دعوت اسلامی کے شعبہ علاقائی دورہ  اور محفلِ نعت کےتحت 19 جولائی2022 ء کو یورپین یونین ریجن کے ساتھ مدنی مشورہ ہوا ۔ رکن مجلس بین الاقوامی اُمور علاقائی دورہ اور محفلِ نعت کی ذمہ دار ہ نے مشورہ لیا۔

یورپین یونین ریجن میں شامل آٹھ ممالک جس میں اٹلی ، بیلجیم ، فرانس، اسپین ، ہالینڈ، آسٹریا، سوئیڈن اور ڈنمارک کی اسلامی بہنوں کی دو سطحوں کی ذمہ داران نے شرکت کی۔

سیکھنے سکھانے کے دینی حلقے کے حوالے سے کلام ہوا، کارکردگی وقت پر دینے اور اس کا فا لو اپ لینے کا ذہن دیا نیز دینی کام جدول کے مطابق کرنے کی ترغیب دلائی اور مدنی مقصد مجھے اپنی اور ساری دنیا کے لوگوں کی اصلاح کی کوشش کرنی ہے کے تحت مدنی مشورے لینے سے اپنی تربیت اور دوسروں کی تربیت کرنے کا ذہن دیا ۔

دعوت  اسلامی کے شعبہ علاقائی دورہ کی جانب سے 19 جولائی 2022ء کو انڈونیشیا میں مدنی مشورے کاانعقاد ہوا جس میں مقامی اسلامی بہنوں نے شرکت کی۔

مجلس بین الاقوامی اُمور کی اسلامی بہن نے’’ نیکی کی دعوت دینے کی فضیلت‘‘ بیان کرتے ہوئے دینی کام کرنے کا جذبہ دیا۔مقامی ذمہ داراسلامی بہنوں کے سوالات کے جوابات دئیے اور ان کی دلجوئی کی۔مزید اسلامی بہنوں کی علاقائی دورہ اور محفل نعت منعقد کرنے کے حوالے سے تربیت کی ،مقامی ذمہ داران کے لئے ترجمہ بھی کیا گیا۔ 

18 جولائی  2022ء کو صاحبزادیِ عطار سلمھاالغفاراور نگران عالمی مجلس مشاورت اسلامی بہن نے دھوراجی کالونی میں ٹاؤن مشاورت اسلامی بہن کی والدہ کے انتقال پر تعزیت کی۔ انہیں اسلامی بہنوں کے ہفتہ وار سنتوں بھرےاجتماع میں شرکت کی دعوت دی اور ایصالِ ثواب کا ذہن دیا ۔

٭دوسری طرف صاحبزادی عطار سلمھا الغفار نے رکن عالمی مجلس مشاورت اسلامی بہن کے بچوں کے ابو کے انتقال پر عزیز آباد میں ان کے گھر جاکر تعزیت بھی کی۔

(1)دعوتِ  اسلامی کے زیر اہتمام نگران عالمی مجلس مشاورت اسلامی بہن نے علاقہ Pib میں گھر گھر جا کر اسلامی بہنوں پر انفرادی کوشش کرتے ہوئے انہیں ہفتہ وار سنتوں بھرے اجتماع میں شرکت سے متعلق مدنی پھول پیش کرتے ہوئے شرکت کا ذہن دیا اور نیتیں کروائیں۔

(2) دوسری طرف 20 جولائی 2022ء بروز بدھ ڈسٹرکٹ کورنگی کے علاقہ ماڈل کالونی کے ہفتہ وار سنتوں بھرے اجتماع میں نگران عالمی مجلس مشاورت اسلامی بہن نے شرکت کی۔

اجتماع پاک میں ’’حقوق العباد‘‘ کے موضوع پر سنتوں بھرا بیان کرتے ہوئے اسلامی بہنوں کو ہفتہ وار رسالہ کے مطالعہ کرنے اور رسالہ نیک اعمال کا جائزہ کرنے کا ذہن دیا جس پر اسلامی بہنوں نے اچھی اچھی نیتیں کیں۔ 

دعوتِ اسلامی کے زیرِاہتمام 19 جولائی 2022ء بروزمنگل مدرسۃ المدینہ گرلزکراچی سٹی کی ڈسٹرکٹ ذمہ داراسلامی بہنوں کا فزیکلی مدنی مشورہ ہوا۔

رکن عالمی مجلس مشاورت ذمہ دار اسلامی بہن نے مدنی مشورے میں تربیت کے مدنی پھول بیان کرتے ہوئے نکات برائے محرم الحرام، ذمہ داران کی ریکارڈ فائل اور فرض علوم ٹیسٹ سے متعلق اسلامی بہنوں سے بات چیت کی۔ اسٹاف کا ریکارڈ،ناظمات کا 2 دن کا مدنی مشورہ اور متفرق نکات پربھی تبادلہ خیال ہوا۔

وہ مقدس  و بابرکت گھر جس کی تعمیر کا شرف جد الانبیاء و المرسلین سیدنا ابراہیم علیہ الصلوۃ و السلام کو مرحمت فرمایا گیا اور جسکی تعمیر کا مقصد حضرت خلیل نے بار گاہ خداوندی میں بایں الفاظ عرض کی :

رَبَّنَاۤ اِنِّیْۤ اَسْكَنْتُ مِنْ ذُرِّیَّتِیْ بِوَادٍ غَیْرِ ذِیْ زَرْعٍ عِنْدَ بَیْتِكَ الْمُحَرَّمِ^ۙ -رَبَّنَا لِیُقِیْمُوا الصَّلٰوةَ فَاجْعَلْ اَفْىٕدَةً مِّنَ النَّاسِ تَهْوِیْۤ اِلَیْهِمْ وَ ارْزُقْهُمْ مِّنَ الثَّمَرٰتِ لَعَلَّهُمْ یَشْكُرُوْنَ (ابراہیم،پ13 ،37 )

ترجمہ: کنزالعرفان: اے ہمارے رب! میں نے اپنی کچھ اولاد کو تیرے عزت والے گھر کے پاس ایک ایسی وادی میں ٹھہرایا ہے جس میں کھیتی نہیں ہوتی۔ اے ہمارے رب ! تاکہ وہ نماز قائم رکھیں تو تو لوگوں کے دل ان کی طرف مائل کردے اور انہیں پھلوں سے رزق عطا فرماتاکہ وہ شکر گزار ہوجائیں ۔

مگر وہ گھر کئی سالوں سے صنم کدہ بنا رہا جہاں اللہ عَزَّ وَجَلَّ کی عبادت کے بجائے اپنے ہاتھوں سے بنائے ہوئے اندھے ، بہرے ،گونگے بتوں کی پوجا کی جاتی تھی۔ اس مقدس گھر کو کفر وشرک سے پاک کرنے کے لئے اللہ عَزَّ وَجَلَّ نے نبی آخرالزماں ﷺ کو بھیجا ،اس محسن انسانیت نے صفا کی چوٹی پر جب ایک اللہ وحدہ لاشریک پر ایمان لانے کے لئے لوگوں کو کہا تو جنہوں نے آپکی سچائی و امانت داری پر صادق و امین جیسے القاب دیئے ، جن لوگوں کوآپ اپنی نیک نیتی و حسن کردار کے ذریعے ان کی آنکھوں کا تارا تھے، ان میں یکایک نفرت و عداوت کے شعلے بھڑک اٹھے ، وہ آپ کے سخت دشمن بن گئے،آپ علیہ الصلوۃ والسلام اور آپ کے رفقاء کو حرم مکہ میں جانے پر بھی پابندی لگادی اور طرح طرح کی اذیتیں دینے لگے حتیٰ کہ وہ آپ ﷺ کے قتل کے درپے ہوگئے جس پر رسولِ خدا ﷺ کو حکم ربانی پر یہ بابرکت شہر چھوڑنا پڑا اور آپ اپنے چند ساتھیوں سمیت رات کے اندھیرے میں مدینہ ہجرت کرگئے ۔روز بعثت سے 8 سن ہجری تک ، یہ عرصہ رسولِ خدا اور دین اسلام کے لئے سخت اور بڑا صبر آزما تھا لیکن آپ اپنی بلند ہمتی اور نیک ارادے کے ساتھ دین کی دعوت و تبلیغ میں لگے رہے اور اپنی دور اندیشی کے سبب ایسے متعدد فیصلے کئے کہ چند سالوں میں ہی جزیرۃالعرب میں نظریاتی اور عملی انقلاب پیدا ہوا جس سے عرب کے دور افتادہ خطے بھی نور اسلام سے جگمگا اٹھا ۔

چنانچہ ایک وہ دن تھا جب نبی کریم ﷺ کو مکہ سے ہجرت کرنی پڑی اور اب وہ دن بھی آگیا کہ آپ ﷺ خانہ خدا کو کفر و شرک سے پاک کر کے خالصتاً اللہ ہی کی عبادت کے لئے مختص کردیں تا کہ عرب سے شرک و بت پرستی کا ہمیشہ کے لئے خاتمہ ہو جائے ۔چنانچہ و ہ عظیم دن 8 سن ہجری 17 رمضان المبارک کا دن تھا جب نبی کریم ﷺ اپنے دس ہزار جانثاروں کو لیکر مکہ میں داخل ہوئے ۔

مختصراً واقعہ بیان کرتا ہوں کہ صلح حدیبیہ میں دونوں فریقین کے درمیان کچھ شرائط طے ہوئی تھیں جن میں ایک شرط یہ تھی کہ 10 سال تک دونوں قبائل جنگ نہیں کرینگے اور عرب کے دیگر قبائل دونوں فریقوں میں سے جس کےساتھ چاہیں اتحاد کرلیں تو قبیلہ بنو بکر نے قریش کے ساتھ اور بنو خزاعہ نے مسلمانوں کے ساتھ اتحاد کرلیا اور ان دونوں قبیلوں میں مدت سے لڑائی تھی ، بنو بکر کی ایک شاخ بنو نفاشہ نے آب وتیر کے مقام پر موقع غنیمت جانتے ہوئے خزاعہ پر رات کے وقت حملہ کردیا اور اس حملے میں قریش نے خفیہ طور پر مسلمانوں کے خلاف مدد کی۔ اس واقعہ کی اطلاع جب رسول اکرم ﷺ کو ملی تو آپ نے قریش کی طرف پیغام بھیجا کہ تین شرطوں میں سے کوئی ایک شرط قبول کرلیں۔ (01)مقتولین کا خون بہا(02)بنو نفاشہ کی حمایت سے انکار (03) اعلان کردیں معاہدہ حدیبیہ ٹوٹ گیا ۔

قریش کے نمائندے قرطہ بن عمر نے کہا ہمیں صرف تیسری شرط منظور ہے۔ چنانچہ 10 رمضان المبارک 8 ھ کو آپ ﷺ اپنے 10 ہزار جانثار صحابہ کو لیکر مکہ کی طرف چلے ، مکہ کے قریب پہنچ کر آپ نے اعلان کیا جو شخص ہتھیار ڈال دے ، جو اپنے گھر کا دروازہ بند کرلے، جو حرم مکہ میں داخل ہوجائے ، جو ابو سفیان کے گھر میں داخل ہوجائے ان سب کے لئے امان ہے پھر آپ ﷺ اپنے صحابہ کے ساتھ مکہ میں داخل ہوئے اور کعبے کو بتوں سے پاک فرماکر دو نفل ادا کئے اور خطبہ ارشاد فرمانے کے بعد کفار قریش (مفتوح ) سے ارشاد فرمایا :کیا میں تمہیں بتاؤں کہ آج میں تمہارے ساتھ کیا معاملہ کرنے والا ہوں؟ کفار مکہ آپ ﷺ کی طبیعت سے آگاہ تھے تو کہنے لگے ” اخ کریم و ابن اخ کریم “ آپ کرم والے ہیں ۔ نبی کریم ﷺ کی رحمت جوش میں آئی ،فرمایا: ” لا تثریب علیکم الیوم فاذہبواانتم الطلقاء“ آج کے دن تم پر کوئی الزام نہیں تم سب آزاد ہو ۔اس غیر متوقع طور پر عام معافی کا اعلان سن کر کفار جوق در جوق مسلمان ہونے لگے ۔(واقعہ کی تفصیل کے لئے سیرت رسول عربی کا مطالعہ کریں)

اس مبارک فتح کے نتائج کیا نکلے ؟اور ہمیں اس فتح میں کیا تعلیمات دی گئی ہیں ان کا سرسری جائزہ :

1 ۔منزل اور کامیابی کی راہ میں اگر ایک راستہ بند ہو جائے تو ہزار راستے کھولے ہوتے ہیں ،صلح حدیبیہ میں شرائط مسلمانوں کے خلاف تھیں لیکن جب معاہدہ ہوگیا کہ قریش کے ساتھ جنگ نہیں ہوگی تو نبی ﷺ نے تبلیغ کارخ عرب کے دیگر قبائل کی طرف پھیر دیا نتیجۃً مسلمانوں کی تعداد میں اضافہ ہوتا گیا اور اسلام پھلتا پھولتا رہا ۔

2 ۔ اسلام اپنے ماننے والوں کو اخلاق حسنہ کا درس دیتا ہے چنانچہ مکہ فتح ہونے کے بعد جب کلید مکہ (کعبہ کے دروازے کی چابی) نبی کریم ﷺ کے ہاتھ میں آئی تو آپ نے عثمان بن ابی طلحہ کو بلایا(کعبے کی چابی ان کے پاس ہوتی تھی، فتح مکہ سے قبل انہوں نے ایک بار رسول اللہ ﷺ کو کعبے میں جانے سے منع کیا تھااور چابی نہیں دی تھی، اب فتحِ مکہ کے بعد حضورﷺ نے ان کو بلایا) اور کعبے کی چابی منگوائی، جب انہوں نے لاکردی تو آپ ﷺ نے دوبارہ ان کو عطافرمائی۔ اس موقع پر نبی کریم ﷺ نے عثمان بن ابی طلحہ سے فرمایا :”یاد ہے وہ دن جب میں نے کہا تھا کہ ایک وقت آئیگا جب کلید کعبہ میرے قبضہ میں ہو گی اور جسے چاہوں گا دونگا“توعثمان بن ابی طلحہ نے آپ علیہ الصلوۃ والسلام کی تصدیق کی ۔ بعض روایات کے مطابق عثمان بن ابی طلحہ نے ابھی تک اسلام قبول نہیں کیا تھا، حضور ﷺ کا اخلاق دیکھئے کہ پھر بھی چابی انہیں کو عطا فرمائی۔ چنانچہ بعض روایات کے مطابق عثمان بن ابی طلحہ آ پ ﷺ کے اس اخلاق حسنہ سے متأثر ہو کر اسلام قبول کرلیا اور آپﷺ کے عقیدت مندوں میں شامل ہوگئے۔

3 ۔اس عظیم فتح اور عظیم فاتح نے دنیا کو یہ پیغام بھی دیا کہ فتح مندی نشے میں چور ہونے کا نام نہیں جس طرح جدید دور میں فتح کے بعد ناچ گانے ، آتش بازی بےہودہ رسومات کی جاتی ہیں بلکہ رسول اکرم ﷺ نے مکہ میں داخل ہونے کے بعد تسبیح واستغفار کی ، دو رکعت نفل ادا کی اور خطبہ دیا ۔ سورۃ النصر میں ہے کہ جب فتح آگئی اور لوگ فوج در فوج اسلام میں داخل ہونے لگے تو اے نبی! آپ اپنے رب کی حمد کیجیئے اور استغفار کیجیئے ۔

4۔ طاقت و اقتدار رکھ کر بدلہ لینے کے باوجود عام معافی کا اعلان کرکے نبی کریم ﷺ نے عالمی امن کے پیغام کی واضح مثال پیش کی ہے کہ کس طرح فتح کے بعد امن وامان کی صورتحال کو باقی رکھا جائے اور خون کا ایک قطرہ بہائے بغیر اپنی فتح کو برقرار رکھا جائے ۔

5 ۔فتح مکہ ہمیں اللہ تعالی کے وعدے پر امید دلاتی ہےلیکن اسکے وعدے کی تکمیل کے لئے خود انسان کو کتنی کوشش ،محنت اور مصائب پر صبر کرنا پڑتا ہے یہ بات آپ فتح مکہ سے پہلےحضور ﷺ کی سیرت کو دیکھیں کہ کس طرح آپﷺ نے دین کی خاطر محنت و کوشش کی ۔

6 ۔ حضور نبی کریمﷺ کاعمل ہمیں یہ بھی سکھاتا ہے کہ دشمنوں کو دوست کس طرح بنایا جائے ؟ چنانچہ عفو ودرگزر کر کے عام معافی کے بعد کئی مخالفین جو آپﷺ کے دشمن تھے کلمہ پڑھ کر مسلمان ہوتے گئے۔ چند وہ افراد جن کو خاص قتل کرنے کا حکم دیا گیا تھا لیکن ان میں بھی صحابہ کرام نے بعض کی سفارش کی تو معاف کردیئے گئے اور مسلمان ہوگئے اور اس طرح جزیرۃ العرب سے بت پرستی و شرک کا خاتمہ ہوگیا ۔

از۔مولانا محمد مصطفی انیس عطاری مدنی

المدینۃ العلمیہ اسلامک ریسرچ سینٹر دعوتِ اسلامی

20 جولائی 2022 ء کو شعبہ روحانی علاج کے تحت تحصیل سیہون شریف  کے مختلف مقامات پر ڈویژن ذمہ دار ڈاکٹر امید علی عطاری نے جدول کیا جس میں شعبہ روحانی علاج تحصیل ذمہ دار ودیگر اسلامی بھائیوں نے شرکت کی ۔

اس جدول میں کنزالایمان مسجد نزد جہاز چوک ، مانجھند اور مدینہ کالونی میں چوک درس ، نیکی کی دعوت ، سنتوں بھرے اجتماعات ہوئے جس میں ذمہ دار اسلامی بھائی نے ”انداز گفتگو اور توبہ کے فضائل “پر بیان کیا ۔(رپورٹ: عمران احمد عطاری تحصیل سہوں شریف ذمہ دار، کانٹینٹ: محمد مصطفی انیس)

20 جولائی 2022 ءکو شعبہ رابطہ برائے شخصیات  صوبہ پنجاب کے ذمہ دار محمد لیاقت عطاری نے ڈسٹرکٹ قصور کے ذمہ داران کے ہمراہ قصور شہر میں اسسٹنٹ ڈپٹی کمشنر جنرل محمد اورنگزیب سے انکے آفس میں ملاقات کی۔

جس میں دعوت اسلامی کےشعبہFGRF کے تحت شجرکاری میں حصہ لینے کا ذہن دیا ساتھ ہی دعوت اسلامی کی ڈیجیٹل ایپس اور کڈز مدنی چینل کے متعلق بتایا اور مدنی مرکز فیضان مدینہ جوہر ٹاؤن وزٹ کی دعوت دی۔(رپورٹ: شعبہ رابطہ برائے شخصیات ، کانٹینٹ: محمد مصطفی انیس) 

20 جولائی 2022 ء کو شعبہ رابطہ برائے شخصیات صوبہ پنجاب کے ذمہ دار محمد لیاقت عطاری نے ڈسٹرکٹ قصور کے ذمہ داران کے ہمراہ قصور شہر میں چیف کارپوریشن میونسپل کمیٹی راشد  سے انکے آفس میں ملاقات کی۔

جس میں دعوت اسلامی کےشعبہFGRF کے تحت شجرکاری میں حصہ لینے کا ذہن دیا ، دعوت اسلامی کی ڈیجیٹل ایپس اور کڈز مدنی چینل کے متعلق بتایا نیز صوبائی مرکز فیضان مدینہ جوہر ٹاؤن وزٹ کرنے کی دعوت دی اور مکتبۃ المدینہ کی کتاب ”نماز کا طریقہ “تحفے میں پیش کی۔(رپورٹ: شعبہ رابطہ برائے شخصیات ، کانٹینٹ: محمد مصطفی انیس) 

پچھلے دنوں صوبہ پنجاب کے ذمہ دار محمد لیاقت عطاری نے ڈسٹرکٹ قصور کے ذمہ داران کے ہمراہ قصور شہر میں DSP لیگل شیخ فیاض سے ان کے آفس میں ملاقات کی ۔

اس ملاقات میں دعوت اسلامی کے شعبہ FGRF کے تحت ہونیوالے شجرکاری میں حصہ لینے کا ذہن دیا نیز دعوت اسلامی کی ڈیجیٹل ایپس اور کڈز مدنی چینل کے متعلق بھی گفتگو کی ساتھ ہی مدنی مرکز فیضان مدینہ جوہر ٹاؤن وزٹ کرنے کی دعوت دی ۔(رپورٹ: شعبہ رابطہ برائے شخصیات ، کانٹینٹ: محمد مصطفی انیس) 

گزشتہ روز گوجرانوالہ میں CPO رائے اعجاز سیال ، SSP قیوم گوندل ، ریڈر CPO سب انسپکٹر عمران گورائیہ ، PSO to DPO سب انسپکٹر محمد اکرام ، OSI سب انسپکٹر ہارون ، ریڈر SSP وہاب ، سیکیورٹی آفیسر سب انسپکٹر بلال ورک سے ملاقات کی ۔

دوران ملاقات دعوت اسلامی کی دینی و سماجی خدمات کے بارے میں بیان کیا اور ہفتہ وار اجتماعا ت ومدنی مذاکرے میں شرکت کرنے کی دعوت دی اور مکتبۃ المدینہ کی مطبوعہ تحائف میں پیش کئے۔(رپورٹ: شعبہ رابطہ برائے شخصیات ، کانٹینٹ: محمد مصطفی انیس) 

دعوتِ اسلامی کے تحت 19 جولائی 2022ء بروز منگل راولپنڈی ڈویژن کے جامعۃ المدینہ بوائز کے ناظمین کا مدنی مشورہ منعقد ہوا جس میں شعبے کے دیگر اہم ذمہ دار اسلامی بھائیوں نے شرکت کی۔

دعوتِ اسلامی کی مرکزی مجلسِ شوریٰ حاجی وقار المدینہ عطاری نے ناظمین کو جامعۃ المدینہ بوائز میں دعوتِ اسلامی کے 12 دینی کاموں کو شروع کروانے کا ذہن دیا اور طلبۂ کرام کو اس کی ترغیب دلانے نیز جامعۃ المدینہ کو مزید خود کفیل بنانے کے متعلق مدنی پھول دیئے جس پر ناظمین نے اچھی اچھی نیتیں کیں۔(کانٹینٹ:غیاث الدین عطاری)