تفصیلات کے مطابق گزشتہ رات عالمی  مدنی مرکز فیضانِ مدینہ کراچی میں عظیم الشان قافلہ اجتماع ہوا جس میں دعوتِ اسلامی کی مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی نے سنتوں بھرا بیان کیا۔

نگرانِ شوریٰ نے اپنے بیان میں اسلام کی راہ میں درپیش مصائب و آلام کا ذکر کرتے ہوئے فرمایا کہ حضرت خباب رضی اللہ عنہ اسلام لائے قریش نے ان کو بے حد ستایا۔ یہاں تک کہ کوئلے کے انگاروں پر ان کو چت لٹایا اور ایک شخص ان کے سینے پر پاؤں رکھ کر کھڑا رہا۔ یہاں تک کہ ان کی پیٹھ کی چربی اور رطوبت سے کوئلے بجھ گئے ۔ لیکن انہوں نے اسلام کو نہیں چھوڑا سب کچھ قربان کردیا۔ ہمیں اپنے وقت کی قربانی دینی چاہیے اور راہِ خدا میں قافلوں کا مسافر بننا چاہیے۔

دعوت اسلامی کے تحت 7 مارچ 2020ءکو مدنی مرکز فیضان مدینہ اسلام آباد میں انفرادی طور پرمدنی مشورے کا انعقاد کیا گیا جس میں مختلف مجالس (تحفط اوراق مقدسہ، مدرسۃ المدینہ للبنات، مدرسۃ المدینہ بالغان، اجارہ،مکتبۃ المدینہ، تقسیم رسائل) کے ریجن ذمہ داران نے شرکت کی۔ رکن شوریٰ حاجی وقار المدینہ عطاری نے شرکا کی تربیت کی اور سابقہ کارکردگی کا جائزہ لیتے ہوئےمدنی کاموں کے اہداف دیئے۔ رکن شوریٰ نےرمضان میں مدنی عطیات جمع کرنے اور شعبے کو خود کفیل کرنے کے حوالے سے کلام کیا۔

دعوت اسلامی کے تحت مدنی مرکز فیضان مدینہ لاہور میں مجلس  برائے کفن دفن کے زون ذمہ داران کاتربیتی اجتماع ہوا۔ دوران اجتماع اراکین شوریٰ حاجی یعفور رضا عطاری اور حاجی محمد منصور عطاری کی آمد ہوئی ۔ اراکین شوریٰ نے شرکا کی تربیت کی اور مجلس کے مدنی کاموں میں بھر پور تعاون کرنے کی ترغیب دلاتے ہوئے مدنی پھولوں سے نوازا۔

دعوت اسلامی کے تحت 5 مارچ 2020ء کو مدنی مرکز فیضان مدینہ فیصل آباد میں فیصل آباد کارکردگی ریجن آفس کا اجلاس ہوا جس میں کارکردگی آفس کے ذمہ داران اسلامی بھائیوں  نے شرکت کی۔ نگران پاکستان انتظامی کابینہ حاجی محمد شاہد عطاری نے شعبہ جات اور 12 مدنی کاموں کی کارکردگی کے حوالے سے مدنی پھول ارشاد فرمائیں۔

‏‪ مدنی مرکز فیضان مدینہ فیصل آباد کے ہفتہ وار سنتوں بھرے اجتماع میں دعوت اسلامی کی مجلس تجہیز و تکفین فیصل آباد زون کے تحت مدنی بستہ لگایا گیا۔ مولانا محمد فیاض نقشبندی صاحب( منتظم اعلیٰ مرکزی جامعہ مسجد الفردوس )اور مولانا قاری محمد عزام قادری صاحب ( خطیب جامع مسجد نور مصطفیٰ فیصل آباد) نے بستے کا دورہ فرمایا۔ اس موقع پر اسلامی بھائیو ں نے انہیں خوش آمدید کہااور مجلس کا تعارف پیش کیا۔ علمائے کرام نے مجلس تجہیز و تکفین اور پوری دعوتِ اسلامی کے لئے دعا فرمائی۔(رپورٹ:محمد عمیر عطاری پاکستان آفس ذمہ دار مجلس تجہیز و تکفین)

گزشتہ دنوں مدنی مرکز فیضانِ مدینہ G-11اسلام آباد میں نگران اسلام آباد ریجن رکنِ شوریٰ حاجی محمد وقار المدینہ عطاری نے(نگران سیالکوٹ زون، نگران چکوال جہلم زون، مجلس ازدیادِ حب، مجلس مدنی بستہ، مجلس ویٹرنری ڈاکٹرز، مجلس قافلہ، مجلس مدنی عطیات بکس، مجلس مدرستہ المدینہ آن لائن، مجلس مدنی چینل عام کریں)کے ریجن ذمہ داران کا مدنی مشورہ فرمایا۔ اس موقع پر رکنِ شوریٰ نے سابقہ کارکردگیوں کا جائزہ لیتے ہوئے آئندہ مدنی کاموں کے اہداف دیئے اور زون و شعبہ جات کو خود کفیل کرنے کے اہداف دیئے۔

تبلیغِ دین نہایت اہم فریضہ ہے۔ اس فریضے کی انجام دہی کے لئے اللہ نے کم و بیش ایک لاکھ 24 ہزار انبیاء کو بھیجا، لاکھوں اولیاء آئے جو دین کی تبلیغ کرتے رہے۔دعوتِ اسلامی اسی کام کو آگے لے کر چل رہی ہے۔نگرانِ شوریٰ مولانا عمران عطاری

تفصیلات کے مطابق گزشتہ رات مدنی مرکز فیضانِ مدینہ حیدرآباد میں عظیم الشان قافلہ اجتماع ہوا جس میں دعوتِ اسلامی کی مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی نے ”دعوتِ اسلام“ کے موضوع پر سنتوں بھرا بیان کیا۔

نگرانِ شوریٰ کا کہنا تھا کہ دعوتِ اسلامی کے قافلوں میں دعوتِ اسلام ہے، مدنی قافلے دعوتِ اسلامی کے لئے ریڑھ کی ہڈی کی مانند ہیں۔

آپ نے مزید کہا کہ تبلیغِ دین کی خاطر نبی پاک ﷺ نے بہت تکالیف برداشت کی ہیں، کبھی آپ پر سنگ باری کی جاتی، کبھی راستے میں پتھر اور کانٹے بچھائے جاتے، کبھی دورانِ نماز اوجڑی پشتِ مبارک پر رکھ دی جاتی، کبھی گلے میں پھنڈا ڈالا جاتا لیکن نبی پاک ﷺ نے تبلیغِ دین نہیں چھوڑی۔

مولانا عمران عطاری نے صحابہ کرام اور اولیائے کرام کی دین کے لئے دی جانے والی قربانیوں کا ذکر کرتے ہوئے شرکا کو ذہن دیا کہ دین کی خاطر ہمیں بھی مدنی قافلے میں سفر کرنا چاہیئے، چوک درس دینا چاہیئے۔

نگرانِ شوریٰ کی ترغیب پر ہاتھوں ہاتھ سینکڑوں عاشقانِ رسول ایک ماہ کے قافلے میں سفر کے لئے تیار ہوگئے۔ نگرانِ حیدرآباد زون قاری ایاز عطاری نے دعوتِ اسلامی کے شب وروز کو بتایا کہ اس اجتماع میں حیدرآباد، ٹنڈو جام ، کوٹری ، جام شورو اور اطراف سے10 ہزار سے زائد لوگوں نے شرکت کی جبکہ نگرانِ شوریٰ کی ترغیب پر آج صبح(7 مارچ کو) حیدرآباد مدنی مرکز سے 500 سے زائد اسلامی بھائی ایک ماہ کے لئے راہِ خدا کا سفر اختیار کررہے ہیں۔ 

دعوت اسلامی کے تحت6مارچ 2020ء سے مدنی مرکز فیضان مدینہ کاہنہ نو میں 26 دن کے معلم مدنی قاعدہ کورس شروع ہونے جارہا ہے ۔ مدنی قاعدہ پڑھانے کے خواہشمند اسلامی بھائی اس کورس میں ضرور بالضرور شرکت کریں۔

داخلے کے شرائط:

٭ناظرہ قراٰن مکمل آتا ہو۔٭ڈویژن نگران کا تصدیق نامہ٭آئی ڈی کارڈ لازمی ہو۔٭لاہور کا رہائشی ہو۔

نوٹ : کورس سے پہلے انٹری ٹیسٹ ہوگا۔

دعوت اسلامی کے مدنی مرکز فیضان مدینہ فیصل آباد میں 3 مارچ 2020ء کو مجلس مدنی انعامات کا مدنی مشورہ ہوا جس میں مجلس مدنی انعامات نگران ، ریجن ذمہ داران اور زون ذمہ داران نے شرکت کی۔ نگران پاکستان انتظامی کابینہ حاجی محمد شاہد عطاری نے ذمہ داران کو اعتکاف کرنے اور کروانے کی ترغیب دلائی اور ”مجلس نمازی بناؤ“ کی کارکردگی کا جائزہ لیتے ہوئے آئندہ کے اہداف دیئے ۔ اس مدنی مشورے میں رکن شوریٰ حاجی محمد فضیل رضا عطاری بھی موجود تھے۔

دعوت اسلامی کے تحت یکم مارچ 2020ء کو مدنی مرکز فیضان مدینہ فیصل آباد میں مجلس رابطہ برائے شوبز کا مدنی مشورہ ہوا جس میں مجلس رابطہ برائے شوبز کے نگران مجلس ، ریجن ذمہ دار اور زون ذمہ داران نے شرکت کی۔نگران پاکستان انتظامی کابینہ حاجی محمد شاہد عطاری نے شرکا کی تربیت کی اور شعبے کی کارکردگی کا جائزہ لیتے ہوئے آئندہ کے اہداف طے کئے۔ اس موقع پر نگران مجلس رابطہ برائےشوبز سید عارف الحسن عطاری بھی موجود تھے۔

دعوت اسلامی کے تحت 4 مارچ 2020ء کو مدنی مرکز فیضان مدینہ فیصل آباد میں مدنی مشورہ ہوا جس میں مجلس اجتماعی اعتکاف، مجلس مدنی انعامات، مجلس قافلہ کے ریجن اور زون ذمہ داران کے ساتھ ساتھ مختلف مجالس (جامعۃ المدینہ، مدرسۃ المدینہ،اجارہ، مدنی مذاکرہ،شعبہ تعلیم، مالیات، کارکردگی،حفاظتی امور،لنگر رضویہ،ائمہ مساجد،مدرسۃا لمدینہ بالغان، فیضان مدینہ) کے نگران نے شرکت کی۔ نگران پاکستان انتظامی کابینہ حاجی محمد شاہدعطاری نے رواں سال ملک بھر میں 12 ہزار مقامات پر اجتماعی اعتکاف کروانے کا ہدف دیا اور مشورے میں شریک تمام شعبہ جات کے ذمہ داران کو اس کی تیاری کرنے کے حوالے سے مدنی پھول دیئے۔ ا س موقع پر رکن شوریٰ حاجی محمد فضیل رضا عطاری بھی موجود تھے۔