8 دسمبر 2022ء کو یوکے U.K کے ٹاؤن ایلزبری (Aylesbury) کی جامع مسجدفیضانِ صدیق اکبر میں دعوت اسلامی کے تحت عظیم الشان سنتوں بھرا اجتماع ہوا جس میں ذمہ داران دعوت اسلامی اور قرب و جوار کے عاشقان رسول نے کثیر تعداد میں شرکت کی۔

اجتماع کا آغاز تلاوت قرآن پاک و نعت رسول مقبول صلَّی اللہ علیہ واٰلہٖ وسلَّم سے ہوا جبکہ مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی نے سنتوں بھرا بیان کرتے ہوئے اچھی و بُری دوستی کے حوالے سے گفتگو کی اور بُری صحبت سے بچنے کا ذہن دیا۔

اجتماع کے اختتام پر نگران شوریٰ نے دعا کروائی اور صلوۃ و سلام بھی پڑھاگیا۔ اجتماع کے بعد نگران شوریٰ سے عاشقان رسول نے ملاقات بھی کی۔

نیکی کی دعوت کو عام کرنے کے لئے دعوت اسلامی کی مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی اور رکن شوریٰ مولانا حاجی عبد الحبیب عطاری کی سفر یوکے U.K کے دوران8 دسمبر 2022ء کو لیوٹن (Luton) لندن میں قائم جامعۃ المدینہ میں تشریف آوری ہوئی۔

اس موقع پر نگران شوریٰ اور رکن شوریٰ نے جامعۃ المدینہ کے طلبۂ کرام کو دینی کاموں میں حصہ لینے اور دینی کتب کا مطالعہ بڑھانے سمیت مختلف امور پر رہنمائی کی اور اپنے مدنی پھولوں سے نوازا جس پر طلبۂ کرام نے اچھی اچھی نیتوں کا اظہار کیا۔

اختتام پر نگران شوریٰ نے دعا کروائی اور آخر میں ملاقات کا سلسلہ بھی ہوا۔

7دسمبر 2022ء کو یورپی ملک اٹلی (Italy) کےشہر بریشیا (Brescia) میں دعوت اسلامی کے زیر اہتمام سنتوں بھرے اجتماع کا انعقاد کیا گیا جس میں مختلف شعبہ ہائے زندگی سے وابستہ افراد، کاروباری حضرات، تاجر، مقامی عاشقان رسول اور ذمہ داران دعوت اسلامی نے شرکت کی۔

خلیفۂ امیر اہلسنت مولانا حاجی عبید رضا عطاری مدنی مُدَّ ظِلُّہُ العالی نے سنتوں بھرا بیان کیا اور شرکا کو مدرسۃ المدینہ بالغان میں شرکت کرنے کی ترغیب دلائی جس پر شرکا ئے اجتماع نے اپنی نیتوں کا اظہار کیا کہ وہ قرآن پاک درست مخارج کے ساتھ پڑھنے کے لئے مدرسۃ المدینہ بالغان میں شرکت کریں گے۔

سنتوں بھرے اجتماع کے اختتام پر صلوۃ و سلام پڑھا گیا اور دعا کا سلسلہ ہوا جبکہ جانشین امیر اہلسنت سے عاشقان رسول نے ملاقات بھی کی۔

8 دسمبر 2022ء کو نگران شوریٰ مولانا حاجی محمد عمران عطاری مُدَّ ظِلُّہُ العالی اور رکن شوریٰ مولانا حاجی عبد الحبیب عطاری اپنے دورہ یوکے U.K کے دوران سلاؤ (Slough) لندن میں نائٹ شفٹ جامعۃ المدینہ پہنچے جہاں مقامی ذمہ داران نے انہیں خوش آمدید کہا اور ملاقات کی۔

نگران شوریٰ اور رکن شوریٰ نے جامعۃ المدینہ کے طلبہ کی مختلف امور پر رہنمائی کی اور مدنی پھول بیان کئے۔ اس موقع پر جامعۃ المدینہ کے کے استاد نے پڑھانے جانے والے علوم اور دیگر امور سے متعلق آگاہی دی نیز جامعۃ المدینہ کے طلبۂ کرام نے بھی پڑھانے جانے والے علوم پر اطمینان کا اظہار کیا۔ 

خلیفۂ امیر اہلسنت مولانا حاجی عبید رضا عطاری مدنی مُدَّ ظِلُّہُ العالی 6 تا 8 دسمبر 2022ء یورپی ملک اٹلی میں تین دن کے دورے کے دوران اٹلی (Italy) کے شہر میلان (Milan) کے علاقے بوستوآرسیزیو (Busto Arsizio) میں قائم مدنی مرکز فیضان مدینہ پہنچے جہاں اسلامی بھائیوں سے ملاقات اور نیکی کی دعوت کا سلسلہ ہوا۔

اس موقع پر جانشین امیر اہلسنت نے اسلامی بھائیوں کو مدنی پھولوں سے نوازا اور انہیں بڑھ چڑھ کر دعوت اسلامی کے دینی کاموں میں شرکت کرنے کی ترغیب دلائی۔ آخر میں دعاؤں کا سلسلہ بھی ہوا۔

6دسمبر 2022ء کو یورپی ملک اٹلی (Italy) کےشہر میلان (Milan) میں دعوت اسلامی کے زیر اہتمام سنتوں بھرے اجتماع کا انعقاد کیا گیا جس میں مختلف شعبہ ہائے زندگی سے وابستہ افراد، کاروباری حضرات، تاجر، مقامی عاشقان رسول اور ذمہ داران دعوت اسلامی نے شرکت کی۔

خلیفۂ امیر اہلسنت مولانا حاجی عبید رضا عطاری مدنی مُدَّ ظِلُّہُ العالی نے ”اللہ کی رحمت بہت بڑی ہے“ کے موضوع پر سنتوں بھرا بیان کرتے ہوئے شرکا کو درست مخارج کے ساتھ قرآن پاک پڑھنا سیکھنے اور دعوت اسلامی کے دینی ماحول سے وابستہ ہونے کا ذہن دیا۔

اجتماع کے اختتام پر صلوۃ و سلام پڑھا گیا اور دعا کا سلسلہ ہوا جبکہ جانشین امیر اہلسنت سے عاشقان رسول نے ملاقات بھی کی۔

دعوت اسلامی کی مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی کی دورۂ ساؤتھ افریقہ (South Africa)کے دوران جہاں دینی کاموں میں مصروفیت رہی۔ وہیں پریٹوریا (Pretoria) کے علاقے لوڈیم (Laudium) میں قائم مدنی مرکز فیضان مدینہ تشریف آوری ہوئی۔

نگران شوریٰ نے فیضان مدینہ سے متصل پلاٹ پر زیر تعمیر جامعۃ المدینہ کا وزٹ بھی کیا اور وہاں جاری تعمیراتی کاموں کا جائزہ لیا۔ اس موقع پر زیر تعمیر جامعۃ المدینہ کی تعمیرات کے حوالے سے نگران شوریٰ کو آگاہی فراہم کی گئی جس پر نگران شوریٰ نے اسلامی بھائیوں کی رہنمائی فرمائی۔ آخر میں خیرو عافیت کے ساتھ تعمیرات جلد مکمل ہونے کے لئے دعائیں کی گئیں۔

عاشقان رسول کی دینی تحریک دعوت اسلامی کے شعبہ خدام المساجد والمدارس کی ایک اور کاوش!

ساؤتھ افریقہ (South Africa) کی سٹی جوہانسبرگ (Johannesburg) کے علاقے سویٹو (Soweto) میں مدنی مرکز فیضان مدینہ کے قیام کے لئے جگہ خرید لی گئی۔

دعوت اسلامی کی مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی نے اپنے دورۂ ساؤتھ افریقہ کے دوران مفتی عبد النبی حمیدی مُدَّ ظِلُّہُ العالی اور دیگر اسلامی بھائیوں کے ہمراہ اس جگہ کا وزٹ کیا اور ذمہ داران کی کاوشوں کو سراہتے ہوئے انہیں دعاؤں سے نوازا۔

تعمیرات مکمل ہونے کے بعد فیضان مدینہ میں مسجد کے ساتھ ساتھ بچوں اور بچیوں کے لئے الگ الگ مدارس المدینہ اور بڑوں کے لئے مدرسۃ المدینہ بالغان سمیت نیو مسلمز کے لئے مختلف کورسز کا انعقاد کیا جائیگا۔

5 دسمبر 2022ء کو جرمنی (Germany) کے شہر زیگن (Siegen) میں جانشین امیر اہلسنت مولانا حاجی عبید رضا عطاری مدنی مُدَّ ظِلُّہُ العالی سے عرب شریف سے تعلق رکھنے والے عاشقان رسول اور دیگر اسلامی بھائیوں نے ملاقات کی۔

اس موقع پر دینی حلقے کا انعقاد کیا گیا جس میں جانشین امیر اہلسنت دامت بَرَکَاتُہمُ العالیہ نے ”ختم نبوت“ کے موضوع پر سنتوں بھرا بیان کیااور شرکا کو دعوت اسلامی کے دینی کاموں میں شرکت کرنے کی ترغیب دلائی۔ آخر میں جانشین امیر اہلسنت نے اسلامی بھائیوں کو مکتبۃ المدینہ کی کتابیں تحفے میں دیں۔

اسی طرح جانشین امیر اہلسنت مولانا عبید رضا عطاری مدنی مُدَّ ظِلُّہُ العالی کی دیگر ذمہ داران کے ہمراہ مدنی مرکز فیضان مدینہ اوفن باخ (Offenbach) کے امام صاحب کی گھر تشریف آوری ہوئی جہاں انہوں امام صاحب کی خدمات کو سراہا اور ان کے لئے دعائے خیر کرتے ہوئے ان کی حوصلہ افزائی بھی کی۔

4دسمبر 2022ء کو یورپی ملک جرمنی (Germany) کےشہر اوفن باخ (Offenbach) کی مقامی مسجد میں دعوت اسلامی کے زیر اہتمام سنتوں بھرے اجتماع کا انعقاد کیا گیا جس میں مختلف شعبہ ہائے زندگی سے وابستہ افراد، کاروباری حضرات، تاجر، مقامی عاشقان رسول اور ذمہ داران دعوت اسلامی نے شرکت کی۔

خلیفۂ امیر اہلسنت حاجی مولانا عبید رضا عطاری مدنی مُدَّ ظِلُّہُ العالی نے سنتوں بھرا بیان کیا اور عاشقان رسول کو دعوت اسلامی کے دینی کاموں میں حصہ لینے کا ذہن بھی دیا جبکہ صلوۃ و سلام اور دعا پر اجتماع کا اختتام ہوا۔ سنتوں بھرے اجتماع کے بعد خلیفہ امیر اہلسنت سےخوش نصیب عاشقان رسول نے ملاقات کی۔

دعوت اسلامی کی مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی ساؤتھ افریقہ (South Africa) دینی کاموں کی ترویج و اشاعت کے لئے سفر ہوا ۔

دوران سفر 4 دسمبر 2022ء کو مدنی مرکز فیضان مدینہ جوہانسبرگ (Johannesburg) میں نگران شوریٰ نے ساؤتھ افریقہ مشاورت کے ذمہ داران کا مدنی مشورہ فرمایا اور ذمہ داران کی دینی کاموں کے حوالے سے رہنمائی کی۔مدنی مشورے میں سوال و جواب کا سیشن بھی ہوا اور دینی کاموں کو مزید بڑھانے کے حوالے سے گفتگو ہوئی۔ ملاقات اور دعا پر مشورے کا اختتام ہوا۔

یورپی ملک اسپین کے شہر بارسلونا (Barcelona) کے علاقے ترینیتات (Trinitat) میں شعبہ خدام المساجد وا لمدارس کے تحت مدنی مرکز فیضان مدینہ کی تعمیرات کا سلسلہ جاری تھا۔

خلیفہ امیر اہلسنت حاجی مولانا عبید رضا عطاری مدنی مُدَّ ظِلُّہُ العالی کی دورۂ یورپ کے دوران اس مدنی مرکز فیضان مدینہ میں تشریف آوری ہوئی۔ جانشین امیر اہلسنت نے نماز مغرب کی امامت فرماتے ہوئے فیضان مدینہ کا افتتاح فرمایا۔ اس موقع پر نگران یوپی یونین ریجن ، ذمہ داران دعوت اسلامی اور مقامی عاشقان رسول بھی موجود تھے۔

اسی طرح بارسلونا میں ہی اُم اُسید کے لئے ایصال ثواب کا انعقاد کیا گیا جس میں جانشین امیر اہلسنت حاجی مولانا عبید رضا عطاری مدنی مُدَّ ظِلُّہُ العالی اور عاشقان رسول نے مرحومہ کے ایصالِ ثواب کے لئے فاتحہ خوانی اور دعائیں کیں۔

بعد ازاں جانشین امیر اہلسنت مولانا حاجی عبید رضا عطاری مدنی مُدَّ ظِلُّہُ العالی کی اسپین کے شہر ریپویت (Rupit) اور بارسلونا کے علاقے بادالونا (Badalona) میں مختلف شعبہ ہائے زندگی سے وابستہ افراد، کاروباری حضرات، تاجر اور دیگر عاشقان رسول کے گھروں اور آفس میں تشریف آوری ہوئی۔ اس موقع پر ملاقات اور نیکی کی دعوت کے سلسلے بھی ہوئے جبکہ جانشین امیر اہلسنت نے موقع پر موجود عاشقان رسول کو مدنی پھولوں سے نوازا اور دعا بھی کی۔