دعوتِ اسلامی کے زیر اہتمام کراچی بن قاسم زون قائد آباد کابینہ  ڈویژن بھینس کالونی میں قائم جامعۃ المدینہ فیضان عطار میں 12 دن پر مشتمل فیضان دینی کام کورس ہوا جس میں 13 طالبات نے شرکت کی۔

اس کورس میں کابینہ نگران اور کابینہ مشاورتوں کی اسلامی بہنوں نے جامعۃ المدینہ گرلز کی درجہ ثالثہ کی طالبات کو 8 دینی کام کرنے کے متعلق تر بیت کی جبکہ شعبہ کفن دفن کی کابینہ مشاورت اسلامی بہن نے طالبات کو کفن کاٹنے اور کفن پہنانے کا طریقہ سکھایا نیز شعبے کے دینی کام کرنے کے حوالے سے مدنی پھول بھی دیئے۔

علاوہ ازیں شعبہ ڈونیشن بکس کی زون ذمہ دار اسلامی بہن نے اس شعبہ کے تربیت کے مدنی پھول بتائے نیز صدقہ کے فضائل بیان کئے اور طالبات کو کارکردگی فارمز بھی سمجھائے ۔ 

گزشتہ دنوں دعوتِ اسلامی کےشعبہ رابطہ برائےشخصیات کےتحت ریجن ذمہ دارفداعلی عطاری نے نگران کابینہ احمدپورمظفرحسین عطاری کےہمراہ احمدپورمیں ایکسین ایریگیشن طلحہٰ ذیشان افضال، ایریگیشن آفیسر چوہدری مقبول، ایس ایچ اوتھانہ سٹی وسیم احمد اور ایس ایچ اوصدر محمداعظم کلو سمیت دیگرافسران کی سے ملاقات کی۔

ذمہ داران نےانہیں دعوتِ اسلامی کی عالمی سطح پرہونےوالی دینی وفلاحی خدمات کےحوالےسےبریف کرتےہوئےمختلف شعبہ جات کاتعارف کروایا۔

بعدازاں افسران کودعوتِ اسلامی کےشعبےمکتبۃالمدینہ سےشائع ہونےوالےکُتُب ورسائل تحفےمیں پیش کیں۔(رپورٹ:شعبہ رابطہ برائے شخصیات، کانٹینٹ: غیاث الدین عطاری)

دعوتِ اسلامی کے شعبہ رابطہ برائے شخصیات کے تحت  30نومبر2021 ء بروز منگل ڈویژن قذافی چوک کے علاقے علی گڑھ کے ذیلی حلقے فریدی میں علاقائی دورہ ہوا جس میں مبلغات دعوت اسلامی نے شخصیات اسلامی بہنوں سے ملاقات کی اور انہیں ہفتہ وار سنتوں بھرے اجتماع کی دعوت پیش کی نیز ہفتہ وار رسائل پڑھنے کا ذہن دیتے ہوئے انہیں مکتبۃ المدینہ کے مطبوعہ رسالہ بھی تحفے میں پیش کئے۔ 

دعوتِ  اسلامی کی طرف سے 2دسمبر 2021 ء کو میر پور خاص کابینہ میں مدنی مشورے کا انعقاد ہوا جس میں کابینہ نگران کابینہ مشاورت و زون مشاورت ذمہ دار اسلامی بہنوں نے شرکت کی۔

زون نگران اسلامی بہن نے مدنی مشورے میں شریک اسلامی بہنوں کو تربیتی نکات بتائے اور سابقہ دینی کاموں کی کارکردگی کا جائزہ لیتے ہوئے آئندہ کے لئے اہداف دیئے ۔

دعوت اسلامی کے تحت مدنی مرکز فیضان مدینہ یوکے برمنگھم میں مدنی مشورہ ہوا جس میں رکن کابینہ ویسٹ مڈلینڈ، رکن کابینہ ایسٹ مڈلینڈ، رکن کابینہ ویلز اور کابینہ سطح کے ذمہ داران نے شرکت کی۔

نگران ریجن برمنگھم یوکے حاجی سید فضیل رضا عطاری اور نگران کابینہ ویلز محمد منیر عطاری، نگران کابینہ ایسٹ مڈلینڈ مولانا فہیم عطاری مدنی نے دینی کاموں کی موجودہ پیش رفت اور آئندہ کے منصوبوں کے بارے میں بات چیت کرتے ہوئے مختلف نکات پر تبادلۂ خیال کیا۔ 

پچھلے دنوں دعوت اسلامی کے زیر اہتمام مدنی مرکز فیضان مدینہ اسٹچفورڈ برمنگھم یوکے  میں سنتوں بھرے اجتماع کا انعقاد کیا گیا جس میں مقامی عاشقان رسول نے شرکت کی۔

نگران ریجن برمنگھم یوکے حاجی سید فضیل رضا عطاری نے سنتوں بھرا بیان کیا جس کاموضوع تھا کہ پریشانی، ڈپریشن، حسد کی وجوہات اور اندرونی بیماریوں سے کیسے چھٹکارا حاصل کیا جائے۔

دعوتِ اسلامی کے شعبہ کفن دفن  (اسلامی بہنیں)کے تحت 4دسمبر 2021ء بروز ہفتہ اسلام آباد پنڈی سٹی کابینہ سوہان، حافظ آباد اور سیالکوٹ کے جامعۃ المدینہ گرلز میں کفن دفن تربیتی اجتماعات کا انعقاد ہوا جن میں کم و بیش 52 اسلامی بہنوں نے شرکت کی ۔

ڈویژن ذمہ دار اسلامی بہنوں نے شریعت کے مطابق غسل میت دینے اور کفن پہنانے کا عملی طریقہ سکھایا ۔ علاوہ ازیں اسلامی بہنوں کو کفن دفن ٹیسٹ دینے کی ترغیب دلائی جس پر اسلامی بہنوں نے اچھی اچھی نیتوں کا اظہار کیا۔

پچھلے دنوں دعوت اسلامی کے زیر اہتمام پنڈی بھٹیاں پنجاب میں طلبہ کے لئے تربیتی نشست کا اہتمام کیا گیا جس میں جامعۃ المدینہ اور مدرسۃ المدینہ کے طلبہ کرام نے شرکت کی۔

نگران برمنگھم ریجن حاجی سید فضیل رضا عطاری نے سنتوں بھرا بیان کیا اور شرکا کی تنظیمی و اخلاقی تربیت کی۔

اللہ تعالی نے ہم پر احسان کیا کہ ہمیں نبی کریم علیہ الصلاۃ والسلام کی امت میں پیدا کیا اور حضور علیہ الصلاۃ والسلام کو تمام انبیاء پر فضیلت عطا فرماکر تمام انبیاء کا سردار اور خاتم الانبیاء بنا کر دنیا میں مبعوث فرمایا۔

نبی کریم علیہ الصلاۃ والسلام کا خاتم النبیین یعنی آخری نبی ہونا اور قیامت تک آپ کے بعد کسی نبی کا نہ آنا،یہ اسلام کا ایسا بنیادی عقیدہ ہے جس کو مانے بغیر کوئی شخص مسلمان نہیں ہوسکتا۔اور جو شخص اس میں کسی بھی قسم کا شک و تردد رکھتا ہے یا تردد رکھنے والے شخص کو مسلمان مانتا ہے تو وہ شخص دائرہ اسلام سے خارج ہوجاتا ہے۔ یہ عقیدہ ضروریات دین میں سے ہے اور قرآن کریم اور احادیث متواترہ سے ثابت ہے۔

قرآن کریم میں ہے۔مَا كَانَ مُحَمَّدٌ اَبَآ اَحَدٍ مِّنْ رِّجَالِكُمْ وَ لٰكِنْ رَّسُوْلَ اللہ ِوَ خَاتَمَ النَّبِیّٖنَؕ-وَ كَانَ اللّٰهُ بِكُلِّ شَیءٍ عَلِیْمًا۔(الاحزاب،40)

یعنی محمد تمہارے مردوں میں کسی کے باپ نہیں ہیں لیکن اللہ کے رسول ہیں اور سب نبیوں کے آخر میں تشریف لانے والے ہیں اور اللہ سب کچھ جاننے والاہے۔

1)حضرت جبیر بن مطعم رضی اللہ تعالی عنہ بیان کرتے ہیں کہ حضور صلی اللہ علیہ وسلم نے ارشاد فرمایا:بے شک میرے بہت سےنام ہیں میں محمد ہوں میں احمد ہوں میں ماحی ہوں. جس کے ذریعے اللہ تعالی کفر کو مٹاتا ہےمیں حاشر ہوں کہ قیامت کے دن لوگوں کاحشر میرے قدموں پر ہوگا۔میں عاقب ہوں اور عاقب وہ ہوتا ہے جس کے بعد کوئی نبی نہ ہو۔(مسلم شریف)

2) حضرت ابو موسی سائیں رضی اللہُ عنہ بیان کرتے ہیں کہ ایک موقع پر حضور صلی اللہ علیہ وسلم نے ارشاد فرمایا:میں محمد ہوں اور احمد ہوں۔آخری نبی ہوں، میں حاشر ہوں،میں نبی توبہ اور نبی رحمت ہوں۔(مسلم شریف)

3) حضرت ابو ہریرہ رضی اللہُ عنہ بیان کرتے ہیں کہ حضور ﷺ نے ارشاد فرمایا:مجھے دیگر انبیاء اور رسل پر چھ چیزوں کے ذریعے فضیلت و برتری دی گئی۔پہلی چیز تو یہ کہ مجھے کلمات جامعہ عطا ہوئے۔دوسری چیز یہ کہ رعب و دبدبے کے ذریعے میری نصرت کی گئی،تیسری چیز یہ کہ اموال غنیمت میرے لیے حلال کیے گئے، چوتھی چیز یہ کہ تمام روئے زمین میرے لیے مسجد اور طاہر ومطہر بنائی گئی.پانچویں چیز یہ کہ مجھے تمام جہاں کے لیے رسول بنایا گیا،اور چھٹی چیز یہ کہ میری ذات پر نبیوں کی آمد کا سلسلہ ختم کیا گیا۔ (مشکوة شریف)

4) ابو امامہ باہلی رضی اللہُ عنہ بیان کرتے ہیں کہ نبی کریم ﷺ نے ارشاد فرمایا:میں صفِ انبیا میں آخری نبی اور تم امتوں میں آخری امت ہو۔ (سنن ابن ماجہ)

نبی کریم علیہ الصلوة والسلام نے جہاں کئی احادیث میں اپنا آخری نبی ہونا بیان کیا وہیں آپ نے یہ بھی فرمایا کہ کئی لوگ خود کو میری طرح سمجھیں گے اور نبوت کا جھوٹا دعوی کریں گے۔جیسا کہ سنن ابو داود میں ہے: میری امت میں میرے بعد تیس جھوٹے ہوں گے.ان میں سے ہر ایک یہ گمان کرے گا کہ وہ نبی ہے حالانکہ میں آخری نبی ہوں میرے بعد کوئی نبی نہیں ہے۔(مشکوة شریف)

اس فرمان کا ظہور آپ کی مبارک حیات میں ہی سامنے آگیا جب یمن میں اسود عنسی نامی شخص نے دعوی نبوت کیا۔جب نبی کریم علیہ الصلوة والسلام وصال کے قریب تھے تو فیروز دیلمی نے اس بدبخت کا خاتمہ کردیا اور سرکار نے اسی وقت ان کے لوٹنے سے پہلے ہی اس قتل کی خوشخبری صحابہ کرام کو سنادی تھی۔

ایک حدیث میں آپ نے بہت خوبصورت مثال کے ذریعے اس عقیدہ کو واضح کیا۔ارشاد فرمایا:میری اور مجھ سے پہلے انبیا کی مثال اس شخص کی سی ہے جس نے ایک نہایت حسین و جمیل گھر بنایا،مگر ایک کونے میں ایک اینٹ کی جگہ خالی رہ گئیی،پس لوگ اس گھر کے گرد چکر لگاتے ہیں اور اس کے فن تعمیر پر حیرت زدہ ہوکر کہتے ہیں:کاش اس جگہ اینٹ لگادی گئی ہوتی(پھر اس عمارت میں کوئی نقص باقی نہ رہتا،ہر جہت سے باکمال ہوتی) آپ صلی اللہ علیہ وسلم نے فرمایا:(سو عمارت نبوت کی وہ آخری) اینٹ میں ہوں اور میں خاتم النبیین ہوں۔(بخاری)

شریعت کے ساتھ عقل انسانی اور فطرت بھی اس کا تقاضا کرتی ہے کہ نبوت کا اختتام ہوا ہو کیونکہ جو بھی مخلوق موجود ہے اس کی تین حالتیں ہیں اور کوئیی بھی وجود ان تین حالتوں سے مبرا نہیں ہے۔1 ابتدا 2 ارتقا 3 اختتام۔کسی بھی وجود پر نظر ڈال لیجئیے انسان و جن،حیوان و طیور،شجر و حجر جمادات و نباتات میں سے ہر ایک کی پہلے ابتدا ہوتی ہے پھر اس کی افزائیش،نشونما اور ارتقا ہوتا ہے۔پھر بعد ارتقا وہ اختتام کی طرف آتی ہے اور صفحہ ہستی سے معدوم ہوجاتی ہے۔اسی طرح نبوت بھی ایک وجودی چیز ہے جس کی ابتدا اور ارتقا سب مانتے ہیں۔ان دو حالتوں کے بعد اختتام ہوتا ہے اور نبی کریم علیہ الصلوة والسلام پر اس کا اختتام ہوچکا ہے۔اس لئیے قیامت تک آپ کے بعد کوئیی جدید نبی نہیں آئے گا۔

از قلم :حافظ نعمان حسین

shaikhnoman290@gmail.com

پچھلےدنوں دعوتِ اسلامی کےشعبہ خدام المساجد والمدارس کےتحت نیو سوسائٹی ذوالفقار کالونی نوشہرہ کابینہ پشاور زون میں مسجد فیضان عشق رسول کا سنگ بنیاد رکھاگیا۔

اس موقع پر نگرانِ کابینہ پشاور محمد توصیف عطاری نےوہاں موجود اسلامی بھائیوں کےدرمیان سنتوں بھرابیان کرتےہوئےمساجدکی تعمیرات کاذہن دیااوردعوتِ اسلامی کےشعبے خدام المساجد والمدارس سمیت دیگرشعبہ جات کاتعارف پیش کیاجس پرشرکانےاپنی نیک خواہشات کااظہارکیا۔

دعوت اسلامی کےشعبہ مدنی قافلہ کے زیر اہتمام 5 دسمبر 2021ء کو مدنی مرکز فیضان مدینہ حیدر آباد آفنڈی ٹاؤن میں عظیم الشان مدنی قافلہ اجتماع کا انعقاد کیا گیا جس میں حیدر آباد اور اس کے اطراف سمیت میرپور خاص، نوابشاہ، سانگھڑ، لاڑکانہ، گھوٹکی، عمر کوٹ، ڈیرہ اللہ یار اور کئی شہروں سے عاشقان رسول کی بڑی تعداد نے شرکت کی۔

مرکزی مجلس شوریٰ کے نگران حاجی مولانا محمد عمران عطاری مُدَّ ظِلُّہُ العالی نے سنتوں بھرا بیان کیا اور شرکا کو مدنی قافلے کی ترغیب دلاتے ہوئے فرمایا کہ ہمیں نیکی کی دعوت کو عام کرنےاور سنتیں سیکھنے سکھانے کے لئے 3دن، 12 دن اور ایک ماہ کے قافلے سفر کرنا چاہیئے۔ نگران شوریٰ نے مزید فرمایا کہ مدنی قافلہ میں سفر کرنے سے گناہوں سے دور ہوتا ہے، نمازیں قضا کرنے سے بچتاہے کیونکہ مدنی قافلے میں باجماعت نماز پرھنے کا موقع ملتا ہے اور ساتھ معاشرے میں رہنے کا سلیقہ آتا ہے۔

اجتماع کے بعد عاشقان رسول 3دن، 12دن اور ایک ماہ کے لئے مدنی قافلے میں روانہ ہوئے۔

اس موقع پر اراکین شوریٰ حاجی فاروق جیلانی عطاری اور حاجی امین قافلہ عطاری، نگران زون اور نگران کابینہ بھی موجود تھے۔

دعوت اسلامی کے زیر اہتمام 6 دسمبر 2021ء کو مدنی مرکز فیضان مدینہ اسلام آباد میں شوشل میڈیا سے وابستہ افراد کے لئے دینی حلقے کا انعقاد کیا گیا جس میں یوٹیوبرزنے شرکت کی۔

مرکزی مجلس شوریٰ کے رکن حاجی مولانا عبد الحبیب عطاری نے سنتوں بھرا بیان کیا اور شرکا کو نیکی کی دعوت پیش کرتے ہوئے انہیں اپنے سورسز کے ذریعے نیکی کی دعوت عام کرنے اور نمازوں کی پابندی کرنے کی ترغیب دلائی۔