شعبہ تعلیم کے تحت عارف والا کے مقامی کالج میں سالانہ عظیم الشان اجتماع میلاد کا انعقاد ہوا ۔ اجتماع میلاد میں کثیر طلبہ و ادارے کے اساتذہ و عہدیداران نے شرکت کی ۔

نگران مجلس شعبہ تعلیم عبدالوہاب عطاری نے بیان کیا اور طلبہ کو سیرت نبوی کے مطابق زندگی گزارنے کا ذہن دیا۔

گزشتہ  روز پریس کلب گجرات میں میلاد اجتماع کا انعقاد کیا گیا۔ محفلِ نعت میں دعوتِ اسلامی کی مرکزی مجلسِ شوریٰ کے رکن حاجی اظہر عطاری نے سنتوں بھرا بیان فرمایا۔

اس محفل میں پریس کلب کے صدر اور دیگر ممبران و عہدیداران سمیت صدر چیمبر آف کامرس اور صدر ڈسٹرکٹ بار ایسوسی ایشن سمیت صحافیوں کی شرکت ہوئی۔ رکن شوری حاجی اظہر عطاری نے ان سے ملاقات بھی فرمائی۔ 

امیرِ اہلِ سنت دَامَتْ بَرَکَاتُہُمُ الْعَالِیَہ ہر ہفتے ایک رسالے کے مطالعے کی ترغیب دلاتے ہیں اور رسالہ پڑھنےیاسننے والوں کو اپنی دعاؤں سے بھی نوازتے ہیں۔

اس ہفتے امیرِ اہلِ سنت نے عاشقان رسول کو رسالہ ” اچھی نیت کی برکت“ پڑھنے / سننے کی ترغیب دلائی ہے اور پڑھنے /سننے والوں کو اپنی دعاؤں سے بھی نوازا ہے۔

دعائے عطار

یا اللہ پاک! جو کوئی 21 صفحات کا رسالہ ”اچھی نیت کی برکت “ پڑھ یا سن لےاُس کے سارے نیک اعمال اپنی بارگاہ میں قبول فرما اور اس کو جنت الفردوس میں اپنے پیارے پیارے آخری نبی صلَّی اللہ علیہ واٰلہٖ وسلَّمکا پڑوسی بنا۔

یارب کریم! 16 اولیاء کرام کا باادب بنا اور اس کی بے حساب مغفرت فرما۔ اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

رسالہ آڈیو میں سننے کے لئے کلک کریں

Audio Book

ہر ہفتے کی طرح آج 07 نومبر  2020ء کو ہفتہ وار مدنی مذاکرے کا سلسلہ ہوگا جس میں بانیِ دعوتِ اسلامی حضرت علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقانِ رسول کی جانب سے پوچھے گئے سوالات کے جوابات ارشاد فرمائیں گے۔

واضح رہے کہ مدنی مذاکرے میں امیرِ اہلِ سنت دَامَتْ بَرَکَاتُہُمُ الْعَالِیَہ فقہی سوالات کے جوابات، علم و حکمت سے لبریز مدنی پھول اور اپنے ذاتی تجربات کی روشنی میں روز مرہ کے مسائل پر تفصیلی گفتگو فرماتے ہیں۔

عاشقانِ رسول سے گزارش ہے کہ مدنی مذاکرے میں اول تا آخر شرکت فرمائیں اور علمِ دین کی روشنی سے اپنے سینوں کو منور کریں۔

5 نومبر کے روز کامسیٹس یونیورسٹی ساہیوال کیمپس میں عظیم الشان میلاد اجتماع کا انعقاد ہوا ۔ محفلِ نعت میں دعوتِ اسلامی کی مرکزی مجلسِ شوریٰ کے  رکن حاجی اظہر عطاری نے سنتوں بھرا بیان فرمایا۔

اس اجتماع میں ڈائریکٹر پروفیسر ڈاکٹر سلیم فاروق شوکت، ڈپٹی رجسٹرار ایڈمن، ڈپٹی رجسٹرار ایڈمیشن، پی ایچ ڈی ڈاکٹرز ، ہیڈ آف ڈیپارٹمنٹس، کثیر تعداد میں فیکلٹی اور یونیورسٹی اسٹوڈنٹس، پروفیسرز اور انتظامیہ نے شرکت کی۔

دعوت اسلامی کی مجلس فیضان مدینہ ملتان میں مدنی مشورہ ہوا جس میں اراکین زون ملتان ریجن نے شرکت کی۔ نگران مجلس فیضان مدینہ عبد الستار عطاری مدنی نے انتظامی معاملات کا جائزہ لیا اور شرکا کی تربیت کی۔ اس موقع پر نگران مجلس کا کہنا تھا کی مجلس فیضان مدینہ کو خود کفیل ہونا چاہیئے اور فیضان مدینہ  میں آنے والے قافلے کے شرکا کو بہترین سہولیات فراہم کی۔ مدنی مشورے ٹیلی تھون میں بھر پور حصہ لینے کے حوالے سے گفتگو ہوئی۔ 

دعوت اسلامی کی مجلس فیضان آن لائن اکیڈمی کے تحت 4 نومبر 2020ء کو آئی ٹی، تعمیرات اور مالیات کے حوالے سے مدنی مشورہ ہوا جس میں کراچی ریجن کے ذمہ دار تبریز عطاری، آئی ٹی مینیجر یونس عطاری اور اسسٹنٹ مینیجر عمران عالم نے شرکت کی۔ رکن مجلس فیضان آن لائن اکیڈمی غلام الیاس عطاری نے پچھلے اہداف کا فالو اپ کیا اور درپیش مسائل کو حل کرنے کے فوائد بیان کرتے ہوئے آئندہ کے اہداف طے کئے۔

مجلس تاجران دعوت اسلامی کے زیر اہتمام شاہ عالم مارکیٹ کے تاجر چوہدری شفیق کی رہائش گاہ پر اجتماع میلاد کا انعقاد کیا گیا جس میں لاہور انجمن تاجران کے صدر مجاہد مقصود اور لاہور شہر کے بڑے تاجروں نے شرکت کی۔ مجلس تاجران پاکستان کے نگران محمد ندیم عطاری نے سنتوں بھرا بیان کیا اور شرکا کو مدنی کاموں میں تعاون کرنے ترغیب دلائی۔ 

گزشتہ دنوں ماڑی ضلع اٹک میں دعوت اسلامی کے زیر اہتمام شخصیات کا مدنی حلقہ ہوا جس میں تاجران، بزنس کمیونٹی، مختلف سماجی اور دیگر شخصیات نے شرکت کی۔ مرکزی مجلس شوریٰ کے رکن حاجی وقار المدینہ عطاری نے ”حسن اخلاق“ کے موضوع پر سنتوں بھرا بیان کیا اور انہیں مدنی کاموں میں شرکت کرنے کی ترغیب دلائی۔

مدنی حلقے کے اختتام پر رکن شوریٰ نے شخصیات کو مکتبۃا لمدینہ کی کتاب سیرت مصطفیٰصلَّی اللہ علیہ واٰلہٖ وسلَّم ، عجائب القراٰن اور دیگر کتب و رسائل تحفے میں دی۔ 

گزشتہ دنوں دعوت اسلامی کی مرکزی مجلس شوریٰ کے رکن حاجی وقار المدینہ عطاری نے چکوال جہلم اور سیالکوٹ  زون میں مختلف شہروں (تلہ گنگ، چوآ سیدن شاہ، چکوال، پنڈ دادنخان، اور گوجر خان، گجرات، کھاریاں، کنجاہ، سیالکوٹ، ڈسکہ، پسرور، سمڑیال، پھالیہ، منڈی بہاؤالدین) کا دورہ کیا۔

رکن شوریٰ نے ان مقامات پر عاشقان رسول کی اخلاقی اور تنظیمی تربیت کی اور ماہ میلاد میں 12 مدنی کاموں کی مضبوطی کے لئے اپنے علاقوں میں ذیلی نگرانوں کی تقرری کرنےکی ترغیب دلائی۔ اس موقع پر دعوت اسلامی کے تحت چلنے والے جامعات المدینہ اور مدارس المدینہ کے جملہ اخراجات کے لئے ٹیلی تھون میں بھر پور حصہ لینے کا ذہن دیا گیا۔

امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ فرماتے ہے کہ”مدنی قافلہ دعوت اسلامی کی ریڑھ کی ہڈی ہے“

اسی جذبے کو لیکر عاشقان رسول 3دن، 12دن، 1ماہ اور 12 ماہ کے مدنی قافلے میں سفر کرتے رہتے ہیں ۔

گزشہ دنوں 12 ماہ کے مدنی قافلے میں سفر کرنے والے عاشقان رسول مدنی مرکز فیضان مدینہ اسلام آباد پہنچے ۔ اس موقع پر مدنی حلقے کا انعقاد کیا گیا جس میں مرکزی مجلس شوریٰ کے رکن حاجی وقار المدینہ عطاری نے ”ذکر اللہ“ کے فضائل پر سنتوں بھرا بیان فرمایا۔

اس موقع پر رکن شوریٰ کا کہنا تھا کہ”جنت الفردوس خاص اس شخص کے لیے ہے جو نیکی کی دعوت دے اور برائی سے منع کرے“ ۔ (تنبیہ المغترّین ص۲۹۰ دارالبشائربیروت) ۔

رکن شوریٰ نے شرکا کو 12 ماہ میں 1 کروڑ درود پاک پڑھنے کی نیتیں کروائی اور اسلامی بھائیوں کو سچا عاشق رسول بننے کے ساتھ ساتھ مخلص محبت وطن بننے کی ترغیب دلائی۔مدنی حلقے کے اختتام پر عاشقان رسول کو مکتبۃ المدینہ کی کتب و رسائل تحفے میں دیئے گئے۔

دعوت اسلامی کے زیر اہتمام 4نومبر 2020ء کو ایبٹ آباد میں عظیم الشان پروفیشنلز اجتماع ہوا جس میں ڈاکٹرز، انجینئرز اور دیگر شخصیات نے کثیر تعداد میں شرکت کی۔

موٹیویشنل اسپیکر محمد ثوبان عطاری نے ”مسلسل جد و جہد“ کے موضوع پر سنتوں بھرا بیان کیا اور اچھی زندگی گزارنے کے طریقے بیان کئے۔