گزشتہ روز جوہر  ٹاؤن لاہور، پنجاب میں موجود اسپیشل ایجوکیشن کالج کے ہاسٹل میں عاشقانِ رسول کی دینی تحریک دعوتِ اسلامی کے تحت اسپیشل اسٹوڈنٹس (گونگے اور بہرے) کے لئے سیکھنے سکھانے کا حلقہ لگایا گیا ۔

حلقے کے دوران اسپیشل پرسنز ڈیپارٹمنٹ کے لاہور سٹی ذمہ دار عبد الوارث عطاری نے ”آپس میں محبت اور درودِ پاک کی فضیلت“ کے موضوع پر بیان کیا اور اسٹوڈنٹس کو اپنے والدین کا ادب و احترام کرنےکا ذہن دیا۔

اس کے علاوہ لاہور سٹی ذمہ دار نے اسٹوڈنٹس کی دیگر مختلف امور پر رہنمائی کی اور انہیں دعوتِ اسلامی کے دینی کاموں میں حصہ لینے کا ذہن دیا جس پر انہوں نے اچھی اچھی نیتیں کیں۔اس موقع پر پاکستان سطح کے اسپیشل ایجوکیشن ذمہ دار احمد اویس عطاری بھی موجود تھے۔(رپورٹ: محمد سمیرہاشمی عطاری اسپیشل پرسنز دیپارٹمنٹ ، کانٹینٹ:غیاث الدین عطاری)

صوبہ پنجاب پاکستان کے شہر ساہیوال میں دعوتِ اسلامی کے تحت 13 دسمبر 2024ء کو اسپیشل پرسنز کے لئے ماہانہ سنتوں بھرا اجتماع منعقد کیا گیا جس میں کثیر تعداد میں اسپیشل پرسنز اور دیگر عاشقانِ رسول نے شرکت کی۔

معمول کے مطابق اجتماع کا آغاز تلاوتِ کلامِ پاک و نعتِ رسول صلَّی اللہ علیہ واٰلہٖ وسلَّم سے ہوا جس کے جامعۃ المدینہ بوائز میاں چنوں کے مدرس و مبلغِ دعوتِ اسلامی نے بیان کیا جس کی اشاروں کی زبان میں ڈسٹرکٹ پاکپتن ذمہ دار شیخ محمد احمد عطاری نے ترجمانی کی۔

اجتماع کے دوران ڈویژن ذمہ دار زبیر عطاری نے اشاروں کی زبان میں دعا کروائی جبکہ ذمہ دار اسلامی بھائیوں نے اسپیشل پرسنز سے ملاقات کی۔(رپورٹ: محمد سمیرہاشمی عطاری اسپیشل پرسنز دیپارٹمنٹ ، کانٹینٹ:غیاث الدین عطاری)

ولیِ کامل ، سنتوں کے عامل ، شیخِ طریقت ، امیرِ اہل سنت حضرت علامہ مولانا محمدا لیاس عطار قادری دامت بَرَکَاتُہمُ العالیہ کے بڑے بیٹے اور جانشین حضرت مولانا حاجی عبید رضا عطاری مدنی مُدَّ ظِلُّہُ العالی آج 18 دسمبر 2024 ء بروز بدھ مدنی مرکز فیضانِ مدینہ ، مدینہ ٹاؤن سوساں روڈ فیصل آباد میں عاشقانِ رسول سے عام ملاقات فرمائیں گے۔

واضح رہے کہ فیضانِ مدینہ میں عصر کی نماز 4 بجکر 15 منٹ پر ادا کی جائے گی۔ جو عاشقانِ رسول جانشینِ امیر اہل سنت سے ملاقات کے خواہش مند ہیں وہ وقت کی پابندی کا خیال رکھتے ہوئے فیضانِ مدینہ پہنچ جائیں۔

یہ بھی واضح رہے کہ جانشینِ امیر اہل سنت ہر بدھ کو عموماً عالمی مدنی مرکز فیضانِ مدینہ کراچی میں عام ملاقات فرماتے ہیں ۔ اس وقت چونکہ آپ نجی مصروفیات کے سبب فیصل آباد میں موجود ہیں اس لئے اس بدھ کو آپ فیصل آباد کے مدنی مرکز میں عاشقانِ رسول سے ملاقات فرمائیں گے۔ 

دعوتِ اسلامی کے زیرِ اہتمام ڈھاکہ بنگلہ دیش میں 19 دسمبر 2024ء سے تین دن کا سنتوں بھر اجتماع شروع ہونے جارہا ہے جو 20 اور21 دسمبر  تک جاری رہے گا۔ اجتماع کا باقاعدہ آغاز 19 دسمبر کو صبح 10 بجے سے تلاوتِ قرآنِ پاک سے کیا جائے گا ۔

جمعرات، جمعہ ، ہفتہ کو ہونے والا یہ تین روزہ اجتماع ایشین سٹی، نزد حاجی کیمپ ایئرپورٹ ڈھاکہ میں منعقد ہوگا۔ اجتماع میں رکنِ شوریٰ حاجی علی عطاری اور رکن شوریٰ حاجی مبین علی عطاری سمیت مختلف مبلغینِ دعوتِ اسلامی خصوصی بیانات کریں گے۔

اجتماع کی تمام نشستیں مدنی چینل بنگلہ پر لائیو نشر کی جائیں گی جبکہ سوشل میڈیا کے ناظرین مدنی چینل بنگلہ کے یوٹیوب اور فیس بک پیجز پر بھی لائیو اسٹریمنگ کے ذریعے اجتماع کو دیکھ سکیں گے۔

بنگلہ دیش کے ذمہ داران نے بنگال کے تمام عاشقانِ رسول سے خصوصی درخواست کی ہے کہ تمام عاشقانِ رسول اجتماع گاہ پہنچیں اور اجتماع میں شروع سے آخر تک شرکت فرمائیں۔

اس موقع پر ذمہ داران کا کہنا تھا کہ اجتماع کی تمام تر تیاریاں مکمل کرلی گئی ہیں۔شامیانے نصب کردیئے گئے ہیں، ہر طرح کے حفاظتی اقدامات بھی کرلئے گئے ہیں جبکہ پارکنگ اور وضو خانوں سمیت تمام انتظامی امور پر بھی ورک ہوچکا ہے۔

بنگلہ دیش کے اسلامی بھائی اس اجتماع میں ضرور شرکت فرمائیں۔

5 دسمبر 2024ء کو فیضانِ صحابیات عطائے عطار کراچی میں دعوتِ اسلامی کے دینی کاموں کے سلسلے میں ڈویژن 2 کی ذمہ داران کا مدنی مشورہ ہوا جس میں ڈسٹرکٹ تا ٹاؤن نگران اور شعبہ مشاورت کی ذمہ دار اسلامی بہنوں نے شرکت کی۔

مدنی مشورے کی ابتدا میں نگرانِ عالمی مجلسِ مشاورت اسلامی بہن نے ”کوشش کامیابی کی کنجی ہے“ کے موضوع پر بیان کیا جبکہ صاحبزادیِ عطار سلمہا الغفار نے ٹیلی تھون 2024ء کے اہداف میں نمایاں کارکردگی کی حامل اسلامی بہنوں کو تحائف دیئے۔

مدنی مشورے کے اختتام پر تمام ذمہ دار اسلامی بہنوں نے صاحبزادیِ عطار سلمہا الغفار اور نگرانِ عالمی مجلسِ مشاورت سے ملاقات بھی کی۔ 

کراچی کے علاقے کلفٹن میں دعوتِ اسلامی کے تحت اسلامی بہنوں کے لئے 4 دسمبر 2024ء کو ہفتہ وار سنتوں بھرے اجتماع کا انعقاد کیا گیا جس میں اسلامی بہنوں کی کثیر تعداد نے شرکت کی جبکہ خصوصی طور پر صاحبزادیِ عطار سلمہا الغفار اور نگرانِ عالمی مجلسِ مشاورت کی آمد ہوئی۔

اجتماع کے آغاز میں معمول کے مطابق تلاوتِ قراٰن کی گئی اور نعت خوں اسلامی بہن نے پیارے آقا حضور خاتم النبیین صلَّی اللہ علیہ واٰلہٖ وسلَّم کی بارگاہِ اقدس میں نذرانۂ عقیدت پیش کیا۔

مبلغۂ دعوتِ اسلامی نے سنتوں بھرا بیان کیا جس میں انہوں نے حاضرین کی مختلف امور پر تربیت و رہنمائی کرتے ہوئے نیکی کی دعوت عام کرنے اور مزید اجتماعات شروع کروانے کی ترغیب دلائی۔ بعدازاں صاحبزادیِ عطار سلمہا الغفار نے دعا کروائی اور اسلامی بہنوں سے ملاقات بھی کی۔

عاشقانِ رسول کی دینی تحریک دعوتِ اسلامی کے تحت 3 دسمبر 2024ء کو بذریعہ انٹرنیٹ مدنی مشورہ ہوا جس میں اٹلی اور سوڈان کی ملک نگران اسلامی بہنوں نے مختلف اوقات میں آن لائن شرکت کی۔

اس دوران عالمی مجلسِ مشاورت کی نگران اسلامی بہن نے دعوتِ اسلامی کے دینی کاموں کےحوالے سے گفتگو کرتے ہوئے تقرری، کارکردگی، سفرِ شیڈول اور دینی کاموں میں درپیش مسائل کے متعلق تبادلۂ خیال کیا۔

عمان سے آئی ہوئی ایک اسلامی بہن کے اہل خانہ کے ایصالِ ثواب کے لئے 2 دسمبر 2024ء کو محفلِ نعت کا اہتمام کیا گیا جس میں قرب و جوار کی اسلامی بہنوں بالخصوص صاحبزادیِ عطار سلمہا الغفار اور نگرانِ عالمی مجلسِ مشاورت نے شرکت کی۔

محفلِ نعت میں تلاوت و نعت اور بیان کے بعد صاحبزادیِ عطار سلمہا الغفار نے فاتحہ خوانی کی جبکہ نگرانِ عالمی مجلسِ مشاورت اسلامی بہن نے مرحوم کے لئے دعا کروائی۔آخر میں وہاں موجود تمام اسلامی بہنوں نے صاحبزادیِ عطار سلمہا الغفار اور نگرانِ عالمی مجلسِ مشاورت سے ملاقات کی۔

درسِ قراٰن و حدیث عام کرنے والی عاشقانِ رسول کی دینی تحریک دعوتِ اسلامی کے تحت 30 نومبر 2024ء کو ایک مدنی مشورے کا انعقاد ہوا جس میں عالمی مجلسِ مشاورت آفس کی ذمہ دار اسلامی بہنیں  شریک ہوئیں۔

دعوتِ اسلامی کی نگرانِ عالمی مجلسِ مشاورت اسلامی بہن نے ذمہ دار اسلامی بہنوں سے دینی کاموں کے متعلق گفتگو کی اور سابقہ کارکردگی کا جائزہ لیتے ہوئے اس میں مزید بہتری لانے نیز فالو اپ کو مضبوط کرنے پر مشاورت کی۔

دعوتِ اسلامی کے تحت اسلامی بہنوں کے درمیان ہونے والے دعائے حاجات اجتماع کے مدنی پھولوں کے سلسلے میں 30 نومبر 2024ء کو آن لائن میٹنگ ہوئی جس میں تمام سب کانٹیننٹ نگران اور شعبہ ذمہ دار اسلامی بہنیں شریک ہوئیں۔

دعوتِ اسلامی کی نگرانِ عالمی مجلسِ مشاورت اسلامی بہن نے اسلامی بہنوں سے گفتگو کرتے ہوئے دینی کاموں کی کارکردگی کا جائزہ لیا اور انہیں مدنی پھولوں سے نوازا جس پر انہوں نے اچھی اچھی نیتوں کا اظہار کیا۔

کراچی کے علاقے لیاری ٹاؤن 1 میں دعوتِ اسلامی کے تحت 29 نومبر 2024ء کو سنتوں بھرا اجتماع منعقد کیا گیا  جس میں مقامی تمام ذمہ داران اور دیگر اسلامی بہنوں نے شرکت کی جبکہ خصوصی طور پر صاحبزادیِ عطار سلمہا الغفار اور نگرانِ عالمی مجلسِ مشاورت کی بھی آمد ہوئی۔

اجتماع کا آغاز معمول کے مطابق تلاوتِ قراٰن و نعتِ رسولِ مقبول صلَّی اللہ علیہ واٰلہٖ وسلَّم سے کیا گیا جس کے بعد نگرانِ عالمی مجلسِ مشاورت اسلامی بہن نے سنتوں بھرا بیان کیااور اسلامی بہنوں کو اپنی اصلاح کرنے، نیکی کے کاموں میں حصہ لینے، دینی کام بڑھانے سمیت دیگر اہم امور پر اُن کی تربیت کی۔آخر میں صاحبزدایِ عطار نے دعا کروائی اور وہاں موجود اسلامی بہنوں نے اُن سے ملاقات بھی کی۔ 

27 نومبر 2024ء کو عالمی سطح کی دینی تحریک دعوتِ اسلامی کے تحت USA کی خواتین کے درمیان سنتوں بھرا اجتماع منعقد ہوا جس میں نگرانِ عالمی مجلسِ مشاورت کی آن لائن شرکت ہوئی۔