دعوتِ اسلامی کے عالمی مدنی مرکز فیضانِ مدینہ کراچی میں 22 دسمبر 2024ء کو شعبہ مدنی کورسز کے تحت معلم کورس ہوا جس میں شعبہ مدرسۃ المدینہ بالغان اور شعبہ مدنی کورسز کے ذمہ داران شریک ہوئے۔

معلومات کے مطابق معلم کورس میں مبلغینِ دعوتِ اسلامی مولانا اعجاز عطاری مدنی (رکن شعبہ مدنی کورسزاوورسیز)، قاری محمد صابر عطاری (کراچی سٹی شعبہ مدنی کورسزذمہ دار) اور مولانا حاشر رضا عطاری (کراچی سٹی شارٹ ٹائم شعبہ مدنی کورسز ذمہ دار) نے مختلف موضوعات پر شرکا کی رہنمائی کی جن میں سے بعض درج ذیل ہیں:

٭معلم کو کیسا ہونا چاہیئے؟٭کامیاب معلم کے اوصاف٭کورس تیار کرنے کا طریقہ٭ ایپلیکیشن ڈیٹا انٹری کرنا٭کورس کے ذریعے 12 دینی کام کو مضبوط کرنا٭کارکردگی جمع کرنے کا طریقہ٭کورس کے اختتام پر اختتامی نشست کا انعقاد کرنا٭اختتامی نشست کا شیڈول٭فرض علوم کیسے سکھائے جائیں٭فیضانِ نماز کورس کا اجمالی شیڈول٭سبق سننے کا انداز کیا ہو؟۔

تحصیل دیپالپور،  ڈسٹرکٹ اوکاڑہ کے علاقے حویلی لکھا میں موجود عاشقانِ رسول کے مدرسے جامعۃ الحبیب میں شعبہ مدنی کورسز دعوتِ اسلامی کے تحت 7 دن کا فیضانِ نماز کورس ہوا جس کی اختتامی نشست 20 دسمبر 2024ء کو منعقد ہوئی۔

معلومات کے مطابق کورس کے دوران مدرسے کے بچوں کو وضو، غسل، تیمم کے مسائل،نماز کے شرائط و فرائض اور واجبات یاد کروائے گئے جبکہ نماز کا عملی طریقہ بھی کر کے بتایا گیا۔

19 دسمبر  2024ء کو عاشقانِ رسول کی دینی تحریک دعوتِ اسلامی کے تحت شعبہ مدنی کورسز کے ذمہ دار اسلامی بھائیوں نے متی تل، ملتان کا دورہ کیا جہاں انہوں نے ملک مرتضی اٹھنگل اور ملک محمد نزر عباس اٹھنگل ایکس ناظم متی تل ملتان سے ملاقات کی۔

اس دوران شعبے کے سٹی ذمہ دار عاشق حسین عطاری نے دونوں شخصیات کو دعوتِ اسلامی کے دینی و فلاحی کاموں کے متعلق آگاہی دی اور ماہنامہ فیضانِ مدینہ لینے نیز اس کی سالانہ بکنگ کروانے کا ذہن دیا۔

فیضانِ مدینہ متی تل، ملتان میں شعبہ مدنی کورسز دعوتِ اسلامی کے تحت ہونے والے  63 دن کے رہائشی مدنی کورس کی اختتامی نشست 19 دسمبر 2024ء کومنعقد کی گئی جس میں شرکائے کورس اور ملک محمد مظفر اٹھنگل ایڈووکیٹ سمیت ذمہ داران کی شرکت ہوئی۔

نشست میں شعبے کے سٹی ذمہ دار عاشق حسین عطاری نے بیان کیا جس میں انہوں نے شرکا کو دعوتِ اسلامی کے دینی کاموں میں عملی طور پر حصہ لینے بالخصوص ہفتہ وار اجتماع میں شرکت کرنے ، مدنی مذاکرہ دیکھنے اور مدنی قافلوں میں سفر کرنے کی ترغیب دلائی۔

عاشقانِ رسول کی دینی تحریک دعوتِ اسلامی کے تحت 19 دسمبر  2024ء کو شعبہ مدنی کورسز کے ذمہ دار اسلامی بھائیوں نے متی تل، ملتان کا دورہ کیا جہاں انہوں نے ڈاکٹر کنور شفقت سے ملاقات کی۔

اس دوران شعبے کے سٹی ذمہ دار عاشق حسین عطاری نے گفتگو کرتے ہوئے ڈاکٹر کنور شفقت کو دعوتِ اسلامی کے دینی و فلاحی کاموں کے متعلق آگاہی دی اور ماہنامہ فیضانِ مدینہ لینے نیز اس کی سالانہ بکنگ کروانے کا ذہن دیا۔

شعبہ کفن دفن دعوتِ اسلامی کے تحت 20 دسمبر 2024ء کو کراچی کے علاقے لیاقت آباد میں قائم جامع مسجد فرقانیہ میں کفن دفن سیشن کا انعقاد کیا گیا جس میں مسجد انتظامیہ اور نمازی حضرات سمیت ٹاؤن ذمہ دار فرید عطاری نے شرکت کی۔

عاشقانِ رسول کی دینی تحریک دعوتِ اسلامی کے تحت 17 دسمبر 2024ء کو فیضان آن لائن اکیڈمی بوائز کی برانچ فیضانِ مدینہ سیالکوٹ، پنجاب میں مدرسین اور ذمہ دار اسلامی بھائیوں کے لئے ایک میٹ اپ ہوا۔

اس میٹ اپ میں نگرانِ شعبہ فیضان آن لائن اکیڈمی بوائز مولانا یاسر عطاری مدنی اور نگرانِ شعبہ فیضان آن لائن اکیڈمی گرلز مولانا غلام الیاس عطاری مدنی نے مدرسین سے مختلف موضوعات پر گفتگو کی۔

نگرانِ شعبہ نے تعلیمی حوالے سے مدرسین کی رہنمائی کی اور تعلیمی نظام کو کس طرح بہتر سے بہتر بنائیں اس کے متعلق مدرسین کی ذہن سازی کی جس پر انہوں نے اچھی اچھی نیتیں کیں۔

شعبہ فیضان آن لائن اکیڈمی بوائز دعوتِ اسلامی کے تحت 16 دسمبر 2024ء کو مدرسۃ المدینہ آن لائن کی میٹنگ منعقد ہوئی جس میں پاکستان بھر کے ڈویژن سطح کے  تعلیمی ذمہ دار اسلامی بھائیوں نے شرکت کی۔

میٹنگ کے دوران رکنِ شعبہ تعلیمی امور سیّد انس عطاری نے شعبے کے دینی کاموں کا جائزہ لیا ۔ تجوید کورس کے تحت مدرسۃ المدینہ آن لائن کے تمام ٹیچرز کے لئے نئی کلاسز شروع کروانے پر مشاورت کی۔

22 دسمبر  کو شمالی دنیا بشمول پاکستان میں سال کا سب سے چھوٹا دن اور سب سےلمبی رات ہوتی ہےجبکہ اسی تاریخ کو جنوبی دنیا کے لئے سال کا سب سے بڑا دن اور سب سے چھوٹی رات ہوتی ہے۔

٭سورج کی سالانہ حرکت٭

سورج سال میں دومرتبہ(21مارچ اور 23ستمبر کو) وسط دنیا یعنی خط استوا (Equator) پر پہنچتا ہے۔ان دو ایام میں ساری دنیا میں نُجومی اعتبارسے دن رات برابر ہوتے ہیں یعنی 12 گھنٹے کا دن اور 12 گھنٹے کی رات۔

21مارچ کے بعد سورج جانبِ شمال ہٹتا چلا جاتا ہے یہاں تک کہ 21جون کو ”خَطِّ سرطان“ (Tropic of Cancer)یا ”میلِ اعظم شمالی“ پر پہنچتا ہے۔اس روز نِصف شمُالی کُرَّہ (North Hemisphare) میں بشمول پاکستان سال کا سب سے بڑا دن اور نِصْف جُنوبی کُرہ (South Hemisphare) میں سال کا سب سے چھوٹا دن ہوتاہے پھر سورج واپس خطِّ اِستوا (Equator)کی طرف آتاہے اور 23 ستمبر کو دوبارہ خط استواپر پہنچتا ہے نیز ساری دنیا میں ”نُجومی“ اعتبار سے دن رات برابر ہوجاتے ہیں ۔

کراچی کے علاقے چنیسر ٹاؤن  کی مقامی جامع مسجد بلال میں 18 سمبر 2024ء کو عاشقانِ رسول کی دینی تحریک دعوتِ اسلامی کے شعبہ کفن دفن کے زیرِ اہتمام کفن دفن سیشن کا انعقاد ہوا جس میں مسجد کے نمازی حضرات سمیت ذمہ داران نے شرکت کی۔

سیشن کے دوران شعبے کے ڈسٹرکٹ ذمہ دار عزیر عطاری نے غسلِ میت کا طریقہ بتایانیز کفن کاٹنے / پہنانےسمیت تدفین اور قبر پر تلقین کرنے کے حوالے سے شرکا کی رہنمائی کی۔

تعلیمِ قراٰن عام کرنے والے دعوتِ اسلامی کے شعبے مدرسۃ المدینہ بالغان کے تحت ڈسٹرکٹ نارووال کی تحصیل ظفروال میں قائم  لگوال ہاؤس میں ”ختمِ قراٰن اجتماع“ کا انعقاد کیا گیا جس میں 1 ہزار سے زائد اسلامی بھائیوں نے شرکت کی۔

اجتماعِ پاک میں تلاوتِ قراٰن کرنے اور پیارے آقا مکی مدنی مصطفیٰ صلَّی اللہ علیہ واٰلہٖ وسلَّم کی نعت شریف پڑھنے کے بعد مرکزی مجلسِ شوریٰ حاجی محمد اظہر عطاری کا ”فیضانِ قراٰن“ کے موضوع پر سنتوں بھرا بیان ہوا۔

بیان کے دوران رکنِ شوریٰ نے لوگوں کو اپنے دل میں قراٰنِ کریم کی محبت پیدا کرنے اور اس کی تعلیمات کو عام کرنے کا ذہن دیا نیز تلاوتِ قراٰنِ پاک کی عادت بنانےاور اس کی تعلیمات پر عمل کرنےکے حوالے سے ترغیب دلائی۔

شعبہ تحفظِ اوراقِ مقدسہ دعوتِ اسلامی کے تحت 19 دسمبر 2024ء کو داتا دربار مارکیٹ مکتبہ المدینہ بلڈنگ، لاہور میں مدنی مشورے کا اہتمام ہوا جس میں شیخوپورہ ڈویژن کے ذمہ دار اسلامی بھائی شریک ہوئے۔