11 دسمبر 2019ء کو عالمی مدنی مرکز فیضانِ مدینہ کراچی میں المدینۃ العلمیہ کے شعبہ ذمہ داران کا اجلاس ہوا جس میں دعوتِ اسلامی کی مرکزی مجلسِ شوریٰ کے رکن حاجی ابوماجد محمد شاہد عطاری مدنی نے خصوصی شرکت فرمائی اور اہم امور پر ذمہ داران کی تربیت فرمائی۔ رکنِ شوریٰ نے ذمہ داران کو اپنے شعبے کے اہداف بنانے اور شعبے کے کاموں میں مزید بہتری لانے کا ذہن بھی دیا۔ اجلاس میں ناظم و رکنِ مجلس المدینۃ العلمیہ محمد آصف خان عطاری مدنی بھی شریک تھے جنہوں نے ذمہ داران کی جانب سے پوچھے جانے سوالات کے جوابات اور پیش آنے والے مسائل کے ممکنہ حل پیش کئے۔

مرکزی جامعۃ المدینہ  فیضانِ مدینہ عالمی مدنی مرکز کراچی میں 11 دسمبر 2019ء کو سنتوں بھرے اجتماع کا اہتمام کیا گیا جس میں مبلغِ دعوتِ اسلامی و رکنِ مجلس المدینۃ العلمیہ محمد عدنان چشتی عطاری مدنی نے سنتوں بھرا بیان فرمایا اور تحریر کی اہمیت بیان کرتے ہوئے ماہنامہ فیضانِ مدینہ کے تحریری مقابلے میں حصہ لینے کا ذہن دیا۔ اس موقع پر ماہنامہ فیضانِ مدینہ کی بکنگ کے حوالے سے اسٹال بھی لگایا گیا۔

یاد رہے! اس وقت مرکزی جامعۃ المدینہ فیضانِ مدینہ عالمی مدنی مرکز کراچی میں 893 طلبہ زیرِ تعلیم ہیں جن میں اولیٰ تا سابعہ کے طلبہ کی تعداد 527 اور دورۂ حدیث شریف کے طلبہ کی تعداد 270 جبکہ تخصصات کے طلبہ کی تعداد 96 ہے۔

3 دسمبر 2019ء کو عالمی مدنی مرکزفیضانِ مدینہ کراچی میں دعوتِ اسلامی کے اثاثوں کے متعلق اہم  امور پر مشاورت کا سلسلہ ہوا۔ مدنی مشورے میں شریک مفتی سجاد عطاری مدنی، اراکینِ شوریٰ مولانا عبدالحبیب عطاری، الحاج سید ابراہیم عطاری، حاجی ابوماجد محمد شاہد عطاری مدنی ، حاجی محمدعقیل عطاری مدنی، حاجی محمد امین عطاری اور نگرانِ مجلس اثاثہ جات نے باہمی دلچسپی کے امور پر تبادلہ خیال کیا۔

یاد رہے کہ مجلس اثاثہ جات کا بنیادی کام دعوت ِاسلامی کیلئے جائیداد مثلاً(مسجد، مدرسۃ المدینہ /جامعۃ المدینہ،مدنی مراکز،مکان ،دکان یادیگرامورجن کیلئے خریداری کرنےیاوقف کرنے یا انتظام لینے کی شرعی و تنظیمی اجازت ہے)ان کو خریدنے یا وقف کروانے اورمساجد کے الحاق سےمتعلق قانونی معاملات کو شرعی وتنظیمی طریقِ کارکےمطابق سرانجام دینا ہے۔

دعوت اسلامی کے عالمی مدنی مرکز فیضانِ مدینہ کراچی میں 26نومبر 2019ء کو مدنی مشورہ ہوا جس میں اراکین  ریجن کراچی اور نگرانِ کابینہ نے شرکت کی۔ اراکینِ شوریٰ حاجی محمد امین عطاری اور حاجی امین قافلہ نے ٹیلی تھون کی کارکردگی جائزہ لیا اور دیئے گئے اہداف کو پورا کرنے کی ترغیب دلاتے ہوئے 13 دسمبر 2019ء کوایک ماہ کے قافلے میں سفر کا ذہن دیا۔مشورے کے اختتام پر پچھلے دنوں انتقال کر جانے والے مرحوم شہزاد عطاری کے ایصالِ ثواب کے لئے فاتحہ خوانی اور دعا کروائی گئی۔

عاشقانِ رسول کے لئے بہت زبردست خوشخبری!یکم ربیع الآخر سے عالمی مدنی مرکز فیضانِ مدینہ کراچی میں عشاء کی نماز کے بعد روزانہ مدنی مذاکرے کا سلسلہ ہوچکا ہے جس میں امیرِ اہلِ سنت مولانا الیاس عطار قادری دَامَتْ بَرَکَاتُہُمُ الْعَالِیَہ عاشقانِ رسول کی جانب سے پوچھے گئے سوالات کے علم و حکمت سے بھرپور جوابات ارشاد فرماتے ہیں۔

مدنی مذاکرے سے قبل جلوسِ غوثیہ کا بھی سلسلہ ہوتا ہے جس میں عاشقانِ غوث اعظم امیر اہلِ سنت کے ہمراہ شرکت کی سعادت حاصل کرتے ہیں۔

مدنی مذاکرے میں ملک و بیرونِ سے اسلامی بھائی شرکت کریں گے جبکہ یہ تمام مدنی مذاکرے مدنی چینل پر براہِ راست بھی نشر کئے جائیں گے۔ واضح رہے! یہ مدنی مذاکرے 11 ربیع الآخر تک جاری رہیں گے۔

پچھلے دنوں پروفیسر اسلامک اسٹیڈیز اسلام آباد انٹرنیشنل یونیورسٹی علامہ ظہیر عباس قادری اور بریگیڈیئر جنرل شیر شاہ ملک  (Rtrd) ایگزیکٹیو ڈائریکٹر FFC پاکستان کونسل نے عالمی مدنی مرکز کراچی کا وزٹ کیا۔ ان شخصیات کو المدینۃ العلمیہ اور مجلس تراجم سمیت دعوت اسلامی کے مختلف ڈیپارٹمنٹس کا دورہ کروایا گیا اور متعلقہ شعبے کا تعارف بھی پیش کیا گیا۔شخصیات نے رکنِ شوریٰ حاجی ابو ماجد محمد شاہد عطاری مدنی سے بھی ملاقات کی۔

دعوتِ اسلامی کے تحت12 نومبر 2019  بروز منگل فیضانِ مدینہ آفندی ٹاؤن میں مدنی مشورہ ہوا جس میں رکنِ شوریٰ حاجی محمد فاروق جیلانی عطاری نے 12 مدنی کاموں کی کارکردگی کا جائزہ لیا۔ نگران ریجن نے اجارے کے متعلق شرعی رہنمائی فرمائی اور اسلامی بھائیوں کے سوالات کے جوابات بھی دیئے۔ مدنی مشورے میں ٹیلی تھون میں یونٹس جمع کروانے کے حوالے سےاہداف بھی مقرر کئے گئے ۔

(اسٹاف رپورٹ: کراچی) دعوتِ اسلامی کے عالمی مدنی مرکز فیضانِ مدینہ کراچی  میں قائم جامعۃ المدینہ کے دورۃ الحدیث شریف میں سنتوں بھرے اجتماع کا اہتمام کیا گیا جس میں دعوتِ اسلامی کی مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی نے سنتوں بھرا بیان فرمایا۔

بیان کے دوران مولانا عمران عطاری کا کہنا تھا:ایسا علم چھوڑ کر جائیں جو موت کے بعد کام آئے، سوچیں! کیا ہم ایسا علم حاصل کرنے میں کامیاب ہورہے ہیں؟۔ علم حاصل کرنےکے ساتھ ساتھ عمل کرنا بھی بہت ضروری ہے۔

نگرانِ شوریٰ نے طلبہ کو ذہن دیا کہ جامعۃ المدینہ کے لئے ہونے والے ٹیلی تھون کے لئے بڑھ چڑھ کر کوششیں کریں۔ ہر طالبِ علم کم از کم تین اور استاد صاحب 12 یونٹ دعوتِ اسلامی کو جمع کروائیں۔

واضح رہے کہ یہ بیان مدنی چینل پر لائیو نشر کیا گیا جسے مختلف جامعات کے طلبہ نے اپنے اپنے جامعات میں سنا۔