Daegu شہر، ساؤتھ کوریا کے علاقے سنگ سو میں قائم دعوتِ اسلامی کے مدنی مرکز فیضانِ مدینہ میں شرافت علی رندھاوا کی والدہ مرحومہ کے لئے ایصالِ ثواب اجتماع کا انعقاد کیا گیا جس میں بزنس کمیونٹی سمیت دیگر اسلامی بھائیوں نے شرکت کی۔

تلاوتِ قراٰن و نعتِ رسولِ مقبول صلی اللہ علیہ و سلم کے بعد مبلغِ دعوتِ اسلامی نے سنتوں بھرا بیان کرتے ہوئے شرکا ئے اجتماع کو نیکی کے کام کرنے کا ذہن دیا جبکہ مرحومہ کے لئے دعا و فاتحہ خوانی بھی کی گئی۔آخر میں صلوٰۃ و سلام پڑھا گیا۔

عاشقانِ رسول کی دینی تحریک  دعوتِ اسلامی کے تحت پچھلے دنوں افریقی ملک تنزانیہ میں قبولِ اسلام کی مدنی بہار دیکھنے کو ملی۔

رپورٹ کے مطابق تنزانیہ میں بعد نمازِ عصر علاقائی دورہ برائے نیکی کی دعوت کا سلسلہ ہوا جس میں مبلغِ دعوتِ اسلامی نے ایک غیر مسلم پر انفرادی کوشش کی جس پر اُس غیر مسلم نے کلمہ طیبہ پڑھ کر اسلام قبول کر لیا۔

موزمبیق کے مدنی مرکز فیضانِ مدینہ Nampula میں دعوتِ اسلامی کے تحت سنتوں بھرے اجتماع کا انعقادکیا گیا جس میں مختلف مقامات سے ائمۂ کرام، مبلغینِ دعوتِ اسلامی اور مقامی عاشقانِ رسول کی شرکت ہوئی جبکہ ذمہ داران بھی موجود تھے۔

تلاوت و نعت سے اجتماعِ پاک کا آغاز کیا گیا جبکہ دینی کاموں کے سلسلے میں افریقہ شیڈول پر موجود مرکزی مجلسِ شوریٰ کے رکن حاجی محمد اطہر عطاری نے سنتوں بھرا بیان کرتے ہوئے شرکا کو دینی کاموں میں بڑھ چڑھ کر حصہ لینے، ہفتہ وار سنتوں بھرے اجتماع میں شرکت کرنے اور مدنی قافلوں میں سفر کرنے کا ذہن دیا۔

دورانِ بیان رکن شوریٰ حاجی محمد اطہر عطاری نے عاشقانِ رسول کو مصافحہ کرنے (ہاتھ ملانے) کا سنت طریقہ بتایا اور اختتامی دعا کروائی نیز صلوٰۃ و سلام بھی پڑھا گیا۔سنتوں بھرے اجتماع کے بعد مقامی اسلامی بھائیوں کی رکنِ شوریٰ سے ملاقات ہوئی۔ (کانٹینٹ:غیاث الدین عطاری)

افریقی ملک کینیا کے شہر Malindi میں موجود دینی ادارے ”دار المدثر للدراست الاسلامیہ“ کے مہتمم حضرت مولانا فیصل العمودی شافعی دامت برکاتہم القدسیہ کی مرکزی مجلسِ شوریٰ کے رکن مولانا حاجی محمد جنید عطاری مدنی سے ملاقات ہوئی۔

دورانِ ملاقات کنیا سمیت مختلف ممالک میں عاشقانِ رسول کی دینی تحریک دعوتِ اسلامی کے تحت ہونے والے دینی و فلاحی کاموں نیز دیگر امور پر گفتگو کا سلسلہ ہوا جبکہ اختتام پر دعا بھی کی گئی۔

علاوہ ازیں رکنِ شوریٰ نے مولانا فیصل العمودی شافعی دامت برکاتہم القدسیہ کو امیرِ اہلِ سنت دامت بَرَکَاتُہمُ العالیہ کی مایاناز کتاب ”نیکی کی دعوت“ کا عربی ایڈیشن و دیگر کتابیں تحفے میں پیش کیں۔

اسی طرح کینیا میں ہی رکنِ شوریٰ مولانا حاجی محمد جنید عطاری مدنی نے دیگر اسلامی بھائیوں کے ہمراہ حضرت استاذ محمد البیض رحمۃ اللہ علیہ کے مزار شریف پرحاضری دی اور دعا و فاتحہ خوانی کی۔(کانٹینٹ:غیاث الدین عطاری)

افریقی ملک موزمبیق کے شہر Beira میں قائم مدنی مرکز فیضانِ مدینہ میں دعوتِ اسلامی کے تحت ذمہ داران و عاشقانِ رسول کا سنتوں بھرا اجتماع ہوا جس میں مختلف علاقوں سے ائمۂ کرام، مبلغین اور مقامی اسلامی بھائیوں کی شرکت ہوئی۔

تلاوت و نعت کےبعد اس سنتوں بھرے اجتماع میں مرکزی مجلسِ شوریٰ کے رکن حاجی محمد اطہر عطاری نے سنتوں بھرا بیان کیا اور اسلامی بھائیوں کو نیکی کے کام کرنے، گناہوں سے بچنے، نیکی کی دعوت عام کرنے اور دعوتِ اسلامی کا ساتھ دینے کے لئے دینی کاموں میں بڑھ چڑھ کر حصہ لینے کی ترغیب دلائی۔

اٹلی کے شہر Legnano میں نیکی کی دعوت عام کرنے کا جذبہ لئےہوئے عاشقانِ رسول کی دینی تحریک دعوتِ اسلامی کے تحت بزنس کمیونٹی اور مختلف شعبہ ہائے زندگی سے تعلق رکھنے والے عاشقانِ رسول کے لئے ایک میٹ اپ ہوا ۔

اس میٹ اپ میں مرکزی مجلسِ شوریٰ کے رکن حاجی یعفور رضا عطاری نے سنتوں بھرا بیان کیا جس میں انہوں نے شرکا اسلامی بھائیوں کو نیکی کی دعوت پیش کی اور انہیں نیکی کے کاموں میں بڑھ چڑھ کر حصہ لینے کی ترغیب دلائی۔

جرمنی کے شہر  Frankfurt میں قائم دعوتِ اسلامی کے مدنی مرکز فیضانِ مدینہ میں یورپ کے مختلف ممالک (Spain ، Netherlands ، Belgium ، France ، Denmark ، Sweden ، Norway ، Italy ، Portugal ، Germany) کے ذمہ داران کا مدنی مشورہ منعقد ہوا جس میں اراکینِ شوریٰ مولانا حاجی عبد الحبیب عطاری، حاجی یعفور رضا عطاری اور یورپین یونین ریجن کے نگران و اراکین بھی موجود تھے۔

دورانِ مدنی مشورہ ذمہ داران کی جانب سے مختلف ممالک میں ہونے والے دینی و فلاحی کاموں کی پریزنٹیشنز پیش کی گئیں جبکہ مرکزی مجلسِ شوریٰ کے نگران مولانا حاجی محمد عمران عطاری نے دعوتِ اسلامی کے دینی و فلاحی کاموں کی کارکردگی کا جائزہ لیتے ہوئے ذمہ داران کو یورپ بھر میں دینی کاموں کو مضبوط اور بہتر سے بہتر بنانے کے حوالے سے مدنی پھول دیئے۔

Frankfurt, Garmany کے مقامی کمیونٹی سینٹر میں عاشقانِ رسول کی دینی تحریک دعوتِ اسلامی کے تحت سنتوں بھرے اجتماع کا انعقاد کیا گیا جس میں بزنس کمیونٹی سمیت یورپ کے مختلف ممالک سے آئے ہوئے ذمہ داران اور مبلغینِ دعوتِ اسلامی نے شرکت کی۔

تفصیلات کے مطابق سنتوں بھرے اجتماع میں تلاوتِ قراٰنِ پاک کے بعد رکنِ شوریٰ مولانا حاجی عبد الحبیب عطاری نے نعت شریف پڑھی اور مرکزی مجلسِ شوریٰ کے نگران مولانا حاجی محمد عمران عطاری نے سنتوں بھرا بیان کیا۔

بیان کے دوران نگرانِ شوریٰ مولانا حاجی محمد عمران عطاری نے شرکا کو گناہوں سے بچتے ہوئے نیک اعمال کرنےاور دینِ متین کی خدمت کرتے ہوئے دعوتِ اسلامی کے دینی و فلاحی کاموں میں حصہ لینے کا ذہن دیا۔

بعدازاں نگرانِ شوریٰ نے وہاں موجود تمام عاشقانِ رسول کو سلسلۂ قادریہ رضویہ عطاریہ میں داخل کر کے امیرِ اہلِ سنت دامت بَرَکَاتُہمُ العالیہ کا مرید بھی بنایااور اختتامی دعا کروائی۔

اس موقع پر نگرانِ شوریٰ کے ہمراہ مرکزی مجلسِ شوریٰ کے اراکین مولانا حاجی عبد الحبیب عطاری، حاجی یعفور رضا عطاری اور دیگر مبلغین بھی موجود تھے۔(کانٹینٹ:غیاث الدین عطاری)

لوگوں کو گناہوں سے بچا کر نیکیوں میں لگانے والی عالمی تحریک دعوتِ اسلامی کے تحت یورپی ملک جرمنی کے شہر  Frankfurt میں تاجر اجتماع کا انعقاد کیا گیا جس میں Frankfurt انٹرنیشنل ہیم ٹیکس ایگزی ویشن میں مختلف ممالک سے آئے ہوئے بزنس کمیونٹی سے وابستہ افراد سمیت مختلف شعبہ ہائے زندگی سے تعلق رکھنے والے عاشقانِ رسول نے شرکت کی۔

تاجر اجتماع کے آغاز میں تلاوتِ قراٰن کے بعد نعت شریف پڑھی گئی جبکہ دعوتِ اسلامی کی مرکزی مجلسِ شوریٰ کے نگران مولانا حاجی محمد عمران عطاری نے سنتوں بھرا بیان کیا جس میں انہوں نے شرکا کو گناہوں سے بچنے، نیک اعمال کرنے اور اپنی قبر و آخرت کی تیاری کرنے کا ذہن دیا۔

نگرانِ شوریٰ مولانا حاجی محمد عمران عطاری نے دنیا میں رہتے ہوئے اپنی آخرت کے حوالے سے کوشش کرنے اور اسلامی تعلیمات کے مطابق زندگی گزارنے کا ذہن دیا جس پر انہوں نے اچھی اچھی نیتیں کیں ۔

دورانِ اجتماع حاضرین کو عالمی سطح پر ہونے والی دعوتِ اسلامی کی دینی و فلاحی سرگرمیوں پر ویڈیو ڈاکومنٹری دکھائی گئی اور انہیں خدماتِ دین میں دعوتِ اسلامی کا ساتھ دینے کی ترغیب دلائی گئی۔

ترقی کی راہ پر گامزن عاشقانِ رسول کی دینی تحریک دعوتِ اسلامی کے تحت کانفرنس روم میں دارالمدینہ انٹرنیشنل یونیورسٹی کے عربی  ڈیپارٹمنٹ کے بورڈ آف سٹڈیز کی پہلی میٹنگ منعقد ہوئی جس میں خصوصی طور پر رکنِ مرکزی مجلسِ شوریٰ مولانا حاجی محمد جنید عطاری مدنی بھی موجود تھے۔

شعبہ  کفن دفن دعوت اسلامی کے تحت جنوری 2024ء کی 12 تاریخ کو سبحانی مسجد نارتھ ناظم آباد میں سیکھنے سکھانے کے حلقے کا انعقاد کیا گیا جس میں ا ہل ِ علاقہ اور مسجد کے نمازی حضرات نے حاضری دی ۔

حلقے کے آغاز میں ٹاؤن ذمہ دار عبدالغفار عطاری نے شرکا کو شعبے کے تعارف پر مشتمل مسلم فیونرل اپلیکیشن ڈاؤن لوڈ کروائی پھر عزیر عطاری (شعبہ کفن دفن ایسٹ ڈسٹرکٹ ذمہ دار) نے شرکائے حلقہ کو غسلِ میت دینے،کفن کاٹنے اور کفن پہنانے کا پریکٹیکل طریقہ بتایا ۔ساتھ ہی اس حوالے سے عوام میں پائی جانے والی عمومی غلطیوں کے بارے میں رہنمائی کی ۔ (کانٹینٹ:رمضان رضا عطاری) 

پچھلے دنوں   دعوت اسلامی کے زیرِ اہتمام نارتھ ناظم آباد کی مدینہ مسجد میں غسلِ میت کو رس ہوا جس میں مقامی عاشقانِ رسول نے شرکت کی ۔

ٹاؤن ذمہ دار عبدالغفار عطاری نے شرکا کو شعبے کے تعارف پر مشتمل مسلم فیونرل اپلیکیشن ڈاؤن لوڈ کرائی۔بعدازاں کفن دفن کے حوالے سے گفتگو کرتے ہوئے ڈسٹرکٹ ذمہ دار عزیر عطاری نے شرکا کو غسلِ میت دینے کا طریقہ بتایا اور کفن کاٹنے و پہنانے کے حوالے سے تربیت کی۔( رپورٹ:رمضان رضا عطاری)