دعوت اسلامی کے زیر اہتمام 14 اکتوبر 2022ء کو بنگلہ دیش کے شہر ڈھاکہ کے علاقے میر پور کے  مقامی کمیونٹی ہال میں سنتوں بھرا اجتماع منعقد کیا گیا جس میں مختلف شعبہ ہائے زندگی سے وابستہ افراد و عاشقان رسول اور بزنس کمیونٹی سے تعلق رکھنے والے اسلامی بھائیوں نے شرکت کی۔

خلیفہ امیر اہلسنت، شہزادۂ عطار مولانا حاجی عبیدرضا عطاری مدنی مُدَّ ظِلُّہُ العالی نے ”تلاوت قرآن کی فضیلت و اہمیت“ کے موضوع پر سنتوں بھرا بیان فرمایا۔

اجتماع کا اختتام صلوۃ و سلام اور دعا پر ہوا جبکہ عاشقان رسول نے جانشین امیر اہلسنت دامت بَرَکَاتُہمُ العالیہ سے ملاقات بھی کی۔

12 اکتوبر 2022ء کو خلیفہ امیر اہلسنت، شہزادۂ عطار مولانا حاجی عبید رضا عطاری مدنی مُدَّ ظِلُّہُ العالی کی سید پور نیلفماری میں قائم دار المدینہ میں تشریف آوری ہوئی جہاں سنتوں بھرے اجتماع کا انعقاد کیا گیا جس میں مختلف شعبہ ہائے زندگی سے وابستہ افراد و شخصیات نے شرکت کی۔

جانشین امیر اہلسنت دامت بَرَکَاتُہمُ العالیہ نے سنتوں بھرا بیان کرتے ہوئے شرکا کو اپنے مدنی پھولوں سے نوازا۔ مولانا حاجی عبید رضا عطاری مدنی نے اسلامی بھائیوں کو مدنی قافلے میں سفر کرنے، ہفتہ وار اجتماع میں شرکت کرنے اور نیکی کی دعوت کی دھومیں مچانے کی ترغیب دلائی۔ آخر میں اسلامی بھائیوں نے جانشین امیر اہلسنت دامت بَرَکَاتُہمُ العالیہ سےملاقات بھی کی۔

بنگلہ دیش کے شہر سید پور کے ریلوے گراؤنڈ میں 12 اکتوبر 2022ء کو دعوت اسلامی کے زیر اہتمام عظیم الشان اجتماع میلاد کا انعقاد کیا گیا جس میں مختلف علاقوں سے عاشقان رسول اور ذمہ داران دعوت اسلامی نے شرکت کی۔

تلاوت و نعت کے بعد رکن مشاورت و نگران راج شاہی ڈویژن ارمان عطاری نے بنگلہ زبان میں سنتوں بھرا بیان کیا، اس کے بعد خلیفہ امیر اہلسنت، شہزادۂ عطار مولانا حاجی عبیدرضا عطاری مدنی مُدَّ ظِلُّہُ العالی نے ”دیدار ِمصطفٰے ﷺ“ کے موضوع پر سنتوں بھرا بیان فرمایا۔

اجتماع میلاد میں جشن ولادت کے حوالے سے کلام بھی پڑھا گیا جبکہ عاشقان رسول کی جانب سے لگائے جانے والے ”مرحبا یا مصطفٰےﷺ“ کے نعروں سے فضا گونج اٹھی۔

اختتام پر صلوۃ و سلام اور دعا کا سلسلہ ہوا جبکہ عاشقان رسول نے جانشین امیر اہلسنت دامت بَرَکَاتُہمُ العالیہ سے ملاقات بھی کی۔

10 اکتوبر 2022ء کو بنگلہ دیش کے شہر ڈھاکہ کے مدنی مرکز فیضان مدینہ میں جامعۃ المدینہ کے طلبائے کرام کے درمیان سنتوں بھرے اجتماع کا انعقاد کیا گیا جس میں طلبہ کے ساتھ ساتھ اساتذۂ کرام اور ناظمین کی بھی شرکت ہوئی۔

خلیفہ امیر اہلسنت، شہزادۂ عطار مولانا حاجی عبیدرضا عطاری مدنی مُدَّ ظِلُّہُ العالی نے سنتوں بھرا بیان فرمایا اور طلبہ کی تربیت کرتے ہوئے انہیں اپنے مدنی پھولوں سے نوازا۔

آخر میں طلبائے کرام نے جانشین امیر اہلسنت دامت بَرَکَاتُہمُ العالیہ سےملاقات بھی کی۔

دعوت اسلامی کے زیر اہتمام 09 اکتوبر 2022ء کو بنگلہ دیش کے شہر چٹاگانگ کے جمعیۃ الفلاح عید گاہ گراؤنڈ میں عظیم الشان سنتوں بھرے اجتماع کا انعقاد کیا گیا جس میں اطراف کے علاقوں سے مختلف شعبہ ہائے زندگی سے تعلق رکھنے والے افراد و عاشقان رسول نے شرکت کی۔

اجتماع کا باقاعدہ آغاز تلاوت قرآن پاک سے ہوا جبکہ جشن ولادت کی مناسبت سے کلام بھی پڑھے گئے۔

خلیفہ امیر اہلسنت، شہزادۂ عطار مولانا حاجی عبیدرضا عطاری مدنی مُدَّ ظِلُّہُ العالی نے”معجزات مصطفٰے ﷺ“ کے موضوع پر سنتوں بھرا بیان کیا اور آمد مصطفٰے ﷺ کے حوالےسے نعرے بھی لگائے۔ اجتماع کا اختتام صلوۃ و سلام پر ہوا۔

دعوت اسلامی کے زیر اہتمام 10 اکتوبر 2022ء کو بنگلہ دیش کے شہر ڈھاکہ میں قائم مدنی مرکز فیضان مدینہ میں ذمہ داران کے درمیان سنتوں بھرے اجتماع کا انعقاد کیا گیا جس میں ڈھاکہ ڈویژن مشاورت اور ڈھاکہ کے دیگر علاقوں سے وارڈ نگران اور تھانہ نگران سمیت دیگر ذمہ داران اور دیگر عاشقان رسول شریک ہوئےجبکہ نگران بنگلہ دیش مشاورت مبین عطاری اور اراکین مشاورت بھی موجود تھے۔

خلیفہ امیر اہلسنت، شہزادۂ عطار مولانا حاجی عبیدرضا عطاری مدنی مُدَّ ظِلُّہُ العالی نےسنتوں بھرا بیان فرمایا اور شرکا کی 12 دینی کام اور مختلف امور پر رہنمائی کی۔جانشین امیر اہلسنت نے اسلامی بھائیوں کو 12 دینی کاموں کو بڑھانے کی ترغیب دلائی جبکہ ذمہ داران کی جانب سے ہونے والے سوالات کے جوابات بھی ارشاد فرمائے۔اجتماع میں عاشقان رسول کو 12 ماہ کے مدنی قافلے میں سفر کرنے کا ذہن بھی دیا گیا۔

اس موقع پر رکن شوریٰ حاجی محمد علی عطاری بھی موجود تھے۔

خلیفہ امیر اہلسنت، شہزادۂ عطار مولانا حاجی عبید رضا عطاری مدنی مُدَّ ظِلُّہُ العالی بنگلہ دیش کے دورے کے دوران چٹاگانگ پہنچے جہاں انہوں نے حضرت امانت شاہ رحمۃُ اللہِ علیہ کے مزار شریف پر حاضری دی۔

جانشین امیر اہلسنت دامت بَرَکَاتُہمُ العالیہ نے فاتحہ خوانی اور ایصالِ ثواب کرتے ہوئے صاحب مزار کی بلندیٔ درجات کے لئے دعائیں کیں۔

9 اکتوبر 2022ء کو دعوت اسلامی کے زیر اہتمام بنگلہ دیش میں عاشقان رسول ہاتھوں میں سبز پرچم اٹھائے، سروں پر عمامے سجائے خلیفہ امیر اہلسنت، شہزادۂ عطار مولانا حاجی عبید رضا عطاری مدنی مُدَّ ظِلُّہُ العالی کےہمراہ ”سرکار کی آمد مرحبا“ کی صداؤں کے ساتھ جلوس میلاد میں شریک ہوئے۔

جلوس میلاد کا اختتام A.G.Bگراؤنڈ بنگلہ دیش پر ہوا جہاں عظیم الشان اجتماع میلاد کا انعقاد کیا گیا۔ اس اجتماع میلاد کا آغاز تلاوت قرآن پاک اور نعت رسول مقبول ﷺ سے ہوا جبکہ رکن بنگلہ دیش مشاورت نے نیکی کی دعوت پیش کی۔

خلیفہ امیر اہلسنت مولانا حاجی عبید رضا عطاری مدنی مُدَّ ظِلُّہُ العالی نے ”سنتوں کا عامل بننے“ کے موضوع پر سنتوں بھرا بیان فرمایااور شرکا کو اپنی بقیہ زندگی سنتوں پر عمل کرتے ہوئے گزارنے کی ترغیب دلائی۔ نماز مغرب، روزۂ افطار اور صلوۃ و سلام پر اجتماع کا اختتام ہوا۔

دعوت اسلامی کے تحت 9 اکتوبر 2022ء کو بنگلہ دیش کے شہر چٹاگانگ کی جمعیۃ الفلاح مسجد میں سنتوں بھرے اجتماع کا انعقاد کیا گیا جس میں جامعۃ المدینہ کے طلبہ و اساتذۂ کرام اور دیگر عاشقا ن رسول نے شرکت کی جبکہ چٹاگانگ کے علمائے کرام بھی موجود تھے۔

نگران بنگلہ دیش مشاورت مبین عطاری نے بنگلہ زبان میں سنتوں بھرا بیان کیا اس کے بعد خلیفہ امیر اہلسنت مولانا حاجی عبید رضا عطاری مدنی مُدَّ ظِلُّہُ العالی نےدرود شریف کی فضیلت بیان کرتے ہوئے سنتوں بھرا بیان کیا اور اجتماع میں تشریف لانے والے علمائے کرام کا شکریہ ادا کیا۔

جانشین امیر اہلسنت دامت بَرَکَاتُہمُ العالیہ نے طلبائے کرام کو سبق یاد کرنے، اپنی تعلیم پر زیادہ سے زیادہ توجہ دینے اور اس کے ساتھ ساتھ دینی کاموں میں بڑھ چڑھ کر حصہ لینے کی ترغیب دلائی۔

اجتماع کے اختتام پر جامعۃ المدینہ کے طلبۂ کرام اور علمائے کرام سے خلیفہ امیر اہلسنت کی ملاقات کا سلسلہ ہوا۔ اس موقع پر انہیں مکتبۃ المدینہ کی کتابیں تحفے میں پیش کی گئیں۔

دعوت اسلامی کے زیر اہتمام 8 اکتوبر 2022ء کو بنگلہ دیش کے سٹی چٹاگانگ کے مقامی کمیونٹی ہال میں سنتوں بھرے اجتماع کا انعقاد کیا گیا جس میں میمن کمیونٹی کے افراد و عاشقان رسول نے شرکت کی۔

خلیفہ امیر اہلسنت مولانا حاجی عبید رضا عطاری مدنی مُدَّ ظِلُّہُ العالی نے سنتوں بھرا بیان کیا اور مدنی پھولوں سے نوازتے ہوئے میمنی زبان میں شرکا کو نیکی کی دعوت پیش کی۔

اختتام پر صلوۃ و سلام اور دعا کا سلسلہ ہوا جبکہ عاشقان رسول نے جانشین امیر اہلسنت دامت بَرَکَاتُہمُ العالیہ سے ملاقات بھی کی۔ 

بنگلہ دیش کے عاشقان رسول کے لئے انتظار کی گھڑیاں ختم

خلیفہ امیر اہلسنت مولانا حاجی عبید رضا عطاری مدنی بنگلہ دیش پہنچ گئے

تفصیلات:

خلیفہ امیر اہلسنت حاجی مولانا عبید رضا عطاری مدنی مُدَّ ظِلُّہُ العالی 6اکتوبر 2022ء کو انٹر نیشنل ایئر پورٹ کراچی پاکستان سے سفر کرکے ڈھاکہ ایئر پورٹ بنگلہ دیش پہنچ گئے۔

خلیفہ امیر اہلسنت حاجی مولانا عبید رضا عطاری مدنی مُدَّ ظِلُّہُ العالی ڈھاکہ ایئر پورٹ سے فرہاد اسکول، ہتھ ہزاری چٹاگانگ پہنچے جہاں انہوں نے سنتوں بھرے اجتماع میں بیان فرمایا۔حاجی عبید رضا عطاری نے شرکا کو نیکی کی دعوت کی دھومیں مچاتے ہوئے جشن میلاد النبی ﷺ منانے اور سیرت رسول ﷺ کو اپنانے کی ترغیب دلائی۔

واضح رہے کہ خلیفہ امیر اہلسنت حاجی مولانا عبید رضا عطاری مدنی مُدَّ ظِلُّہُ العالی بارہویں شریف کو ہونے والے اجتماع میلاد میں خصوصی طور پر شرکت کرنے کے لئے بنگلہ دیش پہنچے ہیں جبکہ اس سفر کے دوران تنظیمی کاموں کا جائزہ لینا، ذمہ داران اور شخصیات سے ملاقات کرنا آپ کے شیڈول میں شامل ہے۔

دعوت اسلامی کے زیر اہتمام 30 ستمبر 2022ء کو بنگلہ دیش، کھل گاؤں، سپاہی باغ ڈھاکہ میں استقبال میلاد النبی ﷺ کے سلسلے میں جلوس میلاد کا انعقاد کیا گیا جس میں کثیر تعداد میں عاشقان رسول نے شرکت کی۔

جلوس میلاد میں مرحبا یا مصطفٰے ﷺ کی صدائیں بلند کی گئیں جبکہ شرکائے جلوس نے جھوم جھوم کر سرکار ﷺکی آمد مرحبا کے نعرے لگائے۔ جلوس میلاد میں عاشقان رسول کو مقصد میلاد مصطفٰے ﷺ کو سمجھنے اور اس عمل کرنے کی ترغیب دلائی گئی۔