تفصیلات کے مطابق بانیِ دعوتِ اسلامی حضرت علامہ مولانا محمد الیاس عطار قادری دامت بَرَکَاتُہمُ العالیہ آج 31 مارچ 2022ء کی شب کراچی پاکستان پہنچ گئے ہیں، ایئرپورٹ سے اپنے گھر کی جانب آتے ہوئے انہوں نے اپنی گاڑی سے ایک ویڈیو پیغام اپنے چاہنے والوں کے لئے جاری کرتے ہوئے کہا ہے کہ”الحمد للہ میں آج 27 شعبان المعظم 1443سن ہجری کو کراچی ایئرپورٹ پر اُتر کر اب گھر کی طرف جارہا ہوں، ان شاء اللہ عنقریب ماہِ رمضان کا چاند نظر آجائے گاا ور اللہ نے زندہ سلامت رکھا تو نیت ہے کہ عالمی مدنی مرکز فیضانِ مدینہ کراچی میں معتکفین کی برکتیں حاصل کروں گا، ان شاء اللہ رمضان کے پورے مہینے اعتکاف کی دھوم دھام ہوگی جبکہ روزانہ دو مدنی مذاکرے ((01) بعد عصر (02) بعد تراویح) ہوا کریں گے۔ “

امیرِ اہلِ سنت نے اپنے ویڈیو میں اللہ پاک کے آخری نبی حضرت محمد ﷺ کا فرمان سناتے ہوئے حدیثِ مبارک بیان کی: فرمانِ مصطفیٰ ﷺ : ”اللہ پاک ماہِ رمضان میں روزانہ افطار کے وقت دس لاکھ ایسے گناہ گاروں کو جہنم سے آزاد فرماتا ہے جن پر گناہوں کی وجہ سے جہنم واجب ہوچکا تھا۔ نیز شبِ جمعہ اور روزِ جمعہ یعنی جمعرات کو غروبِ آفتاب سے لے کر جمعہ کو غروبِ آفتاب تک کی ہر ہر گھڑی میں ایسے دس دس لاکھ گناہ گاروں کو جہنم سے آزاد کیا جاتا ہے جو عذاب کے حقدار قرار دیئے جاچکے ہوتے ہیں۔ “(کنزالعمال)

واضح رہے کہ کراچی میں ملاقات کرنے والوں اور دیگر مصروفیات کے سبب تحریری کاموں میں خلل واقع ہوتا ہے اس لئے امیر اہل سنت دامت بَرَکَاتُہمُ العالیہ اپنے تحریری کاموں یعنی کتابیں اور رسائل وغیرہ لکھنے کی غرض سے بیرونِ ملک تشریف لے جاتے ہیں جہاں یکسوئی کے ساتھ تحریر ی کام کرتےہیں اور امت کو بہترین رسالہ یا کتاب عطا فرماتے ہیں۔

پچھلے دنوں جانشین امیر اہلسنت حاجی مولانا عبید رضا عطاری مدنی مُدَّ ظِلُّہُ العالی اسلامی برادر ملک ترکی دورہ کیا جہاں انہوں نے سنتوں بھرے اجتماعات میں بیانات فرمائے، ذمہ داران دعوت اسلامی سے ملاقات کیں، دینی کاموں میں شرکت کی اور علمائے کرام سے ملاقاتیں کیں۔

ترکی کے دورہ کرتے ہوئے جانشین امیر اہلسنت حاجی مولانا عبید رضا عطاری مدنی مُدَّ ظِلُّہُ العالی نےاستنبول کے علاقے امرت فاتح میں شیخ سید محمد سبسبی الرفاعی شافعی حفظہ اللہ اور شیخ سید علی سبسبی الرفاعی شافعی حفظہ اللہ سے ملاقات کی اور دعوت اسلامی کی دینی و فلاحی کاموں پر گفتگوکا سلسلہ ہوا ۔ اس موقع پر حضور غوث پاک سیدنا شیخ عبد القادر جیلانی رضی اللہُ عنہ کی شان میں ایک منقبت بھی پڑھی گئی۔

آخر میں شیخ سید علی سبسبی الرفاعی شافعی حفظہ اللہ نےاپنی نیک خواہشات کا اظہار کرتے ہوئے امیر اہلسنت حضرت علامہ مولانا محمد الیاس عطار قادری دامت بَرَکَاتُہمُ العالیہ کی درازیٔ عمر بالخیر اور دعوت اسلامی کی دن دُگنی، رات چگنی ترقی کے لئے دعائیں کیں۔اس کے علاوہ انہوں نے امیر اہلسنت دامت بَرَکَاتُہمُ العالیہ سے ملاقات کے لئے پاکستان آنے کی نیت کا اظہار بھی کیا۔

جانشین امیر اہلسنت حاجی عبید رضا عطاری مُدَّ ظِلُّہُ العالی نے اوستہ محمد بلوچستان میں حاجی اللہ ڈنہ رند سے ان کی رہائش گاہ پر ملاقات کی۔

جانشین امیر اہلسنت نے انہیں نیکی کی دعوت پیش کی اور دعوت اسلامی کا تعارف پیش کرتے ہوئے دینی کاموں میں جانی و مالی تعاون کرنے کی ترغیب دلائی۔

اس موقع پر رکن شوریٰ حاجی محمد فاروق جیلانی عطاری بھی موجود تھے۔ 

پچھلے دنوں جانشین امیر اہلسنت حاجی عبید رضا عطاری مدنی مُدَّ ظِلُّہُ العالی نے اوستہ محمد میں جیلانی ہاؤس پر سید شریف جیلانی اور سید حبیب شاہ جیلانی سے ملاقات کی۔

جانشین امیر اہلسنت نے ان کے والد صاحب سید اورنگ شاہ کے انتقال پر تعزیت کی اور مرحوم کے ایصال ثواب کے لئے فاتحہ خوانی اور دعائیں کیں۔

اس موقع پر رکن شوریٰ حاجی محمد فاروق جیلانی عطاری بھی موجود تھے۔

پچھلے دنوں دعوت اسلامی کے زیر اہتمام اوستہ محمد بلوچستان میں سنتوں بھرے اجتماع کا انعقاد کیا گیا جس میں مختلف شعبہ جات سے وابستہ شخصیات اوردیگر عاشقان رسول سمیت اسٹوڈنٹس اور دعوت اسلامی کے مختلف شعبہ جات کے ذمہ داران نے شرکت کی۔

جانشین امیر اہلسنت حاجی عبید رضا عطاری مدنی مُدَّ ظِلُّہُ العالی نے”دل کی سختی کے نقصانات“ کے موضوع پر بیان کیا اور شرکا کوحلال رزق حاصل کرنے کی ترغیب دلاتے ہوئے رب عَزَّوَجَلَّ کی عبادت کرنے کا ذہن دیا۔

اس موقع پر رکن شوریٰ حاجی محمد فاروق جیلانی عطاری بھی موجود تھے۔

پچھلے دنوں دعوت اسلامی کے زیر اہتمام اوستہ محمد بلوچستان میں مدنی مشورہ ہوا جس میں اوستہ محمد کے ذمہ دارانِ دعوت اسلامی نے شرکت کی۔

جانشین امیر اہلسنت حاجی عبید رضا عطاری مُدَّ ظِلُّہُ العالی نے شرکا کی تربیت کی اور دینی کاموں میں بڑھ چڑھ حصہ لینے اور رسالہ نیک اعمال کا عامل بننے کی ترغیب دلائی۔

اس موقع پر رکن شوریٰ حاجی محمد فاروق جیلانی عطاری بھی موجود تھے۔

دعوت اسلامی کے زیر اہتمام بلوچستان میں دینی حلقے کا انعقاد کیا گیا جس میں مختلف شخصیات نے شرکت کی۔

جانشین امیر اہلسنت حاجی عبید رضا عطاری مدنی نے سنتوں بھرا بیان کیااور نیکی کی دعوت پیش کرتے ہوئے شرکا کو آخرت میں اپنے لئے ثواب کا ذخیرہ جمع کرنے کے لئے دینی کاموں میں جانی و مالی تعاون کرنے کی ترغیب دلائی۔

آخر میں جانشین امیر اہلسنت نے ایک اسلامی بھائی کا نکاح بھی پڑھایا۔

اس موقع پر رکن شوریٰ حاجی فاروق جیلانی عطاری بھی موجود تھے۔

پچھلے دنوں دعوت اسلامی کے زیر اہتمام ڈیرہ اللہ یار میں سنتوں بھرے اجتماع کا انعقاد کیا گیا جس میں عاشقان رسول کی بڑی تعداد میں شرکت کی۔

جانشین امیر اہلسنت حاجی عبید رضا عطاری مدنی مُدَّ ظِلُّہُ العالی نے سنتوں بھرا بیان کیا اور شرکا کو دینی کاموں میں شرکت کرنے، نمازوں کی پابندی کرنے اور مدنی قافلے میں سفر کرنے کی ترغیب دلائی۔

بعد ازاں جانشین امیر اہلسنت مُدَّ ظِلُّہُ العالی نے ڈیرہ اللہ یار میں تین اسلامی بھائیوں کانکاح پڑھایا اور خاندان والوں کے لئے دعائیں کیں۔

اس موقع پر رکن شوریٰ حاجی فاروق جیلانی عطاری اور شعبہ رابطہ برائے شخصیات کے ذمہ دار محمد وقار عطاری بھی موجود تھے۔

جانشین امیر اہلسنت حاجی مولانا عبید رضا عطاری مدنی مُدَّ ظِلُّہُ العالی نےبلوچستان کے ضلع صحبت پور میں سابق سینئر بیورو کریٹ بلوچستان کے قبائلی رہنما و چیف سردار ڈاکٹر شعیب احمد خان گولہ سے ملاقات کی۔

جانشین امیر اہلسنت نے انہیں دعوت اسلامی کے جملہ کاموں کا تعارف پیش کیا اور نیکی کی دعوت پیش کرتے ہوئے دینی کاموں میں جانی و مالی تعاون کرنے کی ترغیب دلائی۔

اس موقع پر اراکین شوریٰ حاجی فاروق جیلانی عطاری اور حاجی قاری ایاز عطاری بھی موجود تھے۔

جانشین امیر اہلسنت حاجی مولانا عبید رضا عطاری مدنی مُدَّ ظِلُّہُ العالی نےبلوچستان میں حاجی یار محمد کھوسہ، حاجی داد خان کھوسہ، زین العابدین خان کھوسہ اور دیگر تاجران سمیت مختلف شخصیات سے ملاقات کی۔

جانشین امیر اہلسنت نے انہیں نیکی کی دعوت پیش کرتے ہوئے نمازوں کی پابندی کرنے، دینی کاموں میں دینی و مالی تعاون کرنے اور مدنی قافلے میں سفر کرنے کی ترغیب دلائی۔

اس موقع پر اراکین شوریٰ حاجی فاروق جیلانی عطاری ، حاجی قاری ایاز عطاری اور شعبہ رابطہ برائے شخصیات کے ذمہ دار محمد وقار عطاری اور دیگر ذمہ داران دعوت اسلامی بھی موجود تھے۔

پچھلے دنوں دعوت اسلامی کے زیر اہتمام بلوچستان کے شہر صحبت پور میں عصر تا مغرب دینی حلقے کا سلسلہ ہوا جس میں مقامی اسلامی بھائیوں کی کثیر تعداد نے شرکت کی۔

جانشین امیر اہلسنت حاجی مولانا عبید رضا عطاری مدنی مُدَّ ظِلُّہُ العالی نے سنتوں بھرا بیان کیا اور مدنی پھول ارشاد فرمائے۔

اس موقع پر رکن شوریٰ حاجی قاری ایاز عطاری اور دیگر ذمہ داران دعوت اسلامی بھی موجود تھے۔

پچھلے دنوں چیف آف وڈیڑہ جلال کلپر کے صاحبزادے سراج احمد رضائے الہی سے انتقال کرگئے۔

اسی سلسلے میں جانشین امیر اہلسنت حاجی مولانا عبید رضا عطاری مدنی مُدَّ ظِلُّہُ العالی نےوڈیرہ جلال کلپر سے ان کی رہائش گاہ پر ملاقات کی اور ان کے بیٹے کے انتقال پر تعزیت کی اور صبر کی تلقین فرمائی۔

جانشین امیر اہلسنت نے مرحوم کے ایصالِ ثواب کے لئے فاتحہ خوانی اور دعائے مغفرت کی۔

اس موقع پر اراکین شوریٰ حاجی قاری ایاز عطاری اور حاجی فاروق جیلانی عطاری سمیت دیگر ذمہ داران دعوت اسلامی بھی موجود تھے۔