ملکِ بنگلہ دیش کے ڈویژن ڈھاکہ میں 10 مئی 2025ء کو دعوتِ اسلامی کے زیرِ اہتمام سنتوں بھرا اجتماع منعقد کیا گیا جس میں مدرسۃالمدینہ گرلز میں پڑھنے والی بچیوں کی سرپرست اسلامی بہنیں شریک ہوئیں۔

اس اجتماعِ پاک میں پاکستان سے بنگلہ دیش دینی کاموں کے سلسلے میں آئی ہوئی نگرانِ عالمی مجلسِ مشاورت اسلامی بہن نے حاضرین کی تربیت و رہنمائی کرتے ہوئے دنیا بھر میں کتنے مدارس المدینہ گرلز ہیں، کن کن ملکوں میں موجود ہیں اور بچیوں کی تعداد و تفصیل کو پریزنٹیشن کے ذریعے بیان کیا۔

اس کے علاوہ نگرانِ عالمی مجلسِ مشاورت نے بچوں کی تربیت ایک ٹیچر و ماں کو کیسے کرنی چاہیئے؟ ، بچوں کے اخلاقیات کو کیسے بہتر بنایا جاسکتا ہے؟ اور سوشل میڈیا کے دور میں بچوں کو کیسے دینی ماحول سے قریب کیا جائے اس پر مدنی پھول دیئے۔

14 مئی 2025ء کو حبی گنج شہر، سلہٹ ڈویژن ، بنگلہ دیش میں ذمہ داران کی تربیت کے لئے ”8 دینی کام کورس“ کا انعقاد کیا گیا جس میں ڈسٹرکٹ، ڈویژن، تھانہ اور ذیلی سطح کی ذمہ داران سمیت شعبہ ذمہ دار اسلامی بہنوں نے شرکت کی۔

تفصیلات کے مطابق اس کور س میں شریک اسلامی بہنوں کی مختلف امور پر رہنمائی کی گئی جن میں سے بعض درج ذیل ہیں:

٭نگران کو دعوتِ اسلامی کا کام کیسے کرنا چاہیئے اور اس کا طریقۂ کار کیا ہے؟٭منسلک و ذمہ دار اسلامی بہنوں کی لسٹ اپڈیٹ کرنا٭دوسرے ملک / شہر شفٹ ہونے والی ذمہ دار اسلامی بہنوں سے دینی کام لینا٭ماتحت اسلامی بہنوں کی بیماری / فوتگی کی صورت میں امیرِ اہلِ سنت دامت بَرَکَاتُہمُ العالیہ کا پیغام منگوانے کا طریقۂ کار٭نئی ذمہ دار اسلامی بہنوں کی تقرریاں کرنے کا طریقۂ کار٭نئی ذمہ دار اسلامی بہنوں کو دینی کام سکھانے کا طریقۂ کار٭محفلِ نعت کا شیڈول و طریقۂ کار٭سیکھنے سکھانے کے ماہانہ حلقے کا شیڈول و طریقۂ کار٭ہفتہ وار سنتوں بھرے اجتماعات کا طریقۂ کار٭نیکی کی دعوت دینے کے آداب و طریقۂ کار۔

کورس کے اختتام پر اسلامی بہنوں کو تحائف دیئے گئے اور دعا و صلوٰۃ و سلام کے بعد اسلامی بہنوں نے نگرانِ عالمی مجلسِ مشاورت سے ملاقات کی۔

اصلاحِ معاشرہ کا درس دینے والی عالمی سطح کی دینی تحریک دعوتِ اسلامی کے تحت 13 مئی 2025ء کو سلہٹ ڈویژن ، بنگلہ دیش کے شہر حبی گنج میں اسٹوڈنٹس کے لئے ایک سیشن ہوا۔

دورانِ سیشن نگرانِ عالمی مجلسِ مشاورت اسلامی بہن نے ”معاشرے میں طالبات کا کیا کردار ہے؟“ کے موضوع پر بیان کرتے ہوئے مختلف نکات پر روشنی ڈالی جن میں سے بعض یہ ہیں:٭ ایک اسٹوڈنٹ اپنے اسکول/کالج میں کس طرح نیکی کی دعوت پہنچاسکتا ہے؟٭ اس کی اہمیت کیا ہے؟٭ اس کے فضائل کیا ہیں؟۔

آخر میں ایجوکیشن ڈیپارٹمنٹ گرلز (عالمی سطح) کی ذمہ دار اسلامی بہن نے پاکستان سے بذریعہ انٹرنیٹ اسٹوڈنٹس کی رہنمائی کی جس پر انہوں نے اپنے اداروں میں درس دینے، میٹ اپ اور سیشن رکھوانے کی اچھی اچھی نیتیں کیں۔

علمِ دین کا فیضان دنیا بھر میں  عام کرنے والی عاشقانِ رسول کی دینی تحریک دعوتِ اسلامی کے تحت 13 مئی 2025ء کو سلہٹ ڈویژن ، بنگلہ دیش کے شہر حبی گنج میں قائم Abdul Ali Centre میں اسلامی بہنوں کا ہفتہ وار سنتوں بھرا اجتماع منعقد ہوا جس میں کم و بیش 300 اسلامی بہنوں نے شرکت کرنے کی سعادت حاصل کی۔

اجتماعِ پاک کا آغاز معمول کے مطابق تلاوتِ کلامِ پاک سے ہوا جس کے بعد نعت خواں اسلامی بہنوں نے سرکارِ دوعالم حضور صلَّی اللہ علیہ واٰلہٖ وسلَّم کی نعت شریف پڑھی اور حاضرین کے دلوں کو منور کیا۔

نعت شریف کے بعد دعوتِ اسلامی کی نگرانِ عالمی مجلسِ مشاورت کا سنتوں بھرا بیان ہو اجس میں انہوں نے اللہ پاک کی محبت دل میں ہونے، دوسروں کے دلوں میں اللہ کی محبت پیدا کرنے، اللہ پاک کی شان و قدرت اور انسان کی بےبسی کے متعلق شرکا کو مدنی پھول دیئے۔

دعوتِ اسلامی کے نگرانِ شوریٰ مولانا حاجی محمد عمران عطاری مدنی ان دنوں مختلف ممالک کے دینی و تبلیغی دورے پر ہیں۔ اسی سلسلے میں آپ نے حال ہی میں مراکش کا دورہ کیاجہاں دارالحکومت رباط میں ایک عظیم الشان ”نیکی کی دعوت“ کا سلسلہ ہوا۔

اس پراثر دینی پروگرام میں مراکش کی حکومت کے اعلیٰ عہدیداران، ممتاز علمائے کرام، اور مقامی عاشقانِ رسول کی بڑی تعداد نے شرکت کی۔ پروگرام کا آغاز تلاوتِ کلامِ پاک اور عربی نعتوں سے ہواجنہیں مقامی عاشقانِ رسول نے پیش کیا۔

نگرانِ شوریٰ مولاناحاجی محمد عمران عطاری نے اس موقع پر دعوتِ اسلامی کی عالمی سطح پر جاری دینی خدمات پر روشنی ڈالتے ہوئے ایمان کی حفاظت، نیک اعمال کی ترغیب، اور سنتِ رسول صلَّی اللہ علیہ واٰلہٖ وسلَّم پر عمل کے حوالے سے بیان فرمایا۔ آپ نے فرمایا کہ ایمان کی سلامتی کے لئے ضروری ہے کہ ہم نیکیوں کا ماحول اپنائیں اور اپنی زندگی کو سنتِ مصطفیٰ صلَّی اللہ علیہ واٰلہٖ وسلَّم کے مطابق ڈھالیں۔

پروگرام کے دوران معروف اسلامی اسکالر شیخ الدکتور حمزہ الکتانی مدظلہ العالی نے مولانا عمران عطاری کو اعزازی چادر پیش کی جس پر نگرانِ شوریٰ نے ان کا شکریہ ادا کرتے ہوئے باہمی دینی تعاون کو سراہا۔ اجتماع کا اختتام خصوصی دعا پر ہوا۔

دعوتِ اسلامی کی مرکزی مجلسِ شوریٰ کے نگران حاجی مولانا محمد عمران عطاری مدنی مُدَّ ظِلُّہُ العالی ان دنوں بیرون ملک دورے پر ہیں جس دوران آپ نے مراکش کے دارالحکومت رباط میں قائم Pakistani Embassy کا دورہ کیا۔

اس موقع پر نگرانِ شوریٰ نے Pakistani Ambassador سید عادل گیلانی سمیت دیگر سفارتی عملے سے ملاقات کی۔ ملاقات کے دوران دعوتِ اسلامی کی عالمی سطح پر جاری دینی، فلاحی اور اصلاحی سرگرمیوں سے آگاہی دی گئی اور مختلف امور پر تبادلہ خیال کیا گیا۔

اسی طرح پاکستانی ایمبیسی میں "نیکی کی دعوت" کے سلسلے میں سنتوں بھرا اجتماع بھی منعقد ہوا جس میں پاکستانی سفیر، سفارت خانے کے عملے اور مقامی عاشقانِ رسول نے شرکت کی۔

اس اجتماع میں مولانا حاجی محمد عمران عطاری نے ”شکر گزاری“کے موضوع پر سنتوں بھرا بیان فرمایا۔ آپ نے فرمایا کہ ”اللہ پاک کا شکر ادا کرنا بندے کی بڑی سعادت ہےاور جو بندہ شکر گزار بنتا ہے، اللہ اس کی نعمتوں میں اضافہ فرماتا ہے“۔ آپ نے مزید کہا کہ ”مصیبت و پریشانی کے مواقع پر صبر اور نعمتوں پر شکر انسان کی روحانی ترقی کا ذریعہ بنتے ہیں۔ ہمیں چاہیے کہ نافرمانی سے بچتے ہوئے ہر حال میں اللہ کا شکر ادا کریں۔

پروگرام کے اختتام پر نگرانِ شوریٰ نے ملک و ملت کی سلامتی اور امتِ مسلمہ کی بھلائی کے لئے خصوصی دعا کروائی۔

بعد ازاں سفارتی عملے اور عاشقانِ رسول سے انفرادی ملاقاتوں کا سلسلہ بھی جاری رہا جس میں دینی امور اور اسلامی طرزِ زندگی پر تبادلہ خیال ہوا۔

بروز  ہفتہ 10 مئی 2025ء کو مدنی مرکز فیضانِ مدینہ اسٹچفورڈ برمنگھم میں medical professionalsکے لئے ایک خصوصی ملاقات کا اہتمام کیا گیا۔ اس پروگرام کا مقصد طب کے میدان میں خدمات انجام دینے والے افراد کو ایک مربوط پلیٹ فارم فراہم کرنا اور ان کے مسائل و تجربات پر سیر حاصل گفتگو کرنا تھا۔

اس Meet Up میں دعوتِ اسلامی کی مرکزی مجلسِ شوریٰ کے رکن عبد الوہاب عطاری نے خصوصی شرکت فرمائی۔ آپ نے اپنی گفتگو اور خیالات کے ذریعے شرکا کی رہنمائی کی اور انہیں دینی و اخلاقی پہلوؤں سے بھی آگاہ کیا۔

ملاقات کے دوران، طبی ماہرین کو درپیش موجودہ چیلنجز، پیشہ ورانہ دباؤ، اور فلاحی خدمات کی فراہمی میں حائل رکاوٹوں پر تفصیل سے تبادلہ خیال کیا گیا۔ اس موقع پر دعوتِ اسلامی کی جانب سے Medical field کے افراد کے ساتھ تعاون کرنے کی یقین دہائی کروائی گئی۔

شرکانے اس بامقصد Meet Up کو سراہتے ہوئے دعوتِ اسلامی کی اس کاوش کو خوش آئند قرار دیا اور اس امید کا اظہار کیا کہ ان شاء اللہ مستقبل میں بھی ایسے پروگرامز کا انعقاد جاری رہے گا۔

دعوتِ اسلامی کے شعبہ تعلیم کی کارکردگی کو مزید مؤثر بنانے اور آئندہ کے لائحہ عمل پر غور و فکر کرنے کے لئے مدنی مشورے  کا انعقاد بروز منگل 13 مئی 2025ء کو مدنی مرکز فیضانِ مدینہ اسٹچفورڈ برمنگھم میں کیا گیا۔

مدنی مشورہ رکنِ شوریٰ عبد الوہاب عطاری نے لیا ۔دورانِ مشورہ شعبۂ تعلیم کے تحت جاری دینی کام، کارکردگی کو بڑھانے اور تعلیمی خدمات کی وسعت کے حوالے سے اہم حکمتِ عملیوں پر روشنی ڈالی گئی۔

رکن شوریٰ نے مختلف تجاویز اور عملی اقدامات پیش کئے جنہیں شرکا کی جانب سے بھرپور سراہا گیا۔ اجلاس میں مستقبل قریب میں شعبہ تعلیم کی سرگرمیوں کو مزید مؤثر بنانے کے لئے پُرجوش عزم کااظہارکیا گیا۔

یونیورسٹی آف برمنگھم میں 14مئی 2025ء کو ایک اہم پروگرام بعنوان "Releasing Exam Stress" کا انعقاد کیا گیاجس کا مقصد طلبہ کو امتحانی دباؤ سے نجات دلانے، ذہنی آسودگی فراہم کرنے اور مثبت انداز میں امتحانات کی تیاری کے لئے رہنمائی فراہم کرنا تھا۔

یہ پروگرام دعوتِ اسلامی کے شعبۂ تعلیم کے زیر اہتمام منعقد کیا گیا جس میں مبلغین دعوتِ اسلامی نے طلبہ کو ذہنی دباؤ سے نمٹنے کی عملی تکنیکوں، وقت کے مؤثر استعمال اور خود اعتمادی کے فروغ سے متعلق مفید نکات فراہم کئے۔

تقریب میں رکن شوریٰ دعوتِ اسلامی عبد الوہاب عطاری نے بھی خصوصی شرکت کی۔ آپ کی آمد نے شرکاء کی حوصلہ افزائی میں نمایاں کردار ادا کیا اور طلبہ کو دین و دنیا دونوں پہلوؤں میں متوازن رہنے کا پیغام دیا۔

پروگرام کو شرکا کی جانب سے بے حد سراہا گیا اور طلبہ نے اس سے خوب فائدہ حاصل کیا۔

میگھنا ڈویژن، بنگلہ دیش میں واقع اسلامی بہنوں کے مدنی مرکز فیضانِ صحابیات میں دعوتِ اسلامی کے تحت” 8 دینی کام کورس“ منعقد کیا گیا جس میں میگھنا ڈویژن کی تمام ذمہ دار اسلامی بہنوں نے شرکت کی۔

دینی کاموں کے سلسلے میں پاکستان سے بنگلہ دیش آئی ہوئی نگرانِ عالمی مجلسِ مشاورت نے اس کورس میں اسلامی بہنوں کو مدنی پھولوں سے نوازا اور مختلف اموپر اُن کی رہنمائی کی جن میں سے بعض درج ذیل ہیں:

٭نگران اسلامی بہن کو دعوتِ اسلامی کا کام کس انداز میں کرنا چاہیئے؟٭اس کا طریقۂ کار٭منسلک و ذمہ داران کی لسٹ اپڈیٹ کرنا٭دوسرے ملک / شہر جانے والی ذمہ داران سے دینی کام لینا٭ماتحت اسلامی بہنوں کی بیماری اور فوتگی کی صورت میں امیرِ اہلِ سنت دامت بَرَکَاتُہمُ العالیہ سے پیغام منگوانے کا طریقۂ کار٭نئی ذمہ داران کی تقرریاں کرنے کا طریقۂ کار٭نئی ذمہ داران کو دینی کام سکھانے کا طریقۂ کار٭محفلِ نعت کا شیڈول و طریقۂ کار٭سیکھنے سکھانے کے ماہانہ حلقوں کا شیڈول و طریقۂ کار٭ہفتہ وار سنتوں بھرے اجتماع کا طریقۂ کار٭نیکی کی دعوت دینے کے آداب و طریقۂ کار۔

میگھنا  ڈویژن ، بنگلہ دیش کے ڈسٹرکٹ کومیلا میں قائم دارالمدینہ میں 8 مئی 2025ء کو سنتوں بھرا اجتماع منعقد ہوا جس میں سرپرست اور ٹیچرز سمیت اسٹوڈنٹس کی شرکت ہوئی۔

اس اجتماعِ پاک میں تلاوت و نعت کے بعد پاکستان سے آئی ہوئی دعوتِ اسلامی کی نگرانِ عالمی مجلسِ مشاورت اسلامی بہن نے بچوں کی تربیت کے حوالے سے بیان کرتے ہوئے چھوٹے بچوں کی تربیت میں کن کن امو رکا لحاظ رکھا جائے اس پر حاضرین کی ذہن سازی کی۔

نگرانِ عالمی مجلسِ مشاورت نے بچوں کو نمازی بنانے، جھوٹ سے بچانے، سنتوں پر عمل کروانے اور عشقِ رسول کا جام پلانے کےمتعلق مدنی پھول دیئے۔

دعوتِ اسلامی کے دینی کاموں کے سلسلے میں پاکستان سے بنگلہ دیش آئی ہوئی نگرانِ پاکستان مجلسِ مشاورت اسلامی بہن نے گزشتہ روز ذمہ دار اسلامی بہنوں کے ہمراہ بنگلہ دیش کے ڈویژن CTG کارپوریشن، CTG نارتھ اور CTG ساؤتھ میں موجود مختلف دارالمدینہ کی برانچز کا وزٹ کیا جہاں اُن کی ملاقات اسٹاف سرپرستوں (اسٹوڈنٹس کی mothers) سے ہوئی۔

ابتداءً بنگلہ دیش میں دعوتِ اسلامی کے تحت اسلامی بہنوں کے دینی کاموں پر پریزنٹیشن پیش کی گئی جس کے بعد نگرانِ عالمی مجلسِ مشاورت اسلامی بہن نے سنتوں بھرا بیان کیا اور مختلف امور پر اسلامی بہنوں کی ذہن سازی کی جن میں سے بعض یہ ہیں: ٭ ایک ماں اور ٹیچر مل کر کس طرح بہتر انداز میں بچوں کی تربیت کرسکتی ہیں؟ ٭ایک ٹیچر اور ایک ماں کا ایک ہی مقصد ہوگا تو تربیت بہتر ہوسکتی ہے٭ بچوں کے اخلاقیات پر توجہ دینا٭ بچہ بڑوں کی گفتگو نہ کاٹے٭جھوٹ نہ بولے٭سنتوں پر عمل کرے۔