دعوتِ اسلامی کے زیر اہتمام  گزشتہ دنوں لیاقت آباد کابینہ کی ڈویژن شرف آباد مدنی کالونی میں اہل ثروت اسلامی بہن کے گھرایصال ثواب اجتماع کا انعقاد کیا گیاجس میں کم و بیش 25 شخصیات اسلامی بہنوں نے شرکت کی۔

کابینہ سطح کی اسلامی بہن نے سنتوں بھرا بیان کیااوراجتماع میں شریک اسلامی بہنوں کو دعوت اسلامی کے شعبہ جات کے بارے میں بتاتے ہوئے جامعۃ المدینہ گرلز اور مدرسۃ المدینہ (اسلامی بہنوں کےلئے) میں پڑھنے /پڑھانےکی ترغیب دلائی ۔سنتوں بھرے اجتماع میں شرکت کرنے اور اپنے گھر دینی حلقہ لگانے کا ذہن دیاجس پر اسلامی بہنوں نے اچھی اچھی نیتیں کیں۔

دعوتِ اسلامی کے  شعبہ تعلیم للبنات کے تحت گزشتہ دنوں کراچی ساؤتھ زون2 بلدیہ ٹاؤن کابینہ کے ڈویژن نیول کالونی میں عید میٹ-اَپ رکھا گیاجس میں 3 ٹیچرز اور 1 لیڈی ڈاکٹر سمیت تقریبا 15 اسلامی بہنوں نے شرکت کی ۔

زون نگران اسلامی بہن نےاسلامی بہنوں کو والدین کی اطاعت کرنےکاذہن دیتےہوئے313 بار درود شریف اور روزانہ ایک پارہ پڑھنے کی ترغیب دلائی جس پراسلامی بہنوں نے اچھی نیتوں کا اظہار کیا ۔آخر میں مکتبۃ المدینہ کے مطبوعہ رسائل بھی تقسیم کئےگئے۔

دعوت اسلامی کے شعبہ تعلیم کے تحت نگران کابینہ نواب شاہ نے رکن زون شعبہ تعلیم اور رکن زون شعبہ FGRFکے ہمراہ ”شہید بینظیر یونیورسٹی“ اور ”قائد عوام یونیورسٹی “ کا دورہ کیا جہاں انہوں نےشجر کاری مہم کے حوالے سے ٹیچرز اور اسٹوڈنٹس کو بریفنگ دی۔

انتظامیہ کی جانب سے یونیورسٹیز اور اس کے اطراف میں1200 پودے لگائے جائینگے۔

بعد ازاں نگران کابینہ نے دیگر ذمہ داران کے ہمراہ D.C سے ان کے آفس میں ملاقات کی۔

نوٹ: پچھلے دنوں نواب شاہ میں 2500 پودےبھی ڈونیٹ کئے گئےتھے۔ (رپورٹ: شعبہ تعلیم پاکستان)

دعوتِ اسلامی کے شعبہ رابطہ برائے شخصیات  للبنات کے تحت گزشتہ دنوں لیاقت آباد کابینہ کی ڈویژن دستگیر میں اہل ثروت اسلامی بہن کے یہاں ون ڈے سیشن بنام ’’ عشق کے بندے ‘‘کا انعقاد ہوا جس میں زون، کابینہ اور ڈویژن ذمہ دارسمیت کم و بیش 45 اسلامی بہنوں نے شرکت کی۔

زون سطح کی ذمہ داراسلامی بہن نے مکہ و مدینہ کے فضائل بتاتے ہوئے انہیں عشق رسولﷺ سے سرشارہونے کے لئےانہیں دعوت اسلامی سے وابستہ ہونے اور اپنے گھر میں دینی حلقےمنعقد کرنےکا ذہن دیا جس اسلامی بہنوں نے اچھی اچھی نیتیں کیں۔

دعوتِ اسلامی کےتحت  گزشتہ دنوں نیو کراچی کابینہ کی 8 مختلف ڈویژنوں اور بلدیہ ٹاؤن کابینہ میں 5 مختلف مقامات پر ماہانہ دینی حلقوں کا سلسلہ ہواجن میں کم و بیش 533 اسلامی بہنوں نے شرکت کی۔

مبلغات دعوتِ اسلامی نے ترغیبی بیانات کئےاور دعوتِ اسلامی کےشعبہ جات کاتعارف پیش کرتےہوئےدینی کاموں میں حصہ لینےکاذہن دیا نیز شجرہ شریف پڑھنے اور فرض علوم کورس کرنے کی ترغیب دلائی جس پر ذمہ دار اسلامی بہنوں نے دینی کاموں میں حصہ لینے کی نیتوں کااظہارکیا۔

دعوتِ اسلامی کےشعبہ علاقائی دورہ للبنات  کے تحت گزشتہ دنوں کراچی ایسٹ زون 2 کی کابینہ گلستان جوہر میں ماہانہ مدنی مشورے کا انعقاد ہوا جس میں ذیلی سطح کی علاقائی دورہ ذمہ دار اسلامی بہنوں نے شرکت کی۔

کابینہ مشاورت ذمہ داراسلامی بہن نےشعبہ علاقائی دورہ کے اپڈیٹ مدنی پھولوں سے آگاہ کرتےہوئے نیکی کی دعوت دینے کے حوالےسےنکات بتائے اور ماہانہ کارکردگی وقت پر جمع کروانے کا ذہن دیا جس پر اسلامی بہنوں نے اچھی نیتوں کا اظہار کیا۔

دعوتِ اسلامی کےتحت گزشتہ دنوں رنچھوڑ لائن کابینہ کی ڈویژن شومارکیٹ کراچی میں شادی کے سلسلے میں محفلِ نعت کاانعقادہواجس میں اہل خانہ سمیت مقامی اسلامی بہنوں نےشرکت کی ۔

صاحبزادی عطار سلمھاالغفار نےسنتوں بھرابیان کیااور دعوت اسلامی کے شعبہ جات کےبارے میں بتاتےہوئےدینی کاموں میں حصہ لینےکاذہن دیا ۔ ہفتہ وارسنتوں بھرےاجتماع میں شرکت کرنے،مدنی مذاکرہ دیکھنے کی دعوت بھی دی جس پر اسلامی بہنوں نےاچھی نیتوں کااظہارکیا۔آخر میں صاحبزادیِ عطار سلمھاالغفار نے شادی میں خیر وبرکت اور گھر والوں کے لئے دعائے خیر بھی کی۔

دعوتِ اسلامی  کے فنانس ڈیپارٹمنٹ للبنات کےزیر اہتمام بلدیہ ٹاؤن کابینہ کی ڈویژن نیو سعید آباد کراچی ماہ جون 2021 ء میں ہونے والے دینی کاموں کی کارکردگی ملاحظہ ہوں:

ای -رسید اکاؤنٹ بنانےوالی اسلامی بہنوں کی تعداد :19

فنانس ڈیپارٹمنٹ کے تحت ٹیسٹ دینے والی ذمہ دار اسلامی بہنوں کی تعداد: 27

جنرل رسید بُک کی تقسیم و وصولی کا سلسلہ بھی رہتا ہے اسی سلسلے میں اس ماہ میں 9 رسید بُک جاری کی گئیں جبکہ سابقہ 24 رسید بُک ذمہ دار اسلامی بہنوں سے کارکردگی وصول کی ۔

گھریلو صدقہ بکس کی تعداد: 231

دعوت ِاسلامی کےشعبہ مدرسۃ المدینہ (اسلامی بہنوں کےلئے) کے تحت گوادر زون حب اور لسبیلہ کابینہ میں بذریعہ انٹرنیٹ مدنی مشورے کاانعقاد ہوا جس میں حب اور لسبیلہ کابینہ کی کابینہ اور ڈویژن سطح کی ذمہ داراسلامی بہنوں نے شرکت کی۔

زون سطح کی ذمہ دار اسلامی بہن نے احساس ذمہ داری کے ساتھ کام کرنے کےحوالےسےاسلامی بہنوں کی ذہن سازی کی اور مدرسۃ المدینہ کے تعلیمی نظام کو بہتر بنانےسےمتعلق نکات بتائے نیز طالبات کو دعوتِ اسلامی کے دینی کام سکھانے کا ذہن دیا اور مدنی مذاکرہ پابندی کے ساتھ دیکھنے/ سننے کی ترغیب دلائی جس پر اسلامی بہنوں نےاچھی نیتوں کااظہارکیا۔

دعوتِ اسلامی  کے فنانس ڈیپارٹمنٹ للبنات کےزیر اہتمام بلدیہ ٹاؤن کابینہ کی ڈویژن سعید آباد جون 2021 ء میں ہونے والے دینی کاموں کی رپوٹ ملاحظہ ہوں:

ای -رسید اکاؤنٹ بنانےوالی اسلامی بہنوں کی تعداد:7

چندہ کرنے کی تنظیمی و شرعی احتیاطیں رسالے سے ٹیسٹ دینے والی اسلامی بہنوں کی تعداد:40

جنرل رسید بُک کی تقسیم و وصولی کا سلسلہ بھی رہتا ہے اسی سلسلے میں اس ماہ 24 رسید بُک جاری کی گئیں جبکہ 88 سابقہ رسید بُک ذمہ دار اسلامی بہنوں سے کارکردگی وصول کی ۔

ہوم ڈونیشن بکس کی تعداد:23

دعوتِ اسلامی کےشعبہ کفن دفن  للبنات کے تحت گزشتہ دنوں کراچی کےمختلف مقامات(سولجر بازار، گارڈن فوارہ چوک،تھانہ بولا خان ،زکری گوٹھ بہادرآباد کے علاقے ٹیپو سلطان اور اورنگی ٹاؤن کابینہ میں 2 مقامات) پر کفن دفن تربیتی اجتماعات کاانعقادہواجن میں مقامی اسلامی بہنوں نے شرکت کی ۔

کفن دفن کی ذمہ دار اسلامی بہنوں نے غسل و کفن کا طریقہ سکھایا نیزمستعمل پانی اور پانی کےاسراف سے بچنے کےحوالےسے مدنی پھول دیئے نیزاسلامی بہنوں کو اس شعبے کےتحت ہونےوالےدینی کاموں میں حصہ لینے اور ٹیسٹ دینے کی ترغیب دلائی۔ مدنی مذاکرہ دیکھنےاور ہفتہ وارسنتوں بھرےاجتماع میں شرکت کرنےکاذہن دیا جس پر اسلامی بہنوں نےاچھی نیتوں کااظہارکیا۔

فرمانِ باری تعالیٰ ہے:﴿قَالَ یٰقَوْمِ اعْبُدُوا اللّٰهَ مَا لَكُمْ مِّنْ اِلٰهٍ غَیْرُهٗؕ-قَدْ جَآءَتْكُمْ بَیِّنَةٌ مِّنْ رَّبِّكُمْ ؕ-هٰذِهٖ نَاقَةُ اللّٰهِ لَكُمْ اٰیَةً فَذَرُوْهَا تَاْكُلْ فِیْۤ اَرْضِ اللّٰهِ وَلَا تَمَسُّوْهَا بِسُوْٓءٍ فَیَاْخُذَكُمْ عَذَابٌ اَلِیْمٌ(۷۳)﴾ ترجَمۂ کنزُالعرفان: صالح نے فرمایا: اے میری قوم! اللہ کی عبادت کرو اس کے سوا تمہارا کوئی معبود نہیں۔ بیشک تمہارے پاس تمہارے رب کی طرف سے روشن نشانی آگئی۔ تمہارے لئے نشانی کے طور پر اللہ کی یہ اونٹنی ہے۔ تو تم اسے چھوڑو تاکہ اللہ کی زمین میں کھائے اور اسے برائی کے ساتھ ہاتھ نہ لگاؤ ورنہ تمہیں دردناک عذاب پکڑ لے گا۔(پ8، الاعراف: 73)

قومِ ثمود کون تھے؟

ثمود عرب کا ایک قبیلہ تھا، یہ لوگ ثمود بن رام بن سام بن نوح علیہ السّلام کی اولاد میں تھے اور حجاز و شام کے درمیان سرزمین حجر میں رہتے تھے۔

کون سے نبی ان کی طرف بھیجے گئے؟

حضرت صالح علیہ السّلام کو قومِ ثمود کی طرف بھیجا گیا، حضرت صالح علیہ السّلام کے والد کا نام ”عبید بن آسف“ ہے۔

قومِ ثمود کا واقعہ:

جب الله تعالیٰ نے حضرت صالح علیہ السّلام کو ان کی طرف بھیجا تو حضرت صالح علیہ السّلام نے ان کو اللہ تعالیٰ کو ایک ماننے، اس کے ساتھ شریک نہ ٹھہرانے اور صرف اسی کی عبادت کرنے کا حکم دیا، ان کو اپنے اوپر رب تعالیٰ کی نعمتیں یاد دلا کر سمجھایااور عذابِ الٰہی سے ڈرایا۔

قوم کا معجزہ کو طلب کرنا:

اس دعوت کے بعد قوم کے سردار جندع بن عمرو نے عرض کی، اگر آپ سچے نبی ہیں تو پہاڑ کے اس پتھر سے فلاں فلاں صفات والی اونٹنی ظاہر کردیں، آپ نے دعا مانگی سب کے سامنے پتھر پھٹا اور صِفاتِ مخصوصہ والی اونٹنی نمودار ہوئی اور پیدا ہوتے ہی اپنے برابر بچہ جنا۔

معجزہ دیکھ کر کون ایمان لایا؟

یہ معجزہ دیکھ کر جندع تو اپنے خاص لوگوں کے ساتھ ایمان لے آیا جبکہ باقی لوگ اپنے وعدے سے پھر گئے اور کفر پر قائم رہے۔

اونٹنی کے بارے میں ہدایات:

حضرت صالح علیہ السّلام نے اونٹنی کے بارے میں فرمایا کہ ”تم اسے تنگ نہ کر نا، اسے اس کے حال پر چھوڑدو، اسے بُرائی کی نیت سے ہاتھ نہ لگانا، نہ مارنا، نہ ہنکانا اور نہ قتل کرنا ورنہ تمہیں درد ناک عذاب پکڑ لے گا۔

اونٹنی کی پیدائش سے حضرت صالح کے معجزات:

اس اونٹنی کی پیدائش سے حضرت صالح علیہ السّلام کے کئی معجزات ظاہر ہوئے، (1)وہ اونٹنی نہ کسی پیٹ میں، نہ حمل میں رہی بلکہ طریقہِ عادیہ کے خلاف پہاڑ کے ایک پتھر سے اس کی پیدائش ہوئی۔

(2)یہ اونٹنی ایک دن سارا پانی پیتی اور دوسرے دن پورا قبیلہ ثمود پیتا۔

(3)اس اونٹنی کے پینے کے دن اس کا دودھ دوہا جاتا تو وہ اتنا ہوتا کہ تمام قبیلے کو کافی ہوتا۔

(4)اس کی باری کے دن تمام جانور پانی پینے سے باز رہتے۔

قومِ ثمود کی نافرمانی:

قومِ ثمود میں ایک صدوق نامی عورت تھی جو بڑی حسین اور مالدار تھی، اس کی لڑکیاں بھی بہت خوبصورت تھیں، اس نے مصدع ابن دہر اور قیدار بن سالف کو بلا کر کہا کہ اگر تم اونٹنی کو ذبح کردو تو میری جس لڑکی سے چاہو نکاح کرلینا، چنانچہ دونوں نے مل کر اس اونٹنی کو ذبح کردیا مگر قیدار نے ذبح کیا اور مصدع نے ذبح پر مدد دی اور پھر حضرت صالح علیہ السّلام سے کہنے لگے: اگر تم رسول ہو تو ہم پر عذاب لے آؤ۔

قومِ ثمود پر عذاب:

انہوں نے بدھ کے دن اونٹنی کی کوچیں کاٹیں تھیں، حضرت صالح علیہ السّلام نے فرمایا: تم تین دن کے بعد ہلاک ہوجاؤ گے۔ پہلے دن ان کے چہرے زرد، دوسرے دن سرخ اور تیسرے دن سیاہ ہوگئے، پھر وہ لوگ اتوار کے دن دوپہر کے قریب اولاً ہولناک آواز میں گرفتار ہوئے جس سے ان کے جگر پھٹ گئے اور وہ ہلاک ہوگئے، ان کی ہلاکت کے بعد حضرت صالح علیہ السّلام مؤمنین کو ساتھ لے کر مکۂ معظمہ روانہ ہوگئے۔(ملخصاًتفسیر صراط الجنان، 3/357تا361، عجائب القرآن مع غرائب القرآن، ص 103تا105)