عاشقانِ رسول کے لئے بہت زبردست خوشخبری!یکم ربیع الآخر سے عالمی مدنی مرکز فیضانِ مدینہ کراچی میں عشاء کی نماز کے بعد روزانہ مدنی مذاکرے کا سلسلہ ہوچکا ہے جس میں امیرِ اہلِ سنت مولانا الیاس عطار قادری دَامَتْ بَرَکَاتُہُمُ الْعَالِیَہ عاشقانِ رسول کی جانب سے پوچھے گئے سوالات کے علم و حکمت سے بھرپور جوابات ارشاد فرماتے ہیں۔

مدنی مذاکرے سے قبل جلوسِ غوثیہ کا بھی سلسلہ ہوتا ہے جس میں عاشقانِ غوث اعظم امیر اہلِ سنت کے ہمراہ شرکت کی سعادت حاصل کرتے ہیں۔

مدنی مذاکرے میں ملک و بیرونِ سے اسلامی بھائی شرکت کریں گے جبکہ یہ تمام مدنی مذاکرے مدنی چینل پر براہِ راست بھی نشر کئے جائیں گے۔ واضح رہے! یہ مدنی مذاکرے 11 ربیع الآخر تک جاری رہیں گے۔

پچھلے دنوں پروفیسر اسلامک اسٹیڈیز اسلام آباد انٹرنیشنل یونیورسٹی علامہ ظہیر عباس قادری اور بریگیڈیئر جنرل شیر شاہ ملک  (Rtrd) ایگزیکٹیو ڈائریکٹر FFC پاکستان کونسل نے عالمی مدنی مرکز کراچی کا وزٹ کیا۔ ان شخصیات کو المدینۃ العلمیہ اور مجلس تراجم سمیت دعوت اسلامی کے مختلف ڈیپارٹمنٹس کا دورہ کروایا گیا اور متعلقہ شعبے کا تعارف بھی پیش کیا گیا۔شخصیات نے رکنِ شوریٰ حاجی ابو ماجد محمد شاہد عطاری مدنی سے بھی ملاقات کی۔

دعوتِ اسلامی کے تحت12 نومبر 2019  بروز منگل فیضانِ مدینہ آفندی ٹاؤن میں مدنی مشورہ ہوا جس میں رکنِ شوریٰ حاجی محمد فاروق جیلانی عطاری نے 12 مدنی کاموں کی کارکردگی کا جائزہ لیا۔ نگران ریجن نے اجارے کے متعلق شرعی رہنمائی فرمائی اور اسلامی بھائیوں کے سوالات کے جوابات بھی دیئے۔ مدنی مشورے میں ٹیلی تھون میں یونٹس جمع کروانے کے حوالے سےاہداف بھی مقرر کئے گئے ۔

(اسٹاف رپورٹ: کراچی) دعوتِ اسلامی کے عالمی مدنی مرکز فیضانِ مدینہ کراچی  میں قائم جامعۃ المدینہ کے دورۃ الحدیث شریف میں سنتوں بھرے اجتماع کا اہتمام کیا گیا جس میں دعوتِ اسلامی کی مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی نے سنتوں بھرا بیان فرمایا۔

بیان کے دوران مولانا عمران عطاری کا کہنا تھا:ایسا علم چھوڑ کر جائیں جو موت کے بعد کام آئے، سوچیں! کیا ہم ایسا علم حاصل کرنے میں کامیاب ہورہے ہیں؟۔ علم حاصل کرنےکے ساتھ ساتھ عمل کرنا بھی بہت ضروری ہے۔

نگرانِ شوریٰ نے طلبہ کو ذہن دیا کہ جامعۃ المدینہ کے لئے ہونے والے ٹیلی تھون کے لئے بڑھ چڑھ کر کوششیں کریں۔ ہر طالبِ علم کم از کم تین اور استاد صاحب 12 یونٹ دعوتِ اسلامی کو جمع کروائیں۔

واضح رہے کہ یہ بیان مدنی چینل پر لائیو نشر کیا گیا جسے مختلف جامعات کے طلبہ نے اپنے اپنے جامعات میں سنا۔

دعوتِ اسلامی کے عالمی مدنی   مرکز فیضانِ مدینہ کراچی میں ملائیشیاء سے 6 علمائے کرام کی آمد ہوئی۔ علمائے کرام کا قافلہ 6 نومبر 2019ء کو کراچی پہنچا،متعلقہ مجلس کے ذمہ داران نے ایئرپورٹ پر ان علما کا استقبال کیا۔ علمائے کرام میں محمد رملی (نائب امام جامع مسجد البرکہ جوہر بارو،اکزامنر ایجوکیشن منسٹری )، احمد بن مورینی (امام و خطیب جامع مسجد البرکہ جوہر بارو)، استاد سید احمد بن عبداللہ (فارغ التحصیل مدرسہ دارالمصطفیٰ یمن)، استاد عبدالقادر القادری الاظہری (مختلف ایسوسی ایشنز کے پریزیڈنٹ اور ڈائیریکٹر)، محمد حافظ بن محمد رفیع (ناظم اعلیٰ مدرسہ دارالحمیدیہ) شامل ہیں۔

اپنے دورے میں ان علمائے کرام نے شیخِ طریقت امیر اہلِ سنت مولانا الیاس عطاری قادری دَامَتْ بَرَکَاتُہُمُ الْعَالِیَہ سے ملاقات کی، دارالافتاء اہلِ سنت کنزالایمان کا دورہ کیا جہاں استادالحدیث مفتی حسان صاحب سے ملاقات ہوئی،مدنی مذاکرہ وہفتہ وار اجتماع میں شرکت کی اور جلوس میلاد میں شرکت کی جبکہ المدینۃ العلمیہ، مدنی چینل، سوشل میڈیا ڈیپارٹ، اوورسیز ڈیپارٹ کا دورہ کیا۔

پچھلے دنوں دعوت اسلامی کے عالمی مدنی مرکز فیضانِ مدینہ کراچی میں جمال صدیقی M.P.Aسندھ اسمبلی کی آمد ہوئی۔ رکنِ شوریٰ حاجی محمد امین عطاری نے انہیں خوش آمدید کہا اور فیضانِ مدینہ کا وزٹ کروایا اور دعوت اسلامی کا تعارف پیش کرتے ہوئے مدنی مذاکرے میں شرکت کرنے کی ترغیب دلائی۔