شعبہ مدنی کورسز دعوتِ اسلامی کے زیرِ اہتمام جامع مسجد خیر الوریٰ،گدائی چونگی ڈیرہ غازی خان میں 4 تا 15  جون 2023 ء 12 دن پر مشتمل معلم کورس منعقد ہوا جس میں 13 اسلامی بھائیوں نے شرکت کی۔

ذمہ داراسلامی بھائی نے شرکا کو فرض علوم کورسز کروانے کے حوالے سے تربیت کی اورکورس کا پیٹرن و نصاب سمجھایا نیز کورس کے عاشقانِ رسول نے شیڈول کی پابندی کرتے ہوئے تہجد،اشراق و چاشت،اوابین اور صلوةُ التوبہ سمیت مکمل جدول نیک اعمال کے مطابق گزارا۔

مزید روزانہ 7 مساجد کے اطراف میں فجر کیلئے جگانے کا سلسلہ ہوا اور شرکا نے علاقائی دورے بھی کئے جن میں مقامی لوگوں کو ہفتہ وار اجتماع اور مدنی مذاکرے میں شرکت کی دعوتیں دیں ۔)رپورٹ : احمد سیالوی ،کانٹینٹ:رمضان رضا عطاری)

18،17،16  جون 2023ء بروز جمعہ ، ہفتہ ، اتوار فیضانِ مدینہ بریڈ فورڈ (یوکے) میں تین دن کا روحانی علاج کورس ہواجس میں یوکے کے عاشقانِ رسول نے شرکت کی ۔

معلم تصور حسین عطاری (شعبہ روحانی علاج یوکے) نے کورس میں شریک اسلامی بھائیوں کو تعویذات عطاریہ لکھنے کے حوالے سے آن لائن مختلف امور پر تربیت و رہنمائی کی۔ علاوہ ازیں دم کرنے اور کاٹ کرنے والے عمل کرنے کا طریقہ سمجھایانیز اس کی احتیاطیں بھی بتائی ۔ ساتھ ہی ساتھ 12 دینی کاموں کو کرنے کا ذہن دیا اور غمخواری اُمّت کا جذبہ دلایا۔(رپورٹ: سمیر علی آفس ذمہ دار،کانٹینٹ:رمضان رضا عطاری)

دنیا بھر میں قرآن و سنت  کی تعلیمات عام کرنے والی عاشقانِ رسول کی دینی تحریک دعوتِ اسلامی کی جانب سے ملتان میں قائم مدنی مرکز فیضانِ مدینہ میں مدنی مشورہ ہوا جس میں مدارس المدینہ شارٹ ٹائم کے ناظمین نے شرکت کی ۔

ڈویژن ذمہ دارمحمد سادات عطاری نے مدنی مشورے میں شریک اسلامی بھائیوں کو 12دینی کاموں میں اضافہ کرنے، اجتماعی قربانی اور قربانی کی کھالوں کو جمع کرنے کے متعلق رہنمائی کی نیز طلبۂ و اساتذہ کو 12دینی کاموں کی مختلف تنظیمی ذمہ داریاں دینے کے ساتھ ہی بڑے طلبہ و اساتذہ کے مساجد میں مدارس المدینہ بالغان لگانے پر گفتگو ہوئی جس پر اسلامی بھائیوں نے اچھی اچھی نیتیں کیں۔(رپورٹ: قمر عطاری مجلس کارکردگی ،کانٹینٹ:رمضان رضا عطاری)

دعوتِ اسلامی  کے شعبہ اصلاح اعمال کے زیرِ اہتمام 16جون 2023ء بروز جمعہ مدنی مرکز فیضانِ مدینہ ملتان میں مدنی مشورے کا انعقاد ہوا جس میں شعبہ اصلاح اعمال ملتان ڈویژن کے ڈسٹرکٹ ذمہ داران نے شرکت کی ۔

سرکاری ڈویژن نگران محمد سادات عطاری نے ذمہ داران کو ماہ ذوالحجہ الحرام میں امیر اہل ِسنت دامت برکاتہم العالیہ کے فرمان پر عمل کرتے ہوئے روزوں کی تحریک چلانے اور خود اس میں حصہ لینے کا ذہن دیا۔

مزید ڈویژن بھر میں سحری اجتماعات اور تہجد اجتماعات منعقد کرنے،نیک اعمال کے رسالوں کی تقسیم کاری کو بڑھانے اور اجتماعی قربانی اور قربانی کی کھالیں جمع کرنے کےاہداف طے ہوئے جبکہ 20جولائی 2023ء کو ملتان ڈویژن سے ایک ماہ کے مدنی قافلے سفر کروانے کے لئے بھر پور کوشش کرنے کی ترغیب بھی دلائی گئی ۔(رپورٹ: قمر عطاری مجلس کارکردگی ،کانٹینٹ:رمضان رضا عطاری)

16جون 2023ء  بروز جمعہ مدنی مرکز فیضان مدینہ ملتان میں شعبہ مدرسۃُ المدینہ گرلز اور جامعۃُ المدینہ گرلز کے ذمہ داران کا مدنی مشورہ ہوا جس میں ملتان ڈویژن کے ڈسٹرکٹ ذمہ داران نے بھی شرکت کی۔

مدنی مشورے میں ڈویژن نگران محمد سادات عطاری نے12دینی کاموں کو بڑھانے کا ذہن دیا۔اجتماعی قربانی اور قربانی کی کھالوں کو جمع کرنے کےحوالے سے اپڈیٹس نکات بتائے۔

مزید20 جولائی2023ء کو ملتان ڈویژن سے ایک ماہ کے مدنی قافلوں کے حوالے سے کوشش کرنے کی ترغیبات دیں اور ماہانہ بنیاد پر ماتحت شعبے کو خود کفیل کرنے کا ہدف دیا۔ سو فیصد مدارس پر مقامی مجالس کے ذمہ داران مقرر کرنے اور ان کو 12 دینی کاموں کے ساتھ ساتھ مدرسۃ المدینہ کے انتظامی معاملات کو بھی مکمل کرنے پر مدنی پھو ل دیئے۔(رپورٹ: قمر عطاری مجلس کارکردگی ،کانٹینٹ:رمضان رضا عطاری)

عاشقانِ رسول کی دینی تحریک دعوتِ اسلامی  کی جانب سے 15جون بروز جمعرات 2023ء کو مدنی مرکز فیضانِ مدینہ انصاری چوک ملتان میں ہفتہ وار اجتماع کا انعقاد ہوا جس میں شہر کے ذمہ دارانِ دعوت اسلامی اور مختلف شعبہ ہائے زندگی سے تعلق رکھنے والی سیاسی و سماجی شخصیات کی شرکت ہوئی۔

ملتان ڈویژن نگران محمد سادات عطاری نے ’’کعبۃُ اللہ المشرفہ کی برکتیں اور اسکے فضائل ‘‘ کے موضوع پر بیان کیا جس میں شرکا کو اس کی تعمیرات کتنی بار ہوئیں،حرمین میں گناہ سے نہ بچنے کے نقصانات ، طواف کیسے شروع ہوا اور فجر کے لئے جگانے کی برکتیں سمیت صلح کے فضائل و آداب بیان کئے ۔

اس کے علاوہ حج و عمرہ موبائل ایپ کا تعارف کروایا جس پر حاضرین نے اچھی اچھی نیتیں کیں۔ذکر،دعااور صلوۃ و سلام پر اجتماع پاک کااختتام ہوا۔(رپورٹ: قمر عطاری مجلس کارکردگی ،کانٹینٹ:رمضان رضا عطاری)

عاشقانِ رسول کی دینی تحریک دعوتِ اسلامی کے تحت پچھلے دنوں سیکٹر جی 11 اسلام آباد کے مدنی مرکز فیضانِ مدینہ سے 3 دن کا مدنی قافلہ راہِ خدا عزوجل کے سفر پر روانہ ہوا جس میں اسپیشل پرسنز (گونگے، بہرے اور افراد) سمیت دیگر اسلامی بھائی شریک ہوئے۔

معلومات کے مطابق مدنی قافلے کی روانگی سے پہلے اسلامی بھائیوں کے درمیان سیکھنے سکھانے کا حلقہ لگایا گیا جس میں مبلغِ دعوتِ اسلامی جنید عطاری نے سنتوں بھرا بیان کیا۔

18 جون 2023ء بروز اتوار عاشقانِ رسول کی دینی تحریک دعوتِ اسلامی کے تحت شعبہ رابطہ بالعلماء کے ذمہ دار اسلامی بھائیوں نےآدم ٹاؤن میرپور خاص میں واقع دارالعلوم اہلسنت رضویہ کا دورہ کیا۔

اس دوران صوبائی ذمہ دار مولانا محب عطاری مدنی نے دارالعلوم کے مہتممِ اعلیٰ، اساتذۂ کرام اور طلبۂ کرام سے ملاقات کی اور اُن کے درمیان سیکھنے سکھانے کا حلقہ لگایا۔

دورانِ حلقہ صوبائی ذمہ دار نے سنتوں بھرا بیان کرتے ہوئے حاضرین کو دعوتِ اسلامی کے ہفتہ وار سنتوں بھرے اجتماع میں شرکت کرنے اور نیک اعمال کرنے کی ترغیب دلائی۔

نیوپورٹ ویلز UK میں دعوتِ اسلامی کے نئے مدنی مرکز فیضانِ مدینہ کی تعمیرات کے سلسلے میں پچھلے دنوں ایک میٹنگ ہوئی جس میں مدنی مرکز فیضانِ مدینہ کی انتظامیہ اور تعمیراتی ٹیم کے اسلامی بھائی شریک ہوئے۔

اس موقع پر ویلز یوکے کے نگران سیّد فضیل رضا عطاری نے اسلامی بھائیوں سے مختلف موضوعات پر گفتگو کرتے ہوئے تعمیراتی کام کو جلد از جلد مکمل کرنے اور دعوتِ اسلامی کے دینی کاموں کے حوالے سے اہم نکات پر تبادلۂ خیال کیا۔(کانٹینٹ:غیاث الدین عطاری)

علمِ دین سکھانےاور لوگوں کی دینی، اخلاقی و تنظیمی تربیت کرنے والی عاشقانِ رسول کی دینی تحریک دعوتِ اسلامی کے تحت 28ذیقعدۃالحرام 1444ھ بمطابق 17 جون 2023ء بروز ہفتہ کی شب عالمی مدنی مرکز فیضانِ مدینہ کراچی میں مدنی مذاکرے کا انعقاد کیا گیا۔

معمول کے مطابق تلاوتِ قراٰن و نعتِ رسولِ مقبول صلی اللہ علیہ و سلم کے بعد ملک و بیرونِ ملک کے عاشقانِ رسول کی جانب سے امیرِ اہلِ سنت حضرت علامہ مولانا ابوبلال محمد الیاس عطار قادری ضیائی دامت بَرَکَاتُہمُ العالیہ سے مختلف سولات ہوئے جن کے آپ دامت بَرَکَاتُہمُ العالیہ نے علم و حکمت بھرے جوابات ارشاد فرمائے۔ان میں سے بعض درج ذیل ہیں:

سوال: بندہ اپنے نفس کو کیسے پہچانے؟

جواب:حضرت یحییٰ معاذرازی رحمۃ اللہ علیہ فرماتے ہیں:جس نے اپنے نفس کو پہچانا اس نے اپنے ربّ کو پہچانا۔نفس کو پہچاننے سے مرادیہ ہے کہ اپنی ذات میں پائی جانے والی کمی، کوتاہی اور زندگی گزارنے میں چیزوں میں محتاج رہنے پر نظرکرے ، اس کے برعکس اللہ پاک ان تمام خامیوں، کمزوریوں ،کمی ،کوتاہی سے پاک ہے اورکسی کا محتاج نہیں بلکہ سب اس کے رحم وکرم کے محتاج ہیں ۔بس یہ غورکرکے اپنی کمزوری وکوتاہی اور اپنی محتاجی پر نظررکھےاوریوں اپنے نفس کو پہچانے کہ مَیں تو کچھ بھی نہیں ہوں،بہت کمزور اور ناتواں ہوں مگرمیراربّ قادرِمطلق ہے ۔

سوال:اتنا زیادہ سوچنا کہ جس سے دماغ پر بوجھ پڑے،ا س سے کیسے بچا جائے؟

جواب:جب زیادہ سوچ بِچار اور پریشان کن خیالات کا سلسلہ ہوتاہے جس میں منفی(Negative)سوچیں آتی ہیں اوربندے پرحاوی ہوجاتی ہیں تو بندہ کسی معاملے کےبُرے نتیجے کے بارے میں سوچنے لگتاہے۔حالانکہ اس کے سامنے وہ نتیجہ ہوتا نہیں۔جب بندہ اپنی سوچوں کو قابونہیں کرتاتو وہ ذہنی مریض بھی بن سکتاہے ۔کھوٹی کھوٹی سوچیں بندے کوڈبودیتی ہیں ۔اس لئے اچھی باتیں سوچنی چاہئیں۔منفی(Negative) نہ سوچیں ،اللہ پاک کی رحمت پرنظررکھیں ، منفی سوچوں کو اچھی سوچوں میں بدل دیں ،منفی سوچوں سے توجہ ہٹائیں ،مدینہ شریف کی یادوں میں مگن ہوجائیں۔کبھی تصورمیں طواف کریں تو کبھی بارگاہِ رسالت میں حاضری کا تصورکریں ۔اس طرح اچھی اچھی سوچیں لائیں تو اس کے نتائج بھی اچھے ہوں گے۔جب منفی سوچیں آئیں تو اچھے اورنیکی کے کاموں میں مصروف ہوجائیں۔کلمہ شریف، درودِپاک اور دیگر اذکار میں مصروف ہوجائیں، اس سے پاکیزگی حاصل ہوگی، دل بھی صاف ہوگااور مدینہ مدینہ ہوجائے گا۔اِنْ شاۤءَ اللہُ الکریم

سوال: دعوتِ اسلامی کے" رابطہ برائے ٹرانسپورٹ ڈیپارٹمنٹ "کے بارے میں امیرِاہلِ سنت دامت برکاتہم العالیہ نے کیا ارشاد فرمایا؟

جواب : اَلْحَمْدُللہ !یہ شعبہ بھی کافی آگےبڑھ رہا ہے، یہاں تک کہ لاری اڈّوں وغیرہ پر جائے نمازبھی بن رہی ہیں ،اللہ پاک برکت دے ،خوشی ہوئی ۔

سوال: حاجی حج کرنے کے لئے حرمینِ طیبین کے لئے روانہ ہوچکے ہیں ، جواس سال نہیں جا سکے، ان کی کیاکیفیت ہونی چاہیئے ؟

جواب: بس حسرت آتی ہے،اللہ پاک ہمیں بھی پہنچادے ۔جس کو حسرت ہو،دل میں افسوس کی کیفیت ہوکہ کاش!!! میں بھی حج کے لئے جاتاتو یہ بھی ثواب کاکام ہے ۔یہ اچھی سوچیں اورخیالات ہیں اورہونے بھی چاہئیں ۔اللہ پاک نصیب فرمائے ۔

سوال: اِس ہفتے کارِسالہ ” امیر اہلسنت کے 150 ارشادات “ پڑھنے یاسُننے والوں کوجانشینِ امیراہل سنت مدظلہ العالی نے کیا دُعا دی ؟

14 جون 2023ء کو دعوت اسلامی کے عالمی مدنی مرکز فیضان مدینہ کراچی میں شعبہ جامعۃ المدینہ کے تحت سنتوں بھرے اجتماع کا انعقاد کیا گیا جس میں رکن شوریٰ حاجی محمد علی عطاری، شعبہ جامعۃ المدینہ کے ذمہ داران سمیت اساتذۂ کرام نے شرکت کی جبکہ ملک کے دیگر شہروں میں کئی مقامات پر  اساتذۂ کرام اور معلمات بذریعہ آڈیو /ویڈیو لنک شریک ہوئے۔

مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی نے سنتوں بھرا بیان کیا اور شرکا کو معاشرے کی تباہی کا سبب بننی والی بےحیائی اور فحاشی سے متعلق توجہ دلاتے ہوئے ان سے بچنے اور دوسروں کو بچانے کا ذہن دیا۔نگران شوریٰ نے اساتذۂ کرام اور طلبہ کو اس کی روک تھام میں اپنا کردار اداکرنے کی ترغیب دلائی۔

آخر میں نگران شوریٰ نے اچھی کارکردگی پر اساتذۂ کرام کو سرٹیفکیٹ بھی دیا۔ 

پچھلے دنوں دعوت اسلامی کے عالمی مدنی مرکز فیضان مدینہ میں کراچی سٹی مشاورت کے  اسلامی بھائیوں کا مدنی مشورہ ہوا جس میں اراکین شوریٰ حاجی محمد علی عطاری، حاجی فضیل رضا عطاری، ڈسٹرکٹ، ٹاؤن اور یوسی سطح کے ذمہ داراسلامی بھائیوں نے شرکت کی۔

مدنی مشورے میں نگران شوریٰ مولاناحاجی محمد عمران عطاری مُدَّ ظِلُّہُ العالی نے نیک اعمال کرنے سے متعلق گفتگو کرتے ہوئے فرمایا کہ نیک اعمال آخرت کے ساتھ دنیا میں بھی کام آئیں گے۔ وقت کی قدر سے متعلق بیان کرتے ہوئے نگران شوریٰ نے فرمایا کہ جو وقت آکر گزر چکا وہ اب کسی صورت واپس نہیں آئے گا لہذا وقت کی قدر کرتے ہوئے ذکر و اذکار اور نیک اعمال کو اپنی زندگی کا معمول بنائیں۔

بچوں کی تربیت کے حوالے سے نگران شوریٰ کا کہنا تھا کہ قابل رشک ہیں وہ والدین جن کابیٹا حافظ بھی ہو عالم بھی ہو اور مفتی بھی ہو، لہذا اپنے بچوں کو نمازکی تلقین کریں اور خود بھی قرآن سیکھ کر دوسروں کو بھی اس کی تعلیم دیں۔ اس کے علاوہ نگران شوریٰ نے ذمہ داران کو شعبہ مدنی کورسز کے تحت ہونے والے مختلف دینی کورسز کرنے کی ترغیب دلائی ۔