دعوتِ اسلامی کے زیرِ اہتمام محمودآباد کراچی کے علاقے ٹی پی ٹو میں قائم جامع مسجد اشرف میں شعبہ محبت بڑھاؤ کے ذمہ داران محمد عمران عطاری اور صائم عطاری کی والدہ کےایصالِ ثواب کے لئے سنتوں بھرے اجتماع کا انعقاد ہوا جس میں علاقے، ڈویژن اور ٹاؤن سطح کے ذمہ داران سمیت دیگر اسلامی بھائیوں نے شرکت کی۔

اس اجتماعِ پاک میں نگرانِ ڈویژن محمود آباد محمد اشفاق علی عطاری نے ’’احترام والدین‘‘ کے موضوع پرسنتوں بھرا بیان کرتے ہوئے شرکائے اجتماع کو اپنے والدین کا ادب و احترام کرنے کا ذہن دیا۔(رپورٹ:شعبہ محبت بڑھاؤ، کانٹینٹ:غیاث الدین عطاری)

دعوتِ اسلامی کے زیر اہتمام گزشتہ دنوں نگران عالمی مجلس مشاورت،  شارٹ کورسز ذمہ دار( عالمی سطح) اور اسپیشل پرسنز اسلامی بہن ( بین الاقوامی امور) کا اوور سیز میں سائن لینگویج کورس کروانے سے متعلق مدنی مشورہ ہوا جس میں ملک خواجہ و رضا(ہند) میں آن لائن یہ کورس شروع کروانے کے اہداف طے ہوئے نیز آئندہ ہمارا ہدف یوکے ، بنگلہ دیش اور ساؤتھ افریقہ ہے ۔

٭دوسری جانب نگرانِ عالمی مجلس مشاورت اور شارٹ کورسز ذمہ دار( عالمی سطح) اسلامی بہنوں نے بچوں کے رمضان کورسز کروانے کے حوالے سے مدنی مشورہ لیا جس میں ریجن نگران اسلامی بہنوں نے شرکت کی۔

اس مدنی مشورےمیں بچوں کے رمضان کورس شیڈول پر تفصیلی سے کلام کرتے ہوئے شعبہ مدرسۃ المدینہ گرلز میں اس کورس کو کروانے سے متعلق بات ہوئی۔

دعوتِ  اسلامی کے شعبہ اصلاح اعمال (اسلامی بہنیں) کے تحت 4 مارچ 2022ء بروز جمعہ کراچی سٹی میں بذریعہ انٹر نیٹ ماہانہ مدنی مشورہ ہوا جس میں کراچی کے مختلف ڈسٹرکٹ کی ذمہ داراسلامی بہنوں نے شرکت کی۔

اصلاح اعمال پر مقرر رکن عالمی مجلس مشاورت ذمہ دار اسلامی بہن نے اسلامی بہنوں کو اپنی ذمہ داری کا احساس دلاتے ہوئے شعبے کے دینی کام کو بڑھانے کا ذہن دیا نیز خود بھی با عمل بن کر دیگر اسلامی بہنوں کو عاملات نیک اعمال بنانے کے جذبے کو اُجاگر کیا ، اس کے ساتھ ساتھ ماہ شعبان المعظم میں نفل روزوں کی تحریک اور درود پاک کی تحریک کو مضبوط بنانے کی ترغیب بھی دلائی۔ مزید 100 % شعبہ ذمہ داران کی تقرری مکمل کرنے کا ہدف دیا جس پر شرکاء مدنی مشورہ نے اچھی اچھی نیتوں کا اظہار بھی کیا۔

پچھلے دنوں لاہور میں قائم مدنی مرکز فیضانِ مدینہ میں دعوتِ اسلامی کے  تحت مدنی مشورہ ہوا جس میں شعبہ مدرسۃ المدینہ بوائز کے ناظمین اور ناظمینِ اعلیٰ نے شرکت کی۔

مرکزی مجلسِ شوریٰ کے رکن حاجی یعفور رضا عطاری نے ناظمین کی تربیت کرتے ہوئےشعبے کے دینی کاموں کے حوالے سے گفتگو کی اور انہیں رمضانُ المبارک میں مدنی عطیات جمع کرنے نیز شخصیات اجتماعات کرنے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

دعوتِ  اسلامی کی جانب سے3 مارچ 2022ء کو جاپان میں ون ڈے سیشن کا انعقاد ہوا جس میں مقامی اسلامی بہنوں سمیت نگران عالمی مجلس مشاورت اور فار ایسٹ ریجن نگران اسلامی بہنوں نے شرکت کی۔

صاحبزادیِ عطار سلمہا الغفار نے آخرت کی تیاری سے متعلق مدنی پھول دیئے۔بعدازاں اسلامی بہنوں سے انفرادی طور پر بات چیت ہوئی جس میں انہوں مدنی مذاکرہ سننے اور گھر درس دینے کا ذہن دیا۔ 

دعوتِ اسلامی کے تحت4 مارچ 2022ء  بروز جمعہ راولپنڈی شہر سے صوبہ پنجاب کی سرکاری ڈویژن ساہیوال ، لاہور اور سرگودھا کی ذمہ دار اسلامی بہنوں کا بذریعہ انٹر نیٹ مدنی مشوروں کا سلسلہ ہواجن میں پنجاب صوبہ نگران ، سرکاری ڈویژن نگران اور ڈویژن کی تمام ڈسٹرکٹ نگران اسلامی بہنوں نے شرکت کی۔

پاکستان مجلس مشاورت نگران اسلامی بہن نے اسلامی بہنوں کو مختلف دینی کام کرنے ،رمضان سالانہ ڈونیشن جمع کرنے کا ذہن دیا نیز مختلف سافٹ ویئر انٹری رپورٹ کا جائزہ پیش کیا ۔ مزید منسلک اسلامی بہنوں کا ڈیٹا مکمل کروانے کا ہدف دیا اور گلی گلی بچیوں کے مدرسۃالمدینہ کے شعبے پر نگران اسلامی بہنوں کو خصوصی توجہ دینے کی ترغیب دلائی ۔

2 مارچ 2022 ء کو سیالکوٹ کے اُگوکی ڈویژن کے اِیمان میرج ہال میں تاجران اور شخصیات اجتماع  منعقد ہوا جس میں مرکزی مجلس شوریٰ کے رکن حاجی محمد اظہر عطاری نے ”معجزۂ معراج “اور ”شان و رفعتِ مصطفیٰ ﷺ “کے موضوع پر سنتوں بھرا بیان کیا ۔

اِس اجتماعِ پاک میں ڈسٹرکٹ نگران سیالکوٹ حاجی محمد سجاد عطاری ، اگوکی ڈویژن کے نگران اسلم عطاری اور دیگر مقامی اسلامی بھائی بھی موجود تھے ۔

اِس موقع پر ڈسٹرکٹ نگران سیالکوٹ نے رمضان عطیات جمع کرنے کی ترغیب دِلائی ۔بعدازاں رکنِ شوریٰ نے بیان کے آخر میں شرکاکو نمازوں کی پابندی ، ہفتہ وار اجتماع میں شرکت اور قافلوں میں سفر کرنے کی نیتیں کروائِیں ۔

گزشتہ دنوں ڈسٹرکٹ سیالکوٹ کےکم و بیش 14 جامعات المدینہ کے تقریباً 1000 سے زائد طلبۂ کِرام اور اساتذۂ کِرام کا سالانہ سنتوں بھرا اجتماع ہوا۔

دورانِ اجتماع ڈسٹرکٹ نگران سیالکوٹ حاجی محمد سجاد عطاری نے ”حُسنِ اخلاق اور مُرشِد کی حکمتِ عملی “کے موضوع پرسنتوں بھرا بیان کرتے ہوئے شرکائے اجتماع کی تربیت کی جبکہ شعبہ جامعۃ المدینہ کے ریجن ذمہ دار طاہر سلیم مدنی نے صفائی ستھرائی اور اپنے ادارے کو خود کفیل کرنے کے حوالے سے گفتگو کی۔

اس کے علاوہ رکنِ شوریٰ حاجی محمد اظہر عطاری نے ”بزرگانِ دین کی قربانیاں “، ”بیرونِ ملک کے حالات “اور ”مُرشد سے محبت کے تقاضے“کے موضوع پر تربیت کی، طلبۂ کِرام کو رمضان میں 1 ماہ ، آخری عشرے کے اعتکاف کی بھرپور نیتیں کروائیں اور رمضان عطیات کا ہدف پورا کرنے کا بھی ذہن دیا ۔

نیز آخر میں رکنِ شوریٰ نے تمام اساتذہ اور ناظمین کا مدنی مشورہ کیا اور اجتماع کے آخر میں طلبۂ کِرام نے رکنِ شوریٰ سے ملاقات بھی کی ۔(رپورٹ: محمد عادِل رضا عطاری، کانٹینٹ: مصطفی انیس) 

گزشتہ دنوں سیالکوٹ کے علاقے بھڑتھ میں قائم مدرسۃ المدینہ (گوندل روڈ) میں سرپرست و شخصیات اجتماع کا سلسلہ ہوا جس میں مدرسۃ المدینہ صوبہ ٔپنجاب کےذمہ دار احمد رضا عطاری نے ”اولاد کی تربیت اور علمِ دین سیکھنے “کے موضوع پر سنتوں بھرا بیانکیا۔اس اجتماعِ پاک میں مدرسۃ المدینہ کے ناظم صاحب اور اَساتذۂ کرام بھی شریک تھے ۔

بعد ازاںسیالکوٹ ڈسٹرکٹ کے نِگران حاجی محمد سجاد عطاری نے شرکائے اجتماع کو مدرسۃ المدینہ میں اپنے بچوں کے مزید داخلوں کا ذہن دیا اور رمضان عطیات کے حوالے سے بھرپور ترغیب دلائی ۔

مزید ڈسٹرکٹ نگران سیالکوٹ نے مدرسۃ المدینہ بَھڑتھ کےنمایاں کارکردگی والے بچوں میں اِنعامات تقسیم کئےاور آخر میں دعا بھی کروائی۔(رپورٹ: محمد عادِل رضا عطاری، کانٹینٹ: مصطفی انیس)

گزشتہ دنوں فیصل آباد  میں اسپیشل پرسنز ڈیپارٹمنت دعوت اسلامی کے ذمہ داران محمد ارسلان عطاری اور علی عمران عطاری کا اسپیشل ایجوکیشن اسکول فار ہیرئنگ ایمپئرڈ فیصل آباد کا وزٹ ہوا ۔

اس دوران انہوں نے ٹیچرز اور پرنسپلز سے ملاقات کرتے ہوئے انہیں اسپیشل پرسنز ڈیپارٹمنٹ اور دعوت اسلامی کا تعارف پیش کیا نیز اشاروں کی زبان میں مکتبۃ المدینہ کی شائع ہونے والی کتب ”باتصویر نماز اور آئیے وضو سیکھیں “اور بریل لینگویج میں شائع رسائل کا تعارف پیش کیا ۔

آخر میں بچوں کے ہمراہ سیکھنے سکھانے کا حلقہ لگایا گیا جس میں اشاروں کی زبان میں نماز کا طریقہ اور صفائی کے حوالے سے بچوں کی تربیت کی ۔(رپورٹ: محمد سمیر ہاشمی عطاری اسپیشل پرسنز ڈیپارٹمنٹ دعوت اسلامی، کانٹینٹ: مصطفی انیس)

4 مارچ 2022 ء بروز جمعہ حسن کالونی واربرٹن رمضان کمبوہ D.S.P صدر ننکانہ سرکل نے جامع مسجد فیضانِ غوث اعظم میں مبلغِ دعوتِ اسلامی حاجی نصر اقبال عطاری ، محمد توکل عطاری اور محمد رمضان مدنی سے ملاقات کی ۔

حاجی نصر اقبال عطاری نے ڈی ایس پی کو دعوتِ اسلامی کی دینی و فلاحی کاموں کے خدمات کا تعارف کرواتے ہوئے ڈی ایس پی کو بانیِ دعوتِ اسلامی ،امیر اہلِ سنت حضرت مولانا محمد الیاس عطار قادری رضوی ضیائی دامت برکاتہم العالیہ کی تصنیف ”فیضانِ رمضان“ تحفے میں دی۔

ڈی ایس پی نے اپنے تأثرات میں اصلاحِ معاشرہ میں دعوتِ اسلامی کے کردار کو سراہا۔(رپورٹ : محمد رمضان مدنی مدرس جامعۃالمدینہ و امام و خطیب جامع مسجد فیضانِ غوث اعظم، کانٹینٹ: مصطفی انیس)

4 مارچ 2022 ء بروز جمعہ  کلفٹن ٹاؤن فیضان جیلان مسجدمیں دعوتِ اسلامی کے زیرِ اہتمام ہفتہ وار اجتماع منعقد ہوا جہاں کلفٹن ٹاؤن ذمہ دار شعبہ کفن دفن ذیشان عطاری نے تنزانیہ سے آئے ہوئےاسلامی بھائیوں کیساتھ حلقہ لگایا ، شعبے کا تعارف کروایا اور ان کی خیر خواہی کی ۔ (رپورٹ:عزیر عطاری رکن مجلس کفن دفن، کانٹینٹ : مصطفی انیس)