5 مارچ 2022 ء کو  تحصیل احمد پور شرقیہ میں نگران کابینہ کے ساتھ SHO اعظم کلو، ریسیکو سینئر آفیسر عابد، سب جیل سپریڈنٹ عابد بھائی ، محکمہ زراعت آفسیر عرفان ، AC آفس اور DSP آفس میں سیاسی وسماجی رہنماؤں سے ملاقاتوں کا سلسلہ ہوا ۔

دعوت اسلامی کے مختلف شعبہ جات کا تعارف کرایا گیا اور عالمی مدنی مرکز فیضان مدینہ کراچی کاوزٹ اور ہفتہ وار اجتماع میں شرکت کرنے کی دعوت دی گئی جس پر شخصیات نے اجتماع پاک میں شرکت کرنے کی نیت کی اور دعوت اسلامی کی خدمات کو سراہا۔

گزشتہ دنوں شعبہ رابطہ برائے شخصیات کے ذمہ داران نے شاہراہ فیصل پولیس اسٹیشن میں ایس ایچ او جناب قربان علی، ہیڈ معرر طارق ، اے ایس ای امیر سومرو سے ملاقات کی اور فیضان مدینہ اجتماعات میں شرکت کی دعوت دیتے ہوئے اتوار کو ہونے والے ایونٹ زکوة سیشن اور جامع مسجد فیضان عثمان غنی کی سیکیورٹی کے حوالے سے گفتگو کی۔ (رپورٹ: محمد ذکی عطاری ،ڈسٹرکٹ ذمہ دار مجلس رابطہ برائےشخصیات، کانٹینٹ: مصطفی انیس)

گزشتہ دنوں بلدیہ عالیہ ڈسٹرکٹ کورنگی کے سالڈ ویسٹ ڈیپارٹمنٹ کی بلڈنگ میں دعوت اسلامی کو مسجد کے لئے جگہ دی گئی اور مسجد کے سنگ بنیادکے سلسلے میں شعبہ رابطہ برائے شخصیات کے ذمہ دار، سٹی ناظم حاجی یعقوب عطاری ، ڈسٹرکٹ نگران عرفان بابا ، ٹاؤن نگران حاجی سلمان ، ٹاؤن مشاورت کامران بھائی ، کاشف بھائی  وعمران بھائی سمیت ایڈمنسٹریٹر ڈسٹرکٹ کورنگی جاوید الرحمن کلہوڑ ، میونسپل کمشنر کورنگی عبد الماجد خان ، ڈائریکٹر سالڈ ویسٹ سلیم رضا خان ، ڈائریکٹر پارک وقاص سومرو ، ایکس سی این خالد ملاح اور دیگر افسران نے شرکت کی۔ (رپورٹ:شعبہ رابطہ برائے شخصیات ، کانٹینٹ: محمد مصطفی انیس)

3 مارچ 2022 ء بروز جمعرات عالمی مدنی مرکز فیضان مدینہ کراچی میں سیکٹر کمانڈر بھٹائی رینجرز بریگیڈیئر شبیر احمد نے وزٹ کیا جہاں مرکزی مجلس شوری کے رکن حاجی امین عطاری ،سٹی ناظم حاجی یعقوب عطاری ودیگر ذمہ داران نے ان سے  ملاقات کی ۔

شعبہ رابطہ برائے شخصیات کے ذمہ دارنے بریگیڈیئر شبیر احمدکو دعوت اسلامی کی دینی وسماجی خدمات کے بارے میں بریفنگ دی اور فیضان مدینہ میں قائم شعبہ جات فیضان آن لائن اکیڈمی، اسلامک ریسرچ سینٹر ، شعبہ تراجم، مدنی چینل اور دارالأفتاء وغیرہ کا دورہ کروایا۔

اس دورے پر ونگ کمانڈر بھٹائی رینجرز ونگ 72 کرنل مصور ، ڈی ایس آر ونگ 72 شکیل احمد بھی شامل تھے ۔(رپورٹ:شعبہ رابطہ برائے شخصیات ، کانٹینٹ: محمد مصطفی انیس) 

دعوتِ اسلامی عاشقانِ رسول کے دلوں میں   جہاں صحابۂ کرام کی محبت پیدا کرتی ہے وہاں آلِ نبی و اہلِ بیتِ اطہار سے عشق و محبت کے جام بھی بھر بھر کر پلاتی ہے۔ اہلِ بیتِ اطہار نجات کی کشتی اور صحابۂ کرام آسمان ہدایت کے روشن ستارے ہیں۔ ایمان والے ،اہلِ بیت کی کشتی میں سوار ہوکر نجومِ رسالت کی پیروی کرتے ہوئے اپنے ایمان کو سلامت رکھتے ہیں۔

اہلِ بیتِ اطہار میں بہت بڑا نام نواسۂ رسول ، امام عالی مقام ، شہیدِ کربلا حضرت سیدنا امام حسین رضی اللہُ عنہ کا ملتا ہے ۔ آپ رحمۃُ اللہِ علیہ کا یومِ ولادت 5 شعبان المعظم کو آتا ہے۔ اسی مناسبت سے آج 8 مارچ کی شب 5 شعبا ن المعظم کی مناسبت سے دعوتِ اسلامی کے عالمی مدنی مرکز فیضانِ مدینہ کراچی میں ”مدنی مذاکرہ بسلسلہ جشنِ ولادت امام حسین رضی اللہُ عنہ“ منعقد ہوگا۔

مدنی مذاکرے کا آغاز تلاوت و نعت سے ہوگاجس کے بعد جلوسِ حسینی نکالا جائے گا، جلوس کے بعد شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہبیرونِ ملک سے بذریعہ ویڈیو لنک عاشقانِ رسول کے سوالات کے جوابات ارشاد فرمائیں گے۔

ثناخوان حضرات حضرت سیدنا امام حسین رضی اللہُ عنہ کی شان میں منقبتیں بھی پیش کریں گے جبکہ اختتام پر لنگر کا اہتمام بھی ہوگا۔

تمام عاشقانِ رسول سے گزارش ہے کہ جن سے ممکن ہو وہ فیضانِ مدینہ آکرشرکت فرمائیں، علاوہ ازیں مدنی چینل پر بھی یہ پروگرام نشر کیاجائے گا ،آپ مدنی چینل کے ذریعے گھر بیٹھے بھی علمِ دین حاصل کرسکتے ہیں۔ 

پاکستان کے شہر لاہور میں دعوتِ اسلامی کے شعبہ جامعۃ المدینہ بوائز کے زیرِ اہتمام ایک میٹنگ ہوئی جس میں ناظمینِ کرام سمیت شعبے کے اہم ذمہ داراسلامی بھائیوں  نے شرکت کی۔

اس دوران صوبۂ پنجاب ذمہ دار مولانا سیّد ناظم لطیف شاہ عطاری مدنی نے وہاں موجود ناظمینِ کرام سے گفتگو کرتے ہوئے رمضان عطیات کے حوالے سے کلام کیا اورانہیں زیادہ سے زیادہ عطیات جمع کرنے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ:محمد امیرحمزہ عطاری پروجیکٹ منیجرآئی ٹی ڈیپارٹمنٹ آف جامعۃ المدینہ بوائزپاکستان، کانٹینٹ:غیاث الدین عطاری)

دعوتِ اسلامی کے شعبہ جامعۃ المدینہ بوائز کے زیرِ اہتمام ڈی جی خان ملتان میں ایک میٹنگ ہوئی جس میں ناظمینِ کرام سمیت دیگر ذمہ دار اسلامی بھائیوں نے شرکت کی۔

دورانِ میٹنگ رکنِ مرکزی مجلسِ شوریٰ حاجی قاری محمد سلیم عطاری نے اہم امور پر گفتگو کرتے ہوئے رمضان میں زیادہ سے زیادہ عطیات جمع کرنے کے حوالے سے ذہن سازی کی جبکہ صوبۂ پنجاب ذمہ دار مولانا سیّد ناظم لطیف شاہ عطاری مدنی نے ناظمین کو طلبۂ کرام کے سالانہ امتحانات کی بھر پور تیاری کروانے کا ذہن دیا جس پر انہوں نے اچھی اچھی نیتوں کا اظہا ر کیا۔(رپورٹ:محمد امیرحمزہ عطاری پروجیکٹ منیجرآئی ٹی ڈیپارٹمنٹ آف جامعۃ المدینہ بوائزپاکستان، کانٹینٹ:غیاث الدین عطاری)

گزشتہ دنوں لاہور کے علاقے کاہنہ نو میں دعوتِ اسلامی کے زیرِ اہتمام ایک اسلامی بھائی کے گھر پر شخصیات اجتماع کا انعقاد کیا گیا جس میں مقامی اسلامی بھائیوں نے کافی تعداد میں شرکت کی۔

اس دوران مرکزی مجلسِ شوریٰ کے رکن حاجی یعفور رضا عطاری نے سنتوں بھرا بیان کیا اور وہاں موجود عاشقانِ رسول کی تربیت و رہنمائی کرتے ہوئے انہیں دعوتِ اسلامی کے دینی ماحول میں ہردم وابستہ رہنے کا ذہن دیا۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

شعبہ اصلاحِ اعمال دعوتِ اسلامی کے زیرِ اہتمام پچھلے دنوں پنجاب پاکستان کے شہر لاہور میں واقع کاہنہ نو میں یومِ قفلِ مدینہ اجتماع کا انعقاد ہوا جس میں کثیر اسلامی بھائیوں نے شرکت کی۔

اس اجتماعِ پاک میں مرکزی مجلسِ شوریٰ کے رکن حاجی یعفور رضا عطاری نے ’’زبان کے آفات‘‘ کے موضوع پر سنتوں بھرا بیان کرتے ہوئے عاشقانِ رسول کی دینی و اخلاقی اعتبار سے تربیت کی۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

پچھلے دنوں دعوتِ اسلامی کی مرکزی مجلسِ شوریٰ کے اراکین حاجی یعفور رضا عطاری اور حاجی برکت عطاری نے مدنی مرکز فیضانِ مدینہ جوہر ٹاؤن لاہور میں  پراپرٹی اینڈ کنسٹرکشن ڈیپارٹمنٹ کے اسلامی بھائیوں کا مدنی مشورہ کیا۔

رکنِ شوریٰ حاجی یعفور رضا عطاری نے ذمہ داران کی تربیت کرتے ہوئے زیرِ تعمیر پروجیکٹس کا جائزہ لیا اور مزید نئے پروجیکٹس بنانے کے حوالے سے اہداف دیئے جس پر ذمہ داران نے اچھی اچھی نیتیں پیش کیں۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

دعوتِ اسلامی کے زیرِ اہتمام پچھلے دنوں پاکستان کے شہر لاہور میں قائم مدنی مرکز فیضانِ مدینہ جوہر ٹاؤن میں پاکستان سطح کے شعبہ رابطہ برائے وکلا ذمہ داراسلامی بھائیوں کی میٹنگ ہوئی جس میں اہم ذمہ داران نے شرکت کی۔

اس میٹنگ میں رکنِ مرکزی مجلسِ شوریٰ حاجی یعفور رضا عطاری نے ذمہ داران سے گفتگوکرتے ہوئےشعبے میں اسلامی بھائیوں کی تقرری مکمل کرنے کا ہدف دیا نیز عالمی مدنی مرکز فیضان مدینہ کراچی میں وکلا و ججز کو اعتکاف کروانے اور شعبان کے مہینے میں سحری اجتماعات منعقد کرنے کے حوالے سے اہم نکات پر مشاورت کی۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

دعوتِ  اسلامی کے زیر اہتمام 5 مارچ 2022ء بروز ہفتہ راولپنڈی شہر سے پاکستان مجلس مشاورت نگران اسلامی بہن نے صوبہ پنجاب کی سرکاری ڈویژن راولپنڈی کے ساتھ بذریعہ انٹر نیٹ مدنی مشورہ لیا جس میں پنجاب نگران صوبائی مشاورت، راولپنڈی سرکاری ڈویژن نگران اور راولپنڈی ڈویژن کی تمام ڈسٹرکٹ نگران اسلامی بہنوں نے شرکت کی۔

پاکستان مجلس مشاورت نگران اسلامی بہن نے اسلامی بہنوں کو مختلف دینی کام کرنے،رمضان سالانہ ڈونیشن جمع کرنے کا ذہن دیا، مختلف سافٹ ویئر انٹری رپورٹ کا جائزہ پیش کیا ، منسلک اسلامی بہنوں کا ڈیٹا مکمل کروانے کا ہدف دیا اور گلی گلی بچیوں کے مدرسۃالمدینہ کے شعبے پر نگران اسلامی بہنوں کو خصوصی تعاون کا ذہن دیا۔

٭اسی طرح دعوت اسلامی کے تحت5 مارچ بروز ہفتہ راولپنڈی شہر سے پاکستان مجلس مشاورت نگران اسلامی بہن نے صوبہ پنجاب کی سرکاری ڈویژن گوجرانوالہ کا بذریعہ انٹر نیٹ مدنی مشورہ لیا جس میں نگران صوبائی مشاورت ، گوجرانوالہ سرکاری ڈویژن نگران اور گوجرانوالہ ڈویژن کی تمام ڈسٹرکٹ نگران اسلامی بہنوں نے شرکت کی۔