گزشتہ روزشعبہ  رابطہ بالعلماء دعوتِ اسلامی کے تحت ذمہ داران کا ٹنڈو آدم کا شیڈول ہوا جہاں مفتی غلام دستگیر صاحب سمیت دیگر شخصیات سے ملاقات کی ۔

دورانِ ملاقات شعبہ رابطہ بالعلماء کے ڈسٹرکٹ نگران ریاض عطاری مدنی اور تحصیل نگران مولانا طاہر عطاری مدنی نے مفتی غلام دستگیر صاحب کو ملک بھر میں دعوتِ اسلامی کےتعلیمی بورڈ کنز المدارس کے تحت ہونے والے امتحانات کے حوالے سے آگاہ کیا نیز جامعۃ المدینہ ٹنڈو آدم میں ہونے والے کنز المدارس بورڈ کے امتحانی مرکز میں آنے کی دعوت بھی پیش کی۔(رپورٹ: عبدالوحید عطاری مدنی،کانٹینٹ: رمضان رضا عطاری)

پچھلے دنوں دعوتِ اسلامی  کے شعبہ رابطہ بالعلماء کے ذمہ دار محمد ظہیر عباس عطاری مدنی نے حافظ فیضِ رسول نقشبندی قادری صاحب (خطیب جامع مسجد گنبد والی ) سے حافظ آباد میں ملاقات کی ۔

تفصیلات کے مطابق ظہیر عباس عطاری مدنی نے فیضِ رسول نقشبندی قادری صاحب کو دعوتِ اسلامی کے بیرون ممالک میں ہونے والے دینی کاموں کے حوالے سے آگاہ کیا ۔

اس کے علاوہ دعوت اسلامی کے اصلاحی وفلاحی کاموں کے حوالے سے اپڈیٹ کیا اور مدنی ہیلتھ کیئر سینٹر کے حوالے سے بھی بتایا نیز انہیں ماہنامہ فیضان مدینہ کا شمارہ بھی تحفتاً پیش کیا۔(کانٹینٹ: رمضان رضا عطاری)

شعبہ رابطہ بالعلماء دعوتِ اسلامی کے تحت   ذ مہ دار اسلامی بھائیوں نے دینی کاموں کے حوالے سے مولانا محمد اجمل چشتی( مہتمم جامعہ سدیدیہ معظمیہ حافظ آباد) سے ملاقات کی ۔

شعبے کے ڈویژن ذمہ دار محمد ظہیر عباس عطاری مدنی نے مولانا محمد اجمل چشتی صاحب کودعوتِ اسلامی کے بیرونِ ملک و پاکستان میں ہونے والے دینی، فلاحی اور اصلاحی کاموں کے بارے میں بتایا نیز انہیں سنی جامعات میں ہونے والے فرض علوم پر مشتمل کورسز کے متعلق آگاہ کیا اور ماہنامہ فیضانِ مدینہ تحفے میں پیش کیا۔ (کانٹینٹ: رمضان رضا عطاری)

22 فروری 2023ء کو شعبہ فیضان آن لائن اکیڈمی کے تحت فیضان عطار برانچ فیصل آباد میں ٹریننگ سیشن ہوا جس میں شفٹ ناظمین  اور برانچ ناظمین نے شرکت کی۔

رکن مجلس سید غلام الیاس شاہ نے ٹائم مینجمنٹ کے موضوع پر شرکاکی تربیت کرتے ہوئے انہیں دعوت اسلامی کے دینی کاموں میں حصہ ملانے کا ذہن دیا ۔ (رپورٹ: محمد وقار یعقوب مدنی برانچ ناظم فیضان آن لائن اکیڈمی / کانٹینٹ : محمد مصطفیٰ انیس)

عاشقانِ رسول کی  دینی تحریک دعوتِ اسلامی کی جانب سے شعبہ رابطہ بالعلماء سرکاری ڈویژن گوجرانوالہ کے ذمہ دار محمد ظہیر عباس عطاری مدنی نے حافظ آباد میں مفتی غلام مصطفی سلطانی صاحب ( مہتمم جامعہ سلطانیہ منظور الاسلام ) سے ملاقات کی۔

معلومات کے مطابق محمد ظہیر عباس عطاری مدنی نے مفتی صاحب کو عالمی سطح پر کی جانے والی دعوتِ اسلامی کی دینی کاوشوں کے حوالے سے بتایا نیز سنی جامعات میں ہونے والے کورسز کے متعلق معلومات دیں جس پر انہوں نے خوشی کا اظہار کرتے ہوئے دعوت اسلامی کے لئے دعائے خیر کی ۔آخر میں ذمہ دارا سلامی بھائی نے ماہنامہ فیضانِ مدینہ تحفے میں پیش کیا۔ (کانٹینٹ: رمضان رضا عطاری)

پچھلے دنوں ونیکے تاڑر ڈسٹرکٹ حافظ آباد  میں دعوتِ اسلامی کے شعبہ رابطہ بالعلماء سرکاری ڈویژن گوجرانوالہ کے ذمہ دار محمد ظہیر عباس عطاری مدنی نے قاری محمود احمد قادری صاحب (امام و خطیب جامع مسجد نورانی) سے ملاقات کی۔

ڈویژن ذمہ دار محمد ظہیر عباس عطاری مدنی نے قاری محمود احمد قادری صاحب کو دعوت اسلامی کے دنیا بھر میں ہونے والے دینی، اصلاحی و فلاحی کاموں کے حوالے سے آگاہ کیا نیز مدنی ہیلتھ کیئر سینٹر کے حوالے سے آگاہ کیا اور آخر میں انہیں ماہنامہ فیضان مدینہ تحفتاًپیش کیا۔(کانٹینٹ:رمضان رضا عطاری)

21 فروری 2023ء کو شعبہ فیضان آن لائن اکیڈمی کے تحت ضلع گجرات تحصیل سرائے عالمگیرمیں مدنی مشورہ ہوا ، جس میں سرائے عالمگیر برانچ کے تمام افراد معلمین، ناظمین وغیرہ نے شرکت کی۔

اس مدنی مشورہ میں مرکزی مجلس شوریٰ کے رکن حاجی اظہر عطاری کی تشریف آوری ہوئی ۔رکن شوری نے شرکا کو 12 دینی کاموں کا ذہن دیا جس پر شرکاء نے اچھی اچھی نیتوں کا اظہار کیا ۔ (رپورٹ: محمد وقار یعقوب مدنی برانچ ناظم فیضان آن لائن اکیڈمی / کانٹینٹ : محمد مصطفیٰ انیس) 

26 فروری 2023 ء بروز اتوار شعبہ حج و عمرہ (دعوت اسلامی) کے تحت ڈیرہ مراد جمالی بلوچستان میں عمرہ تربیت مدنی حلقہ کا اہتمام کیا گیا ۔ جس  میں مقامی زائرین سمیت مولانا عطاء اللہ قادری اور حافظ محمد امین قادری نے شرکت کی۔

مدنی حلقے میں عبدالرزاق عطاری (رکن شعبہ حج وعمرہ ڈویژن لاڑکانہ پاکستان) نے شرکا کو احرام باندھنے کا عملی طریقہ بتایا اسکے ساتھ ساتھ حج و عمرہ کے دیگر احکامات بیان کئے ۔

ذمہ دار اسلامی بھائی نے اس موقع پر شعبہ حج وعمرہ کا تعارف بھی بیان کیا اور حاضرین میں ”رفیق المعتمرین “کتاب بھی تحفے میں پیش کی ۔(رپورٹ: رکن ڈویژن لاڑکانہ عبدالرزاق عطاری / کانٹینٹ : محمد مصطفیٰ انیس) 

دعوتِ اسلامی  کے شعبہ رابطہ بالعلماء سرکاری ڈویژن گوجرانوالہ کے ذمہ دار محمد ظہیر عباس عطاری مدنی نے مولانا عظمت علی اویسی (مہتمم جامعہ اویسیہ تعلیم القرآن للبنات امام و خطیب جامع مسجد اویسیہ )سے ونیکے تاڑر ڈسٹرکٹ حافظ آباد میں ملاقات کی۔

دوران گفتگو ظہیر عباس عطاری مدنی نے مولانا عظمت علی اویسی صاحب کو دعوتِ اسلامی کے ملک و بیرون ممالک میں ہونے والے دینی اصلاحی وفلاحی کاموں کے حوالے سے اپڈیٹ کیا اور مدنی ہیلتھ کیئر سینٹر کے حوالے سے معلومات دیں نیز انہیں آخر میں ماہنامہ فیضانِ مدینہ بھی تحفتاً پیش کیا۔(کا نٹینٹ:رمضان رضا عطاری)

دنیا بھر میں دعوت اسلامی تبلیغِ دین کے100 سے زائد شعبہ جات میں نیکی کی دعوت کی دھومیں مچانے میں مصروف ہے،انہی شعبہ جات میں سے ایک شعبہ ’’مجلسِ حج وعُمرہ‘‘ بھی ہے جو حج و عُمرہ کے لئے جانے والے اسلامی بھائیوں اور اسلامی بہنوں کی باقاعدہ تربیت  کرنے،اُنہیں بارگاہِ خداوندی اور بارگاہِ مصطفوی کے آداب اور ضروری مسائل سکھانے کے لئے قائم کی گئی ہے۔اس مجلس میں شامل تربیت یافتہ مبلّغین اسلامی بھائی ہر سال حج کے موسم بہار میں حاجی کیمپوں میں جاکر حاجیوں کی تربیت کرتے ہیں۔

اسی سلسلے میں 05 مارچ 2023ء بروز اتوار عالمی مدنی مرکز فیضان مدینہ کراچی میں شعبہ حج وعمرہ کے تحت ”عمرہ تربیتی اجتماع “ کا اہتمام کیا گیا ہے ۔ اس تربیتی اجتماع میں مرکزی مجلس شوریٰ کے رکن مولاناحاجی عبد الحبیب عطاری شرکا کو حج و عمرہ کے فرائض و واجبات سے آگاہ کرینگے نیز مکہ مکرمہ و مدینہ منورہ زادہما اللہ شرفا و تعظیما میں حاضری کے آداب اور اپنے قیمتی لمحات میں زیادہ سے زیادہ نیکی کرنے کے طریقے و اوراد و وظائف پر بھی گفتگو کرینگے ۔

یادرہے !یہ تربیتی اجتماع پاکستانی وقت کے مطابق دوپہر 02:30 بجے مدنی چینل پر لائیو بھی دکھایا جائے گا۔ (رپورٹ: شعبہ حج و عمرہ / کانٹینٹ : محمد مصطفیٰ انیس)

شعبہ رابطہ بالعلماء سرکاری ڈویژن گوجرانوالہ کے ذمہ دار محمد ظہیر  عباس عطاری مدنی نے قاری ثناءُاللہ قادری صاحب( خطیب جامع مسجد فاروق اعظم ونیکے تاڑر ڈسٹرکٹ حافظ آباد )سے ملاقات کی۔

دورانِ ملاقات محمد ظہیر عباس عطاری مدنی نے قاری ثناءُاللہ قادری صاحب کو ملک بیرون ملک میں ہونے والے دعوتِ اسلامی کے دینی اصلاحی و فلاحی کاموں کے حوالے سے آگاہ کیا اور انہیں مدنی ہیلتھ کیئر سینٹر کے حوالے سے بتایا۔ ساتھ ہی انہیں مدنی مرکز فیضان مدینہ آنے کی دعوت پیش کرتے ہوئے ماہنامہ فیضان مدینہ کا شمارہ تحفے میں پیش کیا۔(کانٹینٹ:رمضان رضا عطاری)

صفت کا لغوی معنی عادت، خوبی اور خاصیت ہے۔(فیروز اللغات، ص914) اور صفت کا لفظ انسان کی ہر عادت پر بولا جاتا ہے خواہ وہ اچھی ہو یا بُری مگر پیارے آقا صلَّی اللہ علیہ واٰلہٖ وسلَّم کی ذاتِ گرامی ایسی ہے کہ آپ کی ہر ادا لاجواب ہے، قراٰن ِ پاک میں اللہ پاک نے سرکار علیہ السّلام کے اوصافِ حمیدہ کا کثیر مقامات پر ذکر فرمایا ہے ان میں سے 10 صفات ملاحظہ فرمائیں:

(1)خَاتَمُ النَّبِیّٖن اللہ پاک نے آپ علیہ السّلام کے وصفِ ختم ِ نبوت کو ذکر فرمایا جو کہ ہمارے ایمان کا بنیادی حصہ ہے۔﴿مَا كَانَ مُحَمَّدٌ اَبَاۤ اَحَدٍ مِّنْ رِّجَالِكُمْ وَ لٰكِنْ رَّسُوْلَ اللّٰهِ وَ خَاتَمَ النَّبِیّٖنَؕ-وَ كَانَ اللّٰهُ بِكُلِّ شَیْءٍ عَلِیْمًا۠(۴۰)﴾ ترجَمۂ کنزُ الایمان: محمّد تمہارے مَردوں میں کسی کے باپ نہیں ہاں اللہ کے رسول ہیں اور سب نبیوں میں پچھلے اور اللہ سب کچھ جانتا ہے۔ (پ22،الاحزاب:40)

(2)رَحْمَةٌ لِّلْعٰلَمِیْن آپ صلَّی اللہ علیہ واٰلہٖ وسلَّم کا ایک وصفِ عظیم یہ ہے کہ آپ تمام جہانوں کے لئے رحمت ہیں اور تمام جہانوں میں انبیا و رُسل، فرشتے اور انسان، دنیا اور آخرت سب شامل ہیں۔﴿وَ مَاۤ اَرْسَلْنٰكَ اِلَّا رَحْمَةً لِّلْعٰلَمِیْنَ(۱۰۷)﴾ ترجَمۂ کنزُالایمان: اور ہم نے تمہیں نہ بھیجا مگر رحمت سارے جہان کے لئے۔ (پ17،الانبیآء:107)

(3، 4)رَءُوْف اور رَحِیْم آپ کے دو عظیم وصف ”رَءُوْف اور رَحِیْم“ بھی قراٰنِ پاک میں بیان ہوئے ہیں:﴿لَقَدْ جَآءَكُمْ رَسُوْلٌ مِّنْ اَنْفُسِكُمْ عَزِیْزٌ عَلَیْهِ مَا عَنِتُّمْ حَرِیْصٌ عَلَیْكُمْ بِالْمُؤْمِنِیْنَ رَءُوْفٌ رَّحِیْمٌ(۱۲۸)﴾ترجَمۂ کنزُالایمان: بےشک تمہارے پاس تشریف لائے تم میں سے وہ رسول جن پر تمہارا مشقت میں پڑنا گراں ہے تمہاری بھلائی کے نہایت چاہنے والے مسلمانوں پر کمال مہربان مہربان۔(پ11،التوبۃ:128)

(5)نبی اُمّی سیدُالمرسلین کی ایک صفت نبی اُمّی بھی ہے کہ آپ مخلوق میں، کسی کے شاگرد نہیں، ان کے رب نے ہی انہیں سب کچھ سکھایا ہے: ﴿اَلَّذِیْنَ یَتَّبِعُوْنَ الرَّسُوْلَ النَّبِیَّ الْاُمِّیَّ الَّذِیْ یَجِدُوْنَهٗ مَكْتُوْبًا عِنْدَهُمْ فِی التَّوْرٰىةِ وَ الْاِنْجِیْلِ٘-﴾ترجَمۂ کنزُ العرفان: وہ جو اس رسول کی اتباع کریں جو غیب کی خبریں دینے والے ہیں،جو کسی سے پڑھے ہوئے نہیں ہیں، جسے یہ (اہلِ کتاب) اپنے پاس تورات اور انجیل میں لکھا ہوا پاتے ہیں۔ (پ9،الاعراف:157)

(6)نرم دل حضور صلَّی اللہ علیہ واٰلہٖ وسلَّم کی نرم دلی تو ایسی کہ اللہ پاک فرماتا ہے: ﴿فَبِمَا  رَحْمَةٍ  مِّنَ  اللّٰهِ  لِنْتَ  لَهُمْۚ-﴾ ترجَمۂ کنزُالایمان: تو کیسی کچھ اللہ کی مہربانی ہے کہ اے محبوب تم ان کے لیے نرم دل ہوئے۔(پ4،اٰل عمرٰن:159)

(7)حیا یہ بہت ہی عمدہ وصف ہے، اسے ایمان کا حصہ بھی قرار دیا گیا ہے۔ کریم آقا علیہ السّلام کے اس وصف کو قراٰن یوں بیان فرماتا ہے: ﴿اِنَّ ذٰلِكُمْ كَانَ یُؤْذِی النَّبِیَّ فَیَسْتَحْیٖ مِنْكُمْ٘-﴾ ترجَمۂ کنزُالایمان: بےشک اس میں نبی کو ایذا ہوتی تھی تو وہ تمہارا لحاظ فرماتے تھے۔ (پ22،الاحزاب:53) اس میں پیارے آقا صلَّی اللہ علیہ واٰلہٖ وسلَّم کی صفتِ حیا کو بیان فرمایا ہے اور آپ سب سے زیادہ حیا فرمانے والے ہیں۔

(8، 9، 10)شاہد،مبشر، نذیر حضور صلَّی اللہ علیہ واٰلہٖ وسلَّم شاہد ہیں یعنی گواہ ہیں اور یہی معنی حاضر و ناظر کے ہیں اور آپ مبشر ہیں کہ ایمان والوں کو جنت کی خوشخبری دینے والے اور نذیر بھی ہیں کہ کافروں کو جہنم کے عذاب سے ڈر سنانے والے ہیں:﴿یٰۤاَیُّهَا النَّبِیُّ اِنَّاۤ اَرْسَلْنٰكَ شَاهِدًا وَّ مُبَشِّرًا وَّ نَذِیْرًاۙ(۴۵)﴾ ترجَمۂ کنزُالایمان: اے غیب کی خبریں بتانے والے (نبی) بیشک ہم نے تمہیں بھیجا حاضر ناظر اور خوشخبری دیتا اور ڈر سناتا۔ (پ22، الاحزاب: 45)

ذات ہوئی اِنتِخاب وَصف ہوئے لاجواب

نام ہوا مُصطَفےٰ تم پہ کروڑوں درود

(حدائقِ بخشش،ص264)