علمِ دین کی شمع سے قلوب کو منور کرنے کے لئے امیرِ اہلِ سنت دَامَتْ بَرَکَاتُہُمُ الْعَالِیَہ عاشقانِ رسول کو ہر ہفتے ایک رسالے کے مطالعے کی ترغیب دلاتے ہیں اور رسالہ پڑھنےیاسننے والوں کو اپنی دعاوں سے بھی نوازتے ہیں۔

اس ہفتے امیرِ اہلِ سنت دَامَتْ بَرَکَاتُہُمُ الْعَالِیَہ نے رسالہ ” اچھی بُری صحبت“ پڑھنے / سننے کی ترغیب دلائی ہے اور پڑھنے /سننے والوں کو اپنی دعاوں سے بھی نوازا ہے۔

دعائے عطار

یا ربَّ المصطفٰے! جو کوئی17 صفحات کا رسالہ ” اچھی بُری صحبت“ پڑھ یا سن لےاس کو اپنےپسندیدہ بندوں کی صحبت نصیب فرما، اور اس کی بے حساب مغفرت کر۔اٰمِیْن

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

رسالہ آڈیو میں سننے کے لئے کلک کریں

Audio Book

انبیاء علیہم السلام کے بعد انسانوں میں سب سے افضل جماعت صحابہ کرام علیہمُ الرِّضوان کی ہے۔ دینِ اسلام کے لئے صحابہ کرام کی خدمات ان گنت اور ناقابلِ فراموش ہیں۔

ان صحابہ کرام کو خراجِ عقیدت پیش کرنے کے لئے آج رات9:00 بجے مدنی مذاکرے سے قبل براہِ راست مدنی چینل پر مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی ”فضائلِ صحابہ“ پر سنتوں بھرا بیان فرمائیں گے۔ترجمان دعوتِ اسلامی مولانا عبدالحبیب عطاری نے تمام عاشقان رسول سے اپیل کی ہے کہ وہ اس اجتماع میں ضرور بالضرور شرکت کریں اور اپنے رفقاء کو بھی اس کی دعوت دیں۔

پچھلے دنوں لاہور پریس کلب میں دعوت اسلامی کی شجر کاری مہم کے تحت مختلف پھل اور پھول دار پودے لگائے گئے۔پودے لگانے کی تقریب میں پریس کلب لاہور کے جنرل سیکرٹری بابر ڈوگر، دعوت اسلامی کی مرکزی مجلس شوریٰ کے رکن و نگران لاہور ریجن حاجی م یعفور رضا عطاری، اور میڈیا ڈیپارٹمنٹ دعوت اسلامی کے ریجن ذمہ دار عثمان عطاری  سمیت دیگر ذمہ داران نے شرکت کی۔

پریس کلب میں لگائے گئے پودوں کا ایصال ثواب پریس کلب کے مرحومین خاص طور پر بابر ڈوگر کی والدہ مرحومہ کےلئے کیا گیا جس پر سیکرٹری پریس کلب لاہور بابر ڈوگر نے دعوت اسلامی کاشکریہ ادا کرتے ہوئے کہا کہ دعوت اسلامی اس وقت نہ صرف دین کے کام کر رہی ہے بلکہ معاشرتی طور پر بھی لوگوں کی خدمت کر رہی ہے جس کی واضح مثال تھیلیسیمیا اور ہیموفیلیا کے مریضوں کےلئے ملک بھر میں لگنے والے بلڈ کیمپس ہیں۔

اسی طرح سرسبزوشاداب پاکستان پروگرام کے تحت ایک ارب پودے لگانے کی مہم کا آج لاہور پریس کلب میں پودے لگا کر آغاز کردیا ہے جس کےلئے یہ مبارک آباد کے مستحق ہیں اور ہم اس مہم میں دعوت اسلامی کے شانہ بشانہ کھڑے ہیں۔

واضح رہے ! دعوت اسلامی کی مرکزی مجلس شوریٰ کے رکن و نگران لاہور ریجن حاجی یعفور رضا عطاری نے مدنی چینل سے گفتگو کرتے ہوئے کہا کہ اس وقت پوری دنیا میں موسم کی تبدیلیاں رونما ہو رہی ہیں جہاں بارش نہیں ہوتی تھی وہاں اب بہت زیادہ بارشیں ہو رہی ہیں اور جہاں جنگلات تھے وہاں جنگلات میں آگ لگی ہوئی ہے اور دنیا کا درجہ حرارت تیزی سے بڑھ رہا ہے۔ ساری دنیا میں شجر کاری پر زور دیا جا رہا اسی ضمن میں دعوت اسلامی نے سر سبز و شاداب پاکستان مہم کا آغاز کیا اور امیر اہلسنت دامت برکاتہم العالیہ کے فرمان پر لاہور پریس کلب میں پودے لگا کر اس مہم کا آغاز کیا گیا ہے اور ناظرین کو بھی دعوت اسلامی کی اس مہم میں ساتھ دینے کی ترغیب دلائی۔

دعوت اسلامی کی مجلس  مدنی بستہ کے تحت 02 ستمبر2020ء بروز بدھ کالا شاہ کاکو ٹول پلازہ فیروز والہ لاہور میں مدنی بستے کا افتتاح ہوا اس موقع پر مفتش مدنی بستہ غلام جیلانی عطاری اور علاقائی نگران سلمان عطاری بھی موجود تھے ۔

مبلغ دعوت اسلامی ناظم جامعتہ المدینہ نے صدقے کے فضائل کے موضوع پر بیان کرتے ہوئے شرکا کو دین اسلام کی ترقی میں کوشاں دعوت اسلامی کے مدنی کاموں کے لئے عطیات جمع کرنے کا ذہن دیا جس پر حاضرین نے اس عظیم دینی خدمات میں ہاتھوں ہاتھ عطیات جمع کر وا کر اس نیک کام میں حصہ لیا اور دوسروں کو اس کی ترغیب دلائی۔

مجلس میڈیا ڈیپارٹمنٹ  آف دعوت اسلامی کے تحت 27 اگست 2020ء بروز جمعرات میراں حسین زنجانی کابینہ کے رکن مجلس عمران عطاری نے روزنامہ نوائے وقت کے کالم نویس عمران احمد اور چوکس میگزین کے چیف ایڈیٹر ناصر آغا سے انکے دفاتر میں ملاقاتیں کیں ۔

مبلغ دعوت اسلامی نے شخصیات کو دعوت اسلامی ویلفیئر کی خدمات سے آگاہ کیا اور مدنی مرکز فیضان مکہ مدینہ رحمن سٹی آنے کی دعوت دیتے ہوئے مکتبۃ المدینہ سے شائع کردہ کتب تحفےمیں دیں ۔(رپورٹ:اسرار عطاری پاک آفس ذمہ دار میڈیا ڈیپارٹمنٹ آف دعوت اسلامی) 

دعوت اسلامی کی مجلس  مدنی بستہ کے تحت 25 اگست 2020ء بروز منگل بذریعہ زوم لنک مدنی مشورہ ہوا جس میں شعبےکےنگران مجلس ڈاکٹر عبدالقیوم نیازی عطاری،ریجن ذمہ داران،زون ذمہ داران پاکستان مدنی بستہ مجلس سافٹ وئیرسپروائزر،اور مدنی بستہ آڈٹ مجلس پاکستان ذمہ دار نے شرکت کی ۔

مرکزی مجلس شوریٰ کے رکن حاجی محمدفاروق جیلانی عطاری نے دعوت اسلامی اور شعبے کی ترقی کے متعلق شرکا کو مدنی پھول دیتے ہوئے مدنی بستوں کی کارکردگیوں کا جائزہ لیا اور ذمہ داران کی تربیت فرمائی جبکہ ذ مہ داران سے نئے مدنی بستے سجانے کےحوالے سے اہداف لئے اورنظام کی مضبوطی اور شعبے کےمسائل پر کلام کیا ۔(رپورٹ:عمرحیات عطاری آفس ذمہ دارمدنی بستہ مجلس پاکستان)

دعوت اسلامی کی مجلس  مدرسۃ المدینہ کے تحت پچھلے دنوں ایسٹ زون لیاقت آبادکابینہ شہدائےمسجد میں مدنی مشورے کا سلسلہ ہوا جس میں ناظمین ومدرسین نے شرکت کی ۔

مبلغ دعوت اسلامی سید شفیق الرحمان عطاری نے مدرسۃ المدینہ کی سابقہ ماہ کی کارکردگی کےساتھ تقابلی جائزہ کرتے ہوئے مدرسےکوخودکفیل کرنےکے حوالے سے طریقہ کاربیان کئے نیز اسلامی بھا ئیوں کی نمایاں کارکردگی پر حوصلہ افزائی کی جس پر شرکا نے مدرسۃ المدینہ کو 100فیصدخودکفالت کرنے کی نیت کااظہارکیا ۔

27 اگست 2020ء  کودعوت اسلامی کی مجلس مدرسۃ المدینہ بالغان کے تحت شیخوپورہ کابینہ میں گھریلو صدقہ بکس رکھوانے کی مہم چلائی گئی ۔

اسی سلسلے میں مختلف جگہوں پرمدنی حلقے کا انعقاد کیا گیا جس میں مجلس مدرسۃ المدینہ بالغان کے ڈویژن ذمہ دار محمد احمد رضا عطاری نے عاشقان رسول کو صدقہ کے فضائل و برکات پر مدنی پھول پیش کئےاورانہیں اپنے اپنے گھروں میں صدقہ بکس رکھنے کی ترغیب دلاتے ہوئے شرکا میں صدقہ بکس بھی تقسیم کئے گئے۔

اس موقع پر مجلس مدرسۃ المدینہ بالغان نے شیخوپورہ کابینہ کے مدنی عملہ نے 1300 بکس رکھوانے کا ہدف بھی لیا۔ (رپورٹ: محمد فیض فرید عطاری)

مجلس مدرسۃ المدینہ بالغان کے تحت شیخوپورہ کابینہ کی مارکیٹ میں لگنے والے مدرسۃ المدینہ بالغان کے مقامات پر شہدائے کربلا کے لئے ایصالِ ثواب کا اہتمام کیا گیا جس میں بالغان میں پڑھنے والے اسلامی بھائیوں نے شرکت کی۔ مدرسۃ المدینہ بالغان کے ڈویژن ذمہ دار احمد رضا عطاری نے درس کربلا کے موضوع پر سنتوں بھرا بیان کیا اور شرکا کو مدنی پھولوں سے نوازا۔ ڈویژن ذمہ دار نے اسلامی بھائیوں کو مدنی مذاکرہ دیکھنے کی بھی ترغیب دلائی۔ (رپورٹ: محمد کاشف عطاری)

دعوت اسلامی کے تحت مدرسۃ المدینہ بالغان کے ڈویژن ذمہ داراحمد رضا عطاری وار برٹن میں امیرسنی علماء کونسل مولانا محمد اشفاق احمد رضوی صاحب سے ملاقات کی۔ مولانا صاحب نے وار برٹن میں ہونے والے دعوت اسلامی کی دینی خدمات کو خوب سراہااور مزید ترقی کے لئے دعائیں کیں ۔

واضح رہے کہ وار برٹن میں دعوت اسلامی کے زیر اہتمام جامعۃ المدینہ امینیہ رضویہ محلہ عید گاہ، مدرسۃ المدینہ مدینہ مسجد، جامعۃ المدینہ للبنات مکہ کالونی، مدرسۃ المدینہ ویگن سٹینڈاور جامع مسجد فیضان سید الشہداء مکہ کالونی قائم ہے جبکہ مسجد غوث الاعظم حسن کالونی اور مسجد فیضان مدینہ زم زم محمدی کالونی زیر تعمیر ہے۔ اسی مقام پر دعوت اسلامی کے زیر اہتمام مستحقین میں راشن کی تقسیم کاری، بلڈ ڈونیشن کیمپ اور شجر کاری کا سلسلہ جاری ہےنیز عنقریب واربرٹن میں کئی پلاٹس میں مدارس اور مساجد کی تعمیر شروع کی جائیگی۔

دعوت اسلامی کی مجلس رابطہ بالعلماء کے ریجن ذمہ دار محمدظہیر عباس عطاری مدنی نے دارالعلوم جلالیہ مظہر الاسلام کھاریاں کے مہتمم و سنی علماءکونسل کے صدر مولانا اختر حسین جلالی صاحب سے ملاقات کی۔ ریجن ذمہ دار نے انہیں دعوت اسلامی کی دینی و فلاحی خدمات سے آگاہ کرتے ہوئے ” ماہنامہ فیضان مدینہ“ تحفے میں پیش کیا۔

اسی مجلس رابطہ بالعلماء کے ریجن ذمہ دار محمد ظہیر عباس عطاری مدنی نے امیر تحریک تحفظ اسلام پاکستان و دارالعلوم جلالیہ ختم نبوت کے مہتمم مولانا محمد ثاقب شکیل جلالی صاحب سے ملاقات کی۔ ریجن ذمہ دار نے انہیں دعوت اسلامی کی دینی و فلاحی خدمات سے آگاہ کرتے ہوئے ”ماہنامہ فیضان مدینہ“ تحفے میں پیش کیا۔

مجلس رابطہ بالعلماء کے ریجن ذمہ دار محمد ظہیر عباس عطاری مدنی نے جامعہ اسلامیہ G.T روڈ کھاریاں میں مولانا غازی محمد مسعود احمد قادری صاحب ملاقات کی۔ ریجن ذمہ دار نے انہیں دعوت اسلامی کی دینی و فلاحی خدمات سے آگاہ کرتے ہوئے ” ماہنامہ فیضان مدینہ“ تحفے میں پیش کیا۔

اسی مجلس رابطہ بالعلماء کے ریجن ذمہ دار محمد ظہیر عباس عطاری مدنی نے جامعہ امام اعظم ابوحنیفہ کے پرنسپل پروفیسر مولانا محمد اشفاق جلالی صاحب سے ملاقات کی۔ ریجن ذمہ دار نے انہیں دعوت اسلامی کی دینی و فلاحی خدمات سے آگاہ کرتے ہوئے ” ماہنامہ فیضان مدینہ“ تحفے میں پیش کیا۔