برطانوی شہر والسال (Walsall UK) میں دعوتِ اسلامی کے زیرِ اہتمام سالانہ شبِ برأت اجتما ع کا انعقاد کیا گیا جس میں قرب و جوار کے کثیر اسلامی بھائیوں نے شرکت کی۔

تفصیلات کے مطابق اس اجتماع کا آغاز تلاوتِ کلامِ پاک اور نعتِ رسولِ مقبول صلی اللہ علیہ و سلم سے کیا گیا جبکہ نگرانِ ویلز یوکے (Wales UK) سیّد فضیل رضا عطاری نے سنتوں بھرا بیان کیا۔

شبِ برأت کے سلسلے میں عاشقانِ رسول کی دینی تحریک دعوتِ اسلامی کے تحت برمنگھم یوکے (Birmingham UK) میں واقع ہینڈز ورتھ قبرستان (Handsworth cemetery) کے قریب سنتوں بھرے اجتماع کا انعقاد کیا گیا جس میں مقامی عاشقانِ رسول نےشرکت کی۔

تلاوتِ قراٰن سےاس اجتماعِ پاک کا آغاز کرنے کے بعد نعت خواں اسلامی بھائیوں نے پیارے آقا صلی اللہ علیہ و سلم کی بارگاہ میں نذرانۂ عقیدت پیش کرتے ہوئے حاضرین کے دلوں کو منور کیا۔

علاوہ ازیں مبلغِ دعوتِ اسلامی نے شبِ برأت کی مناسبت سے سنتوں بھرا بیان کیا اور وہاں موجود عاشقانِ رسول کو دعوتِ اسلامی کے دینی ماحول سے وابستہ رہتے ہوئے اسلامی تعلیمات کے مطابق اپنی زندگی گزارنے کا ذہن دیاجس پر انہوں نے اچھی اچھی نیتیں کیں ۔( کانٹینٹ:غیاث الدین عطاری)

گزشتہ روز پیرس اور ہالینڈ میں دعوت اسلامی کے مدنی مرکز فیضان مدینہ میں ڈویژنل ایڈمنسٹریٹر اوقاف راولپنڈی محمد ایاز لاشاری نے  وزٹ کیا ۔ اس موقع پر ذمہ داران نے انہیں مدنی مراکز میں قائم شعبہ جات کا تعارف کرواتے ہوئے محمد ایاز لاشاری کو دعوت اسلامی کا تعارف کروایا اور اسکے تحت ہونے والے دینی کاموں کی بریفنگ دی۔ (رپورٹ: محمد عامر عطاری شعبہ رابطہ برائے شخصیات اسلام آباد / کانٹینٹ : محمد مصطفیٰ انیس) 

03 مارچ 2023 ء کویوکے والسال میں دعوت اسلامی کے تحت ہفتہ وار سنتوں بھرا اجتماع ہوا  جس میں مقامی عاشقانِ رسول نے شرکت کی۔

اجتماع پاک کا آغاز تلاوت قراٰن پاک اور نعت رسول ِکریم ﷺ سے ہوا۔ اس موقع پر نگران ویسٹ مڈلینڈ یوکے سید عمّار عطاری نے شرکا میں اصلاحی موضوع پر سنتوں بھرا بیان کیا اور انہیں دعوت اسلامی کے دینی کام کرنے کی ترغیب دلائی ۔ (رپورٹ: بیرون ملک /کانٹینٹ : محمد مصطفیٰ انیس)

عاشقانِ رسول کی دینی تحریک دعوتِ اسلامی کے تحت بیرونِ ملک برمنگھم یوکے میں ایک میٹنگ ہوئی جس میں ویسٹ مڈلینڈز یوکے مشاورت کے ذمہ دار اسلامی بھائی شریک ہوئے۔

اس میٹنگ میں نگرانِ ویسٹ مڈلینڈز، یوکے سیّد عمار عطاری نے ذمہ داران سے گفتگو کرتے ہوئے بیرونِ ملک میں ہونے والے دعوتِ اسلامی کے 12 دینی کاموں کے متعلق کلام کیا۔

اسی طرح نگرانِ ویسٹ مدلینڈز، یوکے نے رمضانُ المبارک میں دعوتِ اسلامی کے شعبہ جات کے لئے زیادہ سے زیادہ ڈونیشن جمع کرنے اور عاشقانِ رسول کو اعتکاف کروانے کے حوالے سے اہم نکات پر تبادلۂ خیال کیا۔

اس کے علاوہ نگرانِ ویسٹ مڈلینڈز یوکے نے شعبہ FGRF کے فلاحی کاموں، جامعۃالمدینہ بوائز میں نئے داخلے کروانے اور دعوتِ اسلامی کے اداروں کے لئے نئی عمارتیں بنانے پر مشاورت کی جس پر وہاں موجود ذمہ دار اسلامی بھائیوں نے اپنی اپنی رائے پیش کی۔( کانٹینٹ:غیاث الدین عطاری)

عالمی سطح پر لوگوں کے دلوں میں تلاوتِ قراٰن کا جذبہ پیدا کرنے والی عاشقانِ رسول کی دینی تحریک دعوتِ اسلامی کے تحت مسلمانوں کے بچوں کو قراٰنِ پاک کی تعلیم دینے اور اُن کی دینی و اخلاقی تربیت کرنے کے لئے ملک و بیرونِ ملک میں مدرسۃالمدینہ (بوائز، گرلز) کا قیام کیا گیا ہے جس میں انہیں ناظرہ قراٰنِ کریم کے ساتھ ساتھ حفظِ قراٰن کی تعلیم بھی دی جاتی ہے۔

تعلیمِ قراٰن کو عام کرنے کے جذبے کے تحت پچھلے دنوں بورڈ سلی گرین برمنگھم یوکے میں قائم دعوتِ اسلامی کے مدرسۃالمدینہ بوائز سے 5 بچوں نے قرٰنِ پاک مکمل حفظ کرنے کی سعادت حاصل کی۔

معلومات کے مطابق اس موقع پر بچوں کی حوصلہ افزائی کے لئے ایک تقریب کا انعقاد کیا گیا جس میں کثیر اسلامی بھائیوں نے شرکت کی جن میں حفاظِ کرام کے سربرست بھی موجود تھے۔قراٰنِ پاک حفظ کرنے والے بچوں کے نام درج ذیل ہیں:

پچھلے  دنوں دعوتِ اسلامی کی مرکزی مجلس ِ شوریٰ کے نگران حاجی محمد عمران عطاری مدظلہ العالی نے دینی کاموں کی ترویج و اشاعت کے سلسلے میں آسٹریلیا کا سفر کیا۔

دورانِ سفر نگرانِ شوریٰ نے دیگر ذمہ داران کے ہمراہ ترکش قونصلٹ میں قونصلر جنرل علی سیوم سے ملاقات بھی کی جہاں نگرانِ شوریٰ نے علی سیوم کو حالیہ زلزلوں کے بعد ترکیہ میں FGRF کے تحت جاری امدادی کاموں پر مشتمل وڈیوز دکھائیں اور بریفنگ دی۔

اس موقع پر انہیں نگران سینٹرل ریجن ایشیا و افریقن عرب ریجنز جو کے امدادی کاموں میں خود بھی شامل ہے انہوں نے بذریعہ کال مختلف شہروں (حطائی،غازی،ادنیٰ ،کارہن اور مرائش سمیت دیگر علاقوں )میں دعوتِ اسلامی کے تحت جاری امدادی کاموں سے متعلق بتایا جس پر قونصلر جنرل نے اپنے بھر پور تعاون کرنے کی یقین دہانی کروائی۔آخر میں نگرانِ شوریٰ نے انہیں امیر اہلِ سنت دامت برکاتہم العالیہ کی کتاب’’غیبت کی تباہ کاریاں‘‘کا انگلش ایڈیشن اور دیگر کتب تحفہ میں دیں۔ ) کانٹینٹ: رمضان رضا عطاری(

افریقی  ملک تنزانیہ کے شہر دارالاسلام میں دعوتِ اسلامی کی مرکزی مجلسِ شوریٰ کے رکن حاجی جنید عطاری نے مفتی تنزانیہ شیخ ابوبکر زبیر شافعی مدظلہ العالی سے ملاقات کی ۔

تفصیلات کے مطابق دورانِ ملاقات مفتی صاحب کو رکنِ شوری حاجی جنید عطاری نے دنیا بھر میں دعوتِ اسلامی کےتحت ہونے والے دینی کاموں اور کنزالمدارس بورڈ کے حوالے سے معلومات دیں اور انہیں دعوتِ اسلامی کے دینی کاموں پر تیار کردہ وڈیوز بھی دکھائیں جس پر مفتی صاحب نے اظہار مسرت فرماتے ہوئے اپنی نیک تمناؤں کا اظہار کیا ۔

آخر میں رکنِ شوریٰ نے مکتبۃُ المدینہ سے عربی زبان میں شائع ہونے والا ماہنامہ فیضان ِمدینہ بنام’’ نفحاتُ المدِینَۃ‘‘ تحفے میں پیش کیا۔ ) کانٹینٹ: رمضان رضا عطاری(

پچھلے دنوں افریقی ملک  دارالسلام تنزانیہ کے علاقہ چنیقہ میں قائم مدرسۃُ المدینہ بوائز کا دعوتِ اسلامی کی مرکزی مجلسِ شوریٰ کے رکن حاجی جنید عطاری نے دورہ کیا۔

جہاں طلبہ ٔ کرام نے مقامی زبان میں کلام پڑھتے ہوئے درود و سلام کی صداؤں میں رکنِ شوریٰ کو خوش آمدید کہا۔اس موقع پر رکنِ شوریٰ حاجی جنید عطاری نے ’’اللہ پاک کے آخری نبی صلی اللہ علیہ وسلم کی شان و عظمت ‘‘ کے موضوع پر سنتوں بھرا بیان کیا جس میں شرکا کو آپ علیہ السلام کا ذِکر تعظیم و آدب سے کرنے کا ذہن دیتے ہوئے بتایا کہ آدب و تعظیم مصطفی ٰ کی بدولت بزرگوں کو بڑے بڑے مراتب نصیب ہوئے۔

اس کے علاوہ رکنِ شوریٰ نے طلبہ کو ہفتہ وار مدنی مذاکرہ دیکھنے کی ترغیب دلائی جس پر انہوں نے اچھی اچھی نیتیں کیں۔ساتھ ہی بیان کی مقامی زبان میں ترجمانی بھی کی جاتی رہی۔اختتام پر طلبہ ٔ کرام نے رکنِ شوریٰ سے ملاقات کی سعادت بھی پائی۔ ) کانٹینٹ: رمضان رضا عطاری(

دنیا بھر کے مختلف شعبہ ہائے زندگی سے تعلق رکھنے والے افراد کی دینی و اخلاقی تربیت کرنے والی عاشقانِ رسول کی دینی تحریک دعوتِ اسلامی کے تحت برمنگھم سٹی یونیورسٹی میں ایک تقریب کا انعقاد کیا گیا جس میں اسٹوڈنٹس اور پروفیشنلز نے شرکت کی۔

دورانِ تقریب مبلغِ دعوتِ اسلامی نے حاضرین کے درمیان سنتوں بھرا بیان کرتے ہوئے اُن کی دینی و اخلاقی تربیت کی اور انہیں اسلامی تعلیمات کے مطابق اپنی زندگی گزارنے کا ذہن دیا۔

اسی طرح مبلغِ دعوتِ اسلامی نے حضور صلی اللہ علیہ و سلم کے متعدد فرامین ذکر کئے اور وہاں موجود عاشقانِ رسول کی تربیت و رہنمائی کی نیز انہیں دعوتِ اسلامی کے دینی ماحول سے منسلک ہونے کی ترغیب دلائی۔

معراج النبی صلی اللہ علیہ و سلم کے سلسلے میں پچھلے دنوں بیرونِ ملک برمنگھم یوکے میں عظیم الشان اجتماعِ معراج کا انعقاد کیا گیا جس میں قرب و جوارکے کثیر عاشقانِ رسول نے شرکت کی۔اجتماع کا آغاز تلاوتِ کلامِ پاک سے کیا گیا اور نعت خواں اسلامی بھائی نے پیارے آقا صلی اللہ علیہ و سلم کی بارگاہ میں نذرانۂ عقیدت پیش کرتے ہوئے حاضرین کے دلوں کو منور کیا۔

بعدازاں مبلغِ دعوتِ اسلامی نے شبِ معراج کی مناسبت سے سنتوں بھرا بیان کیا اور عاشقانِ رسول کو معراج کے واقعات بتائے  ہوئے انہیں پانچوں نمازیں باجماعت ادا کرنے کا ذہن دیا۔(کانٹینٹ:غیاث الدین عطاری)

20 فروری 2023ء بروز پیر یوگنڈا کے شہر کمپالا میں واقع اسپیشل ایجوکیشن اسکول میں عاشقانِ رسول کی دینی تحریک دعوتِ اسلامی کے زیرِا ہتمام سیکھنے سکھانے کا حلقہ لگایا گیا۔