پچھلے دنوں  نیدر لینڈزکے شہر دی ہیگ (The Hague) کی مقامی مسجد میں دعوت اسلامی کے زیر اہتمام ہفتہ وار دینی حلقے کا انعقاد کیا گیا جس میں مقامی عاشقان رسول نے شرکت کی۔

مبلغ دعوت اسلامی عرفان عطاری نے قرآ ن و حدیث کی روشنی میں آقا کریم صلَّی اللہ علیہ واٰلہٖ وسلَّم کی شان و عظمت بیان کی۔

یکم دسمبر 2022ء کو یورپی ملک پُرتگال (Portugal) کے شہر اوڈی ویلز(Odivelas) کے مقامی کمیونٹی ہال میں سنتوں بھرے اجتماع کا انعقاد کیا گیا جس میں اوڈی ویلز اور پُر تگال کے دیگر شہروں سے علمائے کرام، مختلف شعبہ ہائے زندگی سے وابستہ افراد و شخصیات، تاجر حضرات اور دیگر عاشقان رسول سمیت ذمہ داران دعوت اسلامی نے شرکت کی۔

خلیفہ امیر اہلسنت مولانا حاجی عبید رضا عطاری مدنی مُدَّ ظِلُّہُ العالی نے سنتوں بھرا بیان کیا اور شرکا کو غفلت سے بچتے ہوئے قبر و آخرت کی تیاری کرنے کا ذہن دیتے ہوئے نیک اعمال کرنے کی ترغیب دلائی۔ اجتماع کے اختتام پر صلوۃ و سلام اور دعا کا سلسلہ بھی ہوا۔

اجتماع کے بعد جانشین امیر اہلسنت سے عاشقان رسول نے ملاقات کی جبکہ دوران ملاقات خلیفہ امیر اہلسنت نے اسلامی بھائیوں کے سروں پر عمامہ بھی سجایا۔

خلیفۂ امیر اہلسنت الحاج مولانا عبید رضا عطاری مدنی مُدَّ ظِلُّہُ العالی اپنے دورۂ یورپ کے دوران یکم دسمبر 2022ء کو پُرتگال (Portugal) پہنچے جہاں انہوں نے لزبن (Lisbon) اور دیگر مقامات پرمختلف شعبہ ہائے زندگی سے وابستہ افراد و دیگر عاشقان رسول سے ملاقات کی اور نیکی کی دعوت کا سلسلہ ہوا۔

جانشین امیر اہلسنت دامت بَرَکَاتُہمُ العالیہ نے اسلامی بھائیوں کو مدنی پھولوں سے نوازا۔ اس موقع پر نگران یورپی یونین ریجن اور دیگر ذمہ داران بھی موجود تھے۔ آخر میں بارگاہ رب العزت میں دعائیں کی گئیں۔

ملاقات کے بعد جانشین امیر اہلسنت نے مدنی مرکز فیضان مدینہ لزبن کا دورہ بھی کیا اور امام مسجد سمیت ذمہ داران دعوت اسلامی سے ملاقات کی۔

خلیفہ امیر اہلسنت حاجی مولانا عبید رضا عطاری مدنی مُدَّ ظِلُّہُ العالی نے 30 نومبر2022ء کو دینی کی دعوت کی دھومیں مچانے کے لئے کراچی انٹرنیشنل ائیرپورٹ سے جرمنی (Germany) کے شہر ہیمبرگ (Hamburg) پہنچے جہاں سویڈن اور ڈنمارک سمیت جرمنی ذمہ داران دعوت اسلامی اور دیگر اسلامی بھائیوں نے خوش آمدید کہا۔

جانشین امیر اہلسنت دامت بَرَکَاتُہمُ العالیہ جرمنی پہنچنے پر ہیمبرگ (Hamburg) میں مختلف شعبہ ہائے زندگی سے وابستہ افراد سے ملاقات کی اور نیکی کی دعوت کا سلسلہ ہوا۔ اس موقع پر خلیفہ امیر اہلسنت نے دعا بھی کروائی۔

اس کےبعد جانشین امیر اہلسنتدامت بَرَکَاتُہمُ العالیہ نے مدنی مرکز فیضان مدینہ ہاگن (Hagen)کے امام شیخ ایمن یاسر عطاری کو امیر اہلسنت دامت بَرَکَاتُہمُ العالیہ کی کتاب ”نیکی کی دعوت“ کا عربی ترجمہ تحفۃً پیش کیا۔

بیرونِ ملک میں ہونےوالے دینی کاموں کے حوالے سے برمنگھم UK میں دعوتِ اسلامی کے شعبہ FGRF اور پبلک ریلیشنز کی میٹنگ منعقد ہوئی جس میں UK سطح کے ذمہ دار اسلامی بھائیوں نے شرکت کی۔

اس میٹنگ میں نگرانِ شعبہ .UK FGRF اینڈ پبلک ریلیشنز UK سیّد فضیل رضا عطاری نے بیرونِ ملک کے مختلف ڈیپارٹمنٹس میں ہونے والے دینی کاموں کے حوالے سے شرکا کو اپڈیٹ کیا اور مزید بہتری کے لئے اہداف دیئے۔

پبلک ریلیشنز UK کے ذمہ داران عتیق عطاری اور وسیم عطاری نےشعبے کے متعلق ایک پریزنٹیشن دکھائی اور بااثر شخصیات کے ساتھ اچھے تعلقات بنانے کے طریقے بتائے جبکہ لندن کے ذمہ دار رضوان عطاری نے برطانیہ میں حکومتی اداروں سے رجوع کرنے کے بارے میں مفید تجربہ اور معلومات فراہم کیں۔(کانٹینٹ:غیاث الدین عطاری)

لوگوں کو دینِ اسلام کے قریب کرنے، انہیں اسلامی تعلیمات سے آگاہ کرنے اور اُن کے درمیان نیکی کی دعوت عام کرنے والی عاشقانِ رسول کی دینی تحریک دعوتِ اسلامی کے تحت مختلف دینی ایکٹیویٹیز کا سلسلہ جاری رہتا ہے۔

اس سلسلے میں یکم دسمبر 2022ء بروز جمعرات برمنگھم یوکے کے علاقے آلم راک (Alum Rock, Birmingham UK) میں علاقائی دورہ برائے نیکی کی دعوت کا انعقاد کیا گیا جس میں دعوتِ اسلامی کے ذمہ داران نے مقامی عاشقانِ رسول پر انفرادی کوشش کرتے ہوئے انہیں نیکی کی دعوت پیش کی اور اسلامی تعلیمات کے مطابق اپنی زندگی گزارنے کا ذہن دیا۔

عاشقانِ رسول کی دینی تحریک دعوتِ اسلامی کے تحت پچھلے دنوں ڈھاکہ، باریسال اور حبیب گنج میں ہفتہ وار سنتوں بھرے اجتماعات کا انعقاد کیا گیا جس میں مقامی عاشقان رسول کی کثیر تعداد نے  شرکت کی۔

ان اجتماعات میں تلاوتِ قراٰن کرنے اور نعتِ رسولِ مقبول صلی اللہ علیہ و سلم پڑھنے کے بعد مبلغینِ دعوتِ اسلامی نے سنتوں بھرے بیانات کئے اور اجتماعات میں شریک شریک اسلامی بھائیوں کو پابندی کے ساتھ ہفتہ وار سنتوں بھرےاجتماع میں شرکت کرنے، مدنی قافلوں میں سفر کرنے اور دعوتِ اسلامی کے 12 دینی کاموں میں بڑھ چڑھ کر حصہ لینے کی ترغیب دلائی جس پر انہوں نے اچھی اچھی نیتوں کا اظہار کیا۔(کانٹینٹ:غیاث الدین عطاری) 

دعوتِ اسلامی کے زیرِ اہتمام 24 نومبر 2022ء کو آسٹریلیا کے شہر لکیمبا، منٹو اور آبرن (Lakemba, Minto, Auburn) میں ہفتہ وار سنتوں بھرے اجتماعات کا انعقاد کیا گیا جس میں مقامی عاشقان رسول نے شرکت کی۔

دعوتِ اسلامی کے زیرِ اہتمام 28 نومبر 2022ء بروز پیر اوبرن سڈنی (Auburn, Sydney)کی مقامی مسجد میں دعائے شفاء اجتماع کا انعقاد کیا گیا جس میں مسجد کے اطراف کے اسلامی بھائیوں نے شرکت کی۔

مبلغِ دعوتِ اسلامی نے سنتوں بھرا بیان کرتے ہوئے شرکا کو رب عَزَّوَجَلَّ کی طرف سے آنے والی مصیبت و پریشانی پر صبر کرنے اور ہر حال میں اپنے رب کا شکر بجالانے کی ترغیب دلائی۔آخر میں پریشان حال مسلمانوں کے لئے دعائیں کی گئیں۔

لوگوں کو قراٰن و حدیث کی تعلیمات سے آگاہ کرنے اور اُن کی دینی و اخلاقی تربیت کرنے کے لئے ملک و بیرونِ ملک راہِ خدا عزوجل میں سفر کرنا پیارے آقا صلی اللہ علیہ و سلم، اُن کے اصحاب رضی اللہ عنہم اور بزرگانِ دین رحمہم اللہ علیہم کی سنت میں سے ہے۔

اسی سنت پر عمل کرتے ہوئے پچھلے دنوں انگلینڈ (England) کے شہر برمنگھم اور والسال (Walsall and Birmingham) سے 3 دن (25، 26 اور 27 نومبر 2022ء) کا مدنی قافلہ نیوپورٹ ویلز (Newport Wales) پہنچا۔

معلومات کے مطابق دورانِ مدنی قافلہ دعوتِ اسلامی کے تحت مختلف دینی ایکٹیویٹیز کا سلسلہ رہا جن میں سیکھنے سکھانے کے حلقے، درس و بیان اور نیکی کی دعوت شامل تھی۔

اسی طرح ذمہ دار اسلامی بھائیوں نے سیکھنے سکھانے کے حلقوں میں شرکائے مدنی قافلہ سمیت دیگر عاشقانِ رسول کو نماز، وضو اور غسل سمیت دیگر ضروریاتِ دین کے بارے میں بتایا۔

اس مدنی قافلے میں نگرانِ ویلز سیّد فضیل رضا عطاری، نگرانِ ویسٹ مڈلینڈز یو کے ریجن سیّد عمار شاہ عطاری اور نگرانِ ایسٹ برمنگھم یوکے عتیق عطاری کے علاوہ دیگر اسلامی بھائی موجود تھے۔(کانٹینٹ:غیاث الدین عطاری)

دعوتِ اسلامی لوگوں کو نیکی کی دعوت دینے، انہیں دینِ اسلام کی تعلیمات سے آگاہ کرنے اور دنیا بھر میں اسلام کے پیغام کو عام کرنے والی عاشقانِ رسول کی دینی تحریک ہے جو دن بہ دن ترقی کے منازل طے کرتے جارہی ہے۔

اسی سلسلے میں ترقی کی راہ پر گامزن دعوتِ اسلامی نے سمتھ وِک برمنگھم ویسٹ مڈلینڈز یوکےمیں کم و بیش 90 سال پرانی غیر مسلموں کی عبادت گاہ کو خرید لیا جوکہ بہت جلد ایک خوبصورت مسجد اور دعوتِ اسلامی کامدنی مرکز فیضانِ مدینہ بنے گی۔

گزشتہ روز مذکورہ جگہ کی چابیاں ذمہ دارانِ دعوتِ اسلامی کے سپرد کی گئیں تو ان کی خوشی کا کوئی ٹھکانہ نہ تھا، اس موقع پر اسلامی بھائیوں میں مٹھائی بھی تقسیم کی گئی۔

خوشی کے اس موقع پر نگرانِ ویلز یوکے (Wales UK) حاجی سیّد فضیل رضا عطاری سمیت بیرونِ ملک کے اہم ذمہ دار اسلامی بھائی بھی موجود تھے۔(کانٹینٹ:غیاث الدین عطاری)

پچھلے دنوں معروف ثناخواں سیّد فرقان قادری نے عاشقانِ رسول کی دینی تحریک دعوتِ اسلامی کے مدنی مرکز فیضانِ مدینہ برمنگھم UK کا وزٹ کیا جہاں اُن کی ملاقات ذمہ داران سے ہوئی۔

اس دوران ذمہ دار اسلامی بھائیوں نے ثناخواں سیّد فرقان قادری کو فیضانِ مدینہ برمنگھم میں واقع دعوتِ اسلامی کے مختلف ڈیپارٹمنٹس کا وزٹ کروایانیز جامعۃالمدینہ بوائز کے طلبۂ کرام کو دی جانے والی تعلیم سمیت دیگر سہولیات کے بارے میں آگاہی فراہم کی۔

بعدازاں ثناخوان سیّد فرقان قادری نے دعوتِ اسلامی کی کاوشوں کو سراہتے ہوئے اپنی نیک خواہشات کا اظہار کیا۔(کانٹینٹ:غیاث الدین عطاری)