دعوت اسلامی کی مجلس جامعۃ المدینہ للبنات کے تحت 9نومبر 2019ء کو جامعات المدینہ للبنات میں اجتماع میلاد کا انعقاد کی جائیگاجس میں مبلغات دعوت اسلامی جامعات المدینہ کی طالبات اور معلمات کے درمیان ”قراٰن وسنّت“کے موضوع پرسنّتوں بھرا بیان کریں گی۔

دعوت اسلامی کی مجلس جامعۃالمدینہ للبنات کے تحت 6نومبر 2019ء کو بریڈ فورڈ Bradfordیوکے کے جامعۃالمدینہ للبنات فیضان عطار میں25ماہ کے فیضانِ شریعت کورس کا آغاز کیا گیا جس میں کثیر تعداد میں اسلامی بہنوں نے داخلہ لیا ۔کورس میں شریک اسلامی بہنوں کو تجوید و قراءت ، منتخب سورتوں کا ترجمہ و تفسیر، منتخب احادیث کا ترجمہ و شرح ، منتخب آیات و احادیث ترجمہ کے ساتھ حفظ، عقائد اسلام، فقہ، آداب اسلام اور دیگر شرعی مسائل کی معلومات فراہم کی جائیں گی۔

یادرہے : پاکستان اور ہند کے جامعات المدینہ للبنات میں فیضانِ شریعت کورس کا آغاز23نومبر 2019ء سے ہوگا۔ 

دعوت اسلامی کے تحت 2نومبر 2019ء کوکولکاتا زون کے شہر آسنسول میں ذمّہ دار اسلامی بہنوں کا مدنی مشورہ ہوا جس میں مالکی ریجن  ہند کی ذمّہ دار اسلامی بہن نے شرکا کی تربیت کی اور 24 نومبر 2019ء کو ہونے والے ٹیلی تھون میں بھر پور حصہ لینے کی ترغیب دلائی۔

دعوت اسلامی کے تحت 3 نومبر 2019ء کو ذمّہ دار اسلامی بہنوں کا بسمت آکولہ زون  ہند میں مدنی مشورہ ہوا جس میں شافعی ریجن کی ذمّہ دار اسلامی بہنوں نے شرکت کی ۔مدنی مشورے میں ناندیڑ کابینہ کے مدنی کاموں کا جائزہ لیتے ہوئے نئے مقام پر مدنی کام شروع کرنے کا ذہن دیا گیا اور ہاتھوں ہاتھ تاریخ بھی طے کی گئی جبکہ مقامی اسلامی بہنوں کے درمیان سنتوں بھرے بیان کا سلسلہ ہوا جس میں اسلاف کرام اور بزرگان دین کی راہ خدا میں قربانیوں کا ذکر کرتے ہوئے انہیں بھی دین کے کاموں میں تعاون کرنے کی ترغیب دلائی۔ اجتماع میں شریک اسلامی بہنوں نے اچھی اچھی نیتوں کا اظہار بھی کیا۔

دعوت اسلامی کی مجلس آن لائن شارٹ کورسز للبنات کے تحت 4نومبر 2019ء کوجرمنی میں  19دن کے”فیضانِ سورہ بقرہ “کورس کا آغاز ہوا جس میں کم وپیش 11اسلامی بہنیں شریک ہیں ۔ کورس میں شریک اسلامی بہنوں کو سورہ بقرہ کی تلاوت، ترجمہ اور تفسیر کے ساتھ ساتھ معاملات اور دیگر شرعی مسائل سکھائے جارہے ہیں۔

دعوت اسلامی کے تحت اسلامی بہنوں کے لئے 8نومبر2019ء کوچابہار اور  زاہدان ،9نومبر2019ءکو جزیرہ قشم اور 6نومبر 2019ء کوایک اور مقام پر اجتماع میلاد کا انعقاد کیا جائیگاجن میں مبلغات اسلامی بہنیں سنّتوں بھرا بیان کریں گی۔ قرب وجوار کی تمام اسلامی بہنوں سے شرکت کرنے کی مدنی التجاہے۔

دعوت اسلامی کی مجلس شارٹ کورسز کے تحت اسلامی بہنوں کے لئے ماہ اکتوبر 2019ء میں قطر، ایران، عرب شریف، اسپین، ہند، کلکتہ، دہلی،کانپور اور موڈاسا سمیت 11مقامات پربذریعہ آن لائن کفن دفن کورس کروایا گیا جس میں کم وبیش 93اسلامی بہنوں نے شرکت کی۔ کورس میں شریک  اسلامی بہنوں کو تجہیزو تکفین کے فضائل، میت کوغسل دینےاور کفن پہنانے کا طریقہ اور دیگر شرعی مسائل سکھائے گئے۔

دعوت اسلامی کی مجلس مدرسۃ المدینہ بالغات کے تحت ایران کے شہر زاہدان اور قشم میں مدرسۃ المدینہ بالغات کا آغاز کیا گیا جس میں کثیر  تعداد میں اسلامی بہنوں نے داخلہ لیا ۔ داخلے لینے والی اسلامی بہنوں کو درست مخارج کے ساتھ قراٰنِ پاک پڑھنے اور دیگر شرعی مسائل کےبارےمیں معلومات فراہم کی جارہی ہے۔ 

دعوت اسلامی کے تحت اسلامی بہنوں کے لئے 10نومبر 2019ءکو نیوزی لینڈ کے شہر آکلینڈ میں کابینہ سطح پر  اجتماع میلاد کا انعقاد کیاجائیگا جس میں مبلغۂ دعوتِ اسلامی سنّتوں بھرا بیان کریں گی۔ قرب و جوار میں رہنے والی اسلامی بہنوں سے اس اجتماعِ میلاد میں شرکت کرنے کی مدنی التجا کی جاتی ہے۔

اجتماع پاک میں شرکت کی خواہش مند اسلامی بہنیں درج ذیل میل آئی ڈی پر رابطہ کریں۔

میل آئی ڈی : Bintehasanattaria@outlook.com