ماہنامہ فیضانِ مدینہ کے قارئین کو مطلع کیا جاتا ہے کہ جنوری 2021 سے ”ماہنامہ فیضانِ مدینہ“ عیسوی ماہ کے حساب سے شائع کیا جائے گا لہٰذاماہنامہ فیضان مدینہ کی ترسیل اور مکتبۃُ المدینہ پر دستیابی بھی عیسوی ماہ کی مناسبت سے ہوگی۔

شعبہ ماہنامہ فیضانِ مدینہ

المدینۃ العلمیہ Islamic Research Center

دعوت اسلامی کے شعبہ مدرسۃالمدینہ بالغات کے زیر اہتمام 21 دسمبر2020ء سے  لندن ریجن کے علاقے فيلتهم (Feltham)میں انگلش درجے کا آغاز ہو رہا ہے جس میں اسلامی بہنوں کو نہ صرف قراٰنِ پاک تجوید کے ساتھ پڑھایا جائے گا بلکہ فرض علوم و اسلامی بنیادی عقائد کی تعلیم بھی دی جائے گی۔

داخلے کی خواہشمند اسلامی بہنیں ذمہ دار اسلامی بہنوں سے رابطہ فرمالیں۔

مبلغ دعوت اسلامی کی انفرادی کوشش سے اسکاٹ لینڈ میں قائم مدرسۃ المدینہ میں ایک غیر مسلم نے اسلام قبول کرلیا اور اپنے پچھلے مذہب سے توبہ بھی کی۔نگران اسکاٹ لینڈ زون محمد یاسرعطاری نے اس نو مسلم کا اسلامی نام ”محمد شاہد “رکھا اور امیر اہل سنت دَامَتْ بَرَکَاتُہُمُ الْعَالِیَہ کی تصانیف بھی پیش کیں۔ 

دعوت اسلامی کے زیر اہتمام 14 دسمبر 2020ء کو مدنی مرکز فیضان مدینہ جوہر ٹاؤن لاہور میں نگران کابینہ لاہور شمالی و جنوبی زون، مجلس خدام المساجد، مجلس اثاثہ جات، مجلس تعمیرات،مدرسۃ المدینہ بالغان،مجلس تاجران، لیگل مجلس اور مجلس ائمہ مساجد کے ریجن و زون اور شعبہ جات کے ذمہ داران کا مدنی مشورہ ہوگا۔

مدنی مشورے میں مرکزی مجلس شوریٰ کے رکن حاجی یعفور رضا عطاری دینی کاموں کی کارکردگی کا جائزہ لیتے ہوئے شرکا کی تربیت فرمائیں گے۔

واضح رہے کہ مدنی مشورے کا آغاز عشاء کی نماز کے بعد ہوگا۔

11دسمبر 2020ء کو دعوت اسلامی کے زیر اہتمام مدرسۃ المدینہ للبنین حمید پورہ کے ریجن ذمہ دار کی رہائش گاہ پر اجتماع غوثیہ کا انعقاد کیا گیا جس میں اہلِ علاقہ اور دیگر ذمہ داران دعوت اسلامی نے شرکت کی۔

مرکزی مجلس شوریٰ کے رکن حاجی یعفور رضا عطاری نے سنتوں بھرا بیان کیااور شرکا کو علم دین حاصل کرنے کے لئے مدنی قافلوں میں سفر اور سیرت غوث پاک رضی اللہ عنہ کو اپناتے ہوئے زندگی گزارنے کی ترغیب دلائی۔ 

6دسمبر 2020ء کو مجلس مدنی قافلہ دعوت اسلامی کے زیر اہتمام بذریعہ ویڈیو لنک سنتوں بھرے اجتماع کا انعقاد کیا گیا جس میں کراچی، حیدر آباد، ملتان، فیصل آباد، لاہور اور اسلام آبادسمیت ملک و بیرون ملک میں کم و بیش 900 مقامات پر عاشقانِ رسول نے شرکت کی۔

عالمی مدنی مرکز فیضان مدینہ کراچی میں اراکینِ شوریٰ حاجی محمد امین عطاری، حاجی امین قافلہ اور حاجی سید لقمان عطاری سمیت دیگر ذمہ داران موجود تھے۔

مرکزی مجلس شوریٰ کے نگران حاجی مولانا محمد عمران عطاری مَدَّظِلُّہُ الْعَالِی نے ”نیکی کی دعوت کی اہمیت و ضرورت“پر سنتوں بھرا بیان کرتے ہوئے فرمایا کہ نیکی کی دعوت یہ اتنا عظیم کام ہے جو میرے کام آقا صلَّی اللہ علیہ واٰلہٖ وسلَّم نے کیا، ہمیں اللہ پاک کے آخری نبی صلَّی اللہ علیہ واٰلہٖ وسلَّم کی سیرت پاک کو پڑھنا اور سمجھنا چاہیئے۔ نگران شوریٰ نے مزید فرمایا کہ صحابہ کرام علیہمُ الرِّضوان نے نبی پاک صلَّی اللہ علیہ واٰلہٖ وسلَّم کے ساتھ سفر کرکے، تکلیفیں اٹھاکر، حتٰی کے اپنی جانوں کو قربان کرکےاسلام اور دین کی دعوت دے کرہم سب کے لئے نمونہ عمل پیش کیا۔ حاجی عمران عطاری نے مدنی پھول ارشاد فرماتے ہوئے فرمایا کہ نیکی کی دعوت دینے میں لذت ہے ، بد قسمتی سے ایک بڑی تعداد اس لذت سے محروم ہے. نگران شوریٰ نے مدنی قافلے میں سفر کرنے کی ترغیب دلاتے ہوئے فرمایا کہ زندگی گزارنے کا طریقہ مدنی قافلہ سکھاتا ہے، معاشرہ ہمارے کردار سے بنتا ہے ہم اچھے معاشرہ اچھا ،ہم بُرے معاشرہ بُرا، مسجد میں بیٹھنے کا جذبہ مدنی قافلے سے ملتا ہے، عبادات کی درستگی مدنی قافلے میں نصیب ہوتی ہے، قلبی و ذہنی سکون مدنی قافلے میں ملتا ہے۔

دعوتِ اسلامی کے زیرِ اہتمام07 دسمبر2020ء کو  لاہور جنوبی زون کی ذمہ دار اسلامی بہنوں کا مدنی مشورہ ہوا جس میں زون مشاورت اور کابینہ نگران اسلامی بہنوں نے شرکت کی۔

زون نگران نے”حبِّ جاہ“ کے موضوع پر بیان کیااور مدنی مشورے میں شریک اسلامی بہنوں کو اس سے بچنے کے مختلف نکات عطا فرمائے نیز کارکردگی شیڈول نیچے سطح تک مضبوط کرنے کا ذہن دیا۔ زون نگران اسلامی بہن نے مدنی مشورے میں شریک اسلامی بہنوں کی کارکردگی کاجائزہ لیتے ہوئے تربیت کی اور شعبہ جات کے دینی کاموں میں مزید اضافہ و بہتری کا ذہن دیا۔

دعوت اسلامی کی مجلس مدنی قافلہ کے زیر اہتمام 29 نومبر 2020ء کو عالمی مدنی مرکز فیضان مدینہ کراچی میں تربیتی سیشن ہوا جس میں کراچی اور حیدر آباد سے  12 ماہ کے مدنی قافلے میں سفر کرنے والے اسلامی بھائیوں نے شرکت کی۔

مرکزی مجلس شوریٰ کے رکن حاجی سید لقمان عطاری نے شرکا کی تربیت کی اور اسلامی بھائی کو دینی کاموں پر استقامت، نفلی عبادت کرنے اور اللہ کی رضا کو ہر دم پیش نظر رکھنے کی ترغیب دلائی۔(رپورٹ: محمد حارث عطاری، شعبہ مدنی قافلہ)

کرونا وائرس نے ایک بھر دنیا کے مختلف ممالک کو اپنی لپیٹ میں لے لیا ہے جس کی وجہ  سے دوسری بار دنیا کے مختلف ممالک میں قومی سطح پر لاک ڈاؤن لگایا دیا گیا ہے۔اس لاک ڈاؤن کی وجہ سے روز کمانے والے اور ضرورت مند حضرات پریشانی میں مبتلاہے۔

دعوت اسلامی ویلفیئر برطانیہ ایک بار پھر کرونا کی اس دوسری لہر میں خدمت انسانیت اور ہمددردی کرتے ہوئے ضرورت مندوں کی مدد کرنے کے لئے فرنٹ لائن پر موجود ہے۔ برمنگھم یوکے اور اس کے اطراف میں مفت کھانے کی فراہمی جاری ہے۔

ہماری ٹیم کے ساتھ تعاون کرنے لئے اس نمبر پر رابطہ کریں:

07988883662

ڈاکٹر رضوان صدیقی، ریحان صدیقی، فیضان صدیقی، ڈاکٹر عدنان صدیقی اور ڈاکٹر ارسلان صدیقی کے والد صاحب، شفیق صدیقی، ڈاکٹر محفوظ صدیقی اور مقصود صدیقی کے بھائی جان رفیق احمد صدیقی پھیپھڑوں کے انفیکشن کے سبب10 ربیع الاٰخر 1442ھ کو  82 سال کی عمر میں واہ کینٹ میں انتقال کرگئے۔

انتقال کی خبر ملنے پر امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہنے مرحوم رفیق احمد کے صاحبزادگان اور بھائیوں سے تعزیت کی اور لواحقین کو صبر کی تلقین فرمائی۔امیر اہل سنت نے مرحوم کو ایصالِ ثواب کرتے ہوئے کتاب فیضان نماز سے حدیث پاک بھی بیان کی۔ امیر اہل سنت نے لواحقین کو مدنی قافلوں میں سفر کرنے، سنت کے مطابق زندگی گزارنے اور مدنی انعامات پر عمل کرنے کی ترغیب دلائی۔

Under the supervision of Dawat-e-Islami, a Madani Halqa, namely ‘Dars-o-Bayan’ was conducted in Houston (America). All Islamic sisters of Mushawarat had the privilege of attending the Madani Halqa. The preacher of Dawateislami delivered Dars from ‘Faizan-e-Namaz’ book and encouraged the Islamic sisters to offer Salah regularly. Division Islamic sister shared important points about Tajweed (correct articulation) and the attendees (Islamic sisters) also recited and practiced some words.

دارالعلوم نعیمیہ کراچی کے ناظم تعلیمات، استاذ العلماء علامہ جمیل احمد نعیمی ضیائی صابری رحمۃ اللہ علیہ 17نومبر 2020ء کو اس دنیائے فانی سے رخصت ہوگئے۔

26نومبر 2020ء بروز جمعرات دارالعلوم نعیمیہ کراچی میں سوئم کے سلسلے میں ایک پروگرام کا انعقاد کیا گیا جس میں مرکزی رؤیت ہلال کمیٹی کے چیئرمین مفتی منیب الرحمٰن صاحب، اراکین شوریٰ حاجی محمد امین عطاری، حاجی ابوماجد محمد شاہد عطاری مدنی سمیت کثیر علمائے کرام، جامعہ نعیمیہ کے طلبہ اور اساتذہ نے شرکت کی۔

اس پروگرام میں جہاں مفتی منیب الرحمن صاحب سمیت دیگر علمائے کرام نے اپنے خیالات کا اظہار کیا وہیں مرکزی مجلس شوریٰ کے رکن حاجی محمد امین عطاری نے بھی مفتی جمیل احمد صاحب کی مختصر حالات زندگی بیان کیا اور ان کی دینی خدمات کو سراہتے ہوئے ان کی درجات کی بلندی کےلئے بارگاہ رب العزت میں دعائیں کیں۔