17 اگست 2023ء کو بروز جمعرات دعوتِ اسلامی کے مدنی مرکز فیضان مدینہ کاہنہ نو لاہور میں عظیم الشان ہفتہ وار سنتوں بھرے اجتماع کا انعقاد کیا گیا جس میں نگران پاکستان مشاورت حاجی محمد شاہد عطاری، اراکین شوریٰ حاجی یعفور رضا عطاری حاجی منصور عطاری  اور حاجی محمد اسلم عطاری سمیت ہزاروں عاشقانِ رسول، ذمہ دارانِ دعوتِ اسلامی اور مختلف سیاسی و سماجی شخصیات نے شرکت کی۔

مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی نے ”امر بالمعروف و نہی عن المنکر“ کے موضوع پر سنتوں بھرا بیان کرتے ہوئے فرمایا کہ ہمیں ہمارے معاشرے، ہماری فیملی، ہمارےرشتہ داروں میں ہونے والی برائیوں کو ختم کرنے کی کوشش کرناہے اور ان میں نیکی کی دعوت کو عام کرنا ہے۔ آپ نے مزید فرمایا کہ برائیوں کو دیکھ کر اس پر تبصرہ کرنے سے بہتر ہے کہ اس کی روک تھام کے لئے کوششیں کریں اور ہمیں اس بات کو ذہن میں رکھنا چاہیئے کہ ہمارے سامنے ہونے والی برائیوں سے ہمیں کچھ فرق نہیں پڑتا بلکہ معاشرے کی برائیوں کا اثر ہر ہر فرد پر پڑھتا ہے۔شرکا کو ترغیب دلاتے ہوئے نگران شوریٰ نے کہا کہ معاشرے کی سُدھار اور اپنی اصلاح کے لئے دعوتِ اسلامی کے مدنی قافلوں میں سفر کریں، ہفتہ وار اجتماع اور مدنی مذاکروں میں شرکت کرنے کے ساتھ ساتھ نیک لوگوں کی صحبت اختیار کریں۔

ذکر اللہ اور ذکرو اذکار کے بعد رقت انگیز دعائیں کی گئیں اور صلوۃ و سلام پر اجتماع کا اختتام ہوا ۔ آخرمیں نگران شوریٰ سے عاشقان رسول نے ملاقات بھی کی۔

ٹرانسلیشن ڈیپارٹمنٹ (دعوت اسلامی) کے تحت 16 اگست 2023ء کو عالمی مدنی مرکز فیضان مدینہ کراچی میں ٹریننگ سیشن کا انعقاد کیا گیا جس میں شعبے کے تمام ٹرانسلیٹرز نے شرکت کی۔

پروفیسر عبد الماجد عطاری نے ” How to improve the Quality of translation“ پر گفتگو کرتے ہوئے کہا کہ ٹرانسلیٹ کرتےوقت ہمیں یہ خیال رکھنا ضروری ہے کہ ہمارا ترجمہ لینگویج اور شرعی اعتبار سے درست ہو اور ترجمہ نگاری کے لئے باصلاحیت اور اہل افراد کا انتخاب کیا جائے۔پروفیسر صاحب نے مزید کہا کہ ترجمہ کرتے وقت ہمیں پورے انہماک، شوق و لگن کے ساتھ اس ذمہ داری کو نبھانا ہے۔ انہوں نے ٹرانسلیٹر کی رہنمائی کرتے ہوئے کہا کہ لفظ کا لفظ سے نہیں بلکہ مفہوم کامفہوم سے ترجمہ کریں، ترجمہ شروع کرنے سے پہلے پورے مضمون کو ایک بار غور سے پڑھ لیں اور ٹرانسلیٹ کرتے وقت اس بات کا خیال رکھا جائے کہ جس ملک کے لئے ٹرانسلیٹ کیا جارہا ہے ان کے قوانین کو بھی مد نظر رکھیں۔

15 اگست 2023ء کو بہاولپور سٹی میں موجود دعوت اسلامی کے مدنی مرکز فیضانِ مدینہ میں ماہانہ میٹنگ ہوئی جس میں ڈسٹرکٹ نگران و ڈویژن ذمہ داران نے شرکت کی۔

نگران پنجاب مشاورت و رکنِ شوریٰ حاجی محمد اسلم عطاری اورنگران بہاولپور ڈویژن ڈاکٹر حافظ عبدالرؤف عطاری نے اسلامی بھائیوں کو 12 دینی کاموں کو بڑھانے کے لئے نگرانوں کی تقرری مکمل کرنے کے متعلق نکات بتائے نیز جلد تقرریاں پوری کرنے کا ہدف دیا ۔ مزید یوم ختمِ نبوت، یوم دعوت اسلامی اور یوم اعلیٰ حضرت منانے کے حوالے سے مدنی پھول دیئے جس پر شرکائے مشورہ نے نیک جذبات کا اظہار کیا۔ (رپورٹ: احمدرضا عطاری ڈویژن میڈیا ڈیپارٹمنٹ ذمہ دار ،کانٹینٹ:رمضان رضا عطاری)

دعوتِ اسلامی کے مدنی مرکز فیضانِ مدینہ فیصل آباد پنجاب   میں گزشتہ روز ایک میٹنگ ہوئی جس میں فیضانِ مدینہ فیصل آباد کے ایچ او ڈی ذمہ داران، نگرانِ پاکستان مشاورت آفس اور پاکستان مشاورت آفس کے اراکین سمیت دیگر ذمہ داران کی شرکت ہوئی۔

فیصل آباد میں دعوتِ اسلامی کے دینی کام کرنے والے یوسی نگران، ڈسٹرکٹ نگران اور دیگر ذمہ دار اسلامی بھائیوں سے 12 دینی  کاموں کا فالو اپ لینے کے لئے مدنی مرکز فیضانِ مدینہ فیصل آباد میں ایک مدنی مشورہ ہوا۔

ذمہ دار اسلامی بھائیوں کی تربیت کے لئے مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے سنتوں بھرا بیان کیا اور دعوتِ اسلامی کے 12 دینی کاموں کا جائزہ لیتے ہوئے تقرری کے اہداف دیئے۔

حاجی محمد شاہد عطاری نے دینی کاموں میں اچھی کارکردگی کےحامل یوسی نگران اسلامی بھائیوں کی حوصلہ افزائی کی اور انہیں تحائف دیئےجبکہ یوسی نگران اسلامی بھائیوں کی طرف سے ہونے والے سوالات کے جوابات بھی دیئے۔

نگرانِ پاکستان مشاورت حاجی محمد شاہد عطاری نے دینی کاموں کی کارکردگی بیان کرتےہوئے کہا کہ:الحمد للہ اس سال 2023ء میں سابقہ سال کے مقابلے میں 300 مدنی قافلوں میں اضافہ ہوا ہے اور ہفتہ وار سنتوں بھرے اجتماع میں بھی بہتری آئی ہے۔

یومِ آزادی منانے کے سلسلے میں 13 اگست 2023ء بروز اتوار عالمی مدنی مرکز فیضانِ مدینہ کراچی میں یومِ آزادی اسپیشل مدنی مذاکرے کا انعقاد کیا گیا جس میں براہِ راست اور بذریعہ مدنی چینل ملک و بیرونِ ملک کے کثیر عاشقانِ رسول شریک ہوئے۔

دینی  کاموں کے سلسلے میں 10 اگست 2023ء کو مدنی مرکز فیضانِ مدینہ خانپور میں ماہانہ مدنی مشور ے کا انعقاد کیا گیا جس میں نگرانِ بہاولپور ڈویژن ڈاکٹر حافظ عبدُالرؤف عطاری اور ڈسٹرکٹ نگران حاجی اشفاق عطاری نے تحصیل نگران اور ڈسٹرکٹ ذمہ داران کو 12دینی کاموں کو بڑھانے کا ذہن دیا۔

علاوہ ازیں اسلامی بھائیوں کو بھر پور شجرکاری کرنے اور اگست کے مدنی قافلے میں سفر کرنے کی ترغیب دلائی۔ (کانٹینٹ:رمضان رضا عطاری)

مدنی مرکز  فیضان مدینہ خانقاہ شریف میں 9اگست 2023ء کو بہاولپور ڈسٹرکٹ میں ماہانہ مدنی مشورے کا سلسلہ ہوا جس میں ڈسٹرکٹ ذمہ داران اور تحصیل نگران اسلامی بھائی نے شرکت کی۔

نگران بہاولپور ڈویژن ڈاکٹر حافظ عبدالرؤف عطاری اور ڈسٹرکٹ نگران حاجی اعجاز عطاری نے اسلامی بھائیوں کو 12دینی کاموں کو کرنے اور شجرکاری کے متعلق ذہن دیا نیز 13،12 اور 14 اگست کے مدنی قافلے میں سفر کرنے کی ترغیب دلائی۔(کانٹینٹ:رمضان رضا عطاری)

پنجاب کے شہر لاہور میں قائم مدنی مرکز فیضانِ مدینہ جوہر ٹاؤن میں  10 اگست 2023ء بروز جمعرات دعوتِ اسلامی کے ہفتہ وار سنتوں بھرے اجتما ع کا انعقاد کیا گیا جس میں جوہر ٹاؤن سمیت لاہور کے دیگر علاقوں سے کثیر عاشقانِ رسول نے شرکت کی۔

تفصیلات کے مطابق اجتما ع کا آغاز بعد نمازِ مغرب تقریباً 8:00 بجے تلاوتِ کلامِ پاک سے کیا گیا جس کے بعد نعت خواں اسلامی بھائی نے پیارے آقا صلی اللہ علیہ و سلم کی نعت شریف پڑھی۔

تلاوت و نعت کے بعد مرکزی مجلسِ شوریٰ کے رکن مولانا حاجی عبد الحبیب عطاری نے سنتوں بھرا بیان کیا اور وہاں موجود اسلامی بھائیوں کو مدنی پھولوں سے نوازا۔آخر میں رکنِ شوریٰ مولانا حاجی عبد الحبیب عطاری نے رقت انگیز دعا کروائی۔

واضح رہے جوہر ٹاؤن لاہور کے مدنی مرکز فیضانِ مدینہ میں ہونے والا ہفتہ وار سنتوں بھرا اجتماع مدنی چینل پر براہِ راست نشر کیا گیا تھا۔(کانٹینٹ:غیاث الدین عطاری)

ضلع خیرپور، سندھ کے شہر گمبٹ میں دعوتِ اسلامی کے زیرِ اہتمام ہفتہ وار سنتوں بھرے اجتماع کا انعقاد کیا گیا جس میں علاقے کثیر اسلامی بھائیوں کی شرکت ہوئی۔

ابتداءً مبلغِ دعوتِ اسلامی نے قراٰنِ کریم کی تلاوت کی اور نعتِ خواں اسلامی بھائی نے حضور پُر نور صلی اللہ علیہ و سلم کی بارگاہِ اقدس میں نعت شریف کا نذرانہ پیش کیا۔

تلاوت و نعت کے بعد مرکزی مجلسِ شوریٰ کے رکن حاجی فضیل رضا عطاری نے سنتوں بھرا بیان کیااور حاضرین کو دعوتِ اسلامی کے دینی ماحول سے منسلک رہتے ہوئے 12 دینی کاموں میں حصہ لینے کا ذہن دیا جس پر انہوں نے اچھی اچھی نیتیں کیں۔ (کانٹینٹ:غیاث الدین عطاری)

لوگوں کے لئے علمِ دین کی مجالس قائم کرناہمارے اسلاف کی تعلیمات میں سے ایک ہے نیز ان علمِ دین کی مجالس سے لوگوں کی دینی و اخلاقی تربیت ہوتی ہے۔

اسی سلسلے میں 10 اگست 2023ء بروز جمعرات بعد نمازِ مغرب تقریباً 8:00 بجے بس اسٹاپ، شیخوپورہ موڑ گوجرانوالہ کے مدنی مرکز فیضانِ مدینہ میں ہفتہ وار سنتوں بھرے اجتما ع کا انعقاد کیا گیا جس میں عاشقانِ رسول کی کثیر تعداد نے شرکت کی۔

اجتماع ِ پاک کا آغازتلاوتِ قراٰن و نعت شریف سے کرنے کے بعد مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ”جہنمی اور جنتی“ کے موضوع پر بیان کیا۔

مدنی مرکز فیضانِ مدینہ فیصل آباد میں پچھلے دنوں امیرِ اہلِ سنت دامت بَرَکَاتُہمُ العالیہ کے بڑے بھائی مرحوم عبد الغنی، مفتیِ دعوتِ اسلامی مرحوم مفتی فاروق عطاری مدنی، محمد نعیم کے مرحوم والد، میاں طاہر حمیدکی والدہ مرحومہ، سجاد راؤوف انصاری کے مرحوم والدین،حفیظ عطاری کے مرحوم والدین، ملک جمیل قادری کے دوست مرحوم مرزا محمد ایوب اور دیگر عاشقانِ رسول کے مرحومین کے لئے ایصالِ ثواب اجتماع ہوا۔

اس موقع پر دعوتِ اسلامی کے ذمہ داران، شخصیات اور مختلف شعبہ ہائے زندگی سے تعلق رکھنے والے افراد سمیت قرب و جوار کے کثیر عاشقانِ رسول موجود تھے۔