحِ اعمال للبنات کے زیرِ اہتمام گزشتہ دنوں  یوکے کے شہرچشم (Chesham)میں اصلاح اعمال اجتماع کا انعقاد کیا گیا جس میں 40اسلامی بہنوں نے شرکت کی۔

مبلغۂ دعوتِ اسلامی نے اسکائپ کے ذریعے سنتوں بھرا بیان کیا اور اجتماعِ پاک میں شریک اسلامی بہنوں کورسالہ نیک اعمال سے متعلق تفصیلات بریف کرتے ہوئے آسانی کے ساتھ نیک اعمال پر عمل کرنے کے طریقے بیان کئے نیز عاملات نیک اعمال بننے کا ذہن دیا۔

دعوتِ اسلامی کے شعبہ اصلاحِ اعمال للبنات کے زیرِ اہتمام گزشتہ دنوں  یوکے کے شہر سینڈول اور بلیک کنٹری(Sandwell and Black Country) میں اصلاح اعمال اجتماعات کا انعقاد کیا گیا جن میں 22 اسلامی بہنوں نے شرکت کی۔

مبلغاتِ دعوتِ اسلامی نے سنتوں بھرے بیانات کئے اور اجتماعات میں شریک اسلامی بہنوں کو رسالہ نیک اعمال کے بارے میں معلومات فراہم کرتے ہوئے اپنے اعمال کا روزانہ جائزہ لینے اور عاملاتِ نیک اعمال بننے کا ذہن دیا۔

دعوت اسلامی کے زیر اہتمام گزشتہ دنوں یوکے لندن ریجن  سلاؤ (Slough) کابینہ کی ذمہ دار اسلامی بہنوں کا مدنی مشورہ ہوا جس میں ڈویژن نگران اسلامی بہنوں نے شرکت کی۔

سلاؤ کابینہ نگران اسلامی بہن نے مدنی مشورے میں شریک اسلامی بہنوں کی کارکردگی کاجائزہ لیتے ہوئے تربیت کی اور اچھی کارکردگی پر حوصلہ افزائی کی نیز دینی کاموں کو مزید بڑھانے کا ذہن دیا۔ 

 دعوتِ اسلامی کے شعبہ شارٹ کورسز کے زیرِ اہتمام گزشتہ دنوں بریڈفورڈ(Bradford) ریجن میں ذمہ دار اسلامی بہنوں کا بذریعہ اسکائپ مدنی مشورہ ہوا جس میں بریڈفورڈ شارٹ کورسز ریجن کی کابینہ مشاورت نگران اسلامی بہنوں نے شرکت کی۔

بریڈفورڈ شارٹ کورسز ریجن ذمہ دار اسلامی بہن نے مدنی مشورے میں شریک اسلامی بہنوں کی کارکردگی کاجائزہ لیتے ہوئے تربیت کی اور کس طریقے سے کورسز کے لنکس کو بہتر بنایا جاسکتا ہے اس حوالے سے مشاورت کی۔

ہفتہ وار مدنی مذاکرے میں امیر اہلِ سنت دَامَتْ بَرَکَاتُہُمُ الْعَالِیَہ کسی ایک مدنی رسالے کے مطالعے کی ترغیب ارشاد فرماتے ہیں اور رسالہ پڑھنے اور سننے والوں کو اپنی دعاؤں سے بھی نوازتے ہیں۔ مطالعہ کرنے یا سننے والے خوش نصیبوں کی کارکردگی امیر اہل ِسنت دَامَتْ بَرَکَاتُہُمُ الْعَالِیَہ کی بارگاہ میں پیش بھی کی جاتی ہے۔

پچھلے ہفتے امیر اہل ِسنت دَامَتْ بَرَکَاتُہُمُ الْعَالِیَہ نے رسالہ”میٹھی عید اور میٹھی باتیں“ پڑھنے یا سننے کی ترغیب دلائی۔

اسی سلسلے میں یوکے کے مانچسٹر ریجن سے 4ہزار411 ، لندن ریجن سے 2ہزار10، بریڈ فورڈ ریجن سے 4ہزار623، برمنگھم ریجن سے 6ہزار399، آئرلینڈ سے 70 اور اسکاٹ لینڈ ریجن سے 480 اسلامی بہنوں نے پڑھنے یا سننے کی سعادت حاصل کی، مجموعی طور پر تقریبًا 17ہزار993 بار رسالہ ”میٹھی عید اور میٹھی باتیں“ پڑھا یا سنا گیا۔

نیکی کی دعوت کو عام کرنے کے جذبے کے تحت گزشتہ  ہفتے یوکے میں ہونے والے اسلامی بہنوں کے دینی کاموں کی چند جھلکیاں ملاحظہ فرمائیے:

436اسلامی بہنوں نے روزانہ ایک پارہ پڑھنے کی سعادت حاصل کی۔

399اسلامی بہنوں نے روزانہ آدھا پارہ پڑھنے کی سعادت حاصل کی۔

392اسلامی بہنوں نے روزانہ گھر درس دیا۔

1ہزار273 اسلامی بہنوں نے 313 درودپاک روزانہ پڑھے۔

777 اسلامی بہنوں نے 1200 درودپاک روزانہ پڑھے۔

434 اسلامی بہنوں نے 12 منٹ روزانہ مطالعہ کیا۔