دعوت اسلامی کے زیر اہتمام 3 دسمبر 2022ء کو اسپین (Spain) کے شہر بارسلونا (Barcelona) کے علاقے لاسلوت (La Salut) میں قائم مدنی مرکز فیضان مدینہ میں سنتوں بھرا اجتماع منعقد کیا گیا جس میں مختلف شعبہ ہائے زندگی سے وابستہ افراد، کاروباری حضرات، تاجر، مقامی عاشقان رسول اور ذمہ داران دعوت اسلامی نے شرکت کی۔

خلیفۂ امیر اہلسنت حاجی مولانا عبید رضا عطاری مدنی مُدَّ ظِلُّہُ العالی نے”جوانی میں عبادت کرنے کی فضیلت“ کے موضوع پر سنتوں بھرا بیان کیا اور شرکا کو اپنی رب عَزَّوَجَلَّ کی عبادت کرنے کی ترغیب دلائی۔ اجتماع میں عاشقان رسول کو دعوت اسلامی کے دینی کاموں میں حصہ لینے کا ذہن بھی دیا گیا جبکہ صلوۃ و سلام پر اجتماع کا اختتام ہوا۔

سنتوں بھرے اجتماع کے بعد خلیفہ امیر اہلسنت سے عاشقان رسول نے ملاقات کی جبکہ جانشین امیر اہلسنت نے اسلامی بھائیوں کے سروں پر عمامہ شریف بھی سجایا۔

دورہ اسپین (Spain) کے دوران 2 دسمبر 2022ء کو خلیفہ امیر اہلسنت مولانا حاجی عبید رضا عطاری مدنی مُدَّ ظِلُّہُ العالی کی لوگرونیو (Logrono)میں ذمہ داران دعوت اسلامی اور دیگر عاشقان رسول کے گھر تشریف آوری ہوئی۔

اس موقع پر ملاقات اور نیکی کی دعوت کے سلسلے ہوئے اور جانشین امیر اہلسنت دامت بَرَکَاتُہمُ العالیہ نے اسلامی بھائیوں کو دعاؤں سے بھی نوازا۔

یورپی ملک اسپین (Spain) کے شہر لوگرونیو (Logrono)کے والی بال گراؤنڈ میں 2 دسمبر 2022ء کو دعوت اسلامی کے زیر اہتمام سنتوں بھرے اجتماع کا انعقاد کیا گیا جس میں لوگرونیو سمیت اسپین کے دیگر مقامات سے مختلف شعبہ ہائے زندگی سے وابستہ افراد، کاروباری حضرات، تاجر، دیگر عاشقان رسول اور ذمہ داران دعوت اسلامی نے شرکت کی۔

جانشین امیر اہلسنت مولانا حاجی عبید رضا عطاری مدنی مُدَّ ظِلُّہُ العالی نے سنتوں بھرا بیان کیا اور شرکائے اجتماع کو نیک اعمال کرنے کی ترغیب دلائی۔ اجتماع میں عاشقان رسول کو دعوت اسلامی کے دینی کاموں میں حصہ لینے کا ذہن بھی دیا گیا۔

سنتوں بھرے اجتماع کے بعد خلیفہ امیر اہلسنت سے عاشقان رسول نے ملاقات کی سعادت حاصل کی جبکہ اس موقع پر جانشین امیر اہلسنت نے اسلامی بھائیوں کے سروں پر عمامہ شریف بھی سجایا۔

ملک و بیرونِ ملک ہونے والے دعوتِ اسلامی کے دینی کاموں کا جائزہ لینے کے لئے گزشتہ روز بذریعہ انٹرنیٹ ویسٹ افریقہ ریجن کی میٹنگ ہوئی جس میں افریقی ممالک  نائجیریا ،گھانا، بینین، سیرالیون، لائبیریا، گیمبیا اور سینیگال کے ذمہ دار اسلامی بھائی شریک ہوئے۔

نگران ویسٹ افریقہ ریجن مولانا عمیر عطاری مدنی نے ”خوفِ خدا“ اور ”تقویٰ“ کے موضوعات پر گفتگو کرتے ہوئے مذکورہ ممالک میں ہونے والے دعوتِ اسلامی کے 12 دینی کاموں کا فالو اپ لیا۔

قرآن و حدیث کےنور سے دنیا کے مختلف ممالک میں رہنے والے افراد کو منور کرنے کے لئے دعوت اسلامی کا شعبہ بنام ”شعبہ جامعۃ المدینہ“ قائم ہے جس کے تحت ملک و بیرون ملک ہزاروں برانچز قائم ہیں۔ ان برانچز میں طلبۂ کرام درسِ نظامی (عالم کورس) کرنے کی سعادت حاصل کررہے ہیں۔

ان ہی برانچز میں سے ایک برانچ ساؤتھ افریقہ کے سٹی جوہانسبرگ (Johannesburg)کے ایریا لینز (Lanes)میں بھی قائم ہیں جہاں سے اس سال درسِ نظامی (عالم کورس) مکمل کرنے والے کی سعادت پانے والے مدنی اسلامی بھائیوں کی دستار بندی کے سلسلے میں4 دسمبر 2022ء کو عظیم الشان اجتماع دستار فضیلت منعقد کیا گیا جس میں شیخ الحدیث حضرت علامہ مولانا افتخار احمد قادری رضوی مصباحی مُدَّ ظِلُّہُ العالی سمیت ساؤتھ افریقہ کے مختلف شہروں سے علمائے کرام، سماجی، کاروباری، تاجر حضرات، مختلف شعبہ ہائے زندگی سے وابستہ عاشقان رسول اور ذمہ داران دعوت اسلامی نے شرکت کی۔

مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی نے زندگی گزارنے کے موضوع پر سنتوں بھرا بیان کیا جبکہ مبلغ دعوت اسلامی حضرت علامہ مولانا مفتی عبد النبی حمیدی مُدَّ ظِلُّہُ العالی نے اس بیان کیا انگریزی زبان میں خلاصہ بیان کیا۔ دوران اجتماع دیگر مبلغین دعوت اسلامی کے بھی سنتوں بھرے بیانات ہوئے۔

ان خوشی کے لمحات میں مزید خوشی کا اضافہ کچھ اس طرح ہوا کہ جب مبلغ دعوت اسلامی مفتی عبد النبی حمیدی مُدَّ ظِلُّہُ العالی کے ہاتھوں پانچ غیر مسلم کلمہ طیبہ پڑھ کر دائرہ اسلام میں داخل ہوگئے۔آخر میں جامعۃ المدینہ سے فارغ التحصیل ہونے والے علمائے کرام کے سروں پر دستار سجایا گیا اور اسناد تقسیم کی گئیں۔ صلوۃ و سلام پر اجتماع کا اختتام ہوا۔

دعوت اسلامی کے زیر اہتمام 4 دسمبر 2022ء کو فیضان اسلام چکنڈا (Chikunda)گاؤں ملاوی (Malawi)میں سنتوں بھرے اجتماع کا انعقاد کیا گیا جس میں سینکڑوں عاشقان رسول اور 21 مساجد کے ائمہ کرام نے شرکت کی۔

مبلغ دعوت اسلامی مولانا عثمان عطاری مدنی نے سنتوں بھرا بیان کیا اور شرکا کو نیکی کی دعوت پیش کی۔

آخر میں یہ خوشائند واقعہ پیش آیا کہ دو غیر مسلم نے مبلغ دعوت اسلامی سے چند سوالات کئے جس کے تسلی بخش جوابات ملنے پر وہ غیر مسلم کلمہ طیبہ پڑھتے ہوئے دائرہ اسلام میں داخل ہوگئے۔

4 دسمبر 2022ء کو دعوت اسلامی کے زیر اہتمام ممباسا کینیا میں جامعۃ المدینہ سے فارغ التحصیل ہونے والے علمائے کرام اور مدرسۃ المدینہ سے حفظ مکمل کرنے والے طلبۂ کرام کے لئے تقسیم اسناد اجتماع کا انعقاد کیا گیا جس میں جامعۃ المدینہ کے طلبۂ کرام، اساتذہ کرام اور ناظمین سمیت والدین و سرپرست نے شرکت کی۔

رکن شوریٰ مولانا حاجی جنید عطاری مدنی نے ”علم دین کی فضیلت“ پر سنتوں بھرا بیان کیا اور شرکا کو علم دین حاصل کرنے کی ترغیب دلائی۔

آخرمیں رکن شوریٰ اور اساتذۂ کرام نے فارغ التحصیل ہونے والے مدنی اسلامی بھائیوں اور حفظ مکمل کرنے والے طلبہ کو اسناد دی گئی جبکہ مدنی اسلامی بھائیوں کے سروں پر دستار سجایا گیا۔

پچھلے دنوں  نیدر لینڈزکے شہر دی ہیگ (The Hague) کی مقامی مسجد میں دعوت اسلامی کے زیر اہتمام ہفتہ وار دینی حلقے کا انعقاد کیا گیا جس میں مقامی عاشقان رسول نے شرکت کی۔

مبلغ دعوت اسلامی عرفان عطاری نے قرآ ن و حدیث کی روشنی میں آقا کریم صلَّی اللہ علیہ واٰلہٖ وسلَّم کی شان و عظمت بیان کی۔

یکم دسمبر 2022ء کو یورپی ملک پُرتگال (Portugal) کے شہر اوڈی ویلز(Odivelas) کے مقامی کمیونٹی ہال میں سنتوں بھرے اجتماع کا انعقاد کیا گیا جس میں اوڈی ویلز اور پُر تگال کے دیگر شہروں سے علمائے کرام، مختلف شعبہ ہائے زندگی سے وابستہ افراد و شخصیات، تاجر حضرات اور دیگر عاشقان رسول سمیت ذمہ داران دعوت اسلامی نے شرکت کی۔

خلیفہ امیر اہلسنت مولانا حاجی عبید رضا عطاری مدنی مُدَّ ظِلُّہُ العالی نے سنتوں بھرا بیان کیا اور شرکا کو غفلت سے بچتے ہوئے قبر و آخرت کی تیاری کرنے کا ذہن دیتے ہوئے نیک اعمال کرنے کی ترغیب دلائی۔ اجتماع کے اختتام پر صلوۃ و سلام اور دعا کا سلسلہ بھی ہوا۔

اجتماع کے بعد جانشین امیر اہلسنت سے عاشقان رسول نے ملاقات کی جبکہ دوران ملاقات خلیفہ امیر اہلسنت نے اسلامی بھائیوں کے سروں پر عمامہ بھی سجایا۔

خلیفۂ امیر اہلسنت الحاج مولانا عبید رضا عطاری مدنی مُدَّ ظِلُّہُ العالی اپنے دورۂ یورپ کے دوران یکم دسمبر 2022ء کو پُرتگال (Portugal) پہنچے جہاں انہوں نے لزبن (Lisbon) اور دیگر مقامات پرمختلف شعبہ ہائے زندگی سے وابستہ افراد و دیگر عاشقان رسول سے ملاقات کی اور نیکی کی دعوت کا سلسلہ ہوا۔

جانشین امیر اہلسنت دامت بَرَکَاتُہمُ العالیہ نے اسلامی بھائیوں کو مدنی پھولوں سے نوازا۔ اس موقع پر نگران یورپی یونین ریجن اور دیگر ذمہ داران بھی موجود تھے۔ آخر میں بارگاہ رب العزت میں دعائیں کی گئیں۔

ملاقات کے بعد جانشین امیر اہلسنت نے مدنی مرکز فیضان مدینہ لزبن کا دورہ بھی کیا اور امام مسجد سمیت ذمہ داران دعوت اسلامی سے ملاقات کی۔

خلیفہ امیر اہلسنت حاجی مولانا عبید رضا عطاری مدنی مُدَّ ظِلُّہُ العالی نے 30 نومبر2022ء کو دینی کی دعوت کی دھومیں مچانے کے لئے کراچی انٹرنیشنل ائیرپورٹ سے جرمنی (Germany) کے شہر ہیمبرگ (Hamburg) پہنچے جہاں سویڈن اور ڈنمارک سمیت جرمنی ذمہ داران دعوت اسلامی اور دیگر اسلامی بھائیوں نے خوش آمدید کہا۔

جانشین امیر اہلسنت دامت بَرَکَاتُہمُ العالیہ جرمنی پہنچنے پر ہیمبرگ (Hamburg) میں مختلف شعبہ ہائے زندگی سے وابستہ افراد سے ملاقات کی اور نیکی کی دعوت کا سلسلہ ہوا۔ اس موقع پر خلیفہ امیر اہلسنت نے دعا بھی کروائی۔

اس کےبعد جانشین امیر اہلسنتدامت بَرَکَاتُہمُ العالیہ نے مدنی مرکز فیضان مدینہ ہاگن (Hagen)کے امام شیخ ایمن یاسر عطاری کو امیر اہلسنت دامت بَرَکَاتُہمُ العالیہ کی کتاب ”نیکی کی دعوت“ کا عربی ترجمہ تحفۃً پیش کیا۔

بیرونِ ملک میں ہونےوالے دینی کاموں کے حوالے سے برمنگھم UK میں دعوتِ اسلامی کے شعبہ FGRF اور پبلک ریلیشنز کی میٹنگ منعقد ہوئی جس میں UK سطح کے ذمہ دار اسلامی بھائیوں نے شرکت کی۔

اس میٹنگ میں نگرانِ شعبہ .UK FGRF اینڈ پبلک ریلیشنز UK سیّد فضیل رضا عطاری نے بیرونِ ملک کے مختلف ڈیپارٹمنٹس میں ہونے والے دینی کاموں کے حوالے سے شرکا کو اپڈیٹ کیا اور مزید بہتری کے لئے اہداف دیئے۔

پبلک ریلیشنز UK کے ذمہ داران عتیق عطاری اور وسیم عطاری نےشعبے کے متعلق ایک پریزنٹیشن دکھائی اور بااثر شخصیات کے ساتھ اچھے تعلقات بنانے کے طریقے بتائے جبکہ لندن کے ذمہ دار رضوان عطاری نے برطانیہ میں حکومتی اداروں سے رجوع کرنے کے بارے میں مفید تجربہ اور معلومات فراہم کیں۔(کانٹینٹ:غیاث الدین عطاری)