18جنوری 2020ء بروز ہفتہ مدنی مرکز فیضانِ مدینہ لیہ میں لیہ شہر کے ذمہ دارانِ دعوتِ اسلامی کا مدنی مشورہ ہوا جس میں شہر کے ذمہ داران نے شرکت کی۔ رکنِ شوریٰ حاجی رفیع العطاری نے شرکاکو امیرِ اہلِ سنت کے فرمان کے مطابق روزانہ 2 گھنٹے مدنی کام کرنے کا ذہن دیا، رکنِ شوریٰ نے اسلامی بھائیوں بتایا کہ ان دو گھنٹوں میں دعوتِ اسلامی کا مدنی کام کس طرح کیا جائے؟ آ پ نے شرکا کو ہفتہ وار اجتماع میں شرکت کرنے اور قافلوں میں سفر کرنے کی ترغیب بھی دلائی۔ 

دعوتِ اسلامی کے عالمی مدنی مرکز فیضانِ مدینہ  کراچی میں 18جنوری بروز ہفتہ دارالمدینہ کراچی ریجن کے ذمہ داران کا مدنی مشورہ ہوا جس میں مرکزی مجلسِ شوریٰ کے رکن حاجی اطہر عطاری نے شرکا کی تربیت فرمائی۔ یہ مدنی مشورہ ظہر سے مغرب تک جاری رہا۔

مدنی مرکز فیضانِ مدینہ لیہ میں مدنی مشورہ

لیہ زون کے ائمہ کرام اور مدنی عطیات بکس ذمّہ داران کی شرکت

تفصیل:

دعوت اسلامی کے مدنی مرکز فیضانِ مدینہ لیہ پنجاب میں 18جنوری 2020ء کو مدنی مشورہ ہوا جس میں لیہ زون کےتمام ائمہ کرام نے شرکت کی۔ رکنِ شوریٰ حاجی رفیع العطاری نے شرکا کی تربیت کی اور شرکا کو مسجد آباد کرنے ، انفرادی کوشش کے ذریعے نمازیوں کی تعدادبڑھانے،چوک درس، مسجد درس اور مسجد میں مدرسۃ المدینہ بالغان لگانے کا ذہن دیا جس پر ائمہ کرام نے ان تمام مدنی کاموں کو عملی جامہ پہنانے کی نیت کی۔

مدنی مرکز فیضانِ مدینہ جوہر ٹاؤن لاہور میں  7 جنوری بروز منگل سے شروع ہونے والا 12 مدنی کام کورس اختتام پذیر ہوگیا۔ سات دن تک جاری رہنے والے اس کورس میں شرکا کو 12 مدنی کامو ں (مدنی قافلہ، مدنی انعامات، علاقائی دورہ، مدنی مذاکرہ، V.C.D اجتماع، یومِ تعطیل اعتکاف، ہفتہ وار اجتماع، مدرسۃ المدینہ بالغان، مدنی حلقہ، چوک درس، مسجد درس اور صدائے مدینہ ) کے بارے میں معلومات فراہم کیں۔ کورس میں شریک اسلامی بھائیوں نے کورس سے واپسی جاکر اپنے اپنے علاقوں میں دعوتِ اسلامی کے بارہ مدنی کام کرنے کی بھرپور نیت کا اظہار کیا۔

پچھلے دنوں  مدنی مرکز اڈہ جہان خان پنجاب پاکستان میں دعوت اسلامی کے ذمہ داران کا مدنی مشورہ ہوا جس میں رکنِ شوریٰ حاجی رفیع العطاری نے خصوصی شرکت فرمائی اور سابقہ کارکردگی کا جائزہ لیتےہوئے آئندہ کے اہداف طے کئے۔ رکنِ شوریٰ نے اڈہ جہان خان میں زیرِ تعمیر مدنی مرکز فیضانِ مدینہ کے تعمیراتی کاموں کا جائزہ بھی لیا اور تعمیرات جلد مکمل کرانے کے متعلق مدنی پھول دیئے۔