پچھلے دنوں دعوتِ اسلامی کی مرکزی مجلسِ شوریٰ کے رکن حاجی فضیل رضا عطاری کی کراچی سے آئی ہوئی شخصیات کے ہمراہ سندھ کےشہر  حیدر آباد میں قائم جامعۃالمدینہ برائے نابینا افراد ہالہ ناکہ قادر ایونیو میں آمد ہوئی۔

اس دوران رکنِ شوریٰ نے شخصیات کے ہمراہ جامعۃالمدینہ کا وزٹ کرتے ہوئے وہاں موجود نابینا طلبۂ کرام سے ملاقات کی نیز طلبۂ کرام کو موسم سرما میں سردی سے حفاظت کے لئے کمبل اور سویٹرپیش کئے گئے۔بعدازاں نابینا بچوں کی دل جوئی کے لئے رکنِ شوریٰ نے اُن کے ساتھ کھانا تناول کیا اور انہیں مدنی پھولوں سے نوازا۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ دعوتِ اسلامی، کانٹینٹ: غیاث الدین عطاری)

ہر ادارے کو اپنے معیار میں بہتری، افرادی قوت کے سیکھنے  کی صلاحیتوں میں اضافے ، مؤثر انتظامی ٹیم قائم کرنے اور اسے برقرار رکھنے کے لئے تربیت کی ضرورت رہتی ہے۔ بہترین تربیت کسی بھی ادارے کی ترقی کا باعث بنتی ہے۔ افرادی قوت کی تربیت سے پیشہ ورانہ مہارتوں میں اضافہ کیا جاتا ہے۔

پچھلے دنوں دعوتِ اسلامی کے تحت عالمی مدنی مرکز فیضان مدینہ کراچی میں شعبہ فیضان اسلامک اسکول سسٹم کی 3 دن پر مشتمل تربیتی نشست کا سلسلہ ہوا۔

معلومات کے مطابق اس تربیتی نشست کے پہلے دن ڈائریکٹر ٹریننگ ریسرچ اینڈ ڈیولپمنٹ فرید احمد عطاری نے سافٹ اسکلز کا تعارف پیش کیا اور اس کی اہمیت پر روشنی ڈالی جبکہ مولانا فراز مدنی نے کامیاب پبلک ڈیلنگ کی خصوصیات سے آگاہ کرتے ہوئے غلط پبلک ڈیلنگ کے نتائج سے آگاہ کیااورمسائل کو حل کرنے کے لئے حکمت عملی بھی بیان کی ۔ اُن کا کہنا تھا کہ مسکرانا سنت ہے، مسکراہٹ غیر لفظی ابلاغ کا مؤثر ذریعہ ہے۔بعدازاں فیضان اسلامک اسکول سسٹم کے صوبائی ذمہ دار مدنی رضا عطاری نے ادارے کی ترقی میں مارکیٹنگ کے شعبے کی اہمیت بیان کی۔

تربیتی نشست کے آخر میں رُکنِ مرکزی مجلسِ شوریٰ حاجی محمد اطہر عطاری نے بنیادی تعلیم اور بہترین تربیت پر سنتوں بھرا بیان کرتے ہوئے کہا:ہمیں اپنے بچوں کی تربیت اس طرح کرنی چاہیے کہ ان کے عقائد درست ہوسکیں، اُن کے باطن کی پاکیزگی ہوسکے، اُن کے ظاہری اعمال درست ہوسکیں۔

صوبہ ٔپنجاب پاکستان کے شہر لاہور میں 24 دسمبر 2022ء کو عاشقانِ رسول کی دینی تحریک دعوتِ اسلامی کے مدنی مرکز فیضانِ مدینہ جوہر ٹاون لاہور میں جزوقتی معلم (ٹیچر) کورس ہوا جس میں ڈویژن کے تمام آئمۂ کرام نے شرکت کی۔

ڈویژن ذمہ دار سیّد فرقانُ الحق عطاری نے کورس میں شریک اسلامی بھائیوں کی شعبہ مدنی کورسز کے تحت ہونے والے فرض علوم پر مشتمل مختلف کورسز کروانے کے اسکلز پر تربیت کی نیز انہیں تمام مدنی مراکز، مساجد ، مارکیٹس،تعلیمی اداروں میں شعبے کے تحت فیضانِ نماز کورس سمیت دیگر کورسز کروانے کا ذہن دیا جس پر شرکا نے اچھی اچھی نیتوں کا اظہار کیا۔(رپورٹ : محمداحمد سیالوی عطاری رکن مجلس مدنی کورسز ، کانٹینٹ: رمضان رضا عطاری)

اسپیشل پرسنز ڈیپارٹمنٹ عوتِ اسلامی کے تحت اسپیشل پرسنز کا برلب دریا جہلم پنجاب میں  سنتوں بھرا اجتماع ہوا جس میں کثیر تعداد میں اسپیشل پرسنز نے شرکت کی۔

مرکزی مجلس ِشوریٰ کے رکن مولانا حاجی محمد اسد عطاری مدنی نے سنتوں بھرا بیان کیا اور دعا بھی فرمائی ۔ بعد اجتماع شرکا نے رکنِ شوریٰ مولانا حاجی اسد عطاری مدنی اور رکنِ شوری ٰحاجی بغداد عطاری سے ملاقات بھی کی۔

اس موقع پر نگرانِ اسپیشل پرسنز ڈیپارٹمنٹ سیّد عمیر ہاشمی عطاری ، محمد حنیف عطاری ، میڈیا ڈیپارٹمنٹ اسپیشل پرسنز ذمہ دار محمد سمیر ہاشمی عطاری ، پنجاب صوبائی ذمہ دار وقاص عطاری سمیت دیگر ذمہ داران بھی موجود تھے۔ (رپورٹ : محمد سمیر ہاشمی عطاری اسپیشل پرسنز ڈیپارٹمنٹ دعوتِ اسلامی، کانٹینٹ: رمضان رضا عطاری)

گزشتہ روز کراچی کے علاقے پرانی سبزی منڈی میں قائم دعوتِ اسلامی کے عالمی مدنی مرکز فیضانِ مدینہ میں بعد نمازِ نمازِ فجر امیرِ مدنی قافلہ کورس کے اسلامی بھائیوں کے لئے سیکھنے سکھانے کا حلقہ لگایا گیا۔

دورانِ حلقہ مرکزی مجلسِ شوریٰ کے رکن حاجی محمد امین عطاری نے شرکا کے درمیان سنتوں بھرا بیان کیا اور انہیں دعوتِ اسلامی کے تحت ملک و بیرونِ ملک میں نیکی کی دعوت عام کرنے کا ذہن دیا۔

علاوہ ازیں رکنِ شوریٰ نے شرکائے کورس کو اخلاص کے ساتھ دینی کام کرتے ہوئے دینی ماحول سے ہر دم وابستہ رہنے کی ترغیب دلائی جس پر انہوں نے اچھی اچھی نیتیں کیں۔( کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت 28 دسمبر 2022ء بروز بدھ بحریہ ٹاؤن کراچی میں مدنی مشور کا انعقاد ہوا جس میں مقامی ذمہ داران اور مبلغینِ دعوتِ اسلامی نے شرکت کی۔

اس مدنی مشورے میں مرکزی مجلسِ شوریٰ کے رکن حاجی محمد امین عطاری نے دعوتِ اسلامی کے 12 دینی کاموں کے حوالے سے چند اہم نکات پر گفتگو کی اور انہیں مدنی پھولوں سے نوازا۔

رکنِ شوریٰ نے اسلامی بھائیوں کو بھرپور انداز میں نیکی کی دعوت عام کرنے اور دینی کاموں میں مزید بہتری کے لئے آئندہ کے اہداف دیئے جس پر انہوں نے اچھی اچھی نیتیں کیں۔( کانٹینٹ:غیاث الدین عطاری)

پچھلے دنوں دعوتِ اسلامی کے تحت پنجاب پاکستان کے شہرملتان میں مدنی مشورے کا انعقاد ہوا جس میں پاکستان مشاورت و پاکستان سطح کی ادارتی و غیر ادارتی شعبہ ذمہ دار اسلامی بہنیں شریک ہوئیں۔

معلومات کے مطابق اس مدنی مشورے میں نگرانِ پاکستان مجلس مشاورت اسلامی بہن نے اسلامی بہنوں سے مختلف موضوعات پر گفتگو کرتے ہوئےانہیں ماہِ رمضان کے متعلق مدنی پھول بیان کئے نیز تنظیمی طریقۂ کار کے مطابق ڈونیشن جمع کرنے کے حوالے سے شرکا کی تربیت کی۔

علاوہ ازیں نگرانِ پاکستان مجلسِ مشاورت نے چند شعبہ ذمہ داران کے دینی کاموں کا جائزہ لیا جبکہ شعبہ جات کے دینی کاموں کو مزید بڑھانے کے لئے اسلامی بہنوں نے اپنے اپنے مشورے و تجاویز کئے ۔آخر میں نگرانِ پاکستان مجلسِ مشاورت اسلامی بہن نے اسلامی بہنوں کی جانب سے ہونے والے سوالات کے جوابات دیئے۔

عاشقانِ رسول کی دینی تحریک دعوتِ اسلامی کے تحت ملتان سٹی کے شالیمار ٹاؤن میں پاکستان مشاورت اور پاکستان سطح کی ادارتی و غیر ادارتی شعبہ ذمہ داران کا مدنی مشورہ منعقد ہوا۔

دورانِ مدنی مشورہ نگرانِ پاکستان مجلسِ مشاورت اسلامی بہن نے شعبہ جات کے مختلف دینی کاموں کا جائزہ لیا جبکہ شعبہ کے دینی کاموں کو بڑھانے کے لئے ذمہ داران نے اپنے اپنے مشورے و تجاویز پیش کئے نیز سوال و جواب کا بھی سلسلہ رہا۔

بعدازاں نمایاں کارکردگی پر اسلامی بہنوں کے درمیان تحائف اورتبرکات تقسیم کئے گئے ۔مدنی مشورے کا اختتام دعا اورصلوۃ و سلام پر کیا گیا۔

دعوتِ اسلامی کے تحت پچھلے دنوں ملتان سٹی کے شالیمار ٹاؤن میں پاکستان مشاورت اور پاکستان سطح کی ادارتی و غیر ادارتی شعبہ ذمہ دار اسلامی بہنوں کی میٹنگ منعقد ہوئی۔

اس موقع پر نگرانِ پاکستان مجلسِ مشاورت اسلامی بہن نے ”حوصلہ افزائی کی اہمیت “سے متعلق اسلامی بہنوں کی تربیت کرتے ہوئے شعبہ جات کے مختلف دینی کاموں کا جائزہ لیا۔

اس کے علاوہ نگرانِ پاکستان مجلسِ مشاورت اسلامی بہن نےشعبہ جات کے دینی کاموں کو بڑھانے کے لئے چند اہم نکات پر مشاورت کی جس پر ذمہ دار اسلامی بہنوں نے مدنی مشورے میں اپنی اپنی تجاویز دیں نیز سوال و جواب کا بھی سلسلہ رہا۔

دورانِ مدنی مشورہ مرکزی مجلسِ شوریٰ کے رکن ونگرانِ پاکستان مشاورت حاجی محمد شاہد عطاری اور رکنِ شوریٰ مولانا ابو ماجد حاجی محمد شاہد عطاری مدنی نے بذریعہ آڈیو لنک اسلامی بہنوں کی دینی کاموں کی کارکردگی کا جائزہ لیا اور نمایاں کارکردگی پراُن حوصلہ افزائی فرمائی جبکہ کمزوریوں پر توجہ دلاتے ہوئے دینی کاموں کو مزید بڑھانے کے لئے مدنی پھولوں سے نوازا۔

اسلامی بھائیوں کے ساتھ ساتھ اسلامی بہنوں کو قراٰن و حدیث کی تعلیمات سے آگاہ کرنے والی عاشقانِ رسول کی دینی تحریک دعوتِ اسلامی کے زیرِا ہتمام یوکے میں قائم جامعۃالمدینہ گرلز میں رداپوشی اجتماع منعقد ہوا جس میں طالبات سمیت ذمہ دار اسلامی بہنوں نے شرکت کی۔

ابتداءً تلاوتِ قراٰنِ پاک کی گئی اور مبلغۂ دعوتِ اسلامی نے حضور سرورِ عالم صلی اللہ علیہ و سلم کی بارگاہ میں نذارنۂ عقیدت پیش کیا جبکہ نگرانِ عالمی مجلسِ مشاورت اسلامی بہن اس اجتماع میں بذریعہ انٹرنیٹ شریک ہوئیں۔

اس دوران نگرانِ عالمی مجلسِ مشاورت نے سنتوں بھرا بیان کرتے ہوئے جامعۃالمدینہ گرلز یوکے سے فارغ التحصیل ہونے والی طالبات کی ذہن سازی کی اور انہیں دعوتِ اسلامی کے دینی کاموں میں شمولیت اختیار کرنے کا ذہن دیا۔

علاوہ ازیں نگرانِ عالمی مجلسِ مشاورت نے شرکا کو دینِ اسلام کی تعلیمات کے مطابق اپنی زندگی گزارنے نیز دعوتِ اسلامی کے دینی ماحول سے ہر دم وابستہ رہنے کی ترغیب دلائی۔

پچھلے دنوں عالمی سطح پر لوگوں کو نیکی کی دعوت دینے اور اُن کی دینی و اخلاقی تربیت کرنے والی عاشقانِ رسول کی دینی تحریک دعوتِ اسلامی کے زیرِا ہتمام آسٹریلیا کے شہر ایڈیلیڈ میں ذمہ دار اسلامی بہنوں کا مدنی مشورہ ہوا۔

تفصیلات کے مطابق ابتداءً نگرانِ ایڈیلیڈ اسلامی بہن نے مختلف مقامات پر مدرسۃالمدینہ بالغات شروع کروانے کے حوالے سے چند اہم امور پر گفتگو کی نیز ایڈیلیڈ کابینہ میں دعوتِ اسلامی کے تحت انگلش زبان میں سنتوں بھرے اجتماعات اور کورسز کرنے پر کلام کیا گیا۔

ملک و بیرونِ ملک میں اسلامی بہنوں کے درمیان ہونے ولے دینی کاموں کا جائزہ لینے کے لئے پچھلے دنوں ریجن فارایسٹ کے ملک تھائی لینڈ کی اسلامی بہنوں کا آن لائن مدنی مشورہ ہوا جس میں مقامی ذمہ داران شریک ہوئیں۔

معلومات کے مطابق اس مدنی مشورے میں نگرانِ عالمی مجلسِ مشاورت اسلامی بہن نے ذمہ دار اسلامی بہنوں سے مختلف امور پر گفتگو کی اور تھائی لینڈ میں سنتوں بھرے اجتماعات کرنے نیز ہفتہ وار رسالہ اور مدنی مذاکرے کی کارکردگی دینے کا ذہن دیا۔

بعدازاں نگرانِ عالمی مجلسِ مشاورت نے تھائی لینڈ میں دعوتِ اسلامی کے تحت مختلف شارٹ کورسز کروانے پر تبادلۂ خیال کیا جس پر ذمہ دار اسلامی بہنوں نے اپنی اپنی رائے پیش کی۔