پی آئی بی کالونی کراچی میں قائم اسلامی بہنوں کے دارالسنہ فیضانِ صحابیات میں 11 جنوری 2024ء کو مدنی مشورہ ہوا جس میں کراچی ڈسٹرکٹ ملیر 2 کی یوسی تا ڈویژن نگران اسلامی بہنوں کی شرکت رہی۔

نگرانِ عالمی مجلسِ مشاورت اسلامی بہن نے”احساسِ ذمہ داری“ کے موضوع پر بیان کیا اور اسلامی بہنوں کو دینی کام کرنے، وعدہ خلافی سے بچنے، نرمی اختیار کرنے اور نیکیوں میں آگے بڑھنے کی ترغیب دلائی۔

بعدِ بیان مدنی مشورے میں شریک اسلامی بہنوں نے مختلف سوالات کئےجس کے صاحبزادیِ عطار سلمہا الغفار نے علم و حکمت بھرے جوابات دیئے نیز دینی کام کو مزید احسن انداز میں کرنے کے متعلق مدنی پھول دیئے۔آخر میں صاحبزادیِ عطار سلمہا الغفار نےدعا کروائی۔

دعوتِ اسلامی کے دینی کاموں کے سلسلے میں 9 جنوری 2024ء کو بذریعہ انٹرنیٹ  مدنی مشورہ ہوا جس میں نگرانِ پاکستان مجلسِ مشاورت اور پنجاب کی صوبائی نگران اسلامی بہنوں نے شرکت کی۔

پنجاب شیڈول کے حوالے سے گفتگو کرتے ہوئے عالمی مجلسِ مشاورت کی نگران اسلامی بہن نے ذمہ داران کی تربیت و رہنمائی کی جبکہ انگلش لینگویج کورس کرنے ، سب ٹاؤن کی رسالہ کارکردگی جمع کرنے اور گجرانوالہ کے دینی کاموں کو مضبوط کرنے کے لئے اسلامی بہنوں کی ذہن سازی کی۔

دعوتِ اسلامی کے زیرِ اہتمام 6 جنوری 2024ء کو یوکے، یورپ ، بنگلہ دیش اور ساؤدرن ریجن کی اسلامی بہنوں سے عیادت کرنے کے سلسلے میں ہفتہ دعائے حاجات سیشن کا انعقاد کیا گیا ۔

بیرونِ ممالک کے تنظیمی اسٹرکچر سے متعلق دعوتِ اسلامی کے تحت  6جنوری 2024ء کو مدنی مشورہ ہوا جس میں مختلف ممالک کی نگران اور شعبہ ذمہ دار اسلامی بہنوں نے بذریعہ انٹرنیٹ شرکت کی۔

دعوتِ اسلامی کی نگرانِ عالمی مجلسِ مشاورت اسلامی بہن نے دینی کاموں کے حوالے سے گفتگو کرتے ہوئے بیرونِ ممالک میں تنظیمی اسٹرکچر کے نظام کو کس طرح آسان بنایا جائے اس پر شرکا کو مدنی پھول دیئے۔علاوہ ازیں نگرانِ عالمی مجلسِ مشاورت نے اس کے نفاذ کے لئے اسلامی بہنوں کی ذہن سازی بھی کی۔

ایجوکیشن ڈیپارٹمنٹ دعوتِ اسلامی  کے تحت 6 جنوری 2024ء کو کراچی میں قائم اسلامی بہنوں کے دارالسنہ فیضانِ صحابیات پی آئی بی کالونی میں کراچی کی تمام ذمہ دار اسلامی بہنوں کے لئے thanks giving ceremony تقریب منعقد ہوئی جس میں پاکستان کے دیگر شہروں سمیت بیرونِ ممالک سے ایجوکیشن ڈیپارٹمنٹ کی اسلامی بہنیں آن لائن شریک ہوئیں۔

تقریب کی ابتدا میں تلاوتِ قراٰن کی گئی اور نعتِ خواں اسلامی بہن نے حضور پُر نور حضرت محمد صلی اللہ علیہ و سلم کی بارگاہ میں نذرانۂ عقیدت پیش کیا نیز دعوتِ اسلامی کی نگرانِ عالمی مجلسِ مشاورت اسلامی بہن نے سنتوں بھرا بیان کرتے ہوئے ایجوکیشن ڈیپارٹمنٹ کی اہمیت کے بارے میں اسلامی بہنوں کو بتایا۔

اس کے علاوہ عالمی مجلس مشاورت کی اراکین ، نگرانِ پاکستان مجلسِ مشاورت اور ان کی اراکین اسلامی بہنوں نے مختلف موضوعات پر بیانات کئے جبکہ صاحبزادیِ عطار سلمہا الغفار نے اختتامی دعا کروائی۔صلوٰۃ و سلام کے بعد تقریب میں موجود اسلامی بہنوں نے صاحبزادیِ عطار سلمہا الغفار سے ملاقات بھی کی۔

4 جنوری 2024ء کو عاشقانِ رسول کی دینی تحریک دعوتِ اسلامی کے تحت آن لائن میٹنگ منعقد ہوئی جس میں عالمی مجلسِ مشاورت کی اراکین سمیت دیگر سطح کی ذمہ دار اسلامی بہنیں شریک ہوئیں۔

تنظیمی اسٹرکچر کے حوالے سے گفتگو کرتے ہوئے نگرانِ عالمی مجلسِ مشاورت اسلامی بہن نے دعوتِ اسلامی کے دینی کاموں میں مزید بہتری لانے کاذہن دیا جس پر انہوں نے اچھی اچھی نیتیں کیں۔

پی آئی بی کالونی کراچی میں قائم اسلامی بہنوں کے دارالسنہ فیضانِ صحابیات میں 4جنوری 2024ء کو  ایک سیشن ہوا جس میں کراچی بھر سے شعبہ کفن دفن للبنات کی ذمہ داران براہِ راست جبکہ بیرونِ ملک کی اسلامی بہنیں بذریعہ انٹرنیٹ شریک ہوئیں۔

سیشن کے دوران عالمی مجلسِ مشاورت کی نگران اسلامی بہن نے ”اطاعت“ کے موضوع پر بیان کیا اور صاحبزادیِ عطار سلمہا الغفار نے اسلامی بہنوں کی جانب سے ہونے والے چند سوالات کے جوابات دیئے۔سیشن کے آخر میں صلوٰۃ و سلام پڑھا گیا اور صاحبزادیِ عطار سلمہا الغفار نے دعا کروائی۔

پچھلے دنوں  خیبر ڈسٹرکٹ کی تحصیل لنڈی کوتل میں دعوت اسلامی کے مدنی مرکز فیضان مدینہ کے سنگ بنیاد کے موقع پر اجتماع کا انعقاد کیا گیا جس میں مقامی ذمہ داران و عاشقانِ رسول نے شرکت کی ۔

صوبائی مشاورت کے نگران قاری اشفاق عطاری نے مسجد کا سنگ بنیاد رکھا اور بیان کیا جس میں اہل علاقہ کو نیکی کی دعوت پیش کرتے ہوئے نماز باجمات ادا کرکے مسجد کی آباد کاری میں حصہ لینے کا ذہن دیا جس پر انہوں نے اچھے جذبات کا اظہار کیا۔

اس موقع پر پیر صاحب زادہ مولانا عدنان قادری نے بھی شرکت کی اور دعوت اسلامی کے دینی کاموں کی تعریف کی۔(رپورٹ:دعوت اسلامی پشاور، کانٹینٹ:رمضان رضا عطاری مدنی )

4 فروری  2024ء کو مدنی مرکز فیضان مدینہ بہاولپور میں بہاولپور ڈویژن مشاورت و ذمہ داران کی ماہانہ میٹنگ کا انعقاد کیا گیا جس میں نگران بہاولپور ڈویژن ڈاکٹر حافظ عبدالرؤف عطاری نے سالانہ بجٹ ،12دینی کام ،1ماہ اعتکاف کے اہداف دیئے نیزشب برأت میں ڈونیشن جمع کرنے کے حوالے سے مدنی پھول دیئے جس پر ذمہ داران نے اچھی اچھی نیتوں کا اظہار کیا۔(رپورٹ :احمدرضا عطاری ڈویژن میڈیا ڈیپارٹمنٹ، کانٹینٹ:رمضان رضا عطاری مدنی )

دنیا بھر میں  دینی کام کرنے والی عاشقانِ رسول کی دینی تحریک دعوت اسلامی کے تحت 3 اور 4 فروری 2024 ء کو حیدرآباد کے مدنی مرکز فیضان مدینہ میں 12 ماہ کے 150عاشقان رسول کی 2 دن کی نشست ہوئی جس میں نگران سندھ و رکن شوریٰ حاجی قاری ایاز عطاری نے عاشقان رسول کی تربیت فرمائی۔

٭دوسری جانب نگران شعبہ مدنی قافلہ ذمہ دار حاجی مشکور عطاری اور12 ماہ مدنی قافلے کے پاکستان ذمہ دار مولانا شاکر عطاری مدنی نے اسلامی بھائیو کی اعتکاف کی تیاری ، اعتکاف سافٹ ویئر ڈیٹا انٹری ، ذمہ دار کو کیسا ہونا چاہیے اور شیڈول کیسے بناتے ہیں کے موضوعات پر تربیت کی۔

معلومات کے مطابق نشست میں شامل یہ اسلامی بھائی سندھ کے چھ مقامات ( بدین ،میرپورخاص ، حیدرآباد ، اوباڑ و، لاڑکانہ ، نوابشاہ)جہاں ایک ماہ کا اعتکاف ہو گا پر اعتکاف کی تیاری کے لئے مدنی قافلوں کی صورت میں روانہ ہوں گے پھر وہاں حلقہ نگران بن کر اعتکاف چلائے گے۔(رپورٹ: علی حسن عطاری شعبہ 12 ماہ صوبہ سندھ،کانٹینٹ:رمضان رضا عطاری مدنی )

7 فروری 2024ء  کو مظفرآباد میں قائم نوبل فاؤنڈیشن برائے معذور افراد کے دفتر میں صوبائی ذمہ دار نابینا افراد کامران عطاری نے ڈویژن ذمہ دار سلیمان اصغر عطاری اور شعبہ اسپیشل پرسنز ڈیپاٹمنٹ کے اعظم عطاری نے N.G.O کے معزور سرپرست اعلی سید احسان گیلانی سے ملاقات کی ۔

ان کو نیکی کی دعوت پیش کی اور دعوت اسلامی کے شعبہ اسپیشل پرسنز کاتعارف و مقاصد کی آگاہی دی نیز اس کے تحت ہونے والے دینی کاموں کے حوالے سے بتایا ۔

ساتھ ہی شخصیات کو مدرسۃ المدینہ برائے نابینا کا وزٹ کرنے کی دعوت پیش کی جس پر سیّد احسان گیلانی نے اچھی نیت کا اظہار کا اور دعوت اسلامی کا شکریہ ادا کیا۔(کانٹینٹ:رمضان رضا عطاری)

دعوت اسلامی  کے شعبہ اسپیشل پرسنز کی جانب سے نیشنل اسپیشل پرسنز اسکول مظفر آباد میں سیکھنے سکھانے کے حلقے کا سلسلہ ہوا جس میں اسپیشل بچوں کے درمیان ”وقت کی قدر اور معراج محمد مصطفی صلَّی اللہ علیہ واٰلہٖ وسلَّم کے مقاصد“ کے موضوع پر صوبائی ذمہ دار نابینا افراد کامران عطاری نے بیان کیا جبکہ ڈویژن ذمہ دار سلیمان عطاری اور اعظم عطاری نے اشاروں کی زبان میں بیان کی ترجمانی کی ۔

٭بعدازاں ذمہ داران نے نیکی کی دعوت دینے کے سلسلے میں ا سکول پرنسپل و اساتذہ سے ملاقات کی ۔ صوبائی ذمہ دار کامران عطاری نے شعبے کا تعارف پیش کیا اور دعوت اسلامی کی اصلاح اُمت کے لئے کی جانے والی کوششِ اور ان کی اہمیت کے بارے میں حاضرین کو بتایا نیز نابینا افراد کے لئے قائم کردہ مدرسۃ المدینہ دعوت اسلامی کے بارے میں معلومات دیں اور اس کاوزٹ کرنے کی دعوت دی جس پر اسکول پرنسپل اور اساتذہ سمیت دیگر افراد نے ساتھ ملکر وزٹ کرنے کی نیت کا اظہار کیا۔(کانٹینٹ:رمضان رضا عطاری)