مدنی  مرکز فیضانِ مدینہ بہاولپور میں دعوت اسلامی کے شعبہ فنانس ڈیپارٹمنٹ کے ذمہ داران کا مدنی مشورہ ہوا جس میں صوبائی ذمہ دار فنانس محمد فضیل عطاری اور ڈویژن ذمہ دار محمد عرفان عطاری نے شعبہ فنانس کے نظام کو مزید بہتر بنانے کے حوالے سے مدنی پھول دیئے جس پر اسلامی بھائیوں نے عمل پیرا ہونے کی اچھی اچھی نیتیں کیں۔(رپورٹ: احمدرضا عطاری ڈویژن میڈیا ڈیپارٹمنٹ،کانٹینٹ:رمضان رضا عطاری)

پچھلے  دنوں دعوت ِ اسلامی کے زیرِ اہتمام بہاولپور سٹی میں قائم مدنی مرکز فیضان مدینہ میں میٹ اپ ہوا جس میں مختلف شعبہ جات (مدرسۃ المدینہ گرلز، شارٹ ٹائم اور جامعۃ المدینہ گرلز) کے معاون ذمہ داران نے شرکت کی ۔

نگران بہاولپور ڈویژن ڈاکٹر حافظ عبدالرؤف عطاری نے مدنی مشورے میں ذمہ داران کو ماتحت شعبہ جات کو خود کفیل کرنے کےبارے میں تربیتی نکات سے آگاہ کیا نیز یوم دعوت اسلامی کی تیاری اور مدنی قافلوں میں خود سفر کرنے اور دیگر کو ترغیب دلاکر ساتھ سفر پر لے جانے کا ذہن دیا۔

٭اسی طرح 24اگست 2023ء کو مدنی مرکز فیضان ِ مدینہ بہاولپور میں شعبہ مدرسۃ ُ المدینہ بالغان کے ڈویژن و ڈسٹرکٹ ذمہ داران کا مدنی مشورہ ہوا جس میں نگران بہاولپور ڈویژن ڈاکٹر حافظ عبدالرؤف عطاری نے شعبے کو خود کفیل بنانے کے علاوہ یوم دعوت ِاسلامی کی تیاری اور مدنی قافلے سفر کروانے کے حوالے سے اہداف دیئے۔(رپورٹ: احمدرضا عطاری ڈویژن میڈیا ڈیپارٹمنٹ،کانٹینٹ:رمضان رضا عطاری)

دعوت اسلامی کے شعبہ پروفیشنلز فورم کے زیر اہتمام 26/27 اگست 2023ء کو مدنی مرکز فیضان مدینہ فیصل آباد میں دو دن کا ”فرض علوم کورس“ منعقد ہوا جس میں آئی ٹی ایکسپرٹ، انجینئرز، سول انجینئرز اور مختلف شعبہ جات کے پروفیشنلز نے شرکت کی۔

نگران پاکستان مشاورت حاجی محمد شاہد عطاری نے فرض علوم کے حوالے سے شرکا کی رہنمائی کی اور انہیں دنیاوی تعلیم کے ساتھ ساتھ علمِ دین سیکھنے کابھی ذہن دیا۔

27 اگست 2023ء کو دعوت اسلامی کے تحت  مدنی مرکز فیضان مدینہ میر پور خاص میں میر پور خاص ڈسٹرکٹ کا مدنی مشورہ ہوا جس میں میر پور خاص ڈویژن کے نگران حافظ زین عطاری، ڈسٹرکٹ نگران افتخار احمدعطاری، تحصیل نگران، یوسی نگران اور ڈسٹرکٹ کے شعبہ جات کے ذمہ داران نے شرکت کی۔

مرکزی مجلس شوریٰ کے رکن حاجی قاری ایاز عطاری نے شرکا کی تربیت کی اور دینی کاموں کی کارکردگی کا جائزہ لیتے ہوئے مدنی پھول بیان کئے۔ رکن شوریٰ نے اچھی کارکردگی پر ذمہ داران کو تحفے بھی دیئے۔

28 اگست 2023ء کو دعوت اسلامی کےشعبہ نیو سوسائٹی کے زیر اہتمام مدنی مرکز فیضان مدینہ میر پور خاص میں سنتوں بھرا اجتماع ہوا جس میں پراپرٹی ڈیلرز، ڈویلپرز اور real estate agent اسلامی بھائیوں نے شرکت کی۔

دعوتِ اسلامی کے دینی و فلاحی کاموں کا فالو اپ لینے کے سلسلے میں گزشتہ روز مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری کی ذمہ داران کے ہمراہ مدنی مرکز فیضانِ مدینہ نورپور ساہیوال آمد ہوئی۔

نگرانِ پاکستان مشاورت حاجی محمد شاہد عطاری نے مدنی مرکز فیضانِ مدینہ کے تعمیراتی کاموں کا جائزہ لیا اور وہاں موجود ذمہ دار اسلامی بھائیوں کی تربیت و رہنمائی کی۔

اس کے علاوہ ذمہ دار اسلامی بھائیوں کے لئے سیکھنے سکھانے کا حلقہ لگایا گیا جس میں نگرانِ پاکستان مشاورت حاجی محمد شاہد عطاری نے شرکا کو مدنی پھولوں سے نوازا اور اخلاص کے ساتھ دعوتِ اسلامی کےدینی کاموں میں حصہ لینے کا ذہن دیا۔

حلقے کے اختتام پر نگرانِ پاکستان مشاورت حاجی محمد شاہد عطاری نے دعا کروائی اور اسلامی بھائیوں سے ملاقات بھی فرمائی۔(رپورٹ: عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

دینِ متین کی تعلیمات کو لوگوں تک پہنچانے والی عاشقانِ رسول کی دینی تحریک دعوتِ اسلامی کے تحت 24 اگست 2023ء بروز جمعرات مدنی مرکز فیضانِ مدینہ منڈی موڑ پاکپتن میں ہفتہ وار سنتوں بھرے اجتما ع کا انعقاد کیا گیا۔

تفصیلات کے مطابق تقریباً 8:45 پر تلاوتِ قراٰنِ پاک سے اجتماع کا آغاز کیا گیا اور نعت خواں اسلامی بھائی نے حضور صلی اللہ علیہ وسلم کی بارگاہ میں نعت شریف کا نذانہ پیش کیا۔

دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نےاس اجتماعِ پاک میں ”دل کا زنگ کیسے دور ہو؟“ کے موضوع پر بیان کیا اور وہاں موجود اسلامی بھائیوں کی دینی، اخلاقی اور تنظیمی اعتبار سے تربیت کی۔

نگرانِ پاکستان مشاورت حاجی محمد شاہد عطاری نے شرکا اسلامی بھائیوں کو دعوتِ اسلامی کے دینی کاموں میں عملی طور پر حصہ لینے اور نیکی کی دعوت دینے کی ترغیب دلائی جس پر انہوں نے اچھی اچھی نیتیں کیں۔ (رپورٹ: عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

فرمانِ امیر اہلِ  سنت: پوچھ گچھ دینی کاموں کی جان ہے۔ اس سلسلے میں دعوتِ اسلامی کے گلگت بلتستان میں قائم مدنی مرکز فیضان ِ مدینہ میں مدنی مشورہ ہو ا جس میں گلگت مشاورت کے نگران اور ذمہ داران نے شرکت کی ۔

یہ مدنی مشورہ نگران پاکستان مشاورت حاجی محمد شاہد عطاری نے فرمایا جس میں رکنِ شوریٰ حاجی یعفور رضا عطاری ، صوبائی نگران حافظ عمران عطاری سمیت دیگر ذمہ داران نے بھی شرکت کی ۔

نگرانِ پاکستان مشاورت نے 12 دینی کاموں کی کار کردگی کا جائزہ لیا جن میں بالخصوص مدنی قافلے اور مدرسۃُالمدینہ بالغان کے حوالے سے گفتگو فرمائی نیز ذمہ داران کی طرف سے کئے گئے سوالات کے جوابات دیئے۔ آ خر میں نگران پاکستان مشاورت نے دعا کروائی جبکہ ذمہ داران سے ملاقات بھی کی۔(رپورٹ: عبدالخالق عطاری نیوز فالو اپ ذمہ دار نگرانِ پاکستان مشاورت،کانٹینٹ:رمضان رضا عطاری)

فیصل آباد کے مدنی مرکز فیضانِ مدینہ میں گزشتہ روز دعوتِ اسلامی کے تحت ہونے والے ہفتہ وار سنتوں بھرے اجتماع کے حوالے سے میٹنگ ہوئی جس میں شعبہ تعلیم اور شعبہ مدرسۃ المدینہ بوائز کے ذمہ دار اسلامی بھائی آن لائن شریک ہوئے۔

میٹنگ میں شریک ذمہ دار اسلامی بھائیوں کی تربیت کے لئے مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے مختلف امور پر کلام کیا اور ذمہ داران کی ذہن سازی کی۔

نگرانِ پاکستان مشاورت حاجی محمد شاہد عطاری نے گفتگو کرتے ہوئے ذمہ دار اسلامی بھائیوں کو ہفتہ وار سنتوں بھرے اجتماع میں شرکا کی تعداد بڑھانے کے متعلق مدنی پھول دیئے جس پر انہوں نے اچھی اچھی نیتوں کا اظہار کیا۔ (رپورٹ: عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

19 اگست 2023ء کو مدنی مرکز فیضانِ مدینہ بہاولپور سٹی میں ماہانہ میٹنگ منعقد ہوئی جس میں نگران ڈویژن مشاورت ڈاکٹر حافظ عبدالرؤوف عطاری نے بہاولپور سٹی کے نگران و ذمہ داران کو 12دینی کاموں کے حوالے سے تربیتی مدنی پھول دیئے ۔

علاوہ ازیں یومِ دعوت اسلامی، یوم ختم نبوت اور بالخصوص ماہ ربیع الاول شریف میں خوب خوب مدنی قافلے سفر کروانے کا ہدف دیا جس پر اسلامی بھائیوں نے اچھی اچھی نیتوں کا اظہار کیا۔( کانٹینٹ :رمضان رضا عطاری)

17 اگست 2023ء کو بروز جمعرات دعوتِ اسلامی کے مدنی مرکز فیضان مدینہ کاہنہ نو لاہور میں عظیم الشان ہفتہ وار سنتوں بھرے اجتماع کا انعقاد کیا گیا جس میں نگران پاکستان مشاورت حاجی محمد شاہد عطاری، اراکین شوریٰ حاجی یعفور رضا عطاری حاجی منصور عطاری  اور حاجی محمد اسلم عطاری سمیت ہزاروں عاشقانِ رسول، ذمہ دارانِ دعوتِ اسلامی اور مختلف سیاسی و سماجی شخصیات نے شرکت کی۔

مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی نے ”امر بالمعروف و نہی عن المنکر“ کے موضوع پر سنتوں بھرا بیان کرتے ہوئے فرمایا کہ ہمیں ہمارے معاشرے، ہماری فیملی، ہمارےرشتہ داروں میں ہونے والی برائیوں کو ختم کرنے کی کوشش کرناہے اور ان میں نیکی کی دعوت کو عام کرنا ہے۔ آپ نے مزید فرمایا کہ برائیوں کو دیکھ کر اس پر تبصرہ کرنے سے بہتر ہے کہ اس کی روک تھام کے لئے کوششیں کریں اور ہمیں اس بات کو ذہن میں رکھنا چاہیئے کہ ہمارے سامنے ہونے والی برائیوں سے ہمیں کچھ فرق نہیں پڑتا بلکہ معاشرے کی برائیوں کا اثر ہر ہر فرد پر پڑھتا ہے۔شرکا کو ترغیب دلاتے ہوئے نگران شوریٰ نے کہا کہ معاشرے کی سُدھار اور اپنی اصلاح کے لئے دعوتِ اسلامی کے مدنی قافلوں میں سفر کریں، ہفتہ وار اجتماع اور مدنی مذاکروں میں شرکت کرنے کے ساتھ ساتھ نیک لوگوں کی صحبت اختیار کریں۔

ذکر اللہ اور ذکرو اذکار کے بعد رقت انگیز دعائیں کی گئیں اور صلوۃ و سلام پر اجتماع کا اختتام ہوا ۔ آخرمیں نگران شوریٰ سے عاشقان رسول نے ملاقات بھی کی۔

ٹرانسلیشن ڈیپارٹمنٹ (دعوت اسلامی) کے تحت 16 اگست 2023ء کو عالمی مدنی مرکز فیضان مدینہ کراچی میں ٹریننگ سیشن کا انعقاد کیا گیا جس میں شعبے کے تمام ٹرانسلیٹرز نے شرکت کی۔

پروفیسر عبد الماجد عطاری نے ” How to improve the Quality of translation“ پر گفتگو کرتے ہوئے کہا کہ ٹرانسلیٹ کرتےوقت ہمیں یہ خیال رکھنا ضروری ہے کہ ہمارا ترجمہ لینگویج اور شرعی اعتبار سے درست ہو اور ترجمہ نگاری کے لئے باصلاحیت اور اہل افراد کا انتخاب کیا جائے۔پروفیسر صاحب نے مزید کہا کہ ترجمہ کرتے وقت ہمیں پورے انہماک، شوق و لگن کے ساتھ اس ذمہ داری کو نبھانا ہے۔ انہوں نے ٹرانسلیٹر کی رہنمائی کرتے ہوئے کہا کہ لفظ کا لفظ سے نہیں بلکہ مفہوم کامفہوم سے ترجمہ کریں، ترجمہ شروع کرنے سے پہلے پورے مضمون کو ایک بار غور سے پڑھ لیں اور ٹرانسلیٹ کرتے وقت اس بات کا خیال رکھا جائے کہ جس ملک کے لئے ٹرانسلیٹ کیا جارہا ہے ان کے قوانین کو بھی مد نظر رکھیں۔