(عطار کا پیغام”مسجد“بنانے والے عاشقانِ رسو ل کے نام)

دعوتِ اسلامی کی مرکزی مجلسِ شوریٰ کے رُکن ”حاجی عبدالحبیب عطاری“نے امیراہلِ سنت کو 22جمادی الاولیٰ 1442 ہجری بمطابق 7جنوری2020 کو یہ خوشخبری دی کہ الحاج محمدانیس قادری(المعروف انیس بینک)،حاجی محمد عارف بن ہاشم،حاجی احمدعطاری اورحاجی عدیل عطاری نے اللّٰہ پاک کا عظیم الشان گھر ”مسجد“بنانے میں اپنے اپنے طور حصہ لینے کی نیت کی ہے،جس پر آپ دَامَتْ بَرَکَاتُہُمُ الْعَالِیَہ نے بہت خوشی کا اِظہار فرمایا اوراِ ن کو کچھ یوں دُعاؤں سے نوازا: اللّٰہ کریم! آپ کی اِس کاوِش کو قبول فرمائے اوراِس مسجدکو آپ کے لئے صدقۂ جاریہ بنائے، اللّٰہ پاک اپنا پیا پیارا گھر بنانے کے عوض(یعنی بدلے میں) آپ کواپنے پیارے اورآخری نبی محمدِ عربی صلَّی اللہ علیہ واٰلہٖ وسلَّم کے پڑوس میں جنت الفردوس میں ”عظیم الشان محل“عطافرمائے۔کاش! اللّٰہ پاک کا یہ گھر ”جلد“تعمیر ہوکر نمازیوں سے آباد ہوجائے۔ (اٰمین) آپ دَامَتْ بَرَکَاتُہُمُ الْعَالِیَہ نے ”تذکرۃ الاولیاء“ کے حوالے سے ایک سبق آموز حکایت بھی سنائی:

سا ت کے لئے سات کافی(حکایت)

فیضانِ سنت جلد2باب”نیکی کی دعوت“صفحہ241پرہے:حضر تِ حاتمِ اصم رحمۃ اللہ علیہ کی خدمتِ میں ایک شخص حاضر ہو کر نصیحت کا طالب ہوا، آپ رحمۃ اللہ علیہ نے فرمایا:(1)اگر تُو رفیق یعنی ساتھی چاہتا ہے تو اللّٰہ پاک کی ”یاد“ تیرا رفیق یعنی ساتھی کافی ہے(2) ہمر اہی چاہتا ہے تو”کراماً کاتبین“(یعنی اَعمال لکھنے والے بزرگ فرشتے)تیرے لیے کافی ہیں (3)اگر تُو عبرت چاہتا ہے تو ”دُنیا کا فانی ہونا“عبرت کے لیے کافی ہے(4)اگر مُونِس و غم خوار دَرکار ہے تو ”قرآن ِکریم“کافی ہے(5)اگر ”شُغل“(یعنی کام)چاہیے تو”عبادت“کافی ہے(6)اگر واعظ(یعنی نصیحت کرنے والا)چاہتا ہے تو”موت“کافی ہے۔یہ چھ(6) باتیں اِرشاد فرمانے کے بعد ساتویں نمبر پر اِرشاد فرمایا:”یہ باتیں اگر تجھے پسند نہیں ہیں تو دوزخ تیرے واسطے کافی ہے۔“(نیکی کی دعوت ص ۱۴۲)

اللّٰہ رب العزت کی ان پر رحمت اور اور ان کے صدقے ہماری بے حساب مغفرت ہو۔اٰمین بجاہ النبی الامین صلی اللّٰہ علیہ والہ وسلم

پیارے اِسلامی بھائیو! آخرت کی تیاری کیجئے،وقت بڑی تیزی سے گزرتا جارہا ہے اور موت لمحہ بہ لمحہ قریب آتی جارہی ہے۔ الموت، الموت، الموت

مرتے جاتے ہیں ہزاروں آدمی عاقل و نادان آخر موت ہے

بارہا علمیؔ تجھے سمجھا چکے مان یا مَت مان آخر موت ہے

اللّٰہ پاک!ہمارا ایمان سلامت رکھے، مدینۂ منورہ میں زیرِ گنبدِ خضریٰ، جلوۂ محبوب میں شہادت، جنّت البقیع میں مدفن اورجنت الفردوس میں پیارے حبیب صلَّی اللہ علیہ واٰلہٖ وسلَّم کے پڑوس میں مسکن (یعنی رہنا) نصیب فرمائے، بے حساب مغفِرت کی دُعا کا مُلتجی ہوں۔


(یہ مضمون امیراہلسنت کے پیغام سے روشنی لیتے ہوئے ضروری ترمیم کے ساتھ تیارکیا گیاہے)

دعوتِ اسلامی کی مرکزی مجلسِ شوریٰ کے رُکن،نگران کراچی ریجن،حاجی محمد امین عطاری پچھلے دِنوں نئے مکان میں شفٹ ہوئے ،اِس پر اِنہوں نے امیراہلِ سنت دَامَتْ بَرَکَاتُہُمُ الْعَالِیَہ کی خدمت میں گھر میں خیروبرکت کے لئے دُعا کا عرض کیا:جس پر شیخِ طریقت امیراہلِ سنت حضرتِ علامہ مولاناابوبلال محمد الیاس عطارقادری رضوی ضیائی دَامَتْ بَرَکَاتُہُمُ الْعَالِیَہ نے اپنے ’’مدنی بیٹے‘‘کو دُعاؤں کے ساتھ ساتھ قبرو آخرت کی یاد پر مشتمل نصیحتوں سے نوازتے ہوئے اِرشادفرمایا: اللّٰہ کریم! آپ کے لئے نیا مکان بابرکت بنائے، اللّٰہ کرے! آپ کا اِس مکان میں رہناآپ کی دُنیا وآخرت کے لئے بہتر ہو اور اللّٰہ پاک آپ کو اپنی رِضا کے سائے میں رکھے، نئے مکان کی شفٹنگ میں قبر میں منتقل ہونے کی ’’یاد‘‘ ہے ، دُنیامیں نئے مکان کے ڈیکوریشن کے لئے بڑی بھاگ دوڑ کی جاتی ہے، خُوب رنگ روغن کرکے سجایا جاتاہے،لیکن آہ !اندھیری قبر کی روشنی کا کوئی انتظام نہیں کیا جاتا ۔

اللّٰہ پاک آسانی کا معاملہ فرمائے ، اللّٰہ پاک !بُرے خاتمے سے بچائے ،ایمان سلامت رکھے ، اللّٰہ پاک آپ کی نئے مکان میں شفٹنگ اَمن واَمان کے ساتھ اپنی رحمت اوراپنے پیارے پیارے آخری نبی صلَّی اللہ علیہ واٰلہٖ وسلَّم کی نظرِ کرم کے سائے میں فرمائے،آمین بجاہ النبی الامین صلی اللہ علیہ والہ وسلم

عبرت ناک حکایت

(امیراہل سنت نے پچھلے دِنوں اپنے ایک صوتی پیغام میں یہ حکایت بیان فرمائی،جِسے موقع کی مناسبت سے یہاں پیش کیا جارہا ہے)

سرکار ِ بغداد ،حضورِ غوثِ پاک ،شیخ عبدالقادر جیلانی رحمۃ اللہ علیہ کا گزر ایک شخص کے پاس سے ہوا جو مضبوط مکان تعمیر کروا رہا تھا ، آپ نے چند عربی اشعارپڑھے،جس کا ترجمہ یہ ہے:کیا تُو ہمیشہ رہنے والوں جیسی عمارت تعمیر کر رہاہے ،تُوغورتوکر!تیرااِس میں رہنا بہت تھوڑا ہے ۔جس شخص نے یہاں سے چلے جانا(یعنی مرجانا)ہے اُس کے لئے پِیلوکے درخت کا سایہ(یعنی سادہ مکان) ہی کافی ہے۔ (تنبیہ المغترین،اُردو،ص154)

اللّٰہ پاک کی غوثِ پاک پر رحمت ہو اوراِن کے صدقے ہماری بے حساب مغفرت ہو۔اٰمین بجاہ النبی الامین صلی اللہ علیہ والہ وسلم


(یہ مضمون امیراہل ِسنت کے پیغا م کی روشنی میں ضروری ترمیم کے ساتھ تیار کیا گیاہے)

ابوبنتین حافظ حسان عطاری مدنی کے ذریعے اطلاع مِلنے پر امیراہل ِسنت دَامَتْ بَرَکَاتُہُمُ الْعَالِیَہ نے احمدرضا عطاری کی شادی پر اِن کو اوراِن کے گھر والوں کو مبارک باد عطافرماتے ہوئے دُعاؤں اوراپنے مدنی پھولوں سے اِس طرح نوازا:

احمدرضا بھائی!آپ کو بہت بہت بہت مبارک ہو، اللّٰہ کرے آپ کی شادی خانہ آبادی ہو، اللّٰہ پاک آپ کو عافیت سے نیک اَولاد عطا فرمائے۔ (اٰمین)۔ والدین اورزوجہ سبھی کے حُقوق کا خیال رکھئے گا، اللّٰہ پاک! گھریلو لڑائی اور ساس بہو کے جھگڑوں سے محفوظ فرمائے، اللّٰہ کرے! آپ کا گھر اَمن کا گہوارہ بنارہے۔(اٰمین)

مدنی پھول:ایک روایت میں ہے کہ جوشخص شہوت (یعنی خواہش)سے کسی اجنبیہ کے حُسن و جمال کو دیکھے گا قیامت کے دن اُس کی آنکھوں میں پگھلا ہواسیسہ ڈالا جائے گا۔ (ہدایہ،ج4،ص368)یاد رہے کہ”بھابھی“اجنبیہ (یعنی غیر عورت کے حکم میں)ہے، اِس لئے دیور اور جیٹھ کو چاہئے کہ وہ بھابھی سے دور رہیں اور پردہ کریں۔بھابھی اگر دیور کو چھوٹا بھائی اور جیٹھ کو بڑا بھائی کہہ بھی دے تو اِس سے بے پردگی اور بے تکلفی جائز نہیں ہوجاتی بلکہ یہ اندازِ گفتگو ”فاصلے“ دور کرکے قریب لاتا ہے اوریوں دیور اور بھابھی بدنگاہی اور بے تکلفی، ہنسی مذاق وغیرہ برائیوں کے دَلدل میں مزید دھنستے چلے جاتے ہیں یقینا جیٹھ اوردیورکااپنی بھابھی سے گفتگو کرنا بھی مسلسل ”خطرے کی گھنٹی“بجاتا رہتا ہے۔ اگرخداناخواستہ آج تک اِس طرح کی کوئی بے احتیاطی رہی ہے تو اللّٰہ پاک کے عذاب سے ڈر کر فوراً سے پیشتر سچی توبہ کرلیجئے۔

آنکھوں میں سرِ حشر نہ بھر جائے کہیں آگ آنکھوں پہ مِرے بھائی لگا قفلِ مدینہ

امیر اہل سنت دَامَتْ بَرَکَاتُہُمُ الْعَالِیَہ نے دعوتِ اسلامی کے ہفتہ وارسنتوں بھرے اجتماع میں شرکت کرنے، وہیں رات گزارنے،وہاں تہجد کی نماز ادا کرنے، رقت انگیز دُعائے تہجد میں شریک ہونے اورہر ماہ تین دن کے مدنی قافلے میں سفرکرنے،رسالہ:”نیک اعمال“ کے مطابق عمل کر کے روزانہ اپنے اعمال کا ”جائزہ“ لیتے ہوئے رسالے کے خانے پُر کرکے اپنے یہاں کے”شعبۂ اصلاحِ اعمال“کے ذمے دار کوہرماہ کی پہلی تاریخ کو جمع کروانے کی ترغیب بھی اِرشادفرمائی نیز گھر کے بعض افراد کی اچھی نیتوں پر حوصلہ افزائی فرماتے ہوئے دُعاؤں سے نوازا: آپ سب دعوتِ اسلامی کے ”12دینی کام“ مل کرکرتے رہئے، اللہ پاک آپ سب کو برکتیں عطافرمائے، اللّٰہ پاک!دونوں جہاں کی بھلائیاں آپ سب کا مقدرفرمائے۔آمین بجاہ النبی الامین صلی اللّٰہ علیہ والہ وسلم


(یہ مضمون امیراہلسنت اورمفتی فضیل صاحب کے پیغام کی روشنی میں ضروری ترمیم کے ساتھ تیارکیاگیاہے)

عاشقانِ رسول کی مدنی تحریک،”دعوتِ اسلامی“ کے اہم ترین شعبے”دارالافتاء اہلسنت“کے مفتی فضیل عطاری صاحب مَدَّظِلُّہُ الْعَالِی نے امیراہلِ سنت دَامَتْ بَرَکَاتُہُمُ الْعَالِیَہ کو16جُمادی الاولیٰ 1442ھ یہ خوشخبری سُنائی کہ دار الافتاء اہلسنت(حیدر آباد،سندھ)کے ناظم، مولانا محمد سرفراز مدنی گزشتہ چھ سال سے اپنی خدمات پیش کررہے ہیں، اَلْحَمْدُ لِلّٰہ!اِن کی بہترین کارکردگی پر اِن کو سینئرمتخصص (مُتَ۔ خَصْ۔ صِصْ) کا درجہ (گریڈ)دے دیا گیاہے۔شیخِ طریقت،امیراہلِ سنت حضرتِ علامہ مولانا محمد الیاس عطارقادری رضوی ضیائی دَامَتْ بَرَکَاتُہُمُ الْعَالِیَہ نے اپنے ”مدنی بیٹے“کومبارکباد اوردُعاؤں سے نوازتے ہوئے کچھ یوں نصیحتیں اِرشادفرمائیں:

اللّٰہ کرے!آپ کے ذریعے اُمت کی خوب خدمت سر انجام پائے۔پیارے بیٹے!لوگوں سے اُن کی عقلوں کے مطابق آسان اَنداز میں گفتگو فرمائیے،یہ ذہن بنائیے کہ ہمارا مقصد لوگوں کے دِلوں میں اپنی علمیّت کا رُعب جمانا نہیں صِرف دینی ”بات“سمجھانا ہے،دارالافتاء اہلسنت میں جو لوگ آپ سے شرعی مسائل پوچھنے آئیں گے،آپ اُن سے ایسی گفتگو کیجئے جس سے اُن کو وحشت نہیں، اُنسیت حاصل ہواوروہ عُلَماءِ کرام کے مزید قریب آئیں۔ اللّٰہ پاک آپ کو خوب برکتیں عطافرمائے۔

پیارے بیٹے! چونکہ آپ کی ذمہ داری مزید بڑھ گئی ہے، اِس لئے اَب اپنا نجی مطالعہ(Personal Study)اوربڑھائیے،جتنا مطالعہ کرتے رہیں گے، اُتنے فقہی اُصول وقواعداورشرعی مسائل پختہ (یعنی مضبوط)ہوں گے۔ اَلْحَمْدُ لِلّٰہ!میں نے فتاویٰ رضویہ اور بہارِ شریعت کے کئی ایسے صفحات ہوں گے جن کے متعلق اگر مبالغہ کروں توشاید سوسوبار پڑھے ہوں گے،آپ بھی بار بار شرعی مسائل کا مطالعہ کرتے رہیے۔ میرے لئے بھی دُعائے برکت کیجئے، میں بھی آپ کے لئے دُعائے برکت کرتاہوں،اَلْحَمْدُ لِلّٰہ!آپ کی ترقی سے مجھے خوشی ہوئی، اللّٰہ پاک آپ کو جنت الفردوس میں بے حساب داخلہ دے کر خوش کردے۔ اپنی دعوتِ اسلامی کا دینی کام بھی کرتے رہئے گا۔


جنوبی افریقی ملک موزمبیق حکام نے آئندہ چند روز میں”بیرا موزمبیق“ میں شدید طوفان اور زلزے کی پیشن گوئی کردی تھی، سائیکلون اور زلزلے کے باعث شدید نقصان کا خدشہ بھی ظاہر کیا گیاتھا۔

شیخِ طریقت، امیر اہلِ سنت حضرت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے ”بیرا موزمبیق“ میں سائیکلون اور زلزے کی پیشن گوئی کی اطلاع ملنے پر وہاں کے عاشقانِ رسول کے نا م ایک آڈیو پیغام جاری کیا۔

صوتی پیغام کے آغاز میں امیرِ اہلِ سنت نے بارگاہِ خداوندی میں مسلمانوں کی حفاظت کی دعائیں کرتے ہوئے کہا ”یا رب المصطفےٰ جل جلالہ و صلی اللہ علیہ وآلہ وسلم بیرا موزمبیق میں سائیکلون اور زلزلے کی پیشن گوئی ہے ،پروردگارِ عالم!اپنے محبوب کی دُکھیاری امّت پر رحمت کی نظر فرما، اے اللہ !تمام عاشقانِ رسول کی حفاظت فرما، یا اللہ !یہ سائیکلون، یہ طوفانی بارشیں اور زلزلے بغیر تباہی مچائے گزر جائیں۔ اے اللہ !تیرے محبوب کی امت محفوظ رہے، الٰہ العالمین! تمام مسلمانوں کی حفاظت فرما، صبر عطا فرما، ہمت عطا فرما، رحمت کی نظر فرما۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

امیر اہلِ سنّت نے” بیرا“ کے مقامی عاشقانِ رسول کو یاقہارُ 100بار پڑھ لینے اور یا سلامُ کابکثرت ورد کرنے اورخوب اذانیں دینے کے متعلق بھی ترغیب دلائی کہ وہ ”یا قہارُ“ سو مرتبہ پڑھیں تو اِنْ شَآءَ اللہ عَزَّ وَجَلَّ آفات و بلیات سے حفاظت ہوگی۔ ”یا سلامُ ،یا سلامُ“ چلتے پھرتے ،اٹھتے بیٹھتے پڑھنا شروع کردیں، اللہ نے چاہا تو دونوں جہاں کی سلامتیاں مقدر ہوں گی ۔اس کے علاوہ نعوذ باللہ طوفان شروع ہوبھی گیا ہو تب بھی وہاں چاروں طرف خوب اذانیں دیں، میرے رب نے چاہا تو اذانوں کی برکت سے یہ آفت تباہیاں مچائے بغیر چلی جائے گی۔ اَللّٰھُمَّ اِنِّی اَسْئَلُکَ الْمُعَافَاۃَ فِی الدُّنْیَا وَالآخِرَة،(یعنی اے اللہ پاک! تجھ سے دنیا و آخرت کی عافیت کا سُوال ہے)اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

بیرا کے ایک مقامی ذمہ دار اسلامی بھائی نے بتایا کہ ہمارے علاقے میں شدید طوفان اور زلزلے کی پیشن گوئی تھی مگر اللہ اور اس کے رسول صلَّی اللہ علیہ واٰلہٖ وسلَّم کے کرم اور مرشدِ کریم کی دعا کی برکت سے اَلْحَمْدُ لِلّٰہِ عَزَّ وَجَلَّ طوفان بخیر و عافیت ختم ہو گیا ہے اور اب تمام لوگ محفوظ ہیں ۔


پچھلے دنوں امیر اہل سنّت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے ہند کے پرانے اسلامی بھائیوں کے لئے اپنا آڈیو پیغام جاری کیا اور انہیں دینی کاموں میں عملی طور پر شرکت کرنے کی ترغیب دلاتے ہوئے فرمایا کہ دعوتِ اسلامی آپ کی اپنی ہے۔ اس میں خوب دینی کام کریں، 12 دینی کاموں کی دھوم مچائیں اور گزرے ہوئے دنوں میں جو سستیاں کوتاہیاں رہیں اس کے کفارے کے طور پر زیادہ سے زیادہ دینی کام کریں۔

امیر اہل سنت نے نیکیوں سے بھری زندگی گزارنے اور آخرت کی تیاری کرنے کے حوالے سےمدنی پھول ارشاد فرماتے ہوئے کہاکہ زندگی مختصر ہے، ہماری ایک ایک سانس موت کی طرف قدم ہے، ہمارا ایک ایک لمحہ قیمتی ہے، لمحہ وہی اچھا ہے جو اللہ اور اس کے رسول کی یاد میں گزرے، اپنے وقت کو درود و سلام پڑھتے ہوئے اور نیکی کی دعوت دیتے ہوئے گزاریں اور کاش ہم اپنا محاسبہ کرنے کا ذہن بنالیں۔

امیر اہل سنت دَامَتْ بَرَکَاتُہُمُ الْعَالِیَہ نے مکتبۃ المدینہ کی کتاب ”نجات دلانے والے اعمال کی معلومات“ کے صفحہ نمبر 62 پر موجود حضرت سیدنا سیدنا عمر فاروق اعظم رضی اللہ عنہ کا یہ قول بیان فرمایا کہ ”اپنے نفس کا محاسبہ کرو! اس سے پہلے کہ تمہارا محاسبہ کیا جائےاور وزن کئے جانے سے پہلے اپنے عمل کا خود وزن کرو“ اور حضرت سیدنا حسن بصری رحمۃ اللہ علیہ کا یہ قول سنایا کہ ” دنیا میں نفس کا محاسبہ کرنے والوں کا محاسبہ آخرت میں آسان ہوگا جبکہ محاسبہ نہ کرنے والوں کا حساب بروز قیامت سخت ہوگا،آپ دَامَتْ بَرَکَاتُہُمُ الْعَالِیَہ نے مزید فرمایا کہ اسی کتاب کے صفحہ نمبر 61 پر تحریر ہے کہ سیدنا عمر فاروق رضی اللہ عنہ رات کے وقت پاؤں پر دُرّہ یعنی کوڑا مار کر اپنے نفس سے پوچھتے : ”آج تونے کیا عمل کیا؟“

امیر اہل سنت دَامَتْ بَرَکَاتُہُمُ الْعَالِیَہ نے اسلامی بھائیوں کو دینی کاموں میں حصہ لینے کی ترغیب دلاتے ہوئے فرمایا کہ سب اسلامی بھائی اپنے اعمال کا جائزہ لیتے ہوئے ہر مہینے نیک اعمال کا رسالہ حاصل کرکے اس میں دیئے ہوئے خانے پُر کریں،ہر مہینے تین دن مدنی قافلے میں سفر کریں ، علاقائی دورہ اور مدرسۃ المدینہ بالغان میں تنظیمی طریقہ کار کے مطابق بھی شرکت کریں۔

امیر اہل سنت نے انہیں علمِ دین سیکھنے کا ذہن دیتے ہوئے کہا کہ قرآن کریم کی تلاوت کا ذوق پیدا کریں اور اسے پڑھنے کے لئے درست مخارج کے ساتھ پڑھنا سیکھنا ضروری ہے۔ جن جن سے ممکن ہو دعوت اسلامی کے تحت ہونے والے کورسز میں داخلہ لیں ، ہفتہ وار اجتماع میں اول تا آخر شریک ہوں اور رات وہیں رہ کر نماز تہجد ادا کرنے کی سعادت بھی حاصل کریں۔

امیر اہل سنت نے عاشقان رسول کو زندگی میں ایک بار 12ماہ اور 25 ماہ کے لئے راہ خدا میں سفر کرنے اور ہوسکے تو وقف دعوت اسلامی ہونےکا ذہن دیتے ہوئے کہا کہ زندگی مختصر ہے اس میں جو کچھ کرنا ہے اب کرلیں، آپ نے مزید فرمایا کہ” الدُّنیا مَزْرَعَۃ ُالاٰخِرَۃ“ یعنی دنیا آخرت کی کھیتی ہے۔ یہاں جیسا بوئیں گے آخرت میں ویسا ہی کاٹیں گے، تو اچھی اچھی بوائی کرلی جائے تو اِنْ شَآءَ اللہ اچھا اچھا کاٹیں گے۔

امیر اہل سنّت دَامَتْ بَرَکَاتُہُمُ الْعَالِیَہ کا آڈیو پیغام سننے کے لئے Watch Video کے بٹن پر کلک کیجئے


دعوت اسلامی کی جانب سے ہر ماہ”ماہنامہ فیضان مدینہ“ میگزین شائع کیا جاتا ہےجس کے ذریعہ عوام اہلِ سنت کو دینی اور کاروباری معلومات کے ساتھ ساتھ اچھی زندگی گزارنے کے حوالے سے معلومات فراہم کی جاتی ہے جبکہ اس ماہنامہ میں بچوں کی دلچسپی کے لئے بھی مضامین تحریر کئے جاتے ہیں۔

امیر اہلِ سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے عاشقان رسول کو 2021ء میں اپنے لئے ماہنامہ فیضان مدینہ کی سالانہ بکنگ کروانے اور انفرادی کوشش سے کسی ایک اسلامی بھائی کو اس کی بکنگ کروانے کی ترغیب دلائی ہے اور دعاؤں سےبھی نوازا ہے۔

دعائے عطار

یارب المصطفٰے! جو کوئی اپنے لئے ماہنامہ فیضان مدینہ 2021 کی سالانہ بکنگ کروائےاور کم ازکم کسی ایک کو ترغیب دلاکر اس کی بھی بکنگ کروائے،اس کے گھر کو امن کا گہوارہ بنااور ان کے بچے بچے کو نمازی اور سچا عاشق رسول بناکراسے اپنے آخری نبی صلَّی اللہ علیہ واٰلہٖ وسلَّم کے میٹھے مدینے کی بار بار زیارت نصیب فرمااور اسے بے حساب بخش دے۔ اٰمین

امیر اہل سنت دَامَتْ بَرَکَاتُہُمُ الْعَالِیَہ کا آڈیو پیغام سننے کے لئے Watch Video کے بٹن پر کلک کیجئے


غلام نبی کرمی کے گھر مدنی منی کی ولادت ہوئی

امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے اپنے آڈیو پیغام کے ذریعے غلام نبی کرمی سمیت سارے خاندان والوں کو مبارکباد دی۔ امیر اہل سنت دَامَتْ بَرَکَاتُہُمُ الْعَالِیَہ نے مدنی منی کا نام صحابیہ کی نسبت سے ”حمنہ“ رکھا۔ امیر اہل سنت نے مدنی منی کی صحت و عافیت اور نیکیوں سے بھری طویل زندگی کے لئے دعائیں کیں۔


نوید عطاری کے گھر مدنی منی کی ولادت ہوئی

امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے اپنے آڈیو پیغام کے ذریعے نوید عطاری سمیت سارے خاندان والوں کو مبارکباد دی۔ امیر اہل سنت دَامَتْ بَرَکَاتُہُمُ الْعَالِیَہ نے مدنی منی کا نام صحابیہ کی نسبت سے ”عفراء “ رکھا۔ امیر اہل سنت نے مدنی منی کی صحت و عافیت اور نیکیوں سے بھری طویل زندگی کے لئے دعائیں کیں۔


حاجی نوید حسین عطاری کے گھر مدنی منی کی ولادت ہوئی

امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے اپنے آڈیو پیغام کے ذریعے حاجی نوید حسین عطاری سمیت سارے خاندان والوں کو مبارکباد دی۔ امیر اہل سنت دَامَتْ بَرَکَاتُہُمُ الْعَالِیَہ نے مدنی منی کا نام صحابیہ کی نسبت سے ”فارعہ “ رکھا۔ امیر اہل سنت نے مدنی منی کی صحت و عافیت اور نیکیوں سے بھری طویل زندگی کے لئے دعائیں کیں۔


حاجی شیخ اکمل عطاری کے گھر مدنی منی کی ولادت ہوئی

امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے اپنے آڈیو پیغام کے ذریعے حاجی شیخ اکمل عطاری سمیت سارے خاندان والوں کو مبارکباد دی۔ امیر اہل سنت دَامَتْ بَرَکَاتُہُمُ الْعَالِیَہ نے مدنی منی کا نام صحابیہ کی نسبت سے ”اسماء “ رکھا۔ امیر اہل سنت نے مدنی منی کی صحت و عافیت اور نیکیوں سے بھری طویل زندگی کے لئے دعائیں کیں۔


عثمان رضا عطاری کے گھر مدنی منی کی ولادت ہوئی

امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے اپنے آڈیو پیغام کے ذریعے عثمان رضا عطاری سمیت سارے خاندان والوں کو مبارکباد دی۔ امیر اہل سنت دَامَتْ بَرَکَاتُہُمُ الْعَالِیَہ نے مدنی منی کا نام صحابیہ کی نسبت سے ”سُمیہ“ رکھا۔ امیر اہل سنت نے مدنی منی کی صحت و عافیت اور نیکیوں سے بھری طویل زندگی کے لئے دعائیں کیں۔