دعوتِ اسلامی کی مجلس نشر و اشاعت کے زیرِ اہتمام 10 جنوری 2020ء   کو مدنی مرکز فیضانِ مدینہ جوہر ٹاؤن نزد ایکسپو سینٹر لاہور میں صحافی اجتماع ہونے جارہا ہے جس میں رکنِ شوریٰ حاجی یعفور رضا عطاری سنتوں بھرا بیان فرمائیں گے۔ اجتماعِ پاک میں ریجن بھر سے صحافی شرکت کریں جنہیں بیان کے بعد مختلف شعبہ جات کا وزٹ کروایا جائے گا۔ 

نیو ایئر نائٹ  کے موقع پر عالمی مدنی مرکز فیضانِ مدینہ میں مدنی مذاکرے کا انعقاد

بانیِ دعوتِ اسلامی نے گزشتہ سال کے اعمال کا محاسبہ کرنےاور آئندہ سال میں اچھے اعمال کرنے کا ذہن دیا

تفصیلات کے مطابق گزشتہ رات (31 دسمبر اور1 جنوری کی درمیانی شب) نیو ایئر نائٹ کے موقع پر گزشتہ سال کے اعمال کا محاسبہ کرنےاور آنے والے سال میں اچھے اعمال کے لئے کمر بستہ ہونے کے لئے عالمی مدنی مرکز فیضانِ مدینہ میں مدنی مذاکرے کا انعقاد کیا گیا جس کا آغاز تلاوتِ کلامِ رحمٰن، نعتِ رسول صلَّی اللہ تعالٰی علیہ واٰلہٖ وسلَّم سے ہوا ۔ ابتداءً رکنِ شوریٰ حاجی امین عطاری و دیگر مبلغین نے مدنی پھولوں کا تبادلہ کیا جس کے بعد عالمی مذہبی اسکالر امیرِ اہلِ سنت حضرت علامہ مولانا محمد الیاس عطار قادریدَامَتْ بَرَکَاتُہُمُ الْعَالِیَہ نے عاشقانِ رسول کی جانب سے پوچھے گئے سوالات کے جوابات ارشاد فرمائے۔

رات12 بجے سے کچھ لمحے پہلے(تقریباً 11:57 پر) امیرِ اہلِ سنت دَامَتْ بَرَکَاتُہُمُ الْعَالِیَہ اور دیگر عاشقانِ رسول نے ترنم میں درودِ پاک کا ورد شروع کردیا جس کا سلسلہ 12 بجے کے بعد تک جاری رہا۔ ملک بھر میں جہاں لوگ مختلف مقامات پر جمع ہوکر آتش بازی کا مظاہرہ کرکے ربِّ کریم کی ناراضگی کا سامان کررہے تھے عین اس وقت دعوتِ اسلامی کے مدنی مرکز کی فضاء مصطفےٰ جانِ رحمت صلَّی اللہ علیہ واٰلہٖ وسلَّم سے سچی محبت و عقیدت کا اظہار کرتے ہوئے صلاۃ و سلام سے گونج رہی تھی۔

آخر میں امیرِ اہلِ سنت دَامَتْ بَرَکَاتُہُمُ الْعَالِیَہ نے نئے آنے والے سال میں عالمِ اسلام اور بالخصوص وطنِ عزیز کی سالمیت و بقا اور ترقی کے لئے دعائیں کیں ۔

نیوایئر نائٹ   گزاریں دعوتِ اسلامی کے ساتھ

مدنی مذاکرہ 9:30 پر شروع ہوجائے گا، رات 12 بجے درود و سلام پڑھا جائے گا

آج رات 12 بجے سے سال 2020 کا آغاز ہونے جارہا ہے۔ سالِ نَو کے آغاز کے موقع پر مسلمانوں بالخصوص نوجوانوں کو گناہوں سے بچانے کے عظیم جذبے کے تحت دعوتِ اسلامی کے عالمی مدنی مرکز فیضانِ مدینہ کراچی میں مذاکرے کا سلسلہ کیا جارہا ہے۔ مدنی مذاکرے کا آغاز 9:30 سے ہوگا جس میں عالمی مذہبی اسکالر امیر اہلِ سنت علامہ مولانا محمد الیاس عطار قادری دَامَتْ بَرَکَاتُہُمُ الْعَالِیَہ عاشقانِ رسول کے سوالات کے جوابات ارشاد فرمائیں گے۔

مدنی مذاکرے دیکھنے/سننے والے عاشقانِ رسول کو امیرِ اہلِ سنت دَامَتْ بَرَکَاتُہُمُ الْعَالِیَہ نےخصوصی دعاؤں سے بھی نوازا ہے

دعائے عطار

یا ربَّ المصطَفےٰ! جو کوئی ”نیو ایئر نائٹ“ عالمی مَدَنی مرکز فیضانِ مدینہ کراچی میں ہونے والے مَدَنی مذاکرے میں آکر یا مَدَنی چینل پر گزارے یا دوسروں کو اِس کی دعوت دے، ساتھ لے کر آئے، یا مِل جُل کر مدنی چینل پر دیکھنے دکھانے کی ترکیب کرے اُس کی حلال روزی میں برکت دے اور ایمان کی سلامتی و مغفرت اُس کا مقدر کردے۔ اٰ مِیْن بِجَاہِ النَّبِیِّ الْاَمِیْن صلَّی اللہ تعالٰی علیہ واٰلہٖ وسلَّم

(31/12/2019)

مجلس توقیت (دعوتِ اسلامی)کے زیرِ اہتمام عالمی مدنی مرکز فیضانِ مدینہ کراچی میں تین روزہ علمِ توقیت کورس جاری ہے۔

کورس کے پہلے روز (یعنی 29 دسمبر کو) ماہرِ علم توقیت مولانا وسیم عطاری نے شرکا کی ان نکات پر تربیت کی:

٭علم ِ توقیت سیکھنے کے شرعی احکام، ہمارے بزرگانِ دین نے اس علم پر کیا کام کیا ہے؟٭ نصفِ نہار حقیقی اور نصف نہار شرعی کیا ہوتا ہے، اس میں فرق کیا ہے؟ ٭دنیا میں کون سے ممالک میں 6 ماہ دن اور 6 ماہ رات رہتی ہے،ایسا کیوں ہوتا ہے؟٭ موسم میں تبدیلی کیوں ہوتی رہتی ہے؟٭ معیاری گھڑی اور بلدی گھڑی میں کیا فرق ہے؟٭ ممالک کی گھڑیوں میں فرق کیوں ہوتا ہے؟٭ عالمی گھڑی کیا ہے؟ کہاں ہے؟ اس کے فوائد کیا کیا ہیں؟ ٭ طلوع و غروب کب ہوتا ہے؟اس کا وقت نکالنے کا طریقہ کیا ہے؟ ٭زوال کا وقت کب ہوتا ہے؟٭ مکروہ اوقات کون کون سے ہیں؟ ان کا وقت کیسے نکلتا ہے؟ ٭D.S.T کیا ہے؟ اور کون کون سے ممالک اس کو استعمال کرتے ہیں؟٭ اُفُق کیا ہے؟ اس کی مقدار کیا ہے؟٭ بلندی کے سبب اوقات کار میں کیا فرق آتا ہے؟

25دسمبر2019ء بروز بدھ عالمی مدنی مرکز فیضانِ مدینہ کراچی میں مجلس المدینہ العلمیہ کے اسلامی بھائیوں کا سنّتوں بھرا اجتماع منعقد ہوا ۔ یہ اجتماع مرکزی جامعۃ المدینہ کے درجہ دورۃ الحدیث شریف میں ہوا جس میں شیخ الحدیث والتفسیر مفتی قاسم عطاری مَدَّظِلُّہُ الْعَالِی نے سنّتوں بھرا بیان کیا اور شرکا کو مختلف امور( مطالعہ ، وقت کی اہمیت ،زہدوتقویٰ وغیرہ) کے حوالے سے اہم نکات فراہم کئے۔ مفتی صاحب نے کثیر التصانیف علما و بزرگانِ دین رحمہم اللہ المبین کےنام بھی بیان کئے۔واضح رہے! اس اجتماعِ پاک میں رکنِ شوریٰ حاجی ابو ماجد محمد شاہد عطاری مدنی بھی موجود تھے۔

کراچی (اسٹاف رپورٹر)دعوتِ اسلامی کے عالمی مدنی مرکز فیضانِ مدینہ کراچی میں سورج گرہن کی نماز (نمازِ کسوف)ادا کردی گئی۔نماز سے قبل رکنِ شوریٰ حاجی امین عطاری نے سورج گرہن سے متعلق خصوصی بیان فرمایا جس کے بعد عالمی مدنی مرکز فیضانِ مدینہ کے امام صاحب مولانا جنید عطاری مدنی کی امامت میں نمازِ کسوف ادا کی گئی۔ نمازکے بعد سینکڑوں فرزندانِ اسلام نے گڑگڑا کر اللہ پاک کی بارگاہ میں گناہوں سے توبہ کی اور ملکی سلامتی، ترقی اور خوشحالی کے لیے خصوصی دعائیں مانگیں۔ عالمی مدنی مرکز میں سورج گرہن کی نماز کے سلسلے میں ہونے والے اس اجتماع میں اراکینِ شوریٰ اور اسلامی بھائیوں کی بڑی تعداد نے شرکت کی۔

کراچی(اسٹاف رپورٹر) دعوتِ اسلامی کے زیرِ اہتمام 26 دسمبر 2019ء  بروز جمعرات عالمی مدنی مرکز فیضانِ مدینہ کراچی میں ہفتہ وار سنتوں بھرااجتماع منعقد ہوگا جس میں جانشینِ امیرِ اہلِ سنّت مولانا عبید رضا عطاری مدنی مَدَّظِلُّہُ الْعَالِی سنتوں بھرا بیان فرمائیں گے۔

واضح رہے! صرف اس جمعرات کو عالمی مدنی مرکز میں عشاء کی نماز 7:30 پر ہوگی اور ہفتہ وار اجتماع عشاء کے بعد تقریباً 8:00 بجے شروع ہو گا ۔ یہ اجتماع مدنی چینل پر براہ راست نشر کیا جائے گا۔

تمام عاشقانِ رسول سے گزارش کی جاتی ہے کہ آپ بھی اپنے شہر میں ہونے والے سنتوں بھرے اجتماع میں ضرور شرکت فرمائیں۔ آپ کے قریب میں ہفتہ وار سنتوں بھرا اجتماع کہاں ہوتا ہے یہ جاننے کے لئے درج ذیل لنک پر کلک کیجئے۔

https://www.dawateislami.net/map/ijtema

شعبہ تعلیم (دعوت اسلامی) کے تحت عالمی مدنی مرکز فیضان مدینہ کراچی میں تین دن کا بارہ مدنی کام کورس کا آغاز 21 دسمبر بروز ہفتہ سے شروع ہوچکا ہے جس میں کراچی اور حیدرآباد ریجن، ادارہ/ یونیورسٹی تاریجن ذمہ داران اور تعلیمی اداروں سے وابستہ دیگر اسلامی بھائی شرکت کی سعادت حاصل کر رہے ہیں۔کورس میں اراکینِ شوریٰ اور مبلغینِ دعوتِ اسلامی مختلف مدنی حلقوں میں شرکا کی تربیت فرمائیں گے۔

(اسٹاف رپورٹر، لاہور)مدنی مرکز فیضانِ مدینہ کاہنہ نو لاہور میں 13 دسمبر 2019ء بروز جمعہ کو عظیم الشان قافلہ اجتماع منعقد کیا گیا جس میں دعوتِ اسلامی کی مرکزی مجلسِ شوریٰ کے نگران مولانا محمد عمران عطاری نے سنتوں بھرا بیان فرمایا۔ نگرانِ شوریٰ کا کہنا تھا کہ نیکی کی دعوت دینا بڑی سعادت کی بات ہے،جب کبھی برائی دیکھیں اور روکنے کی طاقت رکھتے ہوں تو ضرور روکیں۔آپ کا کہنا تھا کہ پیغمبرِ اسلام علیہ السلام نے دین کی خاطر بہت قربانیاں دی ہیں، خلفائے راشدین علیہمُ الرِّضوان نے قربانیاں دیں،نواسۂ رسول حضرت سیدنا امام حسین رضی اللہ تعالٰی عنہ، امام اعظم، امام شافعی، امام احمد بن حنبل رحمۃ اللہ تعالٰی علیہم نے بھی خوب قربانیاں دیں،ان حضرات نے دشمنانِ اسلام کی جانب سے تکالیف دیئے جانے کے باوجود بھی نیکی کی دعوت ترک نہ کی لہٰذا ہمیں بھی اگر دین کی راہ میں مسائل آئیں تو اپنے بزرگانِ دین کے راستے پر چلتے ہوئے صبر کرنا چاہیئے۔

اجتماعِ پاک میں جانشینِ عطار مولانا عبید رضا عطاری مَدَّظِلُّہُ الْعَالِی، اراکینِ شوریٰ حاجی محمد شاہد عطاری، حاجی عبدالحبیب عطاری،حاجی سید ابراہیم عطاری، حاجی یعفور رضا عطاری ،حاجی امین عطاری، حاجی امین قافلہ عطاری، حاجی منصور رضا عطاری، حاجی علی رضا عطاری،حاجی اسلم عطاری، حاجی رفیع العطاری ، حاجی برکت علی عطاری اور ذمہ دارانِ دعوتِ اسلامی سمیت عاشقانِ رسول کی بڑی تعداد نے شرکت کی۔

پچھلے دنوں معروف صحافی و اینکر پرسن عادل عباسی دعوت اسلامی کے عالمی مدنی مرکز فیضانِ مدینہ کراچی کے  دورے پر آئے۔ مجلس نشر و اشاعت کے ذمہ داران نے انہیں عالمی مدنی مرکز میں قائم المدینۃ العلمیہ اور مدنی چینل سمیت مختلف شعبہ جات کا وزٹ کروایا اور متعلقہ شعبے کے بارے میں بریفنگ دی۔ عادل عباسی نے بانیِ دعوتِ اسلامی علامہ مولانا محمد الیاس عطاری قادری دَامَتْ بَرَکَاتُہُمُ الْعَالِیَہ، نگرانِ شوریٰ مولانا محمد عمران عطاری سمیت مختلف ذمّہ داران سے ملاقات کی۔ اس کے بعد عادل عباسی نے گلشنِ اقبال کراچی میں قائم دارالمدینہ کا وزٹ بھی کیا جہاں رکنِ مجلس مدنی چینل اور دیگر ذمّہ داران نے انہیں مختلف شعبہ جات کا تعارف پیش کیا۔

11 دسمبر 2019ء کو عالمی مدنی مرکز فیضانِ مدینہ کراچی میں المدینۃ العلمیہ کے شعبہ ذمہ داران کا اجلاس ہوا جس میں دعوتِ اسلامی کی مرکزی مجلسِ شوریٰ کے رکن حاجی ابوماجد محمد شاہد عطاری مدنی نے خصوصی شرکت فرمائی اور اہم امور پر ذمہ داران کی تربیت فرمائی۔ رکنِ شوریٰ نے ذمہ داران کو اپنے شعبے کے اہداف بنانے اور شعبے کے کاموں میں مزید بہتری لانے کا ذہن بھی دیا۔ اجلاس میں ناظم و رکنِ مجلس المدینۃ العلمیہ محمد آصف خان عطاری مدنی بھی شریک تھے جنہوں نے ذمہ داران کی جانب سے پوچھے جانے سوالات کے جوابات اور پیش آنے والے مسائل کے ممکنہ حل پیش کئے۔

مرکزی جامعۃ المدینہ  فیضانِ مدینہ عالمی مدنی مرکز کراچی میں 11 دسمبر 2019ء کو سنتوں بھرے اجتماع کا اہتمام کیا گیا جس میں مبلغِ دعوتِ اسلامی و رکنِ مجلس المدینۃ العلمیہ محمد عدنان چشتی عطاری مدنی نے سنتوں بھرا بیان فرمایا اور تحریر کی اہمیت بیان کرتے ہوئے ماہنامہ فیضانِ مدینہ کے تحریری مقابلے میں حصہ لینے کا ذہن دیا۔ اس موقع پر ماہنامہ فیضانِ مدینہ کی بکنگ کے حوالے سے اسٹال بھی لگایا گیا۔

یاد رہے! اس وقت مرکزی جامعۃ المدینہ فیضانِ مدینہ عالمی مدنی مرکز کراچی میں 893 طلبہ زیرِ تعلیم ہیں جن میں اولیٰ تا سابعہ کے طلبہ کی تعداد 527 اور دورۂ حدیث شریف کے طلبہ کی تعداد 270 جبکہ تخصصات کے طلبہ کی تعداد 96 ہے۔