دعوتِ اسلامی کے تحت 19 اپریل 2024ء کوصوبہ سندھ کے  میر پور خاص ڈسٹرکٹ میں قائم مدرسۃ المدینہ گرلز میں اسٹاف و طالبات کے لئے سیکھنے سکھانے کا حلقہ لگایا گیا۔

اس حلقے میں پاکستان مجلسِ مشاورت اسلامی بہن نے ”اتفاق میں برکت ہے“کے موضوع پر بیان کرتے ہوئے حاضرین کو دینی کاموں کی ترغیب دلائی جس پر 4 مدرسات نے نئےسنتوں بھرے اجتماع کا آغاز کرنے اور مزید دینی کاموں میں حصہ لینے کی اچھی اچھی نیتیں کیں ۔

دعوتِ اسلامی کے شعبہ مکتبۃ المدینہ گرلز، شعبہ تقسیمِ رسائل اور شعبہ ماہنامہ فیضانِ مدینہ کے تحت ہونے والے لرننگ سیشن کے دوسرے دن 16 اپریل 2024ء کو پنجاب سطح کی شعبہ مکتبۃ المدینہ گرلز ذمہ دار  اسلامی بہن نے سافٹ ویئر کے متعلق ٹریننگ دی۔

اس ٹریننگ میں ذمہ دار اسلامی بہن نے شرکا کو ہفتہ وار دینی کاموں کی انٹری کرنے اور ماہانہ کارکردگی انٹری کرنے کا طریقہ سکھایا۔شعبہ تقسیمِ رسائل کی صوبائی ذمہ دار اسلامی بہن نے ماہانہ کارکردگی لینے اور اس کو انٹر کرنے کا طریقہ بتایا جبکہ شعبہ مکتبۃ المدینہ گرلز اور شعبہ تقسیمِ رسائل کے شرعی مسائل پر بھی کلام ہوا۔علاوہ ازیں عالمی سطح کی شعبہ مکتبۃ المدینہ گرلز ذمہ دار نے ”ایک ذمہ دار کا جدول کیسا ہو؟“ کے موضوع پر بیان کیا۔

بعدازاں دعوتِ اسلامی کی مرکزی مجلسِ شوریٰ کے رکن مولانا حاجی ابو ماجد محمد شاہد عطاری مدنی نے بذریعہ آڈیو لنک ”شعبے کا مقصد و اہمیت اور اس میں ذمہ داران کا کردار“ کے موضوع پر بیان کیا جس میں انہوں نے اسلامی بہنوں کو دینی کاموں کو مضبوط کرنے، ان میں مزید بہتری لانے اور نظام کو بہتر بنانے کے متعلق مدنی پھول دیئے۔

صوبۂ پنجاب پاکستان میں عاشقانِ رسول کی دینی تحریک دعوتِ اسلامی کے تحت  2دن پر مشتمل(15، 16 اپریل 2024ء) لرننگ سیشن منعقد ہوا جس میں مختلف شعبہ جات (شعبہ مکتبۃ المدینہ گرلز، شعبہ تقسیمِ رسائل اور شعبہ ماہنامہ فیضانِ مدینہ) کی پاکستان، صوبہ، ڈویژن، ڈسٹرکٹ اور میٹروپولیٹن سطح کی ذمہ دار اسلامی بہنوں نے شرکت کی ۔

سیشن کا آغاز 15 اپریل 2024ء کو تلاوتِ قراٰن و نعت شریف سے کیا گیا جس کے بعد پاکستان سطح کی شعبہ ذمہ دار اسلامی بہن نے ابتداءً شعبہ جات کا تعارف کروایا اور مختلف امور پر ذمہ دار اسلامی بہنوں کی تربیت کی جن میں سے بعض درج ذیل ہیں:

٭ایک ذمہ دار کو کیسا ہونا چاہیئے؟٭مختلف کارکردگیوں کا جائزہ٭ذمہ داران کی تربیت و رہنمائی٭شعبہ جات کے کاموں کو بڑھانے کے لئے آئندہ کے اہداف۔

حُبِّ دنیا (دنیا کی محبت) کے سبب آج کل کے مسلمانوں کی بھاری اکثریت کے دلوں سے اسلام کی حقیقی ہیبت نکلتی چلی جارہی ہے اور لوگ شریعت و سنت سے دور ہوتے چلے جا رہے ہیں شاید یہی وجہ ہے کہ ہمیں بےشمار پریشانیوں اورمصیبتوں نے گھیرا ہوا ہے۔

لوگوں کے دلوں سے دنیا کی محبت نکالنے اور انہیں اسلام کی حقیقی تعلیمات سے آگاہ کرنے کے لئے اس ہفتے امیرِ اہلِ سنت حضرت علامہ مولانا محمد الیاس عطار قادری رضوی ضیائی دامت بَرَکَاتُہمُ العالیہنے عاشقانِ رسول کو رسالہ ”جہنَّم کیا ہے؟“ پڑھنے / سننے کی ترغیب دلائی ہے اور پڑھنے / سننے والوں کو دعاؤں سے بھی نوازا ہے۔

دعائے عطار

یاربَّ المصطفٰے! جو کوئی 21 صفحات کا رسالہ ”جہنَّم کیا ہے؟“ پڑھ یا سُن لے اُسے جھنَّم کے عذاب سے بچا اور اُس کو ماں باپ سمیت جنَّت الفردوس میں بےحساب داخلہ عطا فرما۔ اٰمِیْن

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

دعوتِ اسلامی کے شعبہ رابطہ برائے تاجران کےتحت 18 جون2023 ء کوراولپنڈی ،راجہ بازار کی صرافہ بازار/ گولڈ مارکیٹ میں تاجر اجتماع کا سلسلہ ہوا  جس میں صرافہ بازار یونین کے صدر سمیت وہاں کام کرنے والے دیگر سناروں نے شرکت کی۔

تاجر اجتماع میں صوبائی ذمہ دار اویس عطاری نے بیان کیا جس میں شرکا کو گناہوں سے بچتے ہوئے 72 نیک اعمال رسالے پر عمل کرنے کا ذہن دیا اور نیک اعمال کرتے ہوئے اپنے معمولات زندگی چلانے کی ترغیب دلائی ۔

ساتھ تاجروں کو ہفتہ وار اجتماع میں شرکت کرنے کی دعوت بھی دی گئی۔ آخر میں گولڈ مارکیٹ کے تاجران نے ہر ماہ مارکیٹ میں تاجر اجتماع رکھنے کی خواہش کا اظہار کیا اور اگلے ماہ یہ اجتماع یونین آفس میں کرنے کی پیشکش کی جس میں 200 کے زائد تاجروں کے بیٹھنے کی جگہ ہے اسی مارکیٹ میں بعد اجتماع ایک تاجر نے اپنی ایک خالی دکان مدرسہ بالغان اور نماز کورس وغیرہ کروانے کیلئے پیش کی ۔(رپورٹ:محمد رضوان عطاری ذمہ دار شعبہ رابطہ برائے تاجران راولپنڈی،کانٹینٹ:رمضان رضا عطاری)

14 جون  2023ء بروز بدھ فیضان آن لائن اکیڈمی بوائز کی نیوکراچی برانچ میں مدنی مشورہ ہوا جس میں نیوکراچی برانچ کے مدنی عملے نے شرکت کی ۔

رکنِ مجلس محمد تبریز حسین عطاری مدنی اور ڈویژن ذمہ دار محمد وقاص عطاری مدنی نے مدنی عملے کا مدنی مشورہ لیا جس میں آن لائن اجتماعی قربانی کے حوالے سے پیشگی تیاری اور ذمہ داریوں سے متعلق مفید مدنی پھول دیئے نیز مدرسین کی طرف سے کئے گئے سولات کے جوابات بھی دیئے۔آخر میں اچھی کارکردگی کے حامل اسلامی بھائیوں کے درمیان تحائف تقسیم کئے۔(رپورٹ : محمد وقار یعقوب مدنی برانچ ناظم فیضان آن لائن اکیڈمی،کانٹینٹ:رمضان رضا عطاری)

تعلیمی  شعبہ فیضان آن لائن اکیڈمی بوائز دعوتِ اسلامی کی جانب سے16جون2023ء بروز جمعہ ملتان ڈویژن کے ناظمین کا مدنی مشورہ ہوا جس میں ملتان ڈویژن کے شفٹ و برانچ ناظمین نے شرکت کی ۔

نگران مجلس مولانا یاسر عطاری مدنی نے اسلامی بھائیوں کے سابقہ دینی کاموں کی کارکردگی کا جائزہ لیا اور انھیں آئندہ کارکردگی کو مزید بڑھانے کے حوالے سے نکات فراہم کئے ۔ اس کے علاوہ رکن مجلس و صوبائی ذمہ دار عامر سلیم عطاری مدنی نے ناظمین کی جانب سے کئے گئے سوالوں کے جوابات بھی دیئے ۔(رپورٹ : محمد وقار یعقوب مدنی برانچ ناظم فیضان آن لائن اکیڈمی،کانٹینٹ:رمضان رضا عطاری)

19جون 2023ء کو دعوت اسلامی  کے شعبہ خدامُّ المساجد والمدارس کی جانب سے بہاولپور سٹی میں مدنی مشورے کا انعقاد ہوا جس میں بہاولپور ڈویژن ا ور ڈسٹرکٹ ذمہ داران نے شرکت کی۔

نگران بہاولپور ڈویژن ڈاکٹر حافظ عبدالرؤف عطاری نے مدنی مشورے میں شریک اسلامی بھائیوں کو 12دینی کاموں بالخصوص مدنی قافلے میں ہر ماہ سفر کرنے کی دعوت دی اور ڈویژن میں دعوت اسلامی کے قائم کردہ اثاثہ جات کے حوالے سے گفتگو کرتے ہوئے مدنی پھول دیئے۔ (رپورٹ :احمدرضا عطاری ڈویژن ذمہ دار،کانٹینٹ:رمضان رضا عطاری)

دعوتِ اسلامی کے زیرِ اہتمام ڈسٹرکٹ بہاولپور خانقاہ شریف میں 17جون 2023ء  کو مدنی مشورہ ہوا جس میں نگران بہاولپور ڈویژن ڈاکٹر حافظ عبدُالرؤف عطاری نے تحصیل نگران و ڈسٹرکٹ ذمہ داران کو 12دینی کاموں میں عملی طور پر شمولیت کا ذہن دیا اور قربانی کی کھالیں جمع کرنے کے حوالے سے مدنی پھول دیئے۔ (رپورٹ :احمدرضا عطاری،کانٹینٹ:رمضان رضا عطاری)

حال ہی میں اسلام آباد پاکستان میں’’ ہم نیوز‘‘ کے  اینکر عادل عباسی سے ذمہ داران دعوت اسلامی سید فضیل عطاری ukاور وسیم عطاری نے ملاقات کی۔

دورانِ ملاقات ذمہ داران نے انھیں دعوت اسلامی کے شعبہ FGRF کی دنیا بھر میں انسانی امداد کی امداد اور امدادی سرگرمیوں پر تبادلہ خیال کیا نیز FGRF کی آئندہ شجرکاری مہم میں شرکت کی دعوت دی جس پر عادل عباسی نے دعوتِ اسلامی کی کاوشوں کو سراہا اور شرکت کرنے کی اچھی نیت کا اظہار کیا۔ (کانٹینٹ:رمضان رضا عطاری)

20،19،18 جون 2023ء بروز اتوار ، پیر ، منگل  عالمی مدنی مرکز فیضانِ مدینہ کراچی میں تین دن پر مشتمل روحانی علاج کورس کا انعقاد ہوا جس میں کراچی سٹی کے عاشقانِ رسول نے شرکت کی۔

معلم محمد زاہد عطاری (شعبہ روحانی علاج) نے کورس میں شریک اسلامی بھائیوں کو تعویذات عطاریہ لکھنے کے حوالے سے مختلف امور پر تربیت کی۔ علاوہ ازیں دم کرنے اور کاٹ والے عمل کرنے کا طریقہ سمجھایانیز اس کی احتیاطیں بھی بتائی ۔ ساتھ ہی ساتھ 12 دینی کاموں کو کرنے کا ذہن دیا اور غمخواری اُمّت کا جذبہ دلایا۔(رپورٹ: سمیر علی آفس ذمہ دار،کانٹینٹ:رمضان رضا عطاری)

پچھلے دنوں دعوتِ اسلامی  کی مرکزی مجلس شوریٰ کے رکن حاجی وقار عطاری کی دعوت پر الکرم یونیورسٹی کے وائس چانسلر ملک اسلم (اسلام آباد)نے ملک ممتاز الحسن ایڈیشنل ڈائریکٹر ایف آئی اے (کراچی) کے ہمراہ کراچی مدنی مرکز فیضان مدینہ کا دورہ کیا ۔

جہاں شعبہ رابطہ برائے شخصیات کے ذمہ داران نے شخصیات کو مدنی مرکز میں موجود مختلف شعبہ جات کا وزٹ کروایا اور ان میں ہونے والے دینی کاموں کے بارے میں بریفنگ دی ۔

بعدازاں شخصیات نے اراکین شوریٰ حاجی عبد الحبیب عطاری،حاجی رفیع عطاری،ابو ماجد محمد شاہد عطاری سمیت نگرانِ شوریٰ حاجی محمد عمران عطاری سے ملاقاتیں کیں۔

ملاقات میں نگرانِ شوریٰ نے شخصیات کو دنیا بھر میں ہونے والے دعوتِ اسلامی کے اہم دینی اور فلاحی سلسلوں کے بارے میں بتایا جس پر شخصیات نے خدماتِ دعوت اسلامی کو سراہا اور دینی کاموں میں ہر ممکنہ تعاون کرنے کی اچھی نیت کااظہار کیا۔ )کانٹینٹ:رمضان رضا عطاری)