دعوت اسلامی کے وفد نے بلوچستان کے صوبائی دار الحکومت کوئٹہ میں پاکستان نیشنل پارٹی کے صدر و ممبر صوبائی اسمبلی بلوچستان سید احسان شاہ سے ملاقات کی۔ وفد  میں موجود مجلس رابطہ کے ذمہ دارمحمد یوسف سلیم عطاری نے انہیں دعوت اسلامی کا تعارف پیش کیااور دعوت اسلامی ویلفیئر کے فلاحی کاموں کے حوالے سے بریفنگ دی۔ دعوت اسلامی کے وفد نے سید احسان شاہ کو عالمی مدنی مرکز فیضان مدینہ آنے کی دعوت دی اور مکتبۃ المدینہ کی کتاب تحفے میں بھی دی ۔

وفد نے دعوتِ اسلامی کی  دینی و فلاحی خدمات کےمتعلق بریفنگ دی

تفصیلات کے مطابق 16 ستمبر 2020ء کو دعوت اسلامی کے وفد نے کوئٹہ میں گورنر بلوچستان امان اللہ خان زئی سے ملاقات کی۔ مجلس رابطہ کے ذمہ دار یوسف سلیم عطاری نے انہیں دعوت اسلامی کا تعارف پیش کرتے ہوئے عالمی سطح پر ہونے والی دینی خدمات اور ویلفیئر کے فلاحی کاموں پر تفصیلی بریفنگ دی۔ امان اللہ خان زئی نے دعوت اسلامی کی عالمی سطح پر ہونے والے دینی وفلاحی کاموں کو سراہا۔ دعوت اسلامی کے وفد نے انہیں عالمی مدنی مرکز فیضان مدینہ کراچی کےوزٹ کی دعوت پیش کی۔ گورنر بلوچستان نے دعوت کو قبول کرتے ہوئے فیضان مدینہ جلد آنے کی یقین دہانی کروائی۔

دعوت اسلامی کی طرف سے گورنر بلوچستان امان اللہ خان زئی کو ماہنامہ فیضان مدینہ انگلش اور مکتبۃ المدینہ کے کتب و رسائل تحفے میں پیش کئے گئے۔

دعوت اسلامی کے مدنی مرکز فیضان مدینہ اسلام آباد میں قائم جامعۃ المدینہ کے طلبائے کرام کا مدنی حلقہ ہوا جس میں نگران مجلس پروفیشنلز محمد ثوبان عطاری  نے ”وقت کی اہمیت “ کے موضوع پر سنتوں بھرابیان کیا۔بعد ازاں محمد ثوبان عطاری نے مدرسۃ المدینہ آن لائن کا وزٹ بھی کیا۔

اسی طرح کامسیٹس اسلام آباد میں مدنی حلقہ ہوا جس میں کیوبیشن سینٹر کے اسلامی بھائیوں نے شرکت کی۔ نگران مجلس پروفیشنلز محمد ثوبان عطاری نے شکر کے موضوع پر سنتوں بھرا بیان کیا اور دعوت اسلامی کی دینی خدمات پر بریفنگ دی۔

(کراچی اسٹاف رپورٹر) علمِ دین سے فیض یاب کرنے اور عاشقان رسول کی دینی تربیت کے لئے دعوتِ اسلامی کے زیر اہتمام ہر جمعرات کو ہفتہ وار سنتوں بھرے اجتماع کا انعقاد کیا جاتا ہے۔

اسی سلسلے میں آج بروز جمعرات رات 9:00 بجے عالمی مدنی مرکز مدنی مرکز فیضان مدینہ کراچی میں ہفتہ وارسنتوں بھرے اجتماع کا انعقاد کیا جائے گا جس میں مرکزی مجلس شوریٰ کے رکن مولانا حاجی عبد الحبیب عطاری ”کیا گھرانہ میرے حضور کا ہے“ کے موضوع پر سنتوں بھرا بیان فرمائیں گے۔واضح رہے کہ یہ اجتماع مدنی چینل پر براہ راست نشر کیا جائیگا۔

تمام عاشقان رسول ایس او پیز کا خیال رکھتے ہوئے اس اجتماع پاک میں ضرور شرکت کریں۔

مورخہ 11ستمبر 2020ء بروز جمعۃ المبارک  اوکاڑہ زون کے ڈویژن گیمبر میں میں دعوت اسلامی کے زیر اہتمام تھلیسیمیا اور ہیمو فیلیا کے بچوں کے لئے بلڈ کیمپ لگایا گیا جس میں کثیر تعداد میں عاشقان رسول نے اپنے خون کے عطیات پیش کئے ۔

اس عظیم فلاحی خدمات کے موقع پر ڈو نر ز نے اپنے تاثرات دیتے ہوئے کہا کہ دعوت اسلامی کا یہ بہت احسن کام ہے انہوں نے مزید کہا کہ امیر اہلسنت دامت برکاتہم العالیہ نے فلاحی کام شروع کر کے پوری دنیا کے مسلمانوں کا دل جیت لیا اللہ پاک امیراہلسنت کا سایہ ہم پر تادیر قائم و دائم فرمائے آمین ۔

دوسری جانب مورخہ 10ستمبر 2020ء بروز جمعرات اوکاڑہ زون کے حویلی لکھا ڈویژن میں تھیلیسیمیا اور ہیموفیلیا کے مریضوں کے لیے بلڈ کیمپ کا اہتمام کیا گیا۔ جس میں 112 اسلامی بھا ئیوں نے اپنے خون کے عطیات پیش کئے ۔

اس عظیم فلاحی خدمات کے موقع پر زندگی کے مختلف شعبہ سے تعلق رکھنے والے افراد شامل تھے ڈو نر ز نے اپنے تاثرات دیتے ہوئے کہا کہ دعوت اسلامی کو اللہ مزید خدمات دین کی توفیق عطا کرے۔ (رپورٹ: محمد احمد ندیم عطاری زون ذمہ دار شعبہ تعلیم اوکاڑہ زون)

الحمد للہ عزوجل   عاشقان رسول کی مدنی تحریک دعوت اسلامی دنیا کے 200 ممالک میں 108 شعبہ جات کے ذریعے دین اسلام کی خدمت سرانجام دے رہی ہے۔ اسی سلسلے کو مزید آگے بڑھانے کےلئے 13 ستمبر2020 کو گوجرانولہ زون کی دو کابینات کامونکی کابینہ اور گوجرانولہ غربی کابینہ کا مدنی مشورہ مدنی مرکز فیضان مدینہ گوجرانولہ میں ہوا جس میں نگران کابینہ ، اراکین کابینہ اورڈویژن نگران سمیت علاقہ نگران نے شرکت کی۔

نگران زون مولانا عبد الوہاب عطاری نے حاضرین کے درمیان جھوٹ کی مذ مت کے موضوع پر بیان کرتے ہوئے شرکا کو ، کارکردگی جمع کروانے ، تقری مکمل کرنے،مدنی کاموں کو بڑھانے ، مدنی قافلوں میں سفر کرنے اور مدنی انعامات کا رسالہ پُر کرکے جمع کروانے جیسے کئی اہم مدنی پھول دیئے ۔(رپورٹ: محمد شہریار عطاری کامونکی کابینہ مجلس کارکردگی )

ضلع سوات مدین خیبرپختونخواہ کے قریب کافی اونچائی پر واقع ایک پہاڑی علاقہ تیرات درہ موجود ہے۔

پچھلے دنوں آسمانی بجلی گرنےاور پہاڑی میں موجود جھیل کا بند ٹوٹنے کے بعد پیدا ہونے والی سیلابی صورتحال کے باعث مقامی لوگوں کو کافی نقصان کا سامنا کرنا پڑا ، جس میں گھرٹوٹنے کے ساتھ ساتھ کئی افراد اس حادثےمیں انتقال کرگئے۔

پریشانی کی اس گھڑی میں رکن شوریٰ حاجی محمد علی عطاری اور دعوت اسلامی ویلفیئر کے نگران شفاعت علی عطاری دیگر ذمہ داران کے ہمراہ جائے وقوعہ پر پہنچےجہاں انہوں نے مقامی اسلامی بھائیوں سے غمخواری کرتے ہوئے انتقال کرجانے والے افراد کے لواحقین سے تعزیت کی اور ان کے لئے ایصالِ ثواب کیا۔ مجلس ویلفیئرکے اسلامی بھائیوں نے پریشان زدہ لوگوں میں راشن اور نقد رقم تقسیم بھی کیا۔اس موقع پر مقامی اسلامی بھائیوں کا کہنا تھا کہ اب تک صرف دعوت اسلامی ویلفیئر ہی امدادی سامان لیکر پہنچی ہے۔

15ستمبر 2020ء سے دار المدینہ انٹرنیشنل اسلامک اسکول سسٹم میں تعلیمی سرگرمیوں کا آغاز کردیا گیا ہےاور محدود نشستوں پر داخلے جاری ہیں۔

لاک ڈاؤن کی وجہ سے پیدا ہونے والی معاشی صورتحال کے پیش نظر مجلس دار المدینہ انٹرنیشنل اسلامک اسکول سسٹم نے داخلوں پر خصوصی رعایت دیدی ہے۔ عاشقان رسول اپنے قریبی کیمپس میں Seatموجود ہونے کی صورت میں آپ بھی اس خصوصی رعایت سے فائدہ اٹھاسکتےہیں۔

Online Registrationکے لئےاس ویب سائٹ کا وزٹ کیجئے:

www.darulmadinah.net

مزید معلومات کے لئے اس میل ایڈریس پر رابطہ کریں:

info@darulmadinah.net

16 ستمبر2020ءبروز بدھ دعوت اسلامی کی مجلس پروفیشنلز کے نگران محمد ثوبان عطاری راولپنڈی میں مختلف مقامات پر ہونے والے سنتوں بھرے اجتماعات میں خصوصی بیانات  فرمائیں گے۔

تفصیلات کے مطابق محمد ثوبان عطاری دارالمدینہ،6thروڈ، راولپنڈی میں رات 7:00 بجے (Self confidenc)کے موضوع پر سنتوں بھرا بیان فرمائیں گے جبکہ یاسین مسجد، امر پور، راولپنڈی میں رات 8:45 بجے(Power of Thoughts) کے موضوع پر بیان ہوگا۔

پچھلے دنوں وطن عزیز پاکستان کو سرسبز بنانے اور  امیر اہل سنت دَامَتْ بَرَکَاتُہُمُ الْعَالِیَہ کےفرمان پر عمل کرتے ہوئے پتوکی شہر میں شجر کاری مہم کا سلسلہ ہوا ۔ شجر کاری میں نگران مجلس حفاظتی امور محمد عادل عطاری نے سیکورٹی مجلس کے اسلامی بھائیوں کے ہمراہ شجر کاری مہم میں حصہ لیا اور درخت لگائے۔

دعوت اسلامی کے نگران زون حاجی عبد الرشید عطاری کی وارٹن آمد ہوئی ۔ نگران زون نے وارٹن کے علاقے لیبر کالونی چاندنی کوٹ میں ہونے والے شجر کاری مہم میں حصہ لیا اور درخت لگائے۔

اس موقع پر نگران زون کا کہنا تھا کہ وطن عزیز پاکستان کو سرسبز بنانے اور امیر اہل سنت دَامَتْ بَرَکَاتُہُمُ الْعَالِیَہ کے فرمان پر عمل کرتے ہوئے دعوت اسلامی کے زیر اہتمام وارٹن میں شجر کاری مہم کا سلسلہ جاری ہے۔

رپورٹ کے مطابق دعوت اسلامی واربرٹن کے تحت ہر کالونی میں 500 لگائے جائیں گے جبکہ امیر اہل سنت دَامَتْ بَرَکَاتُہُمُ الْعَالِیَہ کی ترغیب دلانے کے بعد سے اب تک واربرٹن میں 11 ہزار پودے لگائے جاچکے ہیں اور مزید یہ سلسلہ آگے کی طرف گامزن ہے۔

13ستمبر2020ء کو امیر اہل سنت دَامَتْ بَرَکَاتُہُمُ الْعَالِیَہ کےفرمان پر عمل کرتے ہوئے جامعہ فیضان عطار ڈیفنس لاہورمیں شجر کاری مہم کا سلسلہ ہوا ۔ شجر کاری میں فیصل حاکم بھٹی، محمد ادریس عطاری، محمد شرافت عطاری، محمد شبیر عطاری اور جامعۃ المدینہ کے اساتذہ کرام نے حصہ لیا اور درخت لگائے۔