پنجاب پاکستان کے شہر فیصل آباد میں قائم دعوتِ اسلامی کے مدنی مرکز فیضان مدینہ میں مرکزی مجلس شوریٰ کے رکن و نگران پاکستان مشاورت حاجی محمد شاہد عطاری نے شعبہ اسپیشل پرسنز ڈیپارٹمنٹ کے ذمہ داران کا مدنی مشورہ کیا جس میں شعبے کے متعلقہ رکن ِشوریٰ حاجی فضیل رضاعطاری، نگرانِ شعبہ، صوبائی اور اوورسیز کے ذمہ دار اسلامی بھائیوں نے شرکت کی۔

تفصیلات کے مطابق نگرانِ پاکستان مشاورت نے شعبے کی صوبہ وائز کارکردگی مع تقابلی جائزہ (جنوری 2022ء تا مئی 2022ء) اور 2026 کے اہداف، شعبے کو خود کفیل بنانے، آمدن کو بڑھانے کے اقدامات، کے پی آئز، ٹاسک مینجمنٹ، تقرری، فیڈبیک، شعبے کے جائزے نیز سابقہ مدنی مشوروں کے مدنی پھولوں سمیت دیگر اہم امور کے بارے میں گفتگو کی۔

نگران پاکستان مشاورت حاجی محمد شاہد عطاری نے شعبے کی کار کردگی کا جائزہ لیتے ہوئے کہا کہ الحمد للہ دعوت ِاسلامی نارمل اسلامی بھائیوں کے ساتھ ساتھ اسپیشل پرسنز (گونگے، بہرے اور معذور افراد) میں بھی نیکی کی دعوت عام کرنے میں مصروفِ عمل ہے نیز اسپیشل پرسنز ڈیپارٹمنٹ کے ذمہ داران معذور اسلامی بھائیوں کو وضو و نماز سکھاتے، قرآنِ پاک کی زیارت کرواتے ہیں اور الحمد للہ اب تفسیرِ قرآن کا سلسلہ بھی شروع ہو چکا ہے۔

اس کے علاوہ اسپیشل پرسنز ڈیپارٹمنٹ کے تحت سائن لینگوج میں کورس کروائے جاتے ہیں۔کراچی، فیصل آباد، لاہور اور اسلام آباد میں سات دن کا سائن لینگوج کورس (قفلِ مدینہ کورس) ہر مہینے منعقد کیا جائے گا۔

مزید نگرانِ پاکستان مشاورت کا کہنا تھا کہ اسپیشل پرسنز ڈیپارٹمنٹ کے تحت نماز و وضو اور دیگر مسائل پر مشتمل سائن لینگوج میں رسائل بھی شائع ہو چکے ہیں اس کے علاوہ حج و عمرہ کا طریقہ سائن لینگوج میں آچکا ہے اور اسپیشل پرسنز ڈیپارٹمنٹ ایپ بھی لانچ ہو چکی ہے۔

بعدازاں نگرانِ پاکستان مشاورت نے شعبے کی کارکردگی بیان کی اور بتایا کہ رمضان المبارک میں اس شعبے کے تحت 117 افطار اجتماع منعقد ہوئے جس میں 8ہزار508 اسپیشل پرسنز نے شرکت کی۔

اسی طرح حیدر آباد میں اسپیشل پرسنز کے لئے جامعۃالمدینہ کا آغاز ہو چکا ہے۔عنقریب فیصل آباد میں بھی اسپیشل پرسنز کے جامعۃالمدینہ کا آغا ہو جائے گا نیز مدرسۃالمدینہ بھی اس شعبہ کے تحت کئی شہروں میں قائم ہے۔

دعوتِ اسلامی کے تحت مرکزی جامعۃ المدینہ بوائز آفندی ٹاؤن حیدر آباد میں دورۂ حدیث شریف کے طلبۂ کرام کے لئے سیکھنے سکھانے کا حلقہ لگایا گیا جس میں مرکزی مجلسِ شوریٰ کے رکن حاجی قاری محمد ایاز عطاری نے اُن کی تربیت و رہنمائی کی۔

دورانِ حلقہ رکنِ شوریٰ نے طلبۂ کرام کو دعوتِ اسلامی کے دینی ماحول سے وابستہ رہتے ہوئے 12 دینی کاموں میں عملی طور پر حصہ لینے کی ترغیب دلائی نیز رواں سال 2022ء میں ہونے والی قربانیوں کی کھالیں زیادہ سے زیادہ جمع کرنے کا ذہن دیا جس پر انہوں نے اچھی اچھی نیتوں کا اظہار کیا۔بعدازاں رکنِ شوریٰ نے انہیں تربیتی مدنی پھولوں سے نوازا۔(کانٹینٹ:غیاث الدین عطاری)

دعوت اسلامی کے زیر اہتمام 4 جولائی 2022ء  کو دار السنہ گلشن 13 D میں ہونے والے رہائشی اصلاحِ اعمال کورس میں تربیتی سیشن منعقد ہواجس میں صاحبزادیِ عطار سلمھا الغفار اور نگران عالمی مجلس مشاورت اسلامی بہن نے شرکت کی۔

صاحبزادیِ عطار نے سنتوں بھرا بیان کیا اور کورس میں شریک اسلامی بہنوں کو رسالہ نیک اعمال کے مطابق زندگی گزارنے کا ذہن دیا نیز اپنے علاقوں میں دعوت اسلامی کے تحت ہونے والے دینی کام کی ذمہ داریاں لیکر دینی کام کرنے کی ترغیب دلائی جس پر انہوں نے اشکباری کے ساتھ صاحبزادیِ عطار کی بارگاہ میں اچھی اچھی نیتیں پیش کیں ۔

دعوتِ اسلامی کے شعبہ مدرسۃ المدینہ بالغان کے زیرِ اہتمام 3 جولائی 2022ء بروز اتوار کسوکی میں ختمِ قراٰن اجتماع کا انعقاد کیا گیا جس میں علاقے کی مشہور شخصیات سمیت کثیر عاشقانِ رسول نے شرکت کی۔

اس اجتماعِ پاک میں مبلغِ دعوتِ اسلامی وتحصیل نگران محمد عمران عطاری نے ”تلاوتِ قراٰنِ پاک کی فضیلت“ کے موضوع پر سنتوں بھرا بیان کرتے ہوئےروازنہ تلاوتِ قراٰنِ پاک کرنے کا ذہن دیا جس پر وہاں موجو داسلامی بھائیوں نے اچھی اچھی نیتیں کیں۔(رپورٹ:اعظم عطاری رکنِ کابینہ مدرسۃ المدینہ بالغان ، کانٹینٹ:غیاث الدین عطاری)

گزشتہ روزدعوت اسلامی کے تحت ذمہ داران نے بلوچستان کے علاقے کوئٹہ میں صوبائی وزیر بلدیات سردار صالح محمد بھوتانی سے ملاقات کی  اور ان کی ہمشیرہ کے انتقال پر تعزیت و فاتحہ خوانی کی ۔اس دوران ذمہ دار محمد وقار عطاری نے دعوت اسلامی کے عالمی مدنی مرکز فیضان مدینہ کراچی وزٹ کرنے کی دعوت پیش کی ۔

اس موقع پر بلوچستان کے مختلف صوبائی وزراء، قبائلی سیاسی و سماجی شخصیات،افسران و بیوروکریسی وغیرہ بھی موجود تھے ۔(رپورٹ: شعبہ رابطہ برائے شخصیات دعوت اسلامی ، کانٹینٹ: محمد مصطفی انیس)

پچھلے دنوں دعوت اسلامی کے تحت خانیوال میں ڈسٹرکٹ ذمہ دار کے ہمراہ  ڈپٹی کمشنر ، ڈی پی او، میونسپل کارپوریشن ،محکمہ اوقاف ، کینال ریسٹ ہاؤس و دیگر آفسرز سے ملاقاتوں کا سلسلہ ہوا ۔اس دوران دعوت اسلامی کے شعبہ FGRF و دیگر شعبہ جات کے حوالے سے انہیں بریف کیا اور این او سی برائے چرم ہائے قربانی کے حوالے سے سلیم باجوہ سے ملاقات کی جہاں انہوں نے ذمہ داران کو ہر طرح کے تعاون کی یقین دہانی کرائی۔

اس کے علاوہ مدنی مرکز فیضان مدینہ وزٹ کرنے کی دعوت دیتے ہوئے تحائف پیش کئے ۔(رپورٹ: شعبہ رابطہ برائے شخصیات دعوت اسلامی ، کانٹینٹ: محمد مصطفی انیس) 

پچھلے دنوں ساہیوال ڈویژن میں قائم دعوتِ اسلامی کے جامعۃ المدینہ بوائز میں مرکزی مجلس شوریٰ کے رکن حاجی محمد اسد عطاری مدنی کی آمد ہوئی جہاں انہوں نے طلبۂ کرام کے درمیان ہونے والے تربیتی سیشن میں سنتوں بھرا بیان کیا۔

دورانِ بیان رکنِ شوریٰ حاجی محمد اسد عطاری مدنی نے طلبۂ کرام کی دینی، اخلاقی، تعلیمی اور تنظیمی اعتبار سے تربیت کی اور انہیں مدنی پھولوں سے نوازا بالخصوص عقائد و نظریات اور مسلک ِ اعلیٰ حضرت رحمۃ اللہ علیہ کے حوالے سے کلام کیا۔

اس تربیتی سیشن میں ناظمِ اعلیٰ آفتاب عطاری مدنی اور جامعۃ المدینہ بوائز کے ناظمین سمیت اساتذہ ٔ کرام نے بھی شرکت کی۔(رپورٹ:محمد امیرحمزہ عطاری پروجیکٹ منیجرآئی ٹی ڈیپارٹمنٹ آف جامعۃ المدینہ بوائزپاکستان، کانٹینٹ:غیاث الدین عطاری)

گزشتہ دنوں دعوت اسلامی کے تحت ذمہ دار اسلامی بھائیوں نے ڈپٹی کمشنر آفس میں ایڈیشنل ڈپٹی کمشنر جاوید شیر  ، ڈپٹی کمشنر شیخ غلام دستگیر ، اسسٹنٹ کمشنر اورنگی ارشاد سومرو و دیگر افسران سے ملاقات کی ۔

ذمہ داران نے ملاقات کے دوران اجتماعی قربانی اور کھالوں کی این او سی کے حوالے سے گفتگو کی نیز ماہنامہ فیضان مدینہ و رسائل تحفے میں پیش کئے اور مدنی مرکز فیضان مدینہ وزٹ کرنے کی دعوت دی ۔(رپورٹ: شعبہ رابطہ برائے شخصیات دعوت اسلامی ، کانٹینٹ: محمد مصطفی انیس) 

گزشتہ دنوں دعوت اسلامی کے تحت ذمہ دار اسلامی بھائیوں نے ڈپٹی کمشنر آفس میں ایڈیشنل ڈپٹی کمشنر اعجاز جاکھرانی ، ڈپٹی کمشنر  ایاز کلہوڑ ، اسسٹنٹ کمشنر کورنگی فاروق سومرو و دیگر افسران سے ملاقات کی ۔

ذمہ داران نے ملاقات کے دوران اجتماعی قربانی اور کھالوں کی این او سی کے حوالے سے گفتگو کی نیز ماہنامہ فیضان مدینہ و رسائل تحفے میں پیش کئے اور مدنی مرکز فیضان مدینہ وزٹ کرنے کی دعوت دی ۔(رپورٹ: شعبہ رابطہ برائے شخصیات دعوت اسلامی ، کانٹینٹ: محمد مصطفی انیس) 

2ذوالحجۃ  الحرام1443ھ بمطابق 2جولائی 2022ء بروز ہفتہ دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری کی دینی کاموں کے سلسلے میں جامعۃ المدینہ بوائز گلزارِ حبیب سبزازار (لاہور ڈویژن) میں آمد ہوئی۔

اس دوران رکنِ شوریٰ نے طلبۂ کرام و اساتذۂ کرام اور اقبال ٹاؤن مشاورت کے اسلامی بھائیوں کے ہمراہ سحری اجتماع کا اہتمام کیا جس میں انہوں نے شرکا کو مدنی پھولوں سے نوازا اور رسائل کے تحائف تقسیم کئے۔

بعدازاں رکنِ شوریٰ نے ناظمین کے درمیان مدنی مشورہ کیا اور قربانی کی کھالیں زیادہ سے زیادہ جمع کرنے، 12 دینی کاموں کو بڑھانے اور خود کفالت کے حوالے سے کلام کیا۔(رپورٹ:محمد امیرحمزہ عطاری پروجیکٹ منیجرآئی ٹی ڈیپارٹمنٹ آف جامعۃ المدینہ بوائزپاکستان، کانٹینٹ:غیاث الدین عطاری)

پچھلے دنوں شعبہ رابطہ  برائے شخصیات کے ذمہ داران نے پنڈی بھٹیاں میں نئے تعینات ہونے والے اسسٹنٹ کمشنر منور حسین سے ملاقات کی اور انہیں اس نئے عہدے کی مبارک باد دی ۔ دوران ملاقات مختلف شعبہ جات کا تعارف کروایا اور دعوت اسلامی کے دینی و فلاحی کاموں کے بارے میں بتایا جس پر اسسٹنٹ کمشنر نے خوشی کا اظہار کیا اور تعاون کی یقین دہانی کروائی ۔نیز مکتبۃ المدینہ کی مطبوعہ اور تسبیح تحفے میں پیش کی ۔(رپورٹ: شعبہ رابطہ برائے شخصیات دعوت اسلامی ، کانٹینٹ: محمد مصطفی انیس) 

دعوتِ اسلامی  کے زیر اہتمام 2 جولائی 2022ء کو عالمی و ملک سطح شعبہ تعلیم ذمہ داراسلامی بہنوں کا بذریعہ انٹر نیٹ مدنی مشورہ ہوا جس میں شعبہ تعلیم عالمی و ملک سطح اور صوبہ سطح کی ذمہ دار اسلامی بہنوں نے شرکت کی۔

نگران عالمی مجلس مشاورت ذمہ دار اسلامی بہن نے جو شعبہ تعلیم پر ذمہ دار ہوں حتٰی الامکان انہیں کسی اور شعبے پر نہ لیا جائے اور شعبہ تعلیم کی تقرریاں جلد مکمل کرلی جائیں ان امور پر بات چیت اسلامی بہنوں کو نکات فراہم کئے۔

٭اسی طرح صاحبزادیِ عطار سلمھا الغفار نے کراچی شیڈول کے متعلق متعلقہ اسلامی بہنوں کا مدنی مشورہ لیا جس میں نظام کو مضبوط کرنے سے متعلق بات چیت ہوئی نیز تنظیمی فوائد زیادہ سے زیادہ حاصل کئے جا سکے اس پر بھی غور وفکر کیا گیا۔

٭علاوہ ازیں نگران عالمی مجلس مشاورت اسلامی بہن نے اوورسیز ریجن نگران اسلامی بہنوں کے ساتھ بذریعہ انٹر نیٹ مدنی مشورہ لیا جس میں انہیں نگران کی تقریاں مکمل کرنے اور ذمہ داریاں تبدیلی کرنے کےحوالے سے نکات بتائے۔ مزید ماتحت کی دینی و اخلاقی تربیت کرنے پر مدنی پھول دیئے۔