اللہ پاک نے اپنے تمام نبیوں اور رسولوں کو بہت سی صفات سے نوازا ہے، جیسا کہ پچھلی مرتبہ قراٰن مجید کی روشنی حضرت نوح علیہ السّلام کی صفات بیان ہوئیں تو اس مرتبہ حضرت زکریا علیہ السّلام کی وہ صفات جن کا ذکر قراٰنِ کریم میں ہے، انہیں بیان کیا جائے گا۔ اللہ پاک حضرت زکریا علیہ السّلام کی صفات کو بیان کرتے ہوئے ارشاد فرماتا ہے : فَاسْتَجَبْنَا لَهٗ٘-وَ وَهَبْنَا لَهٗ یَحْیٰى وَ اَصْلَحْنَا لَهٗ زَوْجَهٗؕ-اِنَّهُمْ كَانُوْا یُسٰرِعُوْنَ فِی الْخَیْرٰتِ وَ یَدْعُوْنَنَا رَغَبًا وَّ رَهَبًاؕ-وَ كَانُوْا لَنَا خٰشِعِیْنَ(۹۰) ترجَمۂ کنزُالایمان: تو ہم نے اس کی دعا قبول کی اور اُسے یحیی عطا فرمایا اور اس کے لیے اس کی بی بی سنواری بےشک وہ بھلے کاموں میں جلدی کرتے تھے اور ہمیں پکارتے تھے امید اور خوف سے اور ہمارے حضور گڑگڑاتے ہیں۔(پ17، الانبیآء:90)اس آیتِ مبارکہ میں اللہ پاک نے حضرت زکریا علیہ السّلام پر اپنا انعام عطا کرنے کا ذکر فرمایا ہے کہ اس سے پچھلی آیت میں حضرت زکریا علیہ السّلام نے اللہ پاک سے اولاد کی دعا کی تو اللہ پاک نے حضرت زکریا علیہ السّلام اور انکی زوجہ کو بڑی عمر میں اولاد پیدا کرنے کے قابل بنایا اور حضرت زکریا علیہ السّلام کو حضرت یحییٰ علیہ السّلام عطا فرمائے۔ اور ساتھ ہی حضرت زکریا علیہ السّلام کی ان تین صفات کا ذکر فرمایا ہے کہ جن صفات کی بدولت اللہ پاک انبیائے کرام علیہم السّلام کی دعاؤں کو قبول فرماتا ہے۔ وہ تین صفات یہ ہیں کہ : آپ علیہ السّلام نیکی کے کاموں میں جلدی فرمانے والے ہیں، امید اور خوف دونوں کے ساتھ رب کریم کی بارگاہ میں مناجات پیش کرنے والے ہیں، اور اللہ پاک کے سامنے عاجزی و انکساری اختیار کرنے والے ہیں۔

آپ علیہ السّلام نیکیوں میں جلدی فرمانے والے ایسے ہیں کہ جب حضرت مریم رضی اللہ عنہا کی کفالت کا ذمہ اٹھانے کا وقت آیا تو آپ علیہ السّلام نے فوراً اس کام کو کرنے کی تمنا کا اظہار فرمایا اور قرعہ اندازی کے بعد آپ علیہ السّلام کو یہ شرف حاصل ہوا اور اسی طرح جب آپ علیہ السّلام کو حضرت مریم رضی اللہ عنہا کے حجرے میں معلوم ہوا کہ اللہ پاک بے موسم پھلوں سے حضرت مریم رضی اللہ عنہا کو نواز رہا ہے، تو ادھر ہی بغیر تاخیر کے اپنی اولاد کے لیے دعا مانگی۔ آپ علیہ السّلام امید و خوف کے ساتھ دعا فرمانے والے تھے کہ امید ایسی کہ آپ علیہ السّلام کی عمر 120 اور زوجہ کی عمر 98 سال تھی پھر بھی اپنے خالق و مالک سے اولاد کی دعا مانگی اور خوف ایسا کہ خود قراٰن شاہد ہے۔

یہ صفات ایسی ہیں کہ علمائے کرام نے بھی دعا جلد قبول ہونے کے اسباب میں ذکر فرمائی ہیں کہ جو شخص یہ چاہتا ہو کہ اس کی دعا جلد قبول ہو تو وہ یہ صفات اختیار کرے، ان شاء اللہ ہر جائز مراد پر اللہ پاک جلد رحمت کی نظر فرمائے گا۔

اللہ پاک ہم سب کو انبیائے کرام علیہم السّلام کی سیرت پر عمل پیرا ہونے کی توفیق مرحمت فرمائے۔ اٰمین

اللہ پاک نے انسانوں کی ہدایت کے لئے  وقتاً فوقتاً انبیائے کرام علیہم السّلام کو مبعوث فرمایا اور ان انبیائے کرام علیہم السّلام کو بے شمار نعمتوں سے نوازا اور ان کو اعلی اوصافِ حمیدہ سے سرفراز فرمایا۔ انہی انبیائے کرام علیہم السّلام کی جماعت میں سے ایک اعلی اوصاف کے حامل سیدنا زکریا علیہ السّلام کی ذات بابرکت ہے۔

آپ کے اعلی کردار کا ذکر، آپ کے اعلی اوصاف کا تذکرہ قراٰنِ مقدس میں اللہ پاک نے جگہ بہ جگہ ذکر فرمایا۔ جیسے سورہ آل عمران آیت نمبر37 تا44 اور سورہ مریم 1 تا11 میں۔ آپ کے اوصاف و کمالات کو ذکر کرنے سے پہلے آپ کے متعلق چند باتیں جو میرے ذہن میں گردش کر رہے ہیں وہ عرض کرتا ہوں۔ آپ علیہ السّلام اللہ پاک کے برگزیدہ نبی حضرت یحییٰ علیہ السّلام کے والد محترم ہے آپ علیہ السّلام حضرت مریم رضی اللہ عنہا کے خالو ہے آپ نے حضرت مریم رضی اللہ عنہا کی پرورش کی۔ ان کے پاس بے موسمی پھل دیکھ کر آپ نے اس مقام پر دعا فرمائی۔

دعا کچھ یوں رنگ لائی کہ رب کریم نے آپ کو فرزند کی صورت میں عظیم نعمت یحییٰ علیہ السّلام سے نوازا۔ فَاسْتَجَبْنَا لَهٗ٘-وَ وَهَبْنَا لَهٗ یَحْیٰى وَ اَصْلَحْنَا لَهٗ زَوْجَهٗؕ-اِنَّهُمْ كَانُوْا یُسٰرِعُوْنَ فِی الْخَیْرٰتِ وَ یَدْعُوْنَنَا رَغَبًا وَّ رَهَبًاؕ-وَ كَانُوْا لَنَا خٰشِعِیْنَ(۹۰) ترجَمۂ کنزُالایمان: تو ہم نے اس کی دعا قبول کی اور اُسے یحیی عطا فرمایا اور اس کے لیے اس کی بی بی سنواری بےشک وہ بھلے کاموں میں جلدی کرتے تھے اور ہمیں پکارتے تھے امید اور خوف سے اور ہمارے حضور گڑگڑاتے ہیں۔(پ17، الانبیآ:90) اس آیت سے آپ کے خوف خدا کا علم ہوتا ہے، آپ علیہ السّلام نیکیوں میں جلدی کرنے والے، اپنے رب کو رغبت کے ساتھ پکارنے والے، اور اپنے رب سے بہت زیادہ ڈرنے والے تھے۔

آپ علیہ السّلام نہایت ہی خود دار تھے، آپ اپنی کمائی سے ہی اپنا گزارا کیا کرتے، آپ علیہ السّلام ایک قوم کے پاس دیوار کا گارا بناتے، بدلے میں آپ کو ایک رو ٹی دے دیا کرتے۔ ایک مرتبہ آپ علیہ السّلام کی بارگاہ میں کچھ لوگ بطورِ مہمان آئے تھے آپ نے ان کو اپنے کھانے میں سے مشرف نا فرمایا اور ان سے فرمایا میں ایک قوم کے پاس کام کرتا ہو بدلے میں وہ مجھے دے دیتے ہیں۔ اگر اس کو میں آپ کو دو تو میں کمزور ہو جاؤں گا اور کام میں دشواری کا سامنا کرنے پڑے گا۔

اللہ پاک نے انبیائے کرام علیہمُ السّلام کو اس دنیا میں اپنی وحدانیت بیان کرنے اور لوگوں کی ہدایت کے لئے بھیجا۔ قراٰنِ پاک میں اللہ پاک نے انبیائے کرام علیہمُ السّلام کے معجزات، واقعات اور صفات کو بیان کیا ہے۔ اللہ پاک کے برگزیدہ اور چنے ہوئے بندوں کی عظمت و شان کو بیان کرنا اللہ پاک کا طریقہ ہے اسی پر عمل کرنے کی نیت سے حضرت زکریا علیہ السّلام کی قراٰنِ پاک سے 5 صفات ذکرکی جا رہی ہیں آپ بھی پڑھئے اور علم و عمل میں اضافہ کیجئے:

(1)قرب ِ الٰہی پانے والے:جن آیات میں آپ علیہ السّلام کا ذکر نام کے ساتھ آیا ہے،ان میں سے ایک وہ بھی ہے جس میں دیگر انبیا کے ساتھ ساتھ آپ کو بھی قربِ الٰہی کا مژدہ سنایا گیا۔ ارشادِ باری ہے: ترجَمۂ کنزُالایمان:اور زکریا اوریحییٰ اور عیسٰی اور الیاس کو یہ سب ہمارے قرب کے لائق ہیں۔ (پ7،الانعام:85)

(2)حضرت مریم کی کفالت کرنے والے: کئی افراد حضرت مریم کی پرورش کے امیدوار تھے۔جب بحث و مباحثہ کا معاملہ بڑھا تو فیصلہ قرعہ اندازی تک پہنچ گیا طے یہ پایا کہ جن قلموں سے تورات لکھتے ہیں ہر کوئی اپنا وہ قلم پانی میں رکھے ،جس کا قلم پانی کے بہاؤ کی الٹی طرف بہنا شروع کر دے وہ کفالت کرے گا۔جب ایسا کیا گیا تو حضرت زکریا علیہ السّلام کا قلم الٹی طرف بہنا شروع ہو گیا۔ اس طرح حضرت مریم آپ کی کفالت میں آئیں۔ اس واقعے کی طرف قراٰن کریم نے یوں اشارہ کیا: ﴿ اِذْ یُلْقُوْنَ اَقْلَامَهُمْ اَیُّهُمْ یَكْفُلُ مَرْیَمَ۪- ﴾ ترجَمۂ کنزُ الایمان: جب وہ اپنی قلموں سے قرعہ ڈالتے تھے کہ مریم کس کی پرورش میں رہیں۔(پ3،اٰل عمرٰن: 44)

(3)دعاؤں کی کثرت کرنے والے:آپ کی دعاؤں کا ذکر قراٰن ِکریم میں یوں ہوا ہے :ترجَمۂ کنزُالایمان: جب اس نے اپنے رب کو پکارا اے میرے رب مجھے اکیلا نہ چھوڑ۔ (پ17، الانبیآء :89) ایک مقام پریوں ذکر ہوتا ہے: جب اُس نے اپنے رب کو آہستہ پکارا۔(پ16،مریم:3) اس کے علاوہ دیگر چند مقامات پر بھی آپ کی دعاؤں کا تذکرہ موجود ہے ۔

(4)مُستجابُ الدَّعوات آپ علیہ السّلام کی ایک صفت یہ بھی ہے کہ آپ کی دعا قبول ہوتی تھی۔ جب آپ نے فرزند کی دعا مانگی تو اللہ پاک نے دعا قبول فرمائی آپ کے لئے آپ کی زوجہ کا بانجھ پن ختم کرکے انہیں اولاد پیدا کرنے کے قابل بنا دیا اور آپ کو سعادت مند بیٹا حضرت یحییٰ علیہ السّلام عطا فرمایا۔ جیسا کہ ارشاد ہوتا ہے: ﴿فَاسْتَجَبْنَا لَهٗ٘-وَ وَهَبْنَا لَهٗ یَحْیٰى وَاَصْلَحْنَا لَهٗ زَوْجَهٗؕ- ﴾ ترجمۂ کنز العرفان:تو ہم نے اس کی دعا قبول کی اور اسے یحییٰ عطا فرمایا اور اس کے لیے اس کی بیوی کو قابل بنا دیا۔(پ 17، الانبیآء: 90)

(5)اللہ پر توکل کرنے والے:حضرت زکریا علیہ السّلام رب کی بارگاہ میں عرض کی:ترجَمۂ کنزُالایمان: اور تو سب سے بہتر وارث۔ (پ17،الانبیآء:89)خزائن العرفان میں ہے : مدعا یہ ہے کہ اگر تو مجھے وارث نہ دے تو بھی کچھ غم نہیں کیونکہ تو بہتر وارث ہے ۔ (خزائن العرفان،ص592)

اللہ پاک ہمیں انبیائے کرام کی مبارک صفات کے صدقے نیکیاں کرنے اور گناہوں سے بچنے کی توفیق عطا فرمائے۔اٰمین

دعوتِ اسلامی کے تحت گزشتہ روز افریقی ملک موزمبیق کے دارالحکومت نمپولا میں قائم مسجد سنترال کے قریب ایک سیّدہ اسلامی بہن کے گھر   نگرانِ عالمی مجلسِ مشاورت اسلامی بہن کے ہمراہ دیگر ذمہ دار اسلامی بہنوں کی آمد ہوئی۔

دعوتِ اسلامی کے زیرِ اہتمام پچھلے دنوں نمپولا موزمبیق کے علاقے قادری شاپنگ سینٹر موزمبیقان میں ایک شخصیت اسلامی بہن کے گھر پر محفلِ نعت کا انعقاد کیا گیا جس میں علاقے کی اسلامی بہنوں نے شرکت کی۔

محفل کی ابتداء تلاوتِ کلامِ پاک اور نعت شریف سے کی گئی جبکہ نگرانِ عالمی مجلسِ مشاورت اسلامی ”زندگی کی حقیقت“ کے موضوع پر بیان کیا اور وہاں موجود اسلامی بہنوں کو اپنی آخرت کی تیاری کرنے، علمِ دین سیکھنے اور مدرسۃالمدینہ بالغات میں پڑھنے کا ذہن دیا۔

اس کے علاوہ نگرانِ عالمی مجلسِ مشاورت نے اسلامی بہنوں کو دعوتِ اسلامی کے تحت ہونے والے دینی و فلاحی سرگرمیوں میں حصہ لینے کی ترغیب دلائی جس پر انہوں نے اچھی اچھی نیتوں کا اظہار کیا۔بعدازاں محفل میں شریک اسلامی بہنوں نے نگرانِ عالمی مجلسِ مشاورت سے ملاقات کی۔

نمپولا دارالحکومت، موزمبیق کے علاقے Anchilo میں دعوتِ اسلامی کے زیرِ اہتمام مقامی اسلامی بہنوں کے لئے سنتوں بھرے اجتماع کا انعقاد کیا گیا جس میں ذمہ دار اسلامی بہنوں کی بھی شرکت رہی۔

اس اجتماعِ پاک میں تلاوتِ قراٰن اور نعت شریف کے بعد نگرانِ عالمی مجلسِ مشاورت اسلامی بہن نے ”اسلام کی اہمیت“ کے موضوع پر بیان کرتے ہوئے اسلامی بہنوں کو شریعتِ مطہرہ کے مطابق اپنی زندگی گزارنے، زیادہ سے زیادہ درودِ پاک و کلمہ طیبہ پڑھنے کی ترغیب دلائی جبکہ مقامی اسلامی بہن نے اس بیان کی انگلش زبان میں ترجمانی کی۔

لوگوں کو فرض علوم سکھانے اور اُن کی دینی، اخلاقی اور شرعی اعتبار سے تربیت کرنے والی عاشقانِ رسول کی دینی تحریک دعوتِ اسلامی کے تحت نگرانِ عالمی مجلسِ مشاورت اسلامی بہن نے ذمہ دار اسلامی بہنوں کے ہمراہ نمپولا موزمبیق میں ایک شخصیت اسلامی بہن سے اُن کی رہائش گاہ پر ملاقات کی۔

دورانِ ملاقات نگرانِ عالمی مجلسِ مشاورت نے شخصیت سے دعوتِ اسلامی کے دینی و فلاحی کاموں کے متعلق گفتگو کی نیز انہیں فیضان آن لائن اکیڈمی گرلز میں داخلہ لینے اور دعوتِ اسلامی کے نیک اجتماعات میں شرکت کرنے کی ترغیب دلائی۔

بیرونِ ملک کی اسلامی بہنوں کو علمِ دین سکھانے اور اور اُن کی دینی و اخلاقی تربیت کرنے کے لئے گزشتہ روز نمپولا موزمبیق کے علاقے Mahivir میں دعوتِ اسلامی کے زیرِا ہتمام ہفتہ وار سنتوں بھرے اجتماع کا انعقاد کیا گیا۔

تلاوتِ قراٰن اور نعتِ رسول صلی اللہ علیہ وسلم سے اجتماع کا آغاز کرنے کے بعد نگرانِ عالمی مجلسِ مشاورت اسلامی بہن نے ”علمِ دین سیکھنے کے فضائل“ کے موضوع پر سنتوں بھرا بیان کیا۔

نگرانِ عالمی مجلسِ مشاورت نے دورانِ بیان کن چیزوں کا علم حاصل کرنا فرض ہے ؟ اس حوالے سے شرکا اسلامی بہنوں کی تربیت و رہنمائی کی اور انہیں مدنی پھولوں سے نوازا۔

علاوہ ازیں نگرانِ عالمی مجلسِ مشاورت نے وہاں موجود اسلامی بہنوں کو ہفتہ وار سنتوں بھرے اجتماع میں پابندی کے ساتھ شرکت کرنے اور دعوتِ اسلامی کے دینی کاموں میں عملی طور پر حصہ لینے کا ذہن دیا جس پر انہوں نے اچھی اچھی نیتیں کیں۔

افریقی ملک موزمبیق کے دارالحکومت نمپولا میں عاشقانِ رسول کی دینی تحریک دعوتِ اسلامی کے تحت ایک میٹنگ ہوئی جس میں مقامی ذمہ دار اسلامی بہنوں نے شرکت کی۔

معلومات کے مطابق دورانِ میٹنگ دعوتِ اسلامی کی نگرانِ عالمی مجلسِ مشاورت اسلامی بہن نے ذمہ دار اسلامی بہنوں سے دینی کاموں کی کارکردگی کا جائزہ لیا اور اُن کی تربیت و رہنمائی کی۔

موزمبیق کے شہر بیئرا میں عاشقانِ رسول کی دینی تحریک دعوتِ اسلامی کے تحت اسلامی بہنوں کے لئے حج تربیتی اجتماع کا انعقاد کیا گیا جس میں مقامی اسلامی بہنوں نے شرکت کی۔

اس اجتماعِ پاک میں نگرانِ عالمی مجلسِ مشاورت اسلامی بہن نے سلائیڈ کے ذریعے حج کے چند ضروری مسائل کے حوالے سے اسلامی بہنوں کی تربیت و رہنمائی کی جبکہ مقامی ذمہ دار اسلامی بہن نے اختتامی دعا کروائی۔

پچھلے دنوں دعوتِ اسلامی کے تحت بیرونِ ملک کی اسلامی بہنوں کے درمیان ہونے والے 8 دینی کاموں کے حوالے سے کینیا، یوگینڈا اور تنزانیہ کی ملک نگران اسلامی بہنوں کا مدنی مشورہ منعقد ہوا۔

ابتداءً نگرانِ سینٹرل افریقہ ریجن اسلامی بہن نے شرکا سے گفتگو کرتے ہوئے 8 دینی کاموں کے متعلق چند اہم امور پر مشاورت کی اور اسلامی بہنوں کو ماہانہ نیو کارکردگی شیڈول سمجھائے نیز اس پر100٪ عمل کرنے کا ذہن دیا۔

دعوت ِ اسلامی کے تحت  فیضان ِصحابیات فیصل آباد میں ہونے والے پاکستان مشاورت اور پاکستان سطح کی ادارتی و غیر ادارتی شعبہ ذمہ دار اسلامی بہنوں کے مدنی مشورے کے تیسرے دن اسلامی بہنوں کے 8 دینی کاموں کی بہتری و ترقی کے لئے شعبہ جات کی ذمہ دار اسلامی بہنوں نے اپنے شعبے سے متعلق مسائل و تجاویز پیش کیں جس پر نگرانِ پاکستان مجلسِ مشاورت اسلامی بہن نےانہیں مدنی پھول دیئے۔